Një ndër to është edhe tuneli i Llogarasë, për të cilën ministrja e Infrastrukturës, Belinda Balluku, e ftuar në emisionin Opinion në Tv Klan deklaroi se në fund të vitit 2024 do të jetë operativ.

Po kështu, edhe 3 akse të tjera kombëtare parashikohet që të jenë tërësisht gati 2 vite pas fillimit të punimeve.

Blendi Fevziu: Tuneli i Llogarasë, në cilën kohë mund të jetë operativ?

Ministrja Belinda Balluku: Tuneli i Llogarasë do të jetë operativ në fund të vitit 2024.

Blendi Fevziu: Pra, rreth 2 vjet nga sot do të jetë operativ për trafikun?

Ministrja Belinda Balluku: Kështu thotë kontrata, mund të jetë më shpejt.

Blendi Fevziu: Ndërkohë, lidhja e Thumanës, pra zonës ku mbaron autostrada që shkon në drejtim me Kasharin, kur do jetë operativ?

Ministrja Belinda Balluku: Duhet të jetë për 20 muaj nga sot.

Blendi Fevziu: Po Qukës – Qafë Plloça?

Ministrja Belinda Balluku: Qukës – Qafë Plloça ka patur projektin gati por ka pasur problemin e financimit i cili është zgjidhur para 2 muajsh dhe tani ka rifilluar puna atje. Koha kontraktuale është 18 muaj.

Blendi Fevziu: Po Elbasan – Qafë Thanë?

Ministrja Belinda Balluku: 24 muaj dhe është lidhur kontrata 3 ditë më parë, kështu që 2 vite nga ky momenti. Jo për segmentin e parë, segmenti i dytë hapet për 2 muaj dhe të gjitha kanë 24 muaj kohë. Kështu që, maksimumi në 3 vite duhet mbyllur i gjithë segmenti./tvklan

The post Balluku zbulon kur përfundojnë plotësisht punimet te tuneli i Llogarasë dhe 3 akse kombëtare appeared first on Albeu.com.

Sipas Ballukut paketën e re për krizën energjike do të aplikohet nga 1 tetori.

E pyetur në lidhje me deklaratën që Rama dha disa ditë më parë për ndërprerjeje të energjisë elektrike pas orës 22:00, Balluku sqaroi se qeveria nuk ka në plan të ndërpresë energjinë elektrike pas orës 22:00.

Ajo tha se po shqyrtohet plani që pas orës 22:00 të darkës të ndërpritet ndriçimi publik, ashtu sikur se Gjemani dhe disa vende të BE-së kanë nisur të aplikojnë.

“Pas orës 22:00 kërkohet ndërprerja e ndriçimit publik. Gjermania e ka aplikuar këtë dhe do të thosha që aplikimi i ndriçimit publik, i njësive tregtare dhe gjithçkaje tjetër ndodh nga ora 16:00 deri në orën 22:00. Vetëm ai interval lejohet që të ketë drita të ndezura, por flasim gjithmonë për ambientet publike. Pas atij momenti fiken dritat deri në ditë tjetër, në orën 16:00.

E ka nisur Gjermania, po e aplikojnë edhe shtete të tjera. Është pjesë e paketës së kursimit të energjisë. Ne nesër së bashku me kryeministrin do të bëjmë prezantimin e paketës për energjinë për sa i përket edhe fashës 800 kë/h që do të fillojë aplikimi nga 1 tetori, edhe disa masa të tjera drastike që ne do duhet të ndërmarrim në vazhdim.

Disa janë marrë si praktikat më të mira nga shtetet e tjera evropiane, disa janë kostumizuar me kërkesën e vendit tonë. Nesër në orën 09:00 do prezantojmë paketën e krizës energjitike”, është shprehur Balluku./albeu.com/

The post A do të ndërpritet energjia elektrike pas orës 10 të darkës? Përgjigjet Balluku appeared first on Albeu.com.