Procedura e tenderimit për ndërtimin e stacionit të pastrimit të ujërave të zeza në Tetovë ka përfunduar dhe tashmë është zgjedhur kompania që do ta realizojë këtë projekt, bëhet e ditur në njoftimin e Ministrisë së Mjedisit Jetësor dhe Planifikimit Hapësinor, pas konferencës së sotme për shtyp të ministrit Muamet Hoxha.

Sipas Hoxhës, po zhvillohen përgatitjet për nisjen e zbatimit të projektit, ndërsa në muajt e ardhshëm pritet që në terren të fillojnë punimet ndërtimore. Ai theksoi se projekti ka një vlerë prej mbi 30 milionë euro dhe se realizimi i tij duhet të përmbyllet brenda dy vitesh.

Ministri theksoi gjithashtu se ndërtimi i këtij stacioni në Tetovë, i kombinuar me projektet në Shkup, Veles dhe Shtip, do të bëjë që rreth 75 për qind e territorit të shtetit të mbulohet me sistem për pastrimin e ujërave të zeza. Sipas tij, kjo përbën një hap të rëndësishëm në drejtim të forcimit të mbrojtjes së mjedisit jetësor dhe përmirësimit të cilësisë së ujërave./Telegrafi/

The post Hoxha njofton mbylljen e tenderit, pritet të nisë së shpejti ndërtimi i impiantit për trajtimin e ujërave të zeza në Tetovë appeared first on Albeu.com.