Ministria e puneve te jashtme Archives - Albeu.com

Raketat ruse në Ukrainë, Kuleba-Blinken: Rusia është përgjegjëse për sulmin

E S — Thu, 17 Nov 2022 15:17:49 +0000

Ministri i Punëve të Jashtme të Ukrainës Dmytro Kuleba dhe Sekretari amerikan i Shtetit Antony Blinken kanë diskutuar përgjegjësinë e Rusisë për terrorin raketor dhe furnizimin e ndihmës mbrojtëse, duke përfshirë sistemet e mbrojtjes ajrore.

“Kam pasur një telefonatë me Sekretarin e Shtetit Blinken pikërisht gjatë një sulmi tjetër masiv me raketa në Ukrainë këtë mëngjes. Ne ndajmë pikëpamjen se Rusia mban përgjegjësi të plotë për terrorin e saj raketor dhe pasojat e tij në territorin e Ukrainës, Polonisë dhe Moldavisë”, shkroi Kuleba në Twitter.

Ai falënderoi gjithashtu Shtetet e Bashkuara për ndihmën e tyre thelbësore të mbrojtjes dhe theksoi se dërgesat e sistemeve të mbrojtjes ajrore në Ukrainë duhet të përshpejtohen.

“NASAMS e kanë dëshmuar tashmë efikasitetin e tyre. Edhe unë jam i bindur se ka ardhur koha e ‘Patriotëve’”, ka shkruar Kuleba.

Siç është raportuar, raketat ruse goditën dy rrethe të Dnipro të enjten. Një raketë goditi një ndërmarrje industriale. Një zjarr i madh shpërtheu. Ndërtesat e banimit aty pranë janë dëmtuar. Të paktën 14 persona u plagosën.

The post Raketat ruse në Ukrainë, Kuleba-Blinken: Rusia është përgjegjëse për sulmin appeared first on Albeu.com.

MPJ: Maqedonia është shtet sovran, vendimet i merr në mënyrë të pavarur

E B — Wed, 03 Aug 2022 12:37:01 +0000

Republika e Maqedonisë së Veriut është shtet sovran i clili vendimet i merr në mënyrë të pavarur, duke u nisur nga parimet e respektimit të së drejtës ndërkombëtare, Karta e OKB-së, parimet dhe zotimet e OSBE-së për mbrojtjen e arkitekturës evropiane të sigurisë dhe stabilitetit global, thonë nga Ministria e Punëve të Jashtme dhe Ministria e Mbrojtjes së RMV.

“Maqedonia e Veriut që në fillim e dënoi ndërhyrjen ushtarake në Ukrainë dhe qëndroi në mbështetje të integritetit territorial, sovranitetit dhe pavarësisë së Ukrainës, e para se gjithash në mbështetje të paqes, të të drejtave të njeriut dhe rendit ndërkombëtar të bazuar në rregulla. Në fakt, deri më tani, Qeveria e Republikës së Maqedonisë së Veriut nxori disa Vendime për ndihmë ushtarako-teknike me të cilat i ndihmojmë Ukrainës në mbrojtjen e integritetit të saj territorial, i cili është e rrezikuar nga ndërhyrja ushtarake.

Republika e Maqedonisë së Veriut, si anëtare e Аleancës më të fuqishme ushtarako-politike – NATO-s, në mënyrë të vendosur qëndron pas pozicionit dhe vendosmërisë së Aleancës që të jetë garantuese e paqes dhe sigurisë së vendeve të saja-anëtare dhe që t’i mbrojtjë vlerat, lirinë dhe sigurinë e breзave të tanishëm dhe të ardhshëm”, thuhet në kumtesë./tv21

The post MPJ: Maqedonia është shtet sovran, vendimet i merr në mënyrë të pavarur appeared first on Albeu.com.

Zoran Popov kaloi filtrat në Kuvend për ambasador në SHBA

admin — Tue, 26 Jul 2022 12:22:28 +0000

Ambasadori i sapoemruar i Maqedonisë së Veriut në SHBA, Zoran Popov sot kaloi filtrin e Komisionit kuvendor për Politikë të Jashtme. Ai tezat e tij para Komisionit për Politikë të Jashtme i prezantoi prapa dyerve të mbyllura. Paraprakisht, përfaqësues i MPJ-së para Komisionit sqaroi se për shkak të informacioneve delikate kërkohet që prezantimi i tij të jetë i mbyllur për publikun, ndërsa në prezantim kanë pasur mundësi të marrin pjesë vetëm deputetët që kanë certifikata të sigurisë.

Agremani për Popovin nga Uashingtoni është marrë para një muaji. Popov paraprakisht ka qenë i angazhaur si sekretar shtetërorë në Ministrinë për Punë të Jashtme.

Funksioni i ambasadorit të RMV-së në SHBA ka qenë i zbrazët për mbi 4 vite. Ambasadori i fundit në SHBA ka qenë Vasko Naumovski, në periudhën 2014-2018.

Pas pjesës së mbyllur, seanca e Komisionit është ndërprerë për shkak të seancës plenare. Pritet caktimi i vazhdimit të seancës së komisioni, ku tezat duhet t’i prezantojnë edhe ambasadori i ri në Kanada, Agron Buxhaku, ambasadori i Maqedonisë së Veriut në Mbretërinë e Norvegjisë, Driton Kuqi, si edhe ambasadori i jashtëzakonshëm dhe i autorizuar i vendit në Mbretërinë e Belgjikës, Metodia Belevski./TV 21/

The post Zoran Popov kaloi filtrat në Kuvend për ambasador në SHBA appeared first on Albeu.com.

Konflikti me Bullgarinë, qeveria e Maqedonisë së Veriut çon në Kuvend propozimin francez

E S — Thu, 07 Jul 2022 15:17:01 +0000

Pasi ka shqyrtuar informacionin nga Ministria e Punëve të Jashtme, qeveria e Maqedeonisë së Veriut ka dërguar në Kuvend propozimin francez për zgjidhjen e konfliktit me Bullgarinë. Propozimi do I nënshtrohet një diskutimi dhe debati në Kuvend dhe më pas do miratohet.

“Në seancë, Qeveria ka vendosur që propozim korniza negociuese të dërgohet në Kuvendin e Maqedonisë së Veriut për shqyrtim dhe sjelljen e konkluzioneve të mëtutjeshme, në përputhje me procedurat e Kuvendit të Maqedonisë së Veriut”, thuhet në njoftimin e Qeverisë.

Sipas mediave maqedonase, nga LSDM thonë se plani Macron nuk shkel vijat e kuqe të vendosura nga parlamenti i Maqedonisë së Veriut. Sakaq, partitë shqiptare në Shkup janë shprehur në mbështetje të propozimit francez ndërsa VMRO-DPMNE kërkon ndryshimin e tekstit për të garantuar ruajtjen e identitetit maqedonas, përfshirë gjuhën dhe historinë, teksa akuzon qeverinë se po pranon një kompromis të dëmshëm për vendin.

Më 30 qershor, qeveria e Maqedonisë së Veriut pranoi një propozim të modifikuar nga presidenca franceze, pas së cilës filloi një proces konsultimi, fillimisht me qeverinë dhe partnerët e koalicionit, e më pas me presidentin, parlamentin, opozitën, si dhe me sektorin civil. Kryeministri i Maqedonisë së Veriut, Dimitar Kovaçevski, deklaroi se propozimi i modifikuar përfshin vërejtjet dhe qëndrimet e konstruktuara qartë të palës maqedonase, parasheh një pranim të qartë dhe pa mëdyshje të gjuhës maqedonase, si dhe atë që protokolli me Bullgarinë të mos jetë pjesë e kornizës negociuese.Presidenti francez, Emmanuel Macron, presidenca e të cilit hartoi propozimin, beson se me propozimin është gjetur një zgjidhje kompromisi për të dyja palët.Propozimi francez është një dokument që duhet të çojë në heqjen e vetos 2-vjeçare të Bullgarisë për integrimin e Maqedonisë së Veriut në BE./albeu.com

The post Konflikti me Bullgarinë, qeveria e Maqedonisë së Veriut çon në Kuvend propozimin francez appeared first on Albeu.com.

Ministria e Jashtme e Ukrainës: Vuçiq po gënjen

A M — Mon, 18 Apr 2022 14:15:46 +0000

Ministria e Punëve të Jashtme të Ukrainës ka “përgënjeshtruar” presidentin serb, Aleksandër Vuçiq, pas deklaratës së tij rreth përfshirjes së Ukrainës në raportimin rreth minimit të avionëve serbë.

Kështu ka deklaruar për “European Truth”, zëdhënësi i ministrisë ukrainase të Punëve të Jashtme, Oleg Nikolenko.

“Ne hedhim poshtë kategorikisht akuzat e pabaza të bëra nga presidenti i Serbisë. Pretendimet e tij për përfshirjen e pretenduar të Ukrainës në raportet se linjat ajrore serbe që fluturonin për në Rusi ishin minuar janë të pavërteta”, tha ai.

Tutje, ministria në fjalë është shprehur e zhgënjyer që Serbia nuk i është bashkuar ende sanksioneve të Bashkimit Evropian ndaj Rusisë për luftën e saj në Ukrainë.

Ata i kanë bërë thirrje Beogradit që t’i bashkohen botës demokratike.

“Rusia çdo ditë godet qytetet ukrainase me raketa dhe bomba, vret civilë dhe shkatërron infrastrukturën civile. Sanksionet e ashpra dhe uniteti i botës demokratike mund ta ndalojnë këtë luftë. Ne i bëjmë thirrje Beogradit të ngrihet në këmbë për të vërtetën dhe të mbështesë plotësisht Ukrainën dhe të mbështesë vlerat mbi të cilat u krijua një Evropë e bashkuar demokratike”, tha Nikolenko.

Më herët, presidenti serb Aleksandar Vuçiq tha se të dyja vendet fshiheshin pas raporteve për minimin e avionëve serbë që fluturonin drejt Rusisë.

Edhe pse jo anëtare e BE-së, Serbia i ka lënë avionët rusë të lirë të kalojnë në hapësirën ajrore të saj, duke u bërë kështu vendi i vetëm ballkanik që mbeti i hapur ndaj Rusisë.

“Air Serbia”, kryesisht shtetërore, fillimisht kishte dyfishuar numrin e fluturimeve direkte nga Moska në Beograd në 15 në javë për të përmbushur kërkesën në rritje të shpejtë. Mirëpo, për shkak të kritikave të ashpra, Serbia i është rikthyer numrit të fluturimeve të paraluftës drejt Rusisë, shkruan Pravda./albeu.com

The post Ministria e Jashtme e Ukrainës: Vuçiq po gënjen appeared first on Albeu.com.

MPJ e Maqedonisë së Veriut thirrje qytetarëve: Shmangni udhëtimet drejt Ukrainës

E B — Fri, 11 Feb 2022 17:57:06 +0000

Ministria e Punëve të Jashtme e Maqedonisë së Veriut, ka bërë apel deri tek të gjithë qytetarët e saj që planifikojnë të udhëtojnë drejt Ukrainës, ti shmangen këtij udhëtimi, dhe të gjithë ata që tani më gjenden në Ukrainë të largohen sa më shpejtë të jetë e mundur.

Postimi i plotë:

“Të nderuar,

Ministria e Punëve të Jashtme e Republikës së Maqedonisë së Veriut, duke ndjekur nga afër situatën në dhe rreth Ukrainës, iu apelon qytetarëve:

Të gjithë qytetarët e Maqedonisë së Veriut të cilët kanë planifikuar ta vizitojnë Ukrainën në periudhën në vijim, t’i shmangen udhëtimeve në atë vend; ndërsa, të gjithë qytetarët tanë që tani janë në Ukrainë, nëse kanë mundësi, të largohen nga vendi sa më shpejtë të jetë e mundur.

Në përputhje me apelet e mëparshme, qytetarët të cilët gjenden në Ukrainë, dhe të cilët ende nuk i kanë lënë të dhënat e tyre në Ambasadë, ta kontaktojnë Ambasadën e Republikës së Maqedonisë Veriut në Kiev, në mënyrë që t’i paraqesin të dhënat e tyre në numrat e telefonin në vijim:

+380442877882

+380663951190

E-mail: dkpkiev@mfa.gov.mk

Madje, qytetarët tanë mund ta kontaktojnë edhe Ministrinë e Punëve të Jashtme në linjën telefonike +389 75 273 732 dhe në e-maili adresën e mëposhtme: globalsos@mfa.gov.mk

Njëherit i rikujtojmë të gjithë qytetarët tanë, si ata që ndodhen këtu ashtu dhe ata që ndodhen në Ukrainë, ose kudo që të jenë, që t’i ndjekin dhe të informohen nga kanalet zyrtare të informimit që dalin nga Ministria e Punëve të Jashtme, rrjetet sociale të Ministrisë dhe të Ambasadës së Republikës së Maqedonisë së Veriut në Kiev.

Ministria e Punëve të Jashtme do të vazhdojë ta ndjekë situatën në Ukrainë dhe në kohë të informojë për udhëzimet e mundshme se si të veprojnë qytetarët tanë”, thuhet në komunikatë e Ministrisë së Punëve të Jashtme të Maqeonisë së Veriut./alsat

The post MPJ e Maqedonisë së Veriut thirrje qytetarëve: Shmangni udhëtimet drejt Ukrainës appeared first on Albeu.com.

79 afganë të tjerë largohen nga Kosova për në ShBA

E B — Fri, 17 Dec 2021 16:43:12 +0000

Ministria e Punëve të Brendshme ka njoftuar se edhe 79 afganë janë larguar nga Kosova për në ShBA, raporton Gazeta Express.

MPB përmes Facebook-ut ka deklaruar se po punojnë me ambasadën amerikane në Prishtinë për transferimin e refugjatëve afganë.

“Sot i përcollëm 79 miqtë tanë afganë që u larguan nga Kosova për në SHBA këtë mëngjes. Ne po punojmë me partnerin tonë @USEmbPristina, për t’u siguruar që mysafirët tanë në Camp Liya, të kalojnë sa më mirë derisa janë në vendin tonë dhe të jenë në gjendje të fillojnë jetën e tyre të re sa më shpejt të jetë e mundur në Amerikë. Mirupafshim dhe ju dëshirojmë gjithë të mirat duke shpresuar të dëgjojmë përsëri nga ju”, thuhet në njoftimin e MPB-së.

The post 79 afganë të tjerë largohen nga Kosova për në ShBA appeared first on Albeu.com.