Për realizimin e saj kanë marrë pjesë edhe shokë të klasës, nxënës të shkollës Industriale Pavarësia ku dy të rinjtë mësonin çdo ditë.

Një murale në përkujtim të të ndjerëve Luan Llanaj, 19-vjeç, si dhe Tomor Mbrati, 17-vjeç. Shok dhe miq të viktimave, po punojnë tashmë prej disa ditësh, në përfundimin e kësaj vepre, në përkujtim të miqve të tyre. Ajo është realizuar me bojëra, në vendin ku dy të rinjtë humbën jetën.

Luan Llanaj, dhe Tomor Mbrati, humbën jetën tragjikisht pasi po ktheheshin në shtëpi me motor, kur goditën një prej shtyllave të ndriçimit rrugor.

Dy të rinjtë, më pas u përplasën në tokë, ku 19-vjecari Llanaj, gjeti vdekjen në vend në mënyrë tragjike.

Ndërsa të miturit Mbrati, iu dha ndihma e parë, u transportua në spitalin e Vlorës me shenja jete dhe më pas u nis drejt Traumës në Tiranë, por pa mundur dot të shpëtojë.

Në vendin e ngjarjes edhe sot ka shenja të aksidentit tragjik, teksa nuk mungojnë as tufat me lule dhe qirinjtë në përkujtim të dy viktimave.

Të dy ishin nxënës të shkollës Industriale Pavarësia, një prej shkollave profesionale në qytet.

Ndërkohë që për të mbajtur familjen punonin në një servis, nga ku me rrogën e parë të punës, ishte blerë edhe motori që i mori jetën.

Një prej djemve ishte shtylla kryesore e familjes, që megjithëse në moshë të vogël punonte për të mbajtur me të ardhura familjen e tij. Të rinj shumë afër punës, të aftë profesionalisht, të urtë dhe djem pa probleme.

The post Dy të rinjtë humbën tragjikisht jetën me motor në Vlorë, miqtë u bëjnë një murale në vendin e aksidentit (VIDEO) appeared first on Albeu.com.

Në listën e miratuar nga Rama, natyrisht, nuk mungojnë as kësaj radhe “dhuratat” që kryeministri i Shqipërisë u bën miqve të tij ose njerëzve publikë, të cilët nuk i kursejnë elozhet për qeverisjen e tij.

Dembacaj, nga aktore në ndërtuese

Aktorja Rudina Dembacaj, pas lidhjes që krijoi me ish-deputetin aleat të Ramës, Mark Frrokun, është shndërruar në biznesmene duke përfituar një leje ndërtimi për park eolik në Pukë.

Në njoftimin e KKT-së thuhet se u miratua “Leje Zhvillimi për objektin: “Ndërtimin e impiantit gjenerues të energjisë elektrike eolike, me kapacitet të instaluar 2 MW dhe veprave ndihmëse”, me vendndodhje në zonën e Kçirës, Bashkia Pukë, me subjekt zhvillues shoqërinë “Dembacaj 2020” sh.p.k”.

Shoqëria “Dembacaj 2020” është krijuar në qershor të vitit 2020 dhe është në pronësi 100 përqind të aktores Rudina Dembacaj. Objekti i kompanisë është “veprimtari në fushën e ndërtimit të përgjithshëm….etj.”

Një vit pas krijimit të saj, më konkretisht në Maj të vitit 2021, Ministria e Infrastrukturës Belinda Balluku firmosi “miratimin paraprak” për projektin e Dembacajt për ndërtimin e një impianti gjenerues të energjisë elektrike eolike.

Tashmë, projekti i miratuar paraprakisht nga Balluku, mori edhe firmën e kryeministrit Edi Ramë, në cilësinë e Kryetarit të Këshillit të Rregullimit të Territorit.

Të njëjtin rrugëtim ka kryer edhe shoqëria “A.M-L” shpk, në pronësi të bashkëshortit të Dembacajt, ish-deputetit Mark Frroku.

Këshilli i Rregullimit të Territorit, pra, Edi Rama, ka miratuar në të njëjtën ditë, “Leje Zhvillimi për objektin: “Ndërtimin e impiantit gjenerues të energjisë elektrike eolike, me kapacitet të instaluar 2 MW dhe veprave ndihmëse”, me vendndodhje në zonën e Kçirës, Bashkia Pukë, me subjekt zhvillues shoqërinë “A.M-L Group” sh.p.k”.

Shoqëria përfituese e lejes është në pronësi të Mark Frrokut dhe me administratore Rudina Dembacaj.

Projekti i kompanisë së Frrokut është miratuar paraprakisht nga Ministrja e Infrastrukturës, Belinda Balluku.

Nuk është e qartë nëse bëhet fjalë për të njëjtin impiant gjenerues, pasi aplikimi, miratimi paraprak dhe leja e ndërtimit për projektet e “Dembacaj 2020” dhe “A.M-L” shpk, janë kryer njëkohësisht.

Por, duke mbajtur në konsideratë se këto projekte janë pika më vete në vendimet e Këshillit Kombëtar të Territorit, atëherë mund të konsiderohet se janë dy objekte të ndryshme.

Dudaj, nga bota e librave tek kullat

Arlinda Dudaj është drejtuese e një prej shtëpive botuese më të rëndësishme në Shqipëri.

Ajo është gjithashtu edhe një mikeshë e kryeministrit Edi Rama. Të paktën, kështu e prezantoi vetë Rama, gjatë një bisede në “podcast-in” e tij, të zhvilluar në Korrik të këtij viti.

Dudaj rezulton, ndër të tjera, anëtarë e Këshillit Mbikqyrës të shoqërisë “Vistas Enterprises”, e cila është në pronësi të bashkëshortit të saj, biznesmenit Adriatik Dudaj.

Madje, ky i fundit ka qenë themeluesi i shtëpisë botuese “Dudaj” në vitin 1998 dhe që, në vitin 2016, ia dhuroi aksionet Arlindës.

Në mes të kësaj jave, Këshilli Kombëtar i Territorit, nën drejtimin e Edi Ramës, miratoi “Leje Zhvillimi për objektin: “Strukturë shërbimi, hoteleri dhe banimi 2-8 kate dhe 28 kate mbi tokë, me 5 kate nëntokë”, me vendndodhje në Rrugën: “Kristo Luarasi”, Bashkia Tiranë, me subjekt zhvillues shoqërinë “Vistas Enterprises” sh.a”.

Natyrisht, e meritonte një leje të mirë ndërtimi edhe familja e Arlinda Dudaj, për të cilën kryeministri Rama u shpreh vetëm pak muaj më parë në bisedën on-line mes tyre se është “Një shoqe të hershme me të cilën jeta na ka ndarë për një kohë të gjatë dhe që e ka bërë të ankohet shumë që nuk ka mundësi të takohemi, të flasim e të tjera, e të tjera, por e cila vjen vijimësisht tek unë përmes librave që boton dhe mendova se ishte një mundësi e mirë edhe për ta takuar pas kaq shumë kohësh edhe për të folur pikërisht për librin që është një nga të stërmunduarit e mëdhenj të kësaj epoke…”.

Pas bisedës për librat, KKT-ja miratoi edhe një leje ndërtimi për kullë 28 kate. /boldnews.al

The post Nga Rudina Dembacaj (Mark Frroku) te Arlinda Dudaj, “VIP-at” që u “qërasen” nga KKT appeared first on Albeu.com.

Këtë informacion e ka publikuar Marca spanjolle dhe thonë se drejtuesit e pasur të këtij klubi arab do të bëjnë të gjitha përpjekjet e mundshme për të tërhequr Modricin dhe Ramosin dhe do t’u prezantojnë një projekt që do ta pranojnë, por që të gjithëve e kanë të qartë se do të jetë shumë më e vështirë kur të pyetet mesfushori i madh kroat.

Përkatësisht, prej muajsh ka pasur zëra se Sergio Ramos do të largohet nga PSG gjatë merkaton së verës dhe se në vitet e tij të mëvonshme do të shkojë në Arabinë Saudite dhe do t’i bashkohet Ronaldos dhe se ky është një opsion shumë më i pranueshëm për të sesa të shkojë në MLS ose një ligë tjetër, veçanërisht për shkak të popullaritetit që solli Cristiano.

The post Al Nassr “surprizë” Ronaldos, do i sjellë në skuadër dy miqtë e tij appeared first on Albeu.com.

“Franca dhe Gjermania po intensifikojnë bashkëpunimin në sektorin e energjisë me solidaritet dhe fqinjësi të mirë. Ne tashmë po furnizojmë me energji elektrike fqinjët tanë, përfshirë Francën. Me këtë marrëveshje të përbashkët, ne theksuam solidaritetin tonë energjetik: miqtë mbështesin njëri-tjetrin në kohë krize. Gjermania dhe Franca tregojnë se çfarë është solidariteti evropian”, tha Scholz në një konferencë të përbashkët për media.

Sipas Elizabeth Borne, bëhet fjalë për një “tekst të rëndësishëm që do të ketë efekte konkrete dhe që mbron qytetarët e të dy vendeve”.

“Dy vendet tona kanë nevojë për njëra-tjetrën për të kapërcyer krizën energjetike në dimrin e ardhshëm”, tha Borne.

Marrëdhëniet midis dy vendeve janë acaruar muajt e fundit për shkak të pikëpamjeve të ndryshme mbi çështje kyçe, siç janë: energjia, mbrojtja dhe politika industriale.

Vizita e Elizabeth Borne në Berlin konsiderohet si përpjekje për të shkrirë marrëdhëniet.

Scholz tha se Gjermania dhe Franca mbështesin luftën e Ukrainës kundër pushtimit rus dhe i bëri thirrje Rusisë të ndalojë bombardimin e infrastrukturës energjetike të Ukrainës. /REL/

The post Gjermania dhe Franca, deklaratë për forcimin e solidaritetit energjetik: Miqtë mbështesin njëri-tjetrin në kohë krize appeared first on Albeu.com.

Në një studim e ri të botuar në “Evolutionary Behavioral Sciences”, studiuesit realizuanintervista 40 minutëshe gjysmë të strukturuara me 20 pjesëmarrës (të një moshe mesatare 35 vjeç) në një laborator universitar. Në total u kryen 2 studime, që synonin të kuptonin pse njerëzit i japin fund miqësive të tyre.

Studimi i parë përbëhej nga intervista të gjata të kryera nga studiuesit. Sapo përfundonte

çdo intervistë, kryhej një sondazh i hapur mbi këtë çështje, duke kërkuar nga të njëjtët pjesëmarrës, që të rendisnin sërish sa më shumë arsye se pse merr fund një miqësi, me qëllim konfirmimin e mëtejshëm të përgjigjeve pa një studiues të pranishëm, dhe sikletin që mund të ketë sjellë kjo gjë. U zbuluan 55 arsyet e mëposhtme, të strukturuara në 4 kategori të mëdha.

Egoizmi

Miku im nuk më respekton.

Ai sheh vetëm interesin e tij.

Miku im është me dy fytyra.

Ka mungesë besimi tek unë.

Ai nuk tregon mirëkuptim.

Mendoj se përfiton nga unë.

Miku nuk është i sinqertë.

Ai nuk më mbështet.

Kuptova që është i kënaqur me dështimet e mia, dhe zilepset nga sukseset e mia.

Miku im nuk interesohet për mua.

Ka një sjellje poshtëruese ndaj meje.

Është mosmirënjohës.

E tradhtoi besimin tim.

Miku im vetëm merr nga unë,pa dhënë asgjë në këmbim.

Nuk kërkon një miqësi të vërtetë.

Nuk më mbështeti në kohë të vështira.

Ai është i pakujdesshëm.

Ka një sjellje fyese ndaj meje.

Ka një mungesë reciprociteti.

Unë s’mund të mbështetem tek ai

Ne nuk ia kalojmë mirë kur jemi bashkë.

Ai është manipulues.

Nuk përpiqet që ta kultivojë miqësinë tonë.

Është arrogant.

Është shumë paragjykues.

Ndjej se më shtyp vullnetin.

Ai është xheloz për mua.

Ka një karakter të keq.

Më sheh si rival.

Nuk është njeri i sakrificës.

Është shumë egoist.

Nxjerr më të keqen tek unë.

Nuk i njeh arritjet e mia.

Ai më merr gjithmonë si të mirëqenë.

Mes nesh mungon komunikimi.

Nuk i pranon zgjedhjet e mia.

Nuk ka vlera morale.

Ne grindemi shumë shpesh.

Mungesa e ndërveprimit të shpeshtë

I humbëm lidhjet tona për shkak të jetës së përditshme.

Jetojmë shumë larg njëri -tjetrit.

Nuk kam kohë të mjaftueshme për ta mbajtur këtë miqësi.

Ne nuk kemi interesa të përbashkëta.

Kemi prioritete të ndryshme në jetë.

Karakteret tona janë të papajtueshme.

Mes nesh kishte disa keqkuptime.

Përfshirja në një lidhje romantike

Miku im tregoi një interes romantik për partnerin/en.

Nisi të shfaqë një interes romantik ndaj meje.

Ishte i përfshirë në një raport dashuror me dikë që më interesonte mua.

Perceptimet e miqve dhe familjes

Familja ime nuk e pëlqen atë.

Partneri im nuk e pëlqen atë.

Miqtë e mi nuk e pëlqejnë.

Ai është i varur nga substancat narkotike.

Ka një sjellje të paqëndrueshme.

Ka një higjienë personale të dobët.

Më nxit drejt gjërave, që nuk janë të mira për mua.

Një studim pasues i kryer mbi 557 pjesëmarrës (me një moshë mesatare 31.6 vjeç për gratë dhe 34.8 vjeç për burrat), u kërkoi pjesëmarrësve që të vlerësojnë mundësinë e secilës prej 55 arsyeve pse ata mund t’i jepnin fund një miqësie.

Faktorët më domethënës në dhënien fund të një miqësie u zbuluan se ishte në përgjithësiegoizimi, dhe se ata kishin më shumë të ngjarë t’i jepnin fund miqësisë, ata që shihnin vetëm interesat e tyre, që nuk ishin përkrahës të mikut, që ishin të pandershëm, dhe që vetëm po merrnin pa dhënë.

Së dyti, pjesëmarrësit u shprehën se do t’i jepnin fund një miqësie të bazuar tek distanca, për shkak të mungesës së kohës dhe interesave të përbashkëta. Gratë kishin më shumë gjasa sesaburrat të tregonin si arsye egoizmin, apo rastet kur miku/mikesha nuk ishte përkrahës, apo ishte manipulues, apo kur një mike të tregonte një interes romantik apo ishte përfshirë romantikisht me dikë që pëlqenin ato vetë, duke sjellë edhe fundin e një miqësie. Anasjelltas, burrat kishin më shumë të ngjarë sesa gratë, që të tregonin distancën fizike si një arsye për të ndërprerë një miqësi.

The post Pse ndahen miqtë? appeared first on Albeu.com.

Këtë moment e kanë dokumentuar dhe me një video që më pas e kanë ndarë në rrjete sociale. Në një lidhje me Skype për “Abc-ja e mëngjesit”, Klevisa tha se dëshironin që t’i tregonin se ishin pranë tij pavarësisht çdo gjëje.

“Donim t’i tregonim se pavarësisht çdo gjëje jemi me të. Ideja ishte e imja dhe e vëllait të vet. Vrapuam sepse nuk e dinim a ishte legale. “Djali është shqiptar, kam 5 vite që e njoh. E kemi shok të ngushtë dhe është prej disa muajsh në burg të sigurisë së lartë.”, tha ajo.

Videon e kishin shoqëruar me me këngën e Lumi B dhe Ledri Vulës “Krejt shokët e mi”. “E kishte dëgjuar, kishte reaguar por ne nga frika nuk kishim dëgjuar asgjë. Na falenderoi të gjithëve dhe na shkroi një letër.”, tha Klevisa.

The post I “hyjnë” në burg me fishekzjarre për ditëlindje, cili është i riu shqiptar që mori surprizën e pazakontë (VIDEO) appeared first on Albeu.com.

Ka pasur herë pas here aksione në ekipin e parë, ndërkohë që ka respekt të plotë mes trajnerit italian dhe lojtarit.

Është kjo marrëdhënie që i ka hapur dyert Bale për t’u larguar nga klubi në mënyrën e duhur, si një lojtar i ardhur nga jashtë dhe fitoi katër Liga të Kampionëve, katër Kupa të Botës për Klube, tre Superkupa Evropiane, dy tituj të La Ligas dhe tre Copa del Rey dhe tre tituj të Superkupës së Spanjës.

Megjithatë, sipas gazetës Marca, mesazhi nga familja dhe miqtë e tij ishte një kërkesë për t’u larguar nga klubi spanjoll, por për ta bërë këtë me kushtet e tij, jo nga poshtërimi i derës së pasme.

Familja e tij mendon se ai thjesht nuk mund të largohet nga Madridi në heshtje dhe si një tepricë, por përkundrazi ai duhet të largohet si dikush që arriti gjithçka që ishte e mundur me gjigantët spanjollë.

Bale ka një shans për të luajtur një rol të rëndësishëm në sezonin e Real Madridit në Kupën e Mbretit, veçanërisht me Vinicius Jr dhe Rodrygo që janë në detyrë ndërkombëtare me Brazilin, dhe Eden Hazard dhe Marco Asensio të lënduar.

Uellsiani ka të ngjarë të thirret në ekip për ndeshjen kundër Athletic Bilbaos dhe kjo i jep atij mundësinë për t’u larguar si hero, duke ndikuar edhe një herë në fushë.

Ekziston edhe Liga e Kampionëve, e cila mund të kërkojë pjesëmarrjen e Bale nëse lojtarët nuk kthehen në kohë për ndeshjen kundër Paris Saint-Germain.

The post Bale ka kundër familjen dhe miqtë për vazhdimësinë te Real Madridi appeared first on Albeu.com.

Këngëtarja ka ndarë një video ku shihen miqtë e saj të ngushtë duke i mësuar se si të kërcejnë valle shqipe. “Më lëshoni pak muzikë shqipe, le t’i tregojmë botës muzikën shqiptare”, thotë Bebe para se të kërcejnë. Ata shihen në ambientet e një shtëpie ndërsa këngëtarja shqiptare i ka filmuar duke kërcyer.

The post Miqtë e Bebe Rexhës e “djegin” me valle: T’i tregojmë botës për muzikën shqiptare (VIDEO) appeared first on Albeu.com.

Kanë qenë miqtë e saj, të cilët kanë ndarë disa momente nga festa. Kujtojmë që Ronela ka qenë mjaft aktive me projekte muzikore muajt e fundit pas një pauze gjatë pandemisë.

Ajo ka publikuar katër këngë nga albumi Rron mes së cilave dhe një duet me Vig Poppën. Ronela ka paralajmëruar një tjetër duet me Bardhin.

The post Ronela Hajati e priti me festë ditëlindjen në mesnatë, sa vjeç mbush këngëtarja (VIDEO) appeared first on Albeu.com.

Po flasim për Alberto Malesani, ish-trajneri i Parmës së çudirave që për gazetën “Specchio” rikthehet të flasë për disa faza të karrierës së tij dhe për të tashmen e tij: kantina e verës “Giuva”.

Një ndryshim i madh për Alberton, i cili kaloi nga futbolli tek rrushi, por që nuk ka asnjë lidhje me braktisjen e futbollit…

Në fakt, në atë kohë u tha se ai pinte shumë, por në të vërtetë ai ishte nën kortizon për shkak të një problemi shëndetësor!

Marrëdhënia me verën lindi pas një provë të verës së kuqe në Bordo, në vitin 1999: ishte atëherë që ai vendosi të themelonte “Giuva”: një emër i lindur nga bashkimi i emrave të vajzave të tij, Giulia dhe Valentina.

Alberto rrëfen emocionin që ndjeu kur në një restorant në Verona pa dy turistë duke pirë një shishe Giuva, duke e quajtur atë “Si herën e parë në San Siro”.

Në futboll, megjithatë, gjërat nuk shkuan aq mirë. Në fakt, Alberto tregon se si nuk ka shumë miq futbolli:

“Ezio Sella dhe disa lojtarë pa menaxher. Për sa kohë që jeni në një nivel të caktuar të gjithë ju kërkojnë, pastaj ato zhduken. Por është pjesë e lojës”.

Më në fund, një referencë për problemin e homoseksualitetit: “Unë nuk e di pse ka ende kaq shumë mbyllje mbi këtë temë. Të gjithë e dimë që ka lojtarë homoseksualë, por askush nuk dëshiron ta thotë. Më vjen keq”.

The post Ish-trajneri i njohur italian: Kur braktis futbollin miqtë zhduken (FOTO LAJM) appeared first on Albeu.com.