Muamet Hoxha, ministër i Mjedisit dhe Planifikimit Hapësinor, vizitoi sot Idrizovën në Komunën e Gazi Babës, së bashku me kryeministrin Hristijan Mickoski. Gjatë vizitës, ata ndoqën nga afër punimet për ndërtimin e rrjetit sekondar të kanalizimit fekal dhe të katër stacioneve të pompimit.

Ministria ka siguruar 50 milionë denarë për zbatimin e këtij projekti, i cili synon të avancojë infrastrukturën komunale, të përmirësojë cilësinë e jetesës së banorëve dhe të kontribuojë në mbrojtjen e mjedisit.

Ministri Hoxha theksoi se ky investim, bashkë me projektet e tjera që financohen nga Ministria, krijon bazën për një kthesë të gjelbër në mjedisin jetësor në mbarë vendin. Ai shtoi se do të vijojë mbështetja për zgjidhje sistematike, përmes të cilave problemet e qytetarëve trajtohen në mënyrë të qëndrueshme.

The post Hoxha: 50 milionë denarë investime për infrastrukturën në Idrizovë appeared first on Albeu.com.

Sipas Hoxhës, në pesë vitet e fundit është ngritur një mekanizëm modern dhe funksional për administrimin e njërit nga asetet natyrore më të çmuara të vendit. Ai theksoi se kjo është arritur falë angazhimit të përbashkët të institucioneve, banorëve lokalë dhe donatorëve.

“Qëllimi ynë është i qartë: zhvillim, por në harmoni me natyrën. Nuk do të lejojmë që fitimi ta shkatërrojë natyrën”, deklaroi Hoxha, duke bërë të ditur se është duke u përgatitur edhe një Strategji e Turizmit për zonën e parkut.

Ministri shprehu përkrahje për zbatimin e plotë të kompensimeve ekosistemike, duke sqaruar se të ardhurat e grumbulluara do të rikthehen drejtpërdrejt në park. Këto mjete do të përdoren për një mjedis më të pastër, përmirësimin e infrastrukturës malore dhe rritjen e kapaciteteve të rojtarëve të parkut.

Po ashtu, gjatë këtij viti, Institucioni Publik Parku Kombëtar Mali Sharr do të përfitojë mbështetje shtesë nga ministria për avancimin e kapaciteteve në zbulimin e hershëm dhe monitorimin e zjarreve pyjore, përmes investimeve në një objekt modern.

The post Hoxha njofton hartimin e Strategjisë së Turizmit për zonën e Parkut Nacional Mali Sharr appeared first on Albeu.com.