Në pikën kufitare “Tabanocë”, automjete të shumta po presin në temperatura të larta për të kaluar kufirin maqedono-serb.

Sipas informacionit në terren, pesë kolona veturash kanë qëndruar për më shumë se një orë në pritje për të hyrë në Serbi.

Lidhur me këtë situatë ka reaguar Ministria e Punëve të Brendshme, e cila ka dhënë sqarime për arsyet e vonesave.

“Për shkak të problemeve teknike, sistemi i pikës së përbashkët kufitare me Republikën e Serbisë po funksionon ngadalë, prandaj ka vonesa të caktuara gjatë hyrjes në Republikën e Serbisë. Shërbimet kompetente po marrin masa intensive për të eliminuar problemin dhe për të normalizuar funksionimin e sistemit sa më shpejt të jetë e mundur”, informoi Ministria e Brendshme”.

The post Vonesa në “Tabanocë” pas ngadalësimit të sistemit, automjetet krijojnë kolona të gjata appeared first on Albeu.com.