Ekzekutivi kosovar ka miratuar një sërë vendimesh, ndër të cilat spikat aprovimi i marrëveshjes për shtrirjen e rrjetit të ngrohjes qendrore në kryeqytet, një projekt ky i mbështetur nga një grant në shumën 17.2 milionë euro.

Kryeministri në detyrë Albin Kurti e cilësoi këtë marrëveshje, që do të nënshkruhet mes Ministrisë së Financave, kompanisë “Termokos” dhe Bankës Evropiane të Investimeve, si një ndër nismat më jetike infrastrukturore në fushën e energjisë.

Sipas tij, ky veprim i hap udhën finalizimit të një partneriteti financiar thelbësor për të quar përpara një projekt me pasoja konkrete në përmirësimin e jetës së banorëve.

Nga ana e tij, ministri në detyrë i Financave, Hekuran Murati, theksoi se ky investim do të bëjë që përqindja e qytetarëve të mbuluar nga ngrohja qendrore në Prishtinë të kapërcejë pragun e 50 për qind. Ai shtoi se nisma synon shtrirjen e tubacioneve drejt lagjeve dhe përdoruesve të rinj, duke rritur ndjeshëm cilësinë dhe besueshmërinë e shërbimit. Për më tepër, Murati nënvizoi se projekti pritet të japë një kontribut të rëndësishëm në luftën kundër ndotjes atmosferike, duke ulur varësinë nga energjia elektrike dhe lëndët e tjera djegëse për ngrohje.

Në të njëjtën mbledhje, Qeveria dha pëlqimin edhe për Marrëveshjen Ndërkombëtare me Bashkimin Evropian për pjesëmarrjen në zonën “EU Roam Like Home”, një hap i domosdoshëm për zbatimin e plotë të legjislacionit evropian të roaming-ut.

Gjithashtu, u miratua kërkesa e Agjencisë Pyjore të Kosovës për dhënien me qira të një zone për nxjerrjen dhe përpunimin e gurit gëlqeror, me një afat 15-vjeçar. Në listën e akteve të aprovuara përfshihen edhe Projektrregullorja për procedurat e rekrutimit të zjarrfikësve, vendimi për t’i kaluar Ministrisë së Drejtësisë një truall rreth 30 ari në pronësi të Ndërmarrjes së Pyjeve në Prizren, si dhe Korniza për Ngritjen e Kapaciteteve Digjitale në administratën qendrore.

The post Qeveria jep dritën jeshile për zgjerimin e ngrohjes qendrore, mbulimi do të kalojë 50% appeared first on Albeu.com.

Pas përfundimit të fazës së konsultimeve publike, ministri i Administrimit të Pushtetit Lokal, Elbert Krasniqi, njoftoi nënshkrimin e Rregullores së Brendshme për Mbrojtjen e të Dhënave Personale.

Dokumenti i ri përmbush një detyrim që rrjedh nga kuadri ligjor në fuqi dhe vendos rregullat teknike e organizative për trajtimin e të dhënave personale të punonjësve të MAPL-së, theksoi ai.

Krasniqi deklaroi se me këtë veprim, Ministria ripohon angazhimin për zbatimin e detyrimeve ligjore, mbrojtjen e të dhënave, rritjen e sigurisë së informacionit, transparencën institucionale dhe respektimin e privatësisë së zyrtarëve dhe qytetarëve.

Teksti i plotë i rregullores tashmë është bërë publik në faqen zyrtare të Ministrisë së Administrimit të Pushtetit Lokal, bëri të ditur ministri.

The post Miratohet Rregullorja për të Dhënat Personale, Krasniqi: Forcojmë sigurinë dhe privatësinë appeared first on Albeu.com.

Lamallari theksoi se një nga vendimet kyçe, ka të bëjë me miratimin e një pakete të plotë mbështetëse për familjet e punonjësve të Policisë së Shtetit që humbasin jetën ose plagosen në kryerjen e detyrës.

Sipas tij, kabineti qeveritar vlerësoi domosdoshmërinë e përcaktimit të qartë të masës, procedurave dhe rregullave për trajtimin ekonomiko-financiar të këtyre kategorive.

Paketa parashikon një ndihmë të menjëhershme që shkon deri në vlerën e 10 pagave mujore bruto për efektivin e vdekur, si dhe një pension familjar shtesë.

Po ashtu, fëmijët e punonjësve të rënë do të përfitojnë bursa të plota arsimore si për sistemin parauniversitar, ashtu edhe për universitetin.

Lamallari shtoi se vendimi zgjidh edhe çështjen e strehimit, duke u akorduar banesa falas familjarëve, bashkëshortëve dhe të miturve.

Këto banesa do të sigurohen nga Enti Kombëtar i Banesave, nga projektet e mbikëqyrura nga Korporata e Investimeve ose nga pasuritë e paluajtshme të sekuestruara nga aktivitetet e krimit të organizuar.

Një tjetër lehtësi për familjarët do të jetë edhe punësimi me përparësi.

Ministri bëri të ditur gjithashtu edhe një vendim tjetër që lidhet me pikat e përbashkëta të kalimit kufitar me Maqedoninë e Veriut.

Ky projekt synon kryerjen e aktiviteteve të përbashkëta mes autoriteteve kufitare për të lehtësuar ndjeshëm lëvizjen e udhëtarëve, automjeteve dhe kamionëve.

“Po e shohim si një mënyrë për të rritur cilësinë e turizmit dhe fuqizuar ekonominë”, u shpreh Lamallari, duke sqaruar se do të shfrytëzohet faza e testimit para ratifikimit në parlament për të thjeshtuar kalimin në praktikë të qytetarëve dhe mallrave.

Nga ana e tij, ministri Nufi, konfirmoi se javën e ardhshme do të miratohet angazhimi për dërgimin e oficerëve të shtabit shqiptar në Gaza.

Duke iu referuar një shqyrtimi të situatës atje, ai siguroi se Shqipëria do të jetë pjesë e këtyre forcave. Për sa i përket Samitit të NATO-s, Nufi sqaroi se vendimi për mbajtjen e tij bëhet nga liderët e vendeve anëtare dhe se organizimi i një evenimenti të tillë në Shqipëri do të mund të ndodhte potencialisht në vitin 2027, por se detajet nuk janë përcaktuar ende.

The post Miratohet paketa mbështetëse për familjet e efektivëve të rënë e të plagosur në krye të detyrës appeared first on Albeu.com.

Vendimi ka të bëjë me hapjen e negociatave me Kosovën, Shqipërinë, Bosnje dhe Hercegovinën, Malin e Zi, Maqedoninë e Veriut dhe Serbinë për roaming-un në rrjetet publike të komunikimeve mobile.

Këshilli i BE-së pritet që të enjten, më 4 qershor, ta miratojë zyrtarisht vendimin, dhe më pas mund të nisin negociatat me secilin shtet të rajonit në mënyrë individuale.

Nga Presidenca qipriote e Bashkimit Evropian, u tha se mbështesin fuqishëm rrugën evropiane të Ballkanit Perëndimor, informon REL.

“Zgjerimi i zonës pa roaming është një shenjë e qartë e përkushtimit tonë ndaj rajonit. Mirëpresim miratimin formal të vendimit me të cilin autorizohet hapja e negociatave për marrëveshjet”, deklaroi një zëdhënës i Presidencës që udhëhiqet nga Qiproja.

Komisioni Evropian në muajin shkurt, kishte propozuar heqjen e roaming-ut për Ballkanin Perëndimor.

“Roam Like at Home” (Pa tarifa shtesë) zbatohet në shtetet anëtare të BE-së dhe në vendet e Zonës Ekonomike Evropiane. Në janar të këtij viti, rregullorja është zgjeruar edhe për Ukrainën dhe Moldavinë, edhe pse këto vende nuk janë anëtare të BE-së.

Zyrtarët evropianë presin që negociatat të përfundojnë deri në fund të këtij viti. Në një skenar ideal, roaming-u midis vendeve të Ballkanit Perëndimor dhe BE-së mund të hiqet që vitin e ardhshëm.

Megjithatë, zyrtarët evropianë theksojnë se gjithçka varet nga gatishmëria e vendeve të rajonit për të përparuar në këto negociata.

“Roam Like at Home” përfaqëson një nga politikat më të suksesshme të Bashkimit Evropian të dedikuara qytetarëve të tij. Ai është në fuqi që nga viti 2017.

Bëhet fjalë për një rregullore të Komisionit Evropian që mundëson përdorimin e telefonave celularë në shtetet e tjera anëtare me të njëjtat çmime si në vendin e origjinës.

Kjo do të thotë se gjatë përdorimit të telefonit celular në zonën e BE-së nuk ka kosto shtesë për thirrje, SMS dhe përdorimin e internetit, por aplikohen tarifat e vendit të origjinës. I njëjti rregull vlen edhe për thirrjet dhe mesazhet që përdoruesit i marrin gjatë qëndrimit jashtë vendit. Aktualisht, internet eSIM, po perdoret si opcion i sherbimeve roaming ne Ballkan dhe me gjere.

The post Përfiton dhe Shqipëria, miratohet nisja e negociatave për heqjen e roaming-ut mes BE-së dhe Ballkanit Perëndimor appeared first on Albeu.com.

Projektligji u votua nme 113 vota pro dhe vetëm 1 abstenim, votë e deputetit të Lëvizja Bashkë, Redi Muçi.

Javën tjetër pritet që kryeministri Rama të udhëtojë në SHBA, ku do të marrë pjesë në Shtëpinë e Bardhë në tryezën e Bordit, tryeza e parë ku Trump do të shpalosë planin e tij për të konkretizuar paqen dhe rindërtimin e Gazës.

The post Miratohet në parlament pjesëmarrja e Shqipërisë në “Bordin e Paqes” me 113 vota pro appeared first on Albeu.com.

Hapi i radhës është miratimi i aderimit nga Kuvendi i Shqipërisë, ku pritet që çështja të shqyrtohet dhe të votohet të martën që vjen në një seancë të posaçme.

Pak ditë më parë Shqipëria mori ftesë zyrtare nga presidenti Trump për të qenë pjesë e Bordit të Paqes për Gazën.

The post Miratohet aderimi i Shqipërisë në ‘Bordin e Paqes’, pritet votimi në Kuvend appeared first on Albeu.com.

“Në emër të grupit të PS dua përgëzoj qeverinë për sjelljen në Kuvend jo vetëm të buxhetit më të madh në historinë e Shqipërisë, por mbi të gjitha për faktin se kjo shumicë kryeministri dhe qeveria, populli na besoi për të rritur me këtë buxhet, rritjen e pensioneve.

E dimë të gjithë, pensionet janë pjesa më e vështirë e politikës financiare të një vendi, besoj se bashkëndani dhe ju vlerësimin bashkë me ne, Shqipëria nuk është ai vendi që mezi rri në këmbë. Pensionistët do marrin në dhjetor bonusin, pro do kemi një rritje të shtirë gjatë 12 muajve. Nga 1 janari rritet paga miminale në 500 euro dhe nga ajo që do të lexoni në buxhet, jo vetëm pensionistët do marrin 100 mln euro më shumë. Më 11 dhjetor duhet të votohet në tërësi”, tha Balla.

Opozita mbajti qëndrimin e saj se buxheti, duhej tërhequr dhe duhej sjellë në Kuvend bashkë me paketën fiskale, e cila ende nuk është depozituar.

Zhupa e ka quajtur projekt buxhetin e vitit 2026, si një buxhet i vjedhjes së madhe të shqiptarëve për xhepat e qeveritarëve.

Ajo shtoi se çdo firmë e hedhur nga anëtarët e qeverisë Rama, është një tender apo koncesion për pasurimin e tyre në kurriz të qytetarëve.

“Në këtë parlament ndodh çudi, vjen projekt buxheti por nuk shoqërohet siç e kërkon rregullorja me paketën fiskale. Këtu vijnë se si do të shpenzohen paratë e shqiptarëve, por nga do të dalin këto para, politikat për taksat e tatimet që të kuptojmë nëse kemi buxhet të balancuar apo do të kërkojë deficit të tepruar nëq Shqipëri.

Atë që kërkon rregullorja e Kushtetuta, këta nuk e zbatojnë. Ne jemi kundër buxhetrit të vjedhjes së madhe, që numk nxjderr shqiptarëtr nga varfëria, që iu jep më shumë para koncesionarëve dhe ministrave tuaj. E kemi parë se çdo frimë,e vulë është një koncesion.

50 mln në Llogara, koncesioni i Shëndetësisë, check upe që nxjerrin burrat me barrë. Të dhënat që janë zyrtare, që vijnë në krahasim nga Eurostat dhe merr të dhëna të shtrembëruara nga INSTAT i juaj tregon se jemi kampion në rajon dhe Evropë se kemi 40.5 % të popullsisë në varfëri.

Premtimi juaj për pensionit është 60 lekë në ditë për pens në qytet dhe 20 lekë në ditë për pensionstin në fshat.

Çfarë mund të bëjë? Ju mund të bëni propagandë të madhe me këtë rritje, por pensionistët nuk bëjnë asgjë, nuk garantojnë jetesë më të mirë, ilaçe apo sistem më të mirë përkujdesi. Tërhiqeni buxhetin dhe silleni me paketën fiskale”, tha Zhupa.

Por, me votat e socialistëve u miratua kalendari për pr.buxhetin 2026.

The post Kalendari i projektbuxhetit 2026 miratohet me votat e mazhorancës, opozita kundër appeared first on Albeu.com.

“Kush ka pension deri ne 20 mijë lekë do të marrin 15 mijë lekë, dhe kush ka pension mbi 20 mijë lekë do të marrin bonus fundviti 10 mijë lekë”, tha Petrit Malaj.

Në rishikimin e buxhetit 2025, qeveria ka parashikuar që Pensionsitët këtë fundvit, do të kenë një buxhet më të madh të dedikuar nga qeveria, përsa i përket bonusit të përvitshëm.

Ky buxhet është 5.9 miliardë lekë. Bonusi i fundvitit, do të shpërndahen për rreth 756 mijë pensionistë në muajin Dhjetor.

The post Festat e fundvitit/ Miratohet bonusi, ja sa lekë do të marrin pensionistët appeared first on Albeu.com.

Në fund, kuvendi miratoi kalendarin trejavor, teksa opozita bojkoit votimin. Ky votim, i hap rrugë punës së komisioneve parlamentare.

Gjatë kësaj seancë u miratua edhe procesverbali i seancës plenare të datës 24 shtator, ku u miratua përbërja e komisioneve të përhershme parlamentare.

Më herët u mblodh dhe Konferenca e Kryetarëve, ku Partia Demokratike paraqiti dy kërkesa: Mocion me Debat mbi programin e qeverisë për katër vitet e ardhshme dhe gjithashtu përsëritjen e seancës plenare ku u prezantua programi i qeverisë.

Konferenca e Kryetarëve nuk arriti dakortësinë për programin, ç`ka do të thotë se programi i kalon seancës për miratim.

Në nisje të punimeve, deputetja e Partisë Demokratike, Jorida Tabaku dhe deputeti Flamur Noka, kërkuan të rishihet programi i Kuvendit.

Deputetja e PD, Jorida Tabaku, tha se Komisioni për Monitorimin e Institucioneve të Pavarura, është antikushtetues dhe në shkelje të rregullores së Kuvendit.

Tabaku shtoi se opozita ka kërkuar mocion për kryetarin e Parlamentit, debat për programin e qeverisë dhe interpelancë për integrimin në BE.

“Ne duhet të fokusohemi te kërkesat e diskutuara në Konferencën e Kryetarëve dhe përgjegjësja e komisioneve duhet të respektojë Rregulloren”, tha ajo.

“Grupi parlamentar i PD ka kërkuar një mocion për kryetarin e Parlamentin dhe një mocion me debat për programin e qeverisë dhe një interpelancë për programin e qeverisë për integrimin në BE.

Mendoj që duhet të fokusohemi te kërkesat që u diskutuan në Konferencën e Kryetarëve. Ne e patëm një debat në Konferencën e Kryetarëve për përgjegjësinë e komisioneve parlamentare. Komisioni për monitorimin e institucioneve të pavarura është antikushtetues dhe në shkelje të Rregullores së Kuvendit. Ka vetëm një komision përgjegjës, ashtu si e thotë Rregullorja në nenet 37 dhe 38, Komisioni Përgjegjës mban përgjegjësi për raportimin e institucioneve. Nuk ka komisione parlamentare të rëndësisë së parë dhe të dytë, të gjithë kanë të një rëndësi”, tha Tabaku.

Deputeti Flamur Noka tha se seancat po zhvillohen “sa për të thënë”.

“Seanca përçudnuese 5-minutëshe që i zhvilloni sa për të thënë që ka seancë, ndërkohë që presim që kryeministri të flasë për programin e qeverisë. T’u thonë shqiptarëve se çfarë kanë ndërmend të bëjnë. Zhvilloni seancë pas seance sa për të thënë”, theksoi Noka.

Kreu i grupit parlamentar të Partisë Socialiste, Taulant Balla, kërkoi që të mos shkelet Rregullorja duke nisur seancën me debat për procesverbalin.

“Seanca plenare nis me miratim procesverbali dhe kur s’ka vërejtje, quhet i miratuar. Fjala u jepet vetëm deputetëve që propozojnë korrigjim”, sqaroi Balla.

Kreu i grupit socialist tha se ajo që po ndodh në seancën e sotme është e paprecedentë.

“Kemi mbi 20 minuta që dëgjojmë këtu diskutantë që s’kanë thënë asnjë fjalë për fjalimin e tyre historik të para disa ditëve. Po ndodh një precedent që nuk ka ndodhur ndonjëherë; nuk ka pasur diskutime të këtij lloji në këtë pikë të rendit të ditës. Diskutimet ndodhin pas miratimit të procesverbalit”.

Sipas Ballës, sot ka pasur një diskutim shumë të mirë në Konferencën e Kryetarëve, por ai kërkoi që në këtë seancë të zbatohet Rregullorja.

“Tani pak durim. Le të shkojmë tek ajo pikë dhe aty është autorizuar kryetari i grupit parlamentar të marrë fjalën. T’i japim fund këtij standardi të çuditshëm, që nuk mbahet mend, Kuvendi të nisë me debat për proceverbalin, kur kjo është pjesa më e rregulluar e Rregullores. Merr fjalën dhe thua që kam marrë fjalën dhe ma kanë thënë gabim”, deklaroi Balla gjatë seancës.

Pas këtij diskutimi, Kuvendi miratoi me votat e mazhorancës procesverbalin e seancës së shkuar plenare. Kuvendi miratoi në seancën e 24 shtatorit me 94 vota pro, 3 abstenime dhe 1 kundër projektvendimin “Për caktimin e përbërjes së komisioneve të përhershme të Kuvendit”, si dhe miratoi me 87 vota pro, 4 abstenime dhe 2 kundër projektvendimin “Për caktimin e anëtarëve zëvendësues në përbërjen e komisioneve të përhershme të Kuvendit”.

Edhe për pikën e dytë të rendit të ditës pati debate. Opozita shprehu shqetësim për depozitimin e 19-të projektligjeve në një ditë.

Deputetja e Partisë Demokratike Ina Zhupa, vuri në dukej se mazhoranca, ka sjellë 19 projektligje brenda ditës për diskutim dhe pa i kaluar në debat.

Nga krahu tjetër, ministri i Shtetit për Marrëdhëniet me Parlamentin, Toni Gogu deklaroi sot në seancën plenare në Kuvend se, shqyrtimi i 19 projektligjeve të depozituara rishtaz lidhet vetëm me një objektiv: integrimin e vendit në Bashkimin Evropian.

Pas kësaj, kreu i Kuvendit Niko Peleshi thirri një folës pro dhe një kundër mbi programin e Kuvendit. Sekretari i Përgjithshëm i Partisë Demokratike, deputeti Flamur Noka deklaroi sot në seancën plenare në Kuvend se, mazhoranca synon që çdo seancë ta kthejë në farsë.

Teksa kreu i Grupit Parlamentar të Partisë Socialiste, Taulant Balla deklaroi se ka programi trejavor duhet votuar pasi i hap rrugë vijimit normal të punës në Kuvend.

Pas diskutimeve, Kuvendi u thirr në votim dhe me votat e mazhorancës u miratua programi trejavor i punimeve, duke i hapur rrugë punës së Komsioneve Parlamentare.

The post Miratohet kalendari 3-javor i Kuvendit, opozita bojkoton votimin appeared first on Albeu.com.

Pas debateve dhe diskutimeve mes palëve, ka nisur dhe votimi për rendin e ditës: ndryshimet në Komisione dhe drejtuesit e tyre.

Ndërkaq, opozita ka zgjedhur që të braktisë seancën dhe është larguar nga Kuvendi pasi ka nisur votimi.

The post Opozita braktisi votimin, ndryshimi i rregullores së Kuvendit miratohet me 79 vota pro appeared first on Albeu.com.