Ai zëvendëson vulosjen manuale të pasaportave me regjistrimin elektronik të hyrjeve dhe daljeve të shtetasve nga vendet jo-anëtare të Bashkimit Evropian.

Sistemi EES, i cili ka nisur të zbatohet pjesërisht që prej tetorit 2025, do të aplikohet për të gjithë shtetasit që udhëtojnë për qëndrime afatshkurtra, deri në 90 ditë brenda një periudhe 180-ditore, në zonën Shengen.

Qytetarët duhet të kenë parasysh se në hyrjen e parë pas datës 10 prill 2026, në pikën kufitare do të regjistrohen:

– të dhënat e pasaportës;

– fotografia e fytyrës;

– gjurmët e gishtërinjve.

Refuzimi për të dhënë të dhënat biometrike sjell refuzimin e hyrjes në territorin Shengen. Në fazën fillestare të zbatimit mund të ketë vonesa në aeroporte, porte dhe pika kufitare tokësore; për këtë arsye, qytetarët këshillohen të paraqiten më herët për udhëtim.

Pasaporta duhet të jetë e vlefshme dhe në gjendje të mirë fizike, ndërkohë që nuk kërkohet aplikim paraprak për EES; sepse regjistrimi kryhet në momentin e kalimit kufitar.

Gjithashtu, sistemi i ri nuk ndryshon rregullin ekzistues të qëndrimit: maksimumi 90 ditë në çdo periudhë 180-ditore.

Ministria për Evropën dhe Punët e Jashtme rekomandon që qytetarët të informohen paraprakisht mbi procedurat e reja dhe të planifikojnë udhëtimet e tyre duke marrë në konsideratë kohën shtesë të nevojshme për kontrollet kufitare.

The post Ministria e Jashtme njoftim të rëndësishëm për shqiptarët: Nga nesër futet në fuqi sistemi EES, nuk ka më vulosje të pasaportës, do regjistrohet fytyra appeared first on Albeu.com.

Në një reagim zyrtar, diplomacia shqiptare thekson se ka qenë vazhdimisht në mbështetje të përpjekjeve që synojnë qetësimin e situatave të tensionuara përmes vetëpërmbajtjes dhe dialogut të mirëfilltë ndërmjet palëve.

Sipas Ministrisë, zhvillimet e fundit kanë ndikuar ndjeshëm në tregjet globale, veçanërisht në sektorin e energjisë, ku pasiguritë e krijuara rreth Ngushtica e Hormuzit kanë sjellë pasoja për ekonomitë në shkallë botërore. Në këtë kuadër, theksohet nevoja urgjente për rikthimin e stabilitetit dhe garantimin e qarkullimit të lirë të tregtisë detare.

Gjithashtu, vlerësohet kontributi i disa vendeve që kanë luajtur rol ndërmjetësues dhe mbështetës në këtë proces, përfshirë Pakistani, Egjipti, Turqia dhe Arabia Saudite.

Në përfundim, theksohet se respektimi i armëpushimit dhe angazhimi serioz për një zgjidhje të qëndrueshme dhe gjithëpërfshirëse do të ndikojnë drejtpërdrejt në forcimin e stabilitetit rajonal dhe në garantimin e sigurisë dhe paqes.

Deklarata e plotë e Ministrisë së Jashtme

“Ministria për Evropën dhe Punët e Jashtme e Republikës së Shqipërisë mirëpret marrëveshjen për armëpushimin dyjavor ndërmjet Shteteve të Bashkuara dhe Iranit, e cila synon të hapë rrugën drejt një zgjidhjeje të qëndrueshme të konfliktit të përshkallëzuar në Lindjen e Mesme.

Shqipëria ka mbështetur vazhdimisht përpjekjet për ulje të tensioneve, vetëpërmbajtje dhe dialog kuptimplotë. Ndërprerja e furnizimeve globale me energji, përfshirë ndikimin e paqëndrueshmërisë rreth Ngushticës së Hormuzit, vijon të prekë ekonomitë në mbarë botën, duke theksuar urgjencën e rivendosjes së stabilitetit dhe garantimit të rrjedhës së lirë të tregtisë detare.

Ne vlerësojmë rolin konstruktiv të luajtur nga Pakistani, Egjipti, Turqia dhe Arabia Saudite në mbështetje të përpjekjeve për ulje të tensioneve dhe dialog.

Respektimi i armëpushimit dhe angazhimi me mirëbesim drejt një zgjidhjeje gjithëpërfshirëse dhe të qëndrueshme do të përbëjnë një kontribut të drejtpërdrejtë për stabilitetin rajonal, sigurinë dhe paqen për të gjithë.”

The post Armëpushimi SHBA-Iran, reagon Ministria e Jashtme e Shqipërisë: Hap pozitiv drejt stabilitetit dhe dialogut! appeared first on Albeu.com.

MEPJ sqaron se kjo faqe nuk ka autorizim nga autoritetet shqiptare, për të ofruar shërbime ose informacion mbi procedurat e vizave.

Ministria thekson se faqja e vetme zyrtare për aplikime vizash elektronike është e-visa.al.

MEPJ bën thirrje që qytetarët dhe të interesuarit të përdorin vetëm këtë burim për të shmangur çdo abuzim të mundshëm.

NJOFTIMI

Ministria për Evropën dhe Punët e Jashtme (MEPJ) njofton se, në vijim të monitorimit të vazhdueshëm të burimeve të hapura në internet, është konstatuar ekzistenca e faqes:

https://evisia-al.com/albaniavisaenquirylive/

e cila përmban materiale dhe informacion të ngjashëm me ato të publikuara në faqen zyrtare të aplikimit për vizë hyrjeje të shtetasve të huaj në Republikën e Shqipërisë.

Në këtë kuadër, sqarojmë se faqja e sipërcituar nuk është faqe zyrtare dhe nuk është e autorizuar nga autoritetet shtetërore shqiptare për të ofruar informacion apo shërbime lidhur me procedurat e vizave.

Theksojmë se faqja e vetme zyrtare për aplikimet për vizë elektronike shqiptare, së cilës duhet t’i drejtoheni, është:

https://e-visa.al/

MEPJ u bën thirrje qytetarëve dhe të interesuarve të tregojnë kujdes maksimal dhe të përdorin vetëm burime zyrtare për aplikime dhe informacion, me qëllim shmangien e çdo abuzimi të mundshëm.

Organet e sigurise kibernetike dhe autoritetet ligjzbatuese po marrin masa për të bllokuar cdo aktivitet të paligjshëm si dhe gjurmimin dhe ndjekjen e personave përgjegjes sipas legjislacionit në fuqi.

Ministria për Evropën dhe Punët e Jashtme është duke e ndjekur këtë çështje me qëllim marrjen e masave të nevojshme.

The post Ministria e Jashtme paralajmëron për faqe false vizash: Kujdes, përdorni vetëm burimet zyrtare appeared first on Albeu.com.

Ministria njofton se po ndjek me vëmendje zhvillimet dhe do të informojë publikun në mënyrë të vazhdueshme për çdo ndryshim në këshillat e udhëtimit.

Kjo masë ka për qëllim sigurimin e qytetarëve dhe parandalimin e rreziqeve në një rajon me tensione të larta.

Njoftimi i ministrisë:

Në vijim të komunikimeve të mëparshme lidhur me përshkallëzimin në rajonin e Lindjes së Mesme, dhe në kushtet e pasigurisë dhe paparashikueshmërisë së zhvillimeve, Ministria për Evropën dhe Punët e Jashtme përsërit thirrjen për qytetarët shqiptarë që të shmangin sa më shumë të jetë e mundur çdo udhëtim jo të domosdoshëm, në mënyrë të veçantë çdo udhëtim për arsye turistike në këtë rajon, deri në një njoftim të dytë.

Ministria për Evropën dhe Punët e Jashtme po ndjek me vëmendje zhvillimet dhe do të informojë publikun në mënyrë të vazhdueshme.

The post Ministria e Jashtme bën njoftimin e rëndësishëm për qytetarët shqiptarë appeared first on Albeu.com.

Ata këshillojnë të gjithë shtetasit shqiptarë që aktualisht janë rezidentë apo vizitorë në Iran dhe planifikojnë të udhëtojnë nga Irani drejt Shqipërisë përmes Turqisë nëpërmjet pikave kufitare tokësore (Iran-Turqi), që të vendosen menjëherë në komunikim me Ambasadën e Republikës së Shqipërisë në Ankara.

“Komunikimi paraprak me Ambasadën e RSH-së në Ankara është i rëndësisë së veçantë dhe i domosdoshëm për të mundësuar asistencën konsullore dhe koordinimin me autoritetet përkatëse turke, sipas udhëzimeve të këtyre të fundit.

Për nevoja të tilla dhe për çdo informacion shtesë mund të kontaktoni Ambasadën e RSH-së në Ankara, në numrat:

+90 (534) 080 37 65
+90 (549) 561 19 85

Si dhe përmes Email: embassy.ankara@mfa.gov.al

MEPJ është në ndjekje të vazhdueshme të zhvillimeve në rajon dhe do të informojnë në vijimësi qytetarët shqiptarë”, thuhet në njoftim.

The post Ministria e Jashtme thirrje shqiptarëve që janë në Iran: Nëse do të udhëtoni për në Shqipëri përmes Turqisë na kontaktoni menjëherë appeared first on Albeu.com.

Në një njoftim për shtyp, MPJ bën të ditur se situata konsiderohet e jashtëzakonshme dhe kërkohet nga qytetarët shqiptarë të ndodhur në Izrael të tregojnë kujdes të shtuar, të djekin me vëmendje njoftimet zyrtare dhe të respektojnë udhëzimet e sigurisë së autoriteteve vendore.

Ministria e Punëve të Jashtme dhe Ambasada Shqiptare në Tel Aviv, po monitorojnë nga afër zhvillimet dhe janë në dispozicion të qytetarëve shqiptarë.

Për çdo situatë emergjente, qytetarët shqiptarë mund të kontaktojnë në numrat:

+972549042813

+972544806601

MPJ nënvizon se këto kontakte duhet të përdoren vetëm nga qytetarët në Izrael dhe nuk mund të ofrojnë informacion për median.

Njoftimi i plotë:

Në vijim të situatës së jashtëzakonshme u bëjmë thirrje të gjithë qytetarëve shqiptarë që ndodhen në Izrael të tregojnë kujdes të shtuar, të ndjekin me vëmendje njoftimet zyrtare dhe të respektojnë udhëzimet e sigurisë së autoriteteve vendore.

Ministria e Punëve të Jashtme dhe Ambasada Shqiptare në Tel Aviv, po ndjekin nga afër zhvillimet. Njoftojmë se Ambasada Shqiptare në Tel Aviv është në dispozicion të plotë të qytetarëve tanë të ndodhur në Izrael dhe është në komunikim të vazhdueshëm me autoritetet vendase.

Për çdo nevojë emergjente, qytetarët shqiptarë që gjenden në Izrael, janë të lutur të kontaktojnë në numrat:
+972549042813
+972544806601

Lutemi, kontaktet e emergjencës të përdoren vetëm nga qytetarët e ndodhur në Izrael. Këto kontakte nuk do të mund të japin informacione për median.

MEPJ do të vijojë të informojë në mënyrë të rregullt për çdo zhvillim të mëtejshëm.

The post Sulmet kundër Iranit, ministria e Jashtme thirrje shtetasve shqiptarë në Izrael: Tregoni kujdes dhe respektoni udhëzimet e autoriteteve appeared first on Albeu.com.

MEPJ i ka përcjellë ngushëllime familjeve të viktimave dhe i ka uruar shërim të shpejtë të lënduarëve.

76 persona humbën jetën dhe 51 të tjerë mbetën të lënduar pas zjarrit që përfshiu resortin e skive në Turqinë veriperëndimore të martën.

“Zemërthyer nga lajmi i zjarrit tragjik në resortin e skive të Kartalkaya në Turqi, ku janë humbur shumë jetë njerëzish!”

Në këtë moment të vështirë, Shqipëria dhe populli i saj janë në solidaritet me Turqinë, dhe përcjellim ngushëllimet më të sinqerta ndaj familjeve të viktimave, ndërsa urojmë rekuperim të shpejtë për personat e dëmtuar!”, thuhet në mesazhin e MEPJ.

The post Tragjedia me 76 viktima/ Ministria e Jashtme: Shqipëria në solidaritet të thellë me Turqinë appeared first on Albeu.com.

Përmes një mesazhi në ‘Facebook’, ministri Igli Hasani, thekson se emigrantët mund të aplikojnë online në platformën e-albania.

Njoftimi:

“???? Shkurto kohë nëpërmjet shërbimeve konsullore online. Nëse keni humbur dokumentin tuaj të udhëtimit ose ju ka përfunduar afati i vlefshmërisë, aplikoni online në platformën e-albania për shërbimin “LEJE KALIMI” në Misionin Diplomatik dhe Postin Konsullor të RSH-së më të afërt”, shkruhet në njoftimin e ministrisë.

The post Keni humbur dokumentet e udhëtimit apo ju ka skaduar afati? Ministria e Jashtme ka një njoftim të rëndësishëm appeared first on Albeu.com.

Në Dortmund – më 14-15-16 qershor 2024, në adresën: Märkische Straße 120 (Seminar Gebaüde), 44141 Dortmund (Dhoma e Tregtisë e Dortmundit – IHK)

Në Hamburg – më 18-19-20 qershor 2024, në adresën: Rothenbaumchaussee 133, 20149 Hamburg (Konsullata e Përgjithshme e Republikës së Kosovës në Hamburg)

Në Dyseldorf – më 23-24-25 qershor 2024, në adresën: Bilker Str. 29, 40213 Düsseldorf (Konsullata e Përgjithshme e Republikës së Kosovës në Dyseldorf)

Ky projekt ka si qëllim mbështetjen e shtetasve shqiptarë, të cilët mund të përballen me mungesën e dokumenteve të udhëtimit.

Shërbimet që do të ofrohen janë:

Vetëdeklarim për humbje dokumenti

Në rast emergjencash shtetasit e interesuar mund të kontaktojnë në adresën e e-mailit: albaniaeuro2024@mfa.gov.al
dhe numrin e telefonit +49 1719259782

The post EURO 2024/ Ministria e Jashtme njoftim për shqiptarët që do ndjekin kompeticionin në Gjermani appeared first on Albeu.com.

Në një deklaratë, MEPJ u bën thirrje bashkëkombasve të ndjekin e të zbatojnë udhëzimet e sigurisë, të bëra publike së fundmi nga autoritetet vendase.

“Për çdo nevojë të mundshme të kontaktojnë në telefon dhe WhatsApp me numrat e kontaktit të ambasadës së Republikës së Shqipërisë në Izrael:

📲 +972 54-904-2813

dhe

📲+972 54-480-6601″.

The post Ministria e Jashtme bën njoftimin e rëndësishëm për shqiptarët që jetojnë në Izrael appeared first on Albeu.com.