Dy shtetas të Maqedonisë së Veriut janë shpallur të padëshiruar nga Ministria e Brendshme e Shqipërisë, për shkak të dyshimeve se kanë zhvilluar veprimtari në dëm të shtetit shqiptar, raporton “Top Channel”.

Vendimi është marrë me propozim të njësisë antiterror të Policisë së Shtetit dhe është konfirmuar më pas nga Ministria e Brendshme.

Personat e shpallur “non grata” janë Valon Beljan, i njohur edhe si Valjon Bela, dhe Bekir Halimi, të dy me shtetësi të Maqedonisë së Veriut.

Disa javë më herët, Ministria e Brendshme kishte shpallur “non grata” edhe shtetasen Ikballe Huduti, së cilës i është ndaluar hyrja në Shqipëri për 15 vjet.

The post Shqipëria shpall “non grata” dy shtetas nga Maqedonia e Veriut appeared first on Albeu.com.