Edona Bilali është emëruar zv. ministre e Infrastrukturës dhe Energjisë, Silva Caka do të jetë zv. ministre e Punëve të Brendshme, Eugena Tomini është emëruar zv. ministre e Shëndetësisë dhe Mirëqenies Socialistte, ndërkohë që është liruar nga kjo detyrë Mira Kapisyzi.

Po ashtu nga detyra e zv. ministrit është liruar edhe Andi Mahila, shkarkimi i të cilit erdhi pasi u fotografua duke konsumuar cigare në një ambient të mbyllur.

Po ashtu gjatë kësaj mbledhje qeveria miratoi ndërtimin e një centrali fotovolatik 30 MW në Ersekë. Ky investim pritet të realizohet brenda 36 muajve dhe centrali do të ketë një afat operimi 49-vjeçar. Shoqëria ka detyrimin të raportojë çdo tre muaj mbi ecurinë e punimeve, të respektojë kushtet mjedisore dhe të dorëzojë sigurimin e kontratës në masën 5% të investimit.

Gjithashtu Këshilli i Ministrave miratoi marrëveshjen e garancisë ndërmjet Ministrisë së Financave dhe Bankës së Tiranës për kontratën e kredisë në vlerën 20 milionë euro, e lidhur me Furnizuesin e Shërbimit Universal (FSHU), OSHEE Group, Operatorin e Sistemit të Shpërndarjes (OSSH) dhe Furnizuesin e Tregut të Lirë (FTL).

Gjatë kësaj mbledhje qeveria përcaktoi edhe fushën e përgjegjësisë së Ministrit të Shtetit për Administratën Publike dhe Antikorrupsionin

Sipas vendimit të Këshillit të Ministrave, ministri do të jetë përgjegjës për drejtimin dhe koordinimin e reformës në administratën publike, menaxhimin e burimeve njerëzore dhe sistemin e pagave, si dhe për hartimin e politikave dhe akteve ligjore në luftën kundër korrupsionit.

Ndër të tjera, u përcaktua edhe fusha e përgjegjësisë së Ministrit të Shtetit dhe Kryenegociatorit, i cili do të drejtojë teknikisht negociatat për anëtarësimin e Shqipërisë në Bashkimin Evropian dhe do të bashkërendojë procesin e brendshëm të përgatitjeve për integrimin.

Ministri është përgjegjës për koordinimin e punës së grupit negociator, përafrimin e legjislacionit me atë të BE-së, ndjekjen e rekomandimeve të Komisionit Evropian, hartimin e Planit Kombëtar të Integrimit Evropian dhe zhvillimin e kapaciteteve institucionale. Ai gjithashtu ka detyrë të nxisë nisma për integrimin e përshpejtuar dhe të garantojë informimin e publikut mbi procesin e anëtarësimit.

The post Edi Rama firmos shkarkimin e Erion Veliajt, zv.ministrat që u larguan dhe të rinjtë që u bënë pjesë e kabinetit, çfarë miratoi sot Këshilli i Ministrave appeared first on Albeu.com.

Në mbledhjen e sotme të Këshillit të Ministrave është vendosur krijimi i nuklave të inovacionit.

Zv/kryeministrja Belinda Balluku bëri me dije se kjo ka qenë një kërkesë e kryeministrit Edi Rama.

“Mbledhje shumë konstraktive më shumë biseda me plane dhe programe për të ardhmen. Krijimi i nuklave të inovacionit nëpër ministri, kërkesë e kryeministrit e lindur për shkak të zhvillimeve inovative që ndodhin në Shqipëri.

Tashmë Shqipëria operon me teknologji moderne, siç janë satelitët. Duke pasur këto zhvillime teknologjike ne na ka lindur nevoja që brenda ministrive tona të kemi nukla inovacioni, do propozojnë projekte të reja.

Do na duhet që të dalim në tregun shqiptar për të përthithur sa më shumë njerëz të dhënë ndaj inovacionit. Për të qenë sa më konkurrues, duke ditur pagat për këtë sektor, ne sigurisht kemi vendosur që ta aplikojmë siç kemi bërë me disa kategori të administratës të paguhen me paga më të larta se sa sektorët e tjerë.

Në ditët në vijim ne do të kemi mundësi që brenda vjeshtës t’i kemi të disponueshme brenda secilës ministri. Sot kemi diskutuar gjithashtu për një vendqëndrim të përbashkët të secilës prej këtyre nuklave.

Praktika të mira ndërkombëtare. Në vazhdim do të informojmë publikun për këtë vendimmarrje te qeverisë shqiptare për t’i dhënë inovacionit një frymëmarrje sa më të madhe”, deklaroi Balluku.

The post “Nuklat e inovacionit”, Balluku njofton krijimin e një dikasteri të ri pranë ministrive: Kërkesë e Ramës appeared first on Albeu.com.