Bardhi po shkonte në punë në ujësjellës dhe, pasi kishte përshkuar rreth një kilometër nga banesa, u sulmua në një prej pikave ku shkonte çdo ditë për të furnizuar fshatin me ujë të pijshëm.

Automjeti “Mercedes-Benz” me të cilin udhëtonte 65-vjeçari u qëllua me breshëri plumbash. Bardhi humbi jetën në vend, ndërsa trupin e tij e gjetën banorët e zonës, të cilët lajmëruan menjëherë policinë.

Dëshmitë e banorëve

Një prej fqinjeve tregon se e kishte parë Viktorin duke kaluar me makinë rreth orës 08:00. Sipas saj, vetëm tre minuta më vonë, në të njëjtin drejtim kaloi edhe një automjet blu.

“Viktori kaloi me makinë në orën tetë. Pas saktësisht tre minutash kaloi edhe makina blu, e cila e ndiqte. I pashë në kamerat e sigurisë së shtëpisë. Fillimisht dëgjuam një krismë dhe më pas breshërinë”, rrëfen banorja.

Ajo thotë se ishte djali i saj ai që njoftoi policinë, pasi e gjeti 65-vjeçarin të pajetë. Fqinje e viktimës e përshkruan Bardhin si një person familjar dhe punëtor.

“Ishte njeri i familjes dhe punonte për të siguruar familjen e tij. Jemi tmerruar. Brenda një kohe të shkurtër kanë ndodhur tre vrasje”, shprehet ajo.

Një tjetër banor tregon se Bardhi shkonte përditë në atë zonë për të hapur furnizimin me ujë të pijshëm.

“Ai vinte çdo ditë për të lëshuar ujin. Sot u përshëndetëm, por nëse do ta dija se ishte hera e fundit, nuk do ta lija të shkonte”, thotë banori.

Ai shpreh shqetësimin për sigurinë në atë pjesë të zonës, duke e cilësuar nënkalimin si një vend të rrezikshëm dhe të përshtatshëm për organizimin e pritave.

“Ky nënkalim paraqet rrezik të madh. Edhe para vrasjes së Viktorit kemi thënë se mund të përdorej si vend prite. Autorët e dinin se ku do të shkonte, e kanë ndjekur dhe më pas i kanë zënë pritë, duke e lënë të vdekur në vend”, deklaron ai.

The post Dëshmitë e fqinjëve për vrasjen e Viktor Bardhit në Mirditë: Një makinë blu e ndoqi, më pas u dëgjua breshëria appeared first on Albeu.com.

Sipas raportimeve, viktima e sotme Viktor Bardhi është vëllai i Martin Bardhit, i cili u vra në një atentat të bujshëm në Rrëshen në shtator të vitit 2023.

Policia ndodhet në vendngjarje dhe ka nisur hetimet për zbardhjen e rrethanave, ndërsa janë ngritur kontrolle dhe po punohet për identifikimin dhe kapjen e autorëve, raporton Elidon Ndreka.

Vrasja e sotme rikthen në vëmendje historikun e përplasjeve të përgjakshme që kanë tronditur prej vitesh Mirditën, ndërsa hetuesit pritet të verifikojnë edhe nëse ekziston ndonjë lidhje mes ngjarjes së sotme dhe atentatit ndaj Martin Bardhit.

Policia dha më tepër informacion për ngjarjen e rëndë.

Mirditë/Informacion paraprak

Rreth orës 09:00, në fshatin Ndërfushas, është gjetur i pajetë në automjetin e tij, shtetasi V. B., rreth 65 vjeç, i cili dyshohet se është vrarë me armë zjarri.

Grupi hetimor ndodhet në vendngjarje dhe në drejtimin e Prokurorisë, vijon punën për zbardhjen dhe dokumentimin e rrethanave të ngjarjes.

The post Dyshohet se u përdor nga autorët e ekzekutimit të Viktor Bardhit, gjendet i shkrumbuar Audi A4 (FOTO+VIDEO) appeared first on Albeu.com.

Viktor Bardhi ishte vëllai i Martin Bardhit, i cili u vra në vitin 2023 në Rrëshen. Vrasja e Martin Bardhit, u pasua nga një seri zhvillimesh të rënda kriminale në zonën e Mirditës dhe u shoqërua me dyshime për konflikte të vjetra dhe hakmarrje.

Pikërisht kjo histori është një prej pistave që pritet të verifikohet nga hetuesit edhe për atentatin e sotëm ndaj Viktor Bardhit.

Megjithatë, deri në këto momente, autoritetet nuk kanë konfirmuar zyrtarisht motivin e vrasjes.

Pas atentatit, policia ka nisur një operacion për identifikimin dhe kapjen e autorëve.

Hetimet vijojnë për zbardhjen e plotë të ngjarjes.

Kush ishte Martin Bardhi?

Martin Bardhi, ka qene person i njohur për drejtësinë shqiptare, pasi ka qene një nga personat që ka tentuar të vrasë Saimir Recin, nipin e Kastriot Reçit, edhe ky i eliminuar më parë.

Shkak i konfliktit mes Enrik Bardhit (djalit të Martin Bardhit) dhe Saimir Reçit, ishte bërë parakalimi me makinë në rrugën kryesore të qytetit, që është shoqëruar dhe me të shtëna me arme zjarri.

Saimir Reçi dhe Enrik Bardhi, kanë zbritur nga automjetet dhe janë përplasur fizikisht me njëritjetrin në mes të qytetit.

Më pas, Enrik Bardhi ka shkuar në banesë dhe së bashku me të atin, Martin Bardhi kanë marrë një armë zjarri pistoletë dhe kanë qëlluar në drejtim të automjetit me të cilin lëvizte nipi i Kastriot Reçit, pronarit të televizionit lokal në Lezhë, i vrarë me snajper në muajin janar të vitit 2021 në Rrëshen.

The post Kush është Viktor Bardhi, vëllai i Martin Bardhit të vr*rë tre vite më parë për hakmarrje appeared first on Albeu.com.

Mësohet se të shtënat janë regjistruar në fshatin Ndërfushas, ndërsa viktimë ka mbetur Viktor Bardhi.

Sipas raportimeve 67-vjeçari Bardhi u gjet i pajetë brenda në automjet.

Ende nuk ka informacione në lidhje me ngjarjen, ndërsa policia dhe grupi hetimor kanë shkuar në vendin e ngjarjes dhe po punojnë për zbardhjen e rrethanave të krimit.

The post E rëndë/ Qëllohet për vdekje një person në Mirditë (EMRI) appeared first on Albeu.com.

Sipas policisë, ngjarja ndodhi në aksin rrugor Lurë–Rrëshen, në fshatin Kurbnesh. Automjeti drejtohej nga Arli Kaçorri, rreth 20 vjeç, ndërsa në të ndodhej edhe Klaudio Ndoj, po 20 vjeç dhe një 15-vjeçar.

Kaçorri dyshohet se humbi kontrollin e makinës. Si pasojë automjeti doli nga rruga duke përfunduar në greminë.

Fatkeqësisht, Ndoj ndërroi jetë në vendin e ngjarjes, ndërsa shoferi dhe pasagjeri i mitur u dërguan në gjendje të rëndë në spitalin e Traumës.

The post Aksidenti me një viktimë dhe dy të lënduar në Mirditë, ky është 20-vjeçari që humbi jetën (EMRI) appeared first on Albeu.com.

Mësohet se duhet të ketë qenë një makinë që ka lëvizur në këtë aks që ka parë makinën në greminë dhe ka njoftuar policinë për aksidentin e rëndë.

Ndërkohë dalin fotot dhe pamjet e makinës së aksidentuar që i mori jetën 20-vjeçarit Claudio Ndoj që udhëtonte si pasagjer në makinë, ndërsa drejtuesi i automjetit, gjithashtu 20 vjeç Arli Kacorri, dhe pasagjeri tjetër, një 15-vjeçar, kanë mbetur të plagosur rëndë.

Është dashur ndërhyrja e forcave zjarrfikëse për të nxjerrë trupat nga makina dhe transportuar në ambulancë, por dhe për të tërhequr makinën.

Dyshimet e para janë se shkak i aksidentit mund të ketë qenë shpejtësia tejnormave ndërsa kujtojmë se aksi ku ndodhi aksidenti është një segment me kthesa të forta e terren, terren të thepisur dhe në anë të rrugës ka gremina.

The post Aksidenti i rëndë në Mirditë/ Identifikohen tre të rinjtë, një i vdekur, dy të plagosur rëndë appeared first on Albeu.com.

Sipas përditësimit të orës 08:00 të datës 22 gusht, në Bashkinë Kurbin nuk raportohen probleme.

Në Bashkinë Lezhë, zjarri i ardhur nga fshati Vrrith i Pukës vijon të jetë aktiv në malin e Kashnjetit, në drejtim të fshatrave Kashnjet dhe Kalivaç.

Vatra po monitorohet nga 3 punonjës të shërbimit pyjor dhe 4 persona të njësisë administrative. Terreni i vështirë nuk mundëson ndërhyrjen me mjete zjarrfikëse.

Ndërkohë, në Bashkinë Mirditë, vijon të jetë aktive vatra e zjarrit në fshatin Tenë, në Njësinë Administrative Rrëshen.

Prej orës 06:30, po punohet për vënien nën kontroll të flakëve, me forca të Forcave të Armatosura, mjete zjarrfikëse, punonjës të shërbimit pyjor dhe struktura të bashkisë.

Vatra në fshatin Perlat i Epërm, në Njësinë Administrative Kthellë, vijon të jetë nën monitorim, ndërsa në fshatin Shtuf, në Njësinë Administrative Kaçinar, zjarri mbetet aktiv. Autoritetet bëjnë me dije se në këtë zonë nuk ka rrezik për banesat.

Sa i përket situatës në infrastrukturë, furnizimi me ujë të pijshëm dhe energji elektrike vijon normalisht. Akset rrugore kombëtare dhe rurale janë të kalueshme, ndërsa raportohet trafik i rënduar në qytetin e Lezhës dhe në aksin nacional Laç-Lezhë-Shkodër.

Niveli i lumenjve Drin dhe Mat vijon të jetë në nivele minimale.

The post Vijojnë zjarret në Lezhë dhe Mirditë/ Situata më problematike në fshatin Tenë, vatra aktive edhe në malin e Kashnjetit appeared first on Albeu.com.

Për të përballuar situatën, në terren u mobilizuan ekipe zjarrfikëse, forca të ushtrisë dhe njësi të tjera emergjente. Për shkak të relievit të thyer dhe të vështirë, operacioni u mbështet nga ajri me ndërhyrjen e dy helikopterëve, të cilët kryen hedhje uji mbi vatrat e zjarrit.

Pas përpjekjesh intensive disaorëshe, rreziku për shtëpitë u tejkalua dhe situata u stabilizua. Megjithatë, zjarri ende nuk është shuar tërësisht; disa vatra mbeten aktive, duke i detyruar ekipet zjarrfikëse të qëndrojnë në alarm të plotë për të parandaluar rindezjen e flakëve.

Kryetari i Bashkisë Mirditë, Albert Melyshi, dhe Ipeshkvi i Dioqezës së Rrëshenit, Dom Gjergj Meta, ngritën shqetësimin se zjarret mund të jenë vënë qëllimisht, duke hedhur dyshime mbi natyrën e tyre të përsëritur.

Ministri i Mbrojtjes, Ermal Nufi, ndodhej në zonat e prekura për të vëzhguar nga afër ecurinë e operacionit. Gjatë një deklarate për mediat, ai theksoi se bashkëpunimi ndërmjet autoriteteve qendrore dhe atyre lokale ishte vendimtar për të shmangur një tragjedi më të madhe. “Para dy orësh në fshatin Tenë, gjendja ishte tejet kritike për shkak të një vatre zjarri shumë agresive,” u shpreh ministri Nufi. Ai sqaroi se forcat bashkiake dhe zjarrfikësit vendorë mbërritën menjëherë dhe u kërkua asistencë ajrore. “Arritëm të angazhonim dy helikopterë të Forcës Ajrore për të ndërhyrë, pasi terreni i thyer e bënte të vështirë punën nga toka. Tani situata është nën kontroll, por është shqetësuese që në Mirditë raportohen çdo ditë dy deri në tre vatra zjarri. Kjo gjë bie ndesh me çdo logjikë njerëzore. Megjithatë, identifikimi i shkaqeve mbetet detyrë e Policisë,” shtoi ai.

Masivet pyjore janë përshkuar nga një sipërfaqe e madhe flakësh, duke lënë pas dëme të konsiderueshme në ekosistem. Autoritetet po monitorojnë pa ndërprerje situatën dhe kanë konfirmuar se operacioni do të vazhdojë deri në neutralizimin e plotë të çdo vatre zjarri.

The post Zjarret në Mirditë detyrojnë evakuime, flakët kërcënuan tre fshatra, autoritetet dyshojnë për zjarrvënie të qëllimshme appeared first on Albeu.com.

Për menaxhimin e situatës në terren janë angazhuar punonjës të Bashkisë Mirditë, strukturat e Emergjencave Civile dhe shërbimet zjarrfikëse, të cilat po përpiqen të izolojnë vatrën dhe të ndalojnë përparimin e zjarrit.

Ndërhyrja po vështirësohet ndjeshëm nga relievi i thyer malor, pasi në disa pjesë mjetet zjarrfikëse nuk mund të depërtojnë.

Banorë të zonës u janë bashkuar forcave të angazhuara, duke ndihmuar në përpjekjet për kufizimin e flakëve.

Të dhënat e raportuara sot konfirmojnë se vatra në Lufaj vijon të jetë aktive, ndërsa ekipet në terren po punojnë për shuarjen e saj.

The post Vatra e zjarrit në Lufaj të Mirditës ende aktive, terreni malor pengon ndërhyrjen appeared first on Albeu.com.

Nga të dhënat paraprake të Policisë bëhet e ditur se ngjarja ndodhi rreth orës 20:00, pranë fshatit Fan. Shtetasi kosovar me iniciale L. D., teksa drejtonte motomjetin e tij, dyshohet se humbi kontrollin dhe përfundoi jashtë rrugës.

I plagosuri u dërgua me urgjencë në Spitalin e Rrëshenit për të marrë ndihmë mjekësore. Megjithatë, pavarësisht ndërhyrjes së mjekëve, ai nuk mundi t’u mbijetonte dëmtimeve dhe ndërroi jetë.

Grupi hetimor vijon punën në vendin e ngjarjes për të përcaktuar shkakun e aksidentit dhe për të sqaruar plotësisht rrethanat në të cilat ai ndodhi.

The post Tragjedi në Rrugën e Kombit, aksidentohet de vdes 38-vjeçari nga Kosova appeared first on Albeu.com.