Duke u ndalur tek Fierza ministrja Balluku u shpreh se në këtë kaskadë po kursehet niveli i ujit në mënyrë që të përballohet thatësira e verës.

“Kemi një synim. Qeveria Rama ka një synim të ofroj shërbim të pandërprerë. Të kenë energji gjatë të gjithë krizës. Kemi synim të mos prekim çmimin për familjarët dhe biznesin e vogël” tha Balluku.

Për sa i përket fashimit të çmimit, Balluku tha se qeveria është duke analizuar pasi ka pasur një kërkesë nga qytetarët për diferencim për nevoja familjare dhe për ato që i kalojnë nevojat bazike.

“Po punojmë se si të ruhet çmimi deri në 700 kilovat. Ndërsa pas kësaj fashe të kemi një çmim tjetër. Kjo ka qenë e gjitha. Do ulemi me mbi 7 mijë biznese më tensionin e mesëm.” tha Balluku.

The post “Diferencimin na e kërkuan qytetarët”, Balluku: Mbi 700 kilovat i kalon nevojat familjare appeared first on Albeu.com.

Në vijim të deklaratave të kryeministrit Edi Rama, në lidhje me krizën energjitike që i kanoset vendit, ministrja e Energjitikës dhe Infrastrukturës Belinda Balluku tha se 2022 pritet të jetë një vit i thatë.

Sipas Ballukut, qeveria shqiptare ka ruajtur disa fasha, siç janë konsumatorët familjarë, dhe biznesi i vogël dhe i madh.

“Kriza energjitike nuk ka nisur as tani, as në fillim të këtij viti, ka nisur që në verën e kaluar, kemi marrë të gjitha masat, ndërkohë që çmimet e importit kanë filluar që të rriten që në muajin Shtator.

Në Shtator -Tetor, ne filluam që të blinim në shifra shumë të larta, gjatë asaj periudhe ministria e financave ka vënë një kredi, nga garancia sovrane, për të mbuluar kostot. E gjitha fasha që përfshin konsumatorët familjarë, biznesin e vogël dhe të mesëm, është marrë vendimi që të mbrohet nga qeveria.

Jemi përpara një fakti, që nga Janari i 2022, bizneset e mesme duhet të dilnin në treg të lirë, dhe qeveria ka vendosur që ti ruajë deri në fund të muajit maj, ku do të ulemi sërish në tryezën e diskutimit. Ndërkohë që biznesi i madh, edhe më herët ka operuar në tregun e lirë të energjisë.

Do ti referohem vetëm vitit 2022, ne përdorim gjithmonë kaskadën, shiu është bërë një luks në Shqipëri, presim ndonjë ndryshim të vogël deri në 20 Mars, por ky pritet që të jetë një vit i thatë”, tha Balluku.

Sipas shifrave të deklaruara nga Balluku, në 4 muajt e parë të vitit qeveria shqiptare ka dhënë 320 milionë euro për furnizimin me energji.

Çmimet që janë rritur sipas Ballukut, në shtetet e tjera:

The post Balluku i “qan hallin” Europës: U është rritur çmimi i energjisë me 100% (FOTO LAJM) appeared first on Albeu.com.