Në Samitin e NATO-s të mbajtur në Shqipëri, ministri i Mbrojtjes Vllado Misajllovski foli për nevojën e forcimit të bashkëpunimit ndërmjet shteteve anëtare të Aleancës, duke vënë theksin edhe te politikat e përbashkëta të mbrojtjes dhe sigurisë.

Sipas tij, një nga mesazhet kryesore të samitit ishte rëndësia e një qasjeje të përbashkët në fushën e sigurisë dhe mbrojtjes për të gjitha vendet anëtare, një qëndrim që, siç tha ai, po merr gjithnjë e më shumë peshë.

Misajllovski deklaroi se Maqedonia është përshëndetur nga shumë shtete, të cilat e kanë vlerësuar si një vend që, ndonëse i vogël krahasuar me të tjerët, jep një kontribut të konsiderueshëm në kuadër të proceseve të Aleancës.

“Është shumë e rëndësishme porosia që e kemi nga të gjitha vendet evropiane se kemi një politikë të përbashkët sigurie dhe mbrojtjeje dhe se duhet t’i përkasim atje është shumë i rëndësishëm, është një mesazh i shkëlqyer që duhet ta ndajmë së bashku dhe po e bëjmë këtë, dhe për këtë arsye nëse brenda NATO-s jemi një familje në të njëjtin nivel, kjo duhet të vlejë edhe për Bashkimin Evropian”, tha Misajllovski, duke shtuar se disa vende e kanë mirëpritur vendin tonë si një shtet që, edhe pse i vogël, e jep kontributin e vet.

Ai theksoi gjithashtu se presidentja, e cila udhëhoqi delegacionin e vendit tonë, pati një pritje të shkëlqyer dhe e përfaqësoi shtetin me dinjitet.

Ministri bëri të ditur se në samit u diskutua edhe për rritjen e pjesës së BPV-së për mbrojtjen. Ai nënvizoi se vendi ynë tashmë ndan rreth katër përqind të PBB-së për mbrojtje dhe kostot përkatëse, duke e cilësuar këtë si një kontribut të rëndësishëm drejt objektivit të përbashkët të Aleancës për të arritur pesë për qind deri në vitin 2035.

Në fund, Misajllovski e vlerësoi samitin si një takim të bukur që përcolli një mesazh të fortë solidariteti, ndërsa tha se aty u trajtuan edhe zhvillimet aktuale botërore, ndikimi i Kinës, ngjarjet në Ukrainë dhe në Iran.

The post Misajllovski: Edhe si shtet i vogël, Maqedonia po jep një kontribut të rëndësishëm në proceset e NATO-s appeared first on Albeu.com.

Deputetja e LSDM-së, Slavjanka Petrovska, ka drejtuar kritika të forta ndaj Ministrisë së Mbrojtjes dhe ministrit Vllado Misajlovski, duke i fajësuar se nuk i kanë mbajtur zotimet ndaj të punësuarve dhe se për dy vjet nuk kanë zhvilluar negociata për një marrëveshje të re kolektive.

Sipas saj, Qeveria ka pasur kohë të mjaftueshme për të hyrë në bisedime për një kontratë të re kolektive, por nuk e ka bërë një gjë të tillë.

“Kishit dy vjet për të negociuar ose rinegociuar marrëveshjen kolektive. Nëse do të dëshironit vërtet një marrëveshje më të mirë, ajo do të ishte nënshkruar menjëherë pasi të kishte skaduar ajo e mëparshmja”, deklaroi deputetja e LSDM-së.

Petrovska theksoi gjithashtu se ministri më herët kishte hedhur akuza të pabaza ndaj sindikatave dhe ishte përpjekur t’i zvogëlonte veprimet e tyre.

“Ai mendoi se duke formuar një sindikatë, nëpërmjet bashkëpunëtorit të tij të parë, do t’i kundërsulmonte sindikatat. Kjo mund të kishte funksionuar kur ai ishte pjesë e ekipit të Nikolla Gruevskit, por sot është viti 2026 dhe të drejtat e punëtorëve dhe sindikatave janë në një nivel shumë më të lartë”, tha Petrovska.

Ajo shtoi se ribalancimi i propozuar i buxhetit dëshmon se Ministria nuk ka paraparë mjete të mjaftueshme as për përmbushjen e obligimeve që dalin nga marrëveshja kolektive ekzistuese./Telegrafi/

The post Petrovska i përgjigjet Misajlovskit: Koha e Gruevskit ka mbaruar, sindikatat nuk mund të heshten më appeared first on Albeu.com.

Në kazermën “Ilinden” në Shkup u prezantuan pajisje të reja për Armatën, të siguruara me fonde të Bashkimit Evropian. Ky furnizim është realizuar në kuadër të bashkëpunimit me BE-në, konkretisht përmes Fondit Evropian për Paqe, dhe është i organizuar në tre paketa.

Në vend kanë mbërritur tashmë pajisjet e paketës së parë, si edhe një pjesë e paketës së dytë. Ato përfshijnë mjete dhe sisteme të ndryshme, si radarë, kamera termike, automjete transporti, simulatorë, radar 3D dhe sensorë portativë. Ndërkohë, paketa e tretë do të përfshijë pajisje logjistike, si dhe mjete për njësitë e komunikimit dhe ato të këmbësorisë.

Në këtë prezantim ishin të pranishëm kryeministri Hristijan Mickoski, ministri i Mbrojtjes Vllado Misajllovski dhe ambasadori i Bashkimit Evropian, Michalis Rokas.

“Siguria është pjesë thelbësore e partneritetit evropian të Bashkimit Evropian me Maqedoninë e Veriut, veçanërisht duke pasur parasysh se në vitin 2024 nënshkruam partneritetin për siguri dhe mbrojtje. Sot jemi vërtet të kënaqur që mund të shohim rezultate të dukshme të këtij partneriteti. Jam i bindur se do të vazhdojmë të punojmë ngushtë për t’u përballur me të gjitha sfidat e sigurisë me të cilat përballet Evropa”, deklaroi Michalis Rokas, ambasadori i BE-së në RMV.

“Bëhet fjalë për paketë në total rreth 40 milionë euro dhe 2 milionë euro shtesë për vendet e Ballkanit. Punojmë në vazhdimësi, shpresoj në periudhën në vijim do të njoftojmë për pako të reja që do të përfshijnë pajisje shtesë, por ajo që dua të them është bashkëpunimi i jashtëzakonshëm që kemi me ambasadorin, me delegacionin europian, sjell frute të mëdha, pajisje shtesë, rritje të buxhetit, që është shumë e rëndësishme”, tha ministri i Mbrojtjes, Vllado Misajllovski.

The post Bashkimi Evropian i jep Ushtrisë së Maqedonisë së Veriut pajisje ushtarake në vlerë 40 milionë euro appeared first on Albeu.com.