Urimin Kushi e ka bërë përmes një videomesazhi të shpërndarë në rrjetet sociale.

“Me lajmin që ky vit i ri shkollor vjen me shumë risi për të gjithë nxënësit dhe mësuesit, ju uroj një vit të mbarë e të suksesshëm!”, shkruan ministrja në statusin e publikuar së bashku me videomesazhin e saj.

Në këtë videomesazh ministrja Kushi nënvizon se ky vit shkollor vjen me shumë projekte dhe nisma për një arsim cilësor të barabartë dhe gjithpërfshirës.

Në këtë video urimi janë përfshirë edhe disa nga risitë e këtij viti të ei shkollor siç janë rritja e numrit të punonjësve psiko-socialë, mësuesve ndihmës, oficerëve të sigurisë, zgjerimi i projektit “Bëjmë Detyrat e Shtëpisë”në 150 shkolla të tjera, formimi i 400 klasave sportive në 6 disiplina dhe programi i veçantë sportiv për nxënësit me aftësi ndryshe.

Ndërkohë që në videomesazh përmenden edhe përfshirja e lëndës së Teknologjisë së Informacionit dhe Komunikimit në klasat e para, abetarja e re, si dhe hapja e shkollës së mesme për nxënësit e Institutit të  Fëmijëve që nuk Dëgjojnë.

The post Një ditë para nisjes së vitit të ri shkollor, ministrja Kushi uron nxënësit dhe mësuesit: Risitë që sjellim (VIDEO) appeared first on Albeu.com.

Në udhëzimin që mban firmën e ministers së Arsimit, Evis Kushi bëhet me dije se të gjithë punonjësit e rinj duhet të kryejnë një periudhë 3-mujore prove dhe vlerësimin psiko-social para se të edukojnë nxënësit. Kushi shton se duke marrë shkas nga rastet e konstatuara ndër vite të mësuesve që kanë ushtruar dhunë, abuzim apo vepra të tjera penale ndaj nxënësve, është marrë përsipër nxjerrja e këtij udhëzimi.

Sipas ministers, të ‘dhunshmit’, me draftin e ri që pritet të kalojë në Kuvend do ta kenë të ndaluar të punësohen në institucionet arsimore.

Shënimi i plotë:

Duke marrë shkas nga rastet e konstatuara ndër vite të mësuesve që kanë ushtruar dhunë, abuzim apo vepra të tjera penale ndaj nxënësve, përgjatë këtij viti shkollor kemi ndërmarrë një sërë iniciativash ligjore dhe nënligjore për të shmangur rrezikun që mund t’i vijë nxënësve tanë nga persona që nuk garantojnë integritet të lartë moral, profesional dhe ligjor.

Në draftin e ri të ndryshimit të ligjit për sistemin arsimor parauniversitar, i cili është në konsultim publik dhe do të shqyrtohet së shpejti në Kuvendin e Shqipërisë, kemi parashikuar dispozita që ndalojnë përfshirjen në sistemin arsimor të personave të cilët janë dënuar për vepra penale që lidhen me të mitur, apo institucione arsimore parauniversitare, pavarësisht rehabilitimit të tyre.

Por rreziku nuk vjen vetëm nga personat që kanë një precedent penal, por edhe nga personat që punësohen për herë të parë në institucionet tona arsimore. Ne nuk mund të presim të ndodhin rastet dhe pastaj të reagojmë, por kemi detyrimin që të marrim të gjitha masat e nevojshme për të parandaluar çdo rrezik apo rast të mundshëm.

Prandaj, me qëllim që të garantojmë më shumë mbrojtje dhe siguri për fëmijët tanë, kemi miratuar Udhëzimin Nr. 28, datë 3.08.2022, i cili parashikon një periudhë 3-mujore prove dhe vlerësimin psiko-social për mësuesit e rinj dhe të gjithë punonjësit e institucioneve arsimore parauniversitare.

Ky udhëzim është në përputhje të plotë me Kodin e Punës, i cili në Nenin 142, Pika 1 parashikon si kohë prove 3 muajt e parë të punës. Sipas pikës 2, kjo kohë mund të hiqet apo reduktohet me kontratën kolektive të punës, por kontrata kolektive në fuqi nuk ka asnjë përcaktim lidhur me kohën e periudhës së provës, duke ia lënë zbatimin drejtpërdrejt Kodit të Punës dhe akteve nënligjore në fuqi.

Periudha e provës është aplikuar nga strukturat tona arsimore në të gjitha periudhat. Madje në Udhëzimin e mëparshëm Nr. 38, datë 6.10.2015, Pika 4 e Kreut 4 parashikonte që kandidati emërohet me kontratë 1-vjecare (periudhë prove) dhe Pika 5 parashikonte që në përfundim të këtij afati parashikohet edhe vlerësimi psiko-social.

Siguria dhe mirëqenia e fëmijëve tanë është prioritet absolut për MAS, prandaj kërkojmë bashkëpunim nga të gjithë mësuesit, prindërit, por edhe institucionet e tjera qëndrore apo vendore që të respektojmë me përpikëri të gjitha aktet ligjore, nënligjore dhe rregulloret në shkolla. Gjithashtu, në vijim të masave të deritanishme, me fillimin e vitit të ri shkollor në zbatim të nismës “Stop Dhunës në Shkollë” fokusi ynë do të jetë nxitja e nxënësve, prindërve, mësuesve dhe gjithë komunitetit shkollor për të denoncuar çdo rast dhune apo abuzimi.

Ndërkohë, angazhohemi fort dhe do të punojmë çdo ditë për të vlerësuar dhe lartësuar me respekt dhe dinjitet figurën e mësuesit, siç e meritojnë ata vetë, por edhe fëmijët dhe e gjithë shoqëria jonë.

The post “Kush dhunon, nuk punësohet”, Kushi: Mësuesit e rinj do kalojnë 3 muaj periudhë prove appeared first on Albeu.com.

“Dita nisi bukur sot me kampionët tanë që sapo janë kthyer me medalje ng Lojërat Mesdhetare “Oran 2022”. Krenar për kampionët tanë”, shprehet Kushi.

Mes tyre sot  ndodhej edhe fituesi i medaljes së argjendtë, peshëngritësi Erkand Qerimaj./ h.ll/albeu.com

The post Ministrja Kushi pret sportistët e Lojërave Mesdhetare: Krenar për kampionët tanë appeared first on Albeu.com.