Gjatë Forumin të Biznesit midis Maqedonisë dhe Indisë, ministri i Transformimit Dixhital, Stefan Andonovski, prezantoi një nismë për avancimin e Regjistrit Qendror të Popullsisë. Sipas Ministrisë së Transformimit Dixhital, ky projekt kërkon përkrahje nga Fondi i Partneritetit për Zhvillim Indi-OKB.

Në një aktivitet ku morën pjesë presidentja e Indisë dhe presidentja Gordana Siljanovska-Davkova, Andonovski e cilësoi projektin si një hap fillestar dhe premtues për zgjerimin e bashkëpunimit në fushën digjitale dhe ekonomike mes dy shteteve. “Synimi është i prekshëm dhe i përqendruar te qytetarët: shndërrimi i informacionit të besueshëm e të saktë në vendimmarrje më të mirë dhe shërbime publike cilësore. Regjistri Qendror i Popullsisë tanimë shërben si bazament për shërbime digitale të sigurta dhe verifikim identiteti. Duke e përmirësuar atë, ne do të ndërtojmë një sistem edhe më funksional dhe të ndërlidhur”, theksoi ai.

Plani i projektit synon të ndërlidhë të dhënat kryesore të regjistrit civil, të rrisë cilësinë e tyre nëpërmjet përdorimit të inteligjencës artificiale dhe të zhvillojë instrumente analitike për politika të mbështetura në fakte dhe të dhëna. Aplikimi i këtyre teknologjive të reja do të shoqërohet me mbikëqyrje institucionale dhe kontroll të domosdoshëm njerëzor.

Si rezultat i kësaj nisme, pritet të ofrohen shërbime më të shpejta dhe më cilësore për individët dhe bizneset, të reduktohen barrierat burokratike dhe të përmirësohet fokusimi i shpenzimeve publike.

Ministri nënvizoi edhe nevojën për të rishikuar qasjen ndaj lëvizjes së informacionit. “Sipërmarrjet nuk duhet të shndërrohen në ndërmjetës midis institucioneve. Janë të dhënat ato që duhet të qarkullojnë, jo qytetarët e kompanitë. Pikërisht këtu qëndron rëndësia e përmirësimit të Regjistrit Qendror të Popullsisë për ngritjen e shërbimeve publike efikase, të sigurta dhe tërësisht dixhitale”, përfundoi Andonovski.

The post Andonovski: Në bashkëpunim me Fondin Indi-OKB, Regjistri Qendror i Popullsisë hyn në fazën e modernizimit appeared first on Albeu.com.

Maqedonia pritet të ndërtojë një qendër kombëtare të të dhënave, projekt për të cilin po përcaktohen vendndodhja dhe mënyra e financimit. Ministri i Transformimit Digjital, Stefan Andonovski, deklaroi për TVM2 se kjo infrastrukturë do të krijojë bazën për renë qeveritare, mbrojtjen kibernetike dhe avancimin e inteligjencës artificiale.

Ai bëri të ditur se studimi i fizibilitetit tashmë është hartuar, duke nënvizuar se projekti nuk kufizohet te ngritja e një ndërtese për serverë. Sipas Andonovskit, bëhet fjalë për një strukturë strategjike shtetërore, e cila do të mbështesë procesin e digjitalizimit të vendit.

“Rrugët shërbejnë për t’i lidhur qytetet, ndërsa qendra e të dhënave do t’i lidhë institucionet. Në vend që secili institucion të disponojë ambiente të veçanta për serverë, me standarde të ndryshme sigurie, shteti do të ketë një pikë të përbashkët dhe moderne, me mbrojtje të lartë dhe efikasitet energjetik. Prej saj do të sigurohen shërbime digjitale për 20-30 vitet e ardhshme”, deklaroi Andonovski.

The post Andonovski paralajmëron ndërtimin e një qendre kombëtare të të dhënave në Maqedoni appeared first on Albeu.com.

Ministri i Transformimit Dixhital, Stefan Andonovski, theksoi se është me rëndësi të madhe që diasporës t’i jepet mundësia për të votuar. Sipas tij, bëhet fjalë për njerëz që çdo vit sjellin mbi një miliard në dërgesa në Maqedoni.

Ai deklaroi se gjatë tre viteve të ardhshme ka kohë të mjaftueshme që, përmes avancimit të dixhitalizimit dhe punës institucionale, të testohen mundësi të tilla që kjo e drejtë t’i mundësohet diasporës.

Siç sqaroi Andonovski, ideja është që përmes ndryshimeve në Kodin Zgjedhor të garantohet që deri në vitin 2029, pra brenda tre vjetësh, vendi të ketë një sistem të gatshëm ku votimi përmes internetit do t’u lejohet vetëm personave të regjistruar që kanë pasaporta maqedonase dhe jetojnë jashtë shtetit.

Andonovski nënvizoi se tashmë ekziston një sistem i identitetit dixhital, portali “Uslugi.gov.mk”, ku të gjithë qytetarët regjistrohen me të dhënat e tyre personale. Ai tha se verifikimi kryhet përmes kartës së identitetit ose pasaportës, çka do të thotë se të dhënat e qytetarëve tashmë njihen.

Sipas tij, nuk paraqet problem që ky sistem të zhvillohet më tej në bashkëpunim me Komisionin Shtetëror të Zgjedhjeve, me qëllim që të krijohen kushtet për ushtrimin e së drejtës së votës nga qytetarët. Ai shtoi se, nëse ekziston vullnet politik, kjo është plotësisht e realizueshme.

Ministri tha gjithashtu se diaspora është e madhe, ka pasaporta maqedonase dhe jeton jashtë vendit, ndaj nuk është e drejtë dhe nuk përfaqëson ushtrim të plotë të së drejtës kushtetuese që këta qytetarë të detyrohen të votojnë vetëm fizikisht.

Ai theksoi se nuk është e arsyeshme që ata të udhëtojnë 5,000 ose 10,000 kilometra për të realizuar të drejtën e votës, madje dy herë: një herë për t’u regjistruar dhe herën e dytë për të votuar.

Deri tani, dy vende të BE-së e kanë zbatuar plotësisht këtë sistem, ndërsa katër vende të tjera të BE-së kanë zhvilluar testime dhe pilotime të zgjidhjeve të tilla.

The post Andonovski: Brenda vitit 2029 duhet të përgatitet sistemi për votimin online të diasporës appeared first on Albeu.com.

Ministri i Transformimit Digjital, Stefan Andonovski, ka firmosur një Memorandum mirëkuptimi me Emirates Investment Group për të vendosur një kornizë bashkëpunimi që synon pozicionimin ndërkombëtar të nismës së propozuar për Qendrën e Inovacionit Digjital.

Në emër të Emirates Investment Group, dokumenti u nënshkrua nga dr. Hamad Al Shamsi, i cili është kryetar i Bordit të grupacionit.

Sipas qëllimit të përcaktuar në memorandum, palët do të bashkëpunojnë për hartimin e materialeve strategjike dhe prezantuese për investime, ofrimin e mbështetjes këshilluese, përafrimin me praktikat më të mira të EBA-s dhe standardet ndërkombëtare, si edhe përkrahjen në procesin e tërheqjes së investitorëve ndërkombëtarë, partnerëve strategjikë dhe operatorëve teknologjikë.

Ministria e Transformimit Digjital bëri të ditur se me aktivitete të tilla vijon angazhimi për të krijuar mundësi të reja në funksion të rritjes së dukshmërisë ndërkombëtare të vendit në sektorin e investimeve digjitale, inovacionit dhe teknologjive të avancuara.

Sipas Ministrisë, ky bashkëpunim shënon një hap të rëndësishëm për forcimin e ekosistemit digjital, krijimin e kushteve për partneritete të reja dhe mbështetjen e nismave që mund të ndikojnë në zhvillimin ekonomik dhe në një pozicionim më të favorshëm të shtetit në rrjedhat globale të teknologjisë.

The post Andonovski firmos memorandum bashkëpunimi për Qendrën e Inovacionit Digjital në Maqedoni appeared first on Albeu.com.