Sado që të përpiqet Ukraina, sado profesioniste të jetë ushtria jonë, pa ndihmën e partnerëve perëndimorë nuk do të mund ta fitojmë këtë luftë”, thotë Anna Malyar.

Ajo bëri thirrje për një “kornizë të qartë kohore” për dërgesa të tilla pasi çdo vonesë i kushton shtrenjtë Ukrainës dhe rrezikon që më shumë territor të bjerë në duart e Rusisë.

“Nuk mund të presim shumë, sepse situata është shumë e ndërlikuar”, shtoi ajo, duke iu referuar përparimeve ruse në rajonin lindor të Donbasit, ku forcat e Moskës po bëjnë presion për kontrollin mbi të gjithë rajonin e Luhanskut.

Më herët, presidenti ukrainas Volodymyr Zelensky bëri thirrje përsëri për armë të rënda nga Perëndimi. Ai kritikoi “sjelljen e përmbajtur” të disa liderëve evropianë për të cilat ai tha se “kishin ngadalësuar shumë furnizimet me armë”.

Zelensky u tha mediave daneze se shpejtësia me të cilën Ukraina ishte në gjendje të rimarrë territorin e pushtuar nga Rusia “varet vërtet nga kjo ndihmë dhe armë”.

“Nëse nuk ka përshpejtim të dërgesave të armëve… njerëzit do të vazhdojnë të vdesin. Nëse na jepen armë, ne do të ecim përpara”, thotë Zelensky./albeu.com

The post Ministria ukrainase e Mbrojtjes: Kemi marrë vetëm 10% të armëve të premtuara appeared first on Albeu.com.