Raporti Vjetor i Përmbledhur (RVP), është një dokument i Ministrisë së Financave dhe Ekonomisë, që përfshin mbledhjen dhe raportimin e të dhënave të ecurisë dhe performancës financiare dhe jofinanciare të kontratave të koncesionit/PPP, i cili synon të sigurojë për risqet kryesore fiskale nga kontratat e koncesionit/PPP, janë identifikuar dhe raportuar në mënyrë sistematike.

Por për shumë nga kontratat, informacioni është i pjesshëm vetëm për pjesën e pagesave, pasi autoritetet kontraktore hezitojnë të çojnë informacion të Ministria e Financave.

Inceneratori i Tiranës, që është një çështjet me të bujshme të korrupsionit që ka çuar pas hekurave zyrtarë të lartë dhe ish ministria.
Ministria e Financave, sqaroi se me vendimin të datës 28.07.2023 tё Gjykatës sё Posaçme tё Shkalles sё Parё pёr Korrupsionin dhe Krimin e Organizuar, ёshtё vendosur masa e sekuestros pёr pasuritё e shoqёrisё “Integrated Energy BV S.P.V” sh.p.k dhe shoqёrisё “Integrated Technology Servis” sh.p.k, shoqёri tё cilat administrohen nga Agjencia e Administrimit tё Pasurive tё Sekuestruara dhe Konfiskuara, nё zbatim te legjislacionit nё fuqi pёr administrimin e pasurive tё sekuestruara dhe konfiskuara.

Me ketë tagër Agjencia e Pasurive të Konfiskuara, në varësi të Ministrisë së Brendshme, do të duhet të zhvillojë punimet në objekt përderisa merr financimet ose t’i riktheje serish fondet në buxhet.

Agjencia e Pasurive të Konfiskuara e cila në ombrellën e saj ka një seri biznesesh shtetërore dhe private për të administruar po merr fondet buxhetore teksa objekti nuk po ndërtohet. Nga ky institucion nuk ka të dhëna se çfarë bëhet me pagesat, ndërsa në raportin e financave jepet raportimi i Autoritetit Kontraktor.

Sipas skedës aktuale të koncesionit për inceneratorin e Tiranës, Autoriteti Kontraktues i këtij koncensioni janë : Ministria e infrastrukturës dhe Energjisë dhe Ministria e Turizmit dhe Mjedisit dhe Autoritet i Përfshirë është Bashkia e Tiranës dhe Njësitë e Qeverisjes Vendore Qarku Tiranë (shiko tabelën e mëposhtme).

Vlera e investimit është 17,1 miliardë Lekë dhe Data e fillimit të kontratës është 31 Gusht 2017. o Kohëzgjatja e kontratës është 30 vjet dhe faza aktuale e projektit cilësohet “Ndërtim & Operim”.

Të dhënat e tjera nga Data Baza Lokale e Spending Data Albania tregojnë se nga data 1 janar deri më 17 prill 2024 nga Drejtoria e Thesarit në Ministrinë e Financave janë kryer 392,334,823 lekë pagesa (3,8 milionë euro).

Inceneratori i Tiranës, një vepër që nuk ekziston dhe procesi është nën hetim dhe sekuestro nga SPAK, do të financohet nga taksat e shqiptarëve me 1,27 miliardë lekë (12 mln euro) këtë vit, me rritje gati 20% nga viti 2023, sipas parashikimeve në buxhetin 2024.

Deri në mes të prillit janë paguar 30% e fondeve të planifikuara këtë vit për inceneratorin, teksa fondet për investimet kapitale thuajse janë bllokuar.

Të dhënat nga bilancet tregojnë se Integrated realizoi 9,9 miliardë lekë të ardhura gjatë periudhës 2017-2022, nga të cilat 2,7 miliardë lekë (23,8 milionë euro ishin fitime).

Të dhënat referojnë se përveç fondeve për investimin e inceneratorit, kompania ka përfituar pagesa nga bashkitë e Durrësit, Kavajës, Tiranës për administrimin e mbetjeve.

Bashkia e Durrësit, përbën një rast unik se si mbi gjysmën e të ardhurave që ajo mbledh vetë e shpenzon vetëm për një zë, për mbrojtjen e mjedisit (kryesisht pastrimi mbeturinave).

Në vitin 2022, të ardhurat e veta të Bashkisë (nga taksat e tarifat e taksat e ndara) ishin 1.53 miliardë lekë, me rënie 3% në krahasim me vitin e mëparshëm, sipas të dhënave nga Co-Plan.

Rritja e shpenzimeve për mbrojtjen e mjedisit, erdhi pas mbylljes së depozitimit të Porto Romanos dhe dërgimit të mbetjeve në inceneratorin e Sharrës në Tiranë.

Sipas kontratës, që qeveria ka me koncesionarin e plehrave në Sharrë, kosto e depozitimit të mbetjeve është 29.05 euro/ton për të gjithë kohëzgjatjen e koncesionit.

Të dhënat nga pasqyrat financiare tregojnë se të ardhurat e integrated Energy B.V. S.P.V.” ishin shumë më të lata se, të dhënat nga thesari i Ministrisë së financave, për shkak se përveç fondeve për investimin e inceneratorit kompania ka përfituar pagesa nga bashkitë e Durrësit, Kavajës, Tiranës për administrimin e mbetjeve/ Monitor

The post Ministria e Financave publikon raportin, qeveria dështon të justifikojë me punime pagesat për inceneratorin e Tiranës appeared first on Albeu.com.

Janë shtrënguar kriteret për kompanitë që do të përfitojnë licencë, si dhe është prezantuar një sistem pikëzimi për renditjen e kompanive garuese.

Gjithashtu në komisionin e licencave do të shtohen anëtarët që vlerësojnë kërkesat nga subjektet

“Drafti ka pësuar ndryshime. Janë riparë kriteret për kompanitë që duhet të licencohen.  Licencat fillojnë nga një nivel minimal dhe kush ofron me shumë do të ketë avantazh me shumë.  Ulet fasha e atyre që luajnë për bingon televizive nga 21 ne 18 vjeç. Është draft shumë më i kompletuar, garanton ulje informaliteti, kritere me te forta licencimi dhe sistem transparent te pikëzimit dhe në përzgjedhjen e kompanive”, deklaroi Vasilika Vjero, zv.ministre e financave.

Kryetari i Komisionit të ekonomisë propozoi edhe lejimin e kazinove online, gjë e cila nuk është marrë parasysh nga Ministria e Financave. Gjithashtu poshtë është hedhur dhe kërkesa e deputetëve socialistë për taksimin e lojtarëve në lojërat e fatit.

“Ne nuk do t’i taksojmë lojtarët, sepse në këtë mënyrë do t’i dekurajojmë ata që të luajnë në mënyrë formale dhe të rregullt. Me këtë argument ne e hedhim poshtë kërkesën sepse mund të nxisë informalitetin.”

Debate ka pasur edhe për normën e fitimit në bingon televizive kombëtare

“Ne do të lëmë një normë 80% të shumës së luajtur pasi ky është standardi evropian.”

Qeveria ka parashikuar të vjelë 2 miliardë lekë taksa nga lojërat e fatit gjatë këtij viti në Buxhet dhe në këtë mënyrë në seancën plenare të radhës synohet që ligji të kalojë në parlament dhe t’i hapet rruga rikthimit të këtij aktiviteti, por kësaj radhe vetëm online.

The post Ndryshon ligji i lojërave të fatit! Shtrëngohen kriteret për dhënien e licencave, vendoset sistem pikëzimi appeared first on Albeu.com.

Borxhi publik bruto gjithsesi mbetet në nivele më të larta se para pandemisë 2019 ku treguesi arriti në 65.8% të PBB-së.

Pas zgjerimit me rreth 74.5% të PBB-më 2020 treguesi shënoi rënie për shkak të situatës së mirë fiskale që erdhi kryesisht nga rritja e çmimeve të lëndëve të para.

Arkëtimet buxhetore pësuan rritje me rreth 13% vitin e kaluar ose rreth 588 milionë euro më shumë se në vitin 2021. Një pjesë e madhe e rritjes i dedikohet inflacionit te lartë.

Gjatë vitit të kaluar importet në sasi pësuan rënie me 6.5% , por në vlerë ato ishin gati 19% më të larta se në vitin 2021.

Rritja e të ardhurave më shumë se plani dhe mbajtja e shpenzimeve nën kontroll ndihmuan në rënien e borxhit në përqindje të PBB-së edhe pse treguesi ishte parashikuar me rritje këtë vit.

Qeveria synon një deficit fiskal të përgjithshëm prej 2.2% të PBB për 2024, nga 2.6% i programuar për vitin 2023, nivelin prej 2.2% të PBB-së në vitin 2025 dhe 1.7% në 2026.

Njëkohësisht, balanca primare pritet të rikthehet në norma pozitive prej rreth 0.3% që prej vitit

Ministria e Financave parashikon që duke filluar që prej vitit 2024 e në vijim balanca primare faktike nuk mund të rezultojë negative, pra duhet të jetë së paku e balancuar ose pozitive (suficit primar).

Balanca primare, pritet të çojë në një reduktim të nivelit të borxhit publik bruto rreth nivelit prej 64.2% të PBB deri në vitin 2026 nga rreth 68.8% që pritet të rezultojë në 2022.

Gjatë periudhës nga viti 2017 deri në vitin 2019, borxhi ka qenë në një trajektore rënëse duke shënuar një rënie me 4.4 p.p., nga 70.1% e PBB në fund të vitit 2017 në 65.7% e PBB në fund të vitit 2019.

Gjatë vitit 2020 dhe 2021, borxhi shënoi rritje duke kapur nivelin prej 73.1% e PBB në fund të vitit 2021.

Rritja e nivelit të borxhit gjatë dy viteve të fundit ka ardhur si rezultat i nevojave më të larta për financim në këto vite si pasojë e situatës së krijuar pas tërmetit të vitit 2019, pandemisë Covid-19, si dhe nevojës për të stimuluar rimëkëmbjen e ekonomisë pas rënies së madhe që pati në vitin 2020./monitor/

The post Çmimet e larta “shpëtojnë” borxhin publik appeared first on Albeu.com.

Gjykata e Apelit ka caktuar sot masën e sigurisë ‘arrest shtëpie’ për Gjokutajn.

Ky i fundit u arrestua muajin e kaluar për shpërdorim detyre me pasoja 1.2 milionë euro në arkën e shtetit.

Sipas prokurorisë, këta shtetas kanë vepruar duke pranuar shpërblimin e shtetasit Ilir Thana, në vlerën e rreth 82.000.000 lekëve, nga të cilat 50.000.000 lekë të kaluara në llogarinë e këtij shtetasi duke e trajtuar si pronar pa qenë në këtë status si dhe duke ekzekutuar për herë të dytë një vendim gjyqësor të ekzekutuar nga Ministria e Financave në vitin 2015. /albeu.com

The post Skandali i korrupsionit në Ministrinë e Financave, lirohet nga burgu sekretari Arlind Gjokutaj dhe dy të arrestuarit e tjerë appeared first on Albeu.com.

Këtë e konfirmoi edhe ministri Fatmir Besimi, i cili u arsyetua se këtë ja lejoi ligji për nëpunës publik dhe të njëjtën e bëri sepse të punësuarit po braktisin vendin e tyre te punës.

Por, ai nuk dha një sqarim se perse nuk do të ndiqet ky trend edhe në institucionet tjera të administratës publike./Alsat/

The post Ministria e Financave në Maqedoni rriti pagat e gjithë të punësuarve me 30 për qind appeared first on Albeu.com.

“Nuk kam asnjë koment kur bëhet fjalë për arrestime. Përgjegjësit penale dhe ligjore janë personale, të lëmë drejtësinë të bëjë punën e vet”, tha Balla pas mbledhjes së grupit.

Kujtojmë që me urdhër të SPAK u arrestuan sekretari i përgjithshëm i ministrisë së Financave, Arlind Gjokutaj së bashku me dy zyrtarë të tjerë, përkatësisht, drejtori i çështjeve ligjore Fatmir Hoxhaj si dhe përmbaruesi privat Alban Ruli.

Sipas SPAK, të arrestuarit i kanë kryer shkeljet ligjore pasi kanë pranuar shpërblimin prej 82 milionë lekësh nga shtetasi Ilir Thana. /albeu.com

The post Arrestimet në Ministrinë e Financave, reagimi i parë nga PS: Përgjegjësia është personale appeared first on Albeu.com.

Prej dy ditësh ai ndodhet i shtruar në pitalin e Kardiologjisë për probleme me zemrën. Në gjykatë janë Fatmir Hoxhaj, drejtor i çështjeve juridike në këtë ministri dhe Alban Ruli, përmbarues.

Sekretari i  Përgjithshëm i Ministrisë së Financave, Arlind Gjokutaj, drejtori i çështjeve ligjore Fatmir Hoxhaj si dhe përmbaruesi privat Alban Ruli u arrestuan më 11 janar 2023.

Skama abuzive u  zbulua në mënyrë rastësore, pas një denoncimi të çuar në prokurori nga një bankë e nivelit të dytë në vend.

Prokuroria theksoi në një njoftim për mediat se këta persona i kanë kryer shkeljet ligjore pasi kanë pranuar shpërblimin prej 82 milionë lekëve (rreth 750 mijë dollarë) prej shtetasit Ilir Thana.

50 milionë lekë (afro 455 mijë dollarë) nga shuma e premtuar ata ia kishin kaluar në llogarinë e Thanës, në këmbim të njohjes së tij si pronar i një prone, pa qenë i tillë gjatë një marrëdhënieje kontraktuale me Drejtorinë e Shërbimit Qeveritar të zgjidhur nga gjykata.

Në korrik të vitit 2000 Gjykata e Apelit në Tiranë vendosi pavlefshmërinë e një kontrate shitjeje magazine të vitit 1992 mes Drejtorisë së Shërbimit Qeveritar, Agjencisë Kombëtare të Privatizimit dhe blerësit Ilir Thana.

Sipas këtij vendimi, palët ktheheshin në gjendjen e mëparshme, magazina i kthehej Drejtorisë së Shërbimeve Qeveritare dhe kjo së bashku me AKP-në t’i kthenin blerësit vlerën e objekteve magazinë dhe truall, veprime që u kthyen deri në shkurt 2015.

Por shtetasi Ilir Thana i është drejtuar sërish pas disa vjetësh zyrës përmbarimore, e cila në vitin 2022 ka vlerësuar magazinën dhe truallin në vlerën 1 milionë e 300 mijë dollarë, duke e trajtuar atë si ish pronar, “kur ai nuk ka qenë asnjëherë me këtë status”, thuhet në njoftim.

Sipas prokurorisë, “vlera e përcaktuar për t’ju dhënë këtij shtetasi është ndarë në kundërshtim me ligjin dhe cenon buxhetin e shtetit në rreth 1 milionë e 200 mijë euro”.

Ministria e Financave ka kaluar deri tani në llogarinë e Ilir Thanës 48 milionë lekë (436 mijë dollarë), të cilat prokuroria ka urdhëruar të sekuestrohen, por ka arritur të kapë vetëm 22 milionë (200 mijë dollarë), ndërsa 25 milionë lekë (227 mijë dollarë) janë kaluar tashmë në favor të një shtetaseje.

Në njoftimin e prokurorisë së kryeqytetit thuhet se këta 3 persona dyshohet se kanë shpërdoruar detyrën sipas nenit 248 të Kodit Penal dhe mund të dënohen deri në shtatë vjet burgim.

Prokuroria urdhëroi edhe ndalimin e shtetasit Ilir Thana, si i dyshuar për vjedhje në bashkëpunim dhe me pasoja të rënda parashikuar në nenin 134/3 me 4 deri në 10 vjet burgim, si dhe për pengime në ekzekutimin e vendimeve të gjykatës, dhe sipas neni 320 rrezikon burgim gjer në dy vjet./Albeu.com.

The post U arrestua për shpërdorim detyre, Arlind Gjokutaj shtrohet në spital, mungon në seancën e vlerësimit appeared first on Albeu.com.

Gazetarja Klodiana Lala ka treguar si Ilir Thana ka privatizuar një godinë në vitin 1991, si përfitoi, teksa shtoi se për rreth 2 muaj ai ka tërhequr nga 1 milion lekë (të reja) çdo ditë, nga llogaria e motrës së vet.

Më tej gazetarja tha se kjo ngjarje është vetëm maja e ajsbergut. Ajo gjithashtu e cilësoi të çuditshme faktin që kjo histori është shoqëruar me rrëmujë, pra me lënin e gjurmëve, pasi zyrtarët përpiqen të mos e bëjnë këtë

“Është një histori që nis në 1991, Ilir Thana është persona që ka privatizuar një godinë. Më 1995, është hapur një proces gjyqësor ndaj këtij personi për ta kthyer ish-pronarëve. Kjo është gjeneza e problematikës. Më 2005 e ka shitur këtë objekt. Diskutimi fillon me arrestimin e tre personave.

Më 2015, Mistrinë e Financës mbi bazën e vendimit të gjykatës ka vendosur marrjen e shumës si kompensim. Ajo çfarë është e paqartë është që ai është shpërblyer, ky persona është hequr si pronar. Pasi është kompensuar njëherë ka kërkua sërish një të dytë.

Alban Ruli, dosja ka kaluar në duart e disave, ai ka bërë një rivlerësim të rastit. Është përllogaritur 1.2 mln euro dhe paratë kanë kaluar në llogarinë e motrës së Thana. Shumë ishte e madhe ndaj do kalonte në këste. Thana për dy muaj ka bërë tërheqje të shumta nga llogaria e motrës së tij. Çdo ditë merrte 10 milion lekë të vjetra dhe ko ka krijuar dyshime që ky person që i vidhte. Ka patur dyshime asi ka tërhequr gati 400 mijë euro. Policia dhe Prokuroria ka ndërhyrë dhe ka filluar hetimet. Ajo që e ka bindur Prokurorinë është se është vendosur bllokimi I këtij rasti. Ajo çfarë mbetet për tu parë ehte se ku konsiston shpërdorimi i detyrës.

Prokuroria nuk ka sqaron sot nëse dy të arrestuarit kanë marrë para apo jo? Ata janë arrestuar për shpërdorim detyre, por pa e përcaktuar.

Dyshoj, Arlind Gjokutaj ka patur poste të rëndësishme që automatikisht ishte i kualifikuar për këtë detyrë. Nuk mendoj se e ka bërë për shkak të paaftësisë? Mund të jemi para korrupsionit.

Prokuroria e ka lënë përgjysmë. Në rast se është kryetar kjo vepër penale, duhet të këtë një hetim.  Të arrestuarit ndodhen në dhomat e izolimit në Tiranë. Duhet konfirmuar nëse ka arsye për ti mbajtur në këto masa sigurie. Nesër në 09:30 do paraqiten në Gjykatën e Tiranës. Avokatët e kanë mohuar mundësinë e një vepre penale.

Kjo histori në thelb ka diçka që nuk shkon. Përgjithësisht zyrtarët kujdesen që të mos lejnë gjumë. Ndaj korrupsioni është i vështirë për tu kapur. Duket si një shistori zhvatjeje por e rrëmujshme.

Gjokutaj, u arrestua dje dhe nesër do dalë në gjykatë. Kjo histori është maja e ajsbergut, Kjo bën përshtypje se është pjesë e MF. Imagjino se çfarë mund të ketë ndodhur brenda dyerve atje.

Prokuroria ka mundësia ta shtrijë këtë hetim në Ministrinë e Financës”, tha Lala. /albeu.com

The post Skandali në Ministrinë e Financave, gazetarja: Maja e ajsbergut, ka diçka që nuk shkon appeared first on Albeu.com.

Skama abuzive u  zbulua në mënyrë rastësore, pas një denoncimi të çuar në prokurori nga një bankë e nivelit të dytë në vend.

Prokuroria theksoi në një njoftim për mediat se këta persona i kanë kryer shkeljet ligjore pasi kanë pranuar shpërblimin prej 82 milionë lekëve (rreth 750 mijë dollarë) prej shtetasit Ilir Thana.

50 milionë lekë (afro 455 mijë dollarë) nga shuma e premtuar ata ia kishin kaluar në llogarinë e Thanës, në këmbim të njohjes së tij si pronar i një prone, pa qenë i tillë gjatë një marrëdhënieje kontraktuale me Drejtorinë e Shërbimit Qeveritar të zgjidhur nga gjykata.

Në korrik të vitit 2000 Gjykata e Apelit në Tiranë vendosi pavlefshmërinë e një kontrate shitjeje magazine të vitit 1992 mes Drejtorisë së Shërbimit Qeveritar, Agjencisë Kombëtare të Privatizimit dhe blerësit Ilir Thana.

Sipas këtij vendimi, palët ktheheshin në gjendjen e mëparshme, magazina i kthehej Drejtorisë së Shërbimeve Qeveritare dhe kjo së bashku me AKP-në t’i kthenin blerësit vlerën e objekteve magazinë dhe truall, veprime që u kthyen deri në shkurt 2015.

Por shtetasi Ilir Thana i është drejtuar sërish pas disa vjetësh zyrës përmbarimore, e cila në vitin 2022 ka vlerësuar magazinën dhe truallin në vlerën 1 milionë e 300 mijë dollarë, duke e trajtuar atë si ish pronar, “kur ai nuk ka qenë asnjëherë me këtë status”, thuhet në njoftim.

Sipas prokurorisë, “vlera e përcaktuar për t’ju dhënë këtij shtetasi është ndarë në kundërshtim me ligjin dhe cenon buxhetin e shtetit në rreth 1 milionë e 200 mijë euro”.

Ministria e Financave ka kaluar deri tani në llogarinë e Ilir Thanës 48 milionë lekë (436 mijë dollarë), të cilat prokuroria ka urdhëruar të sekuestrohen, por ka arritur të kapë vetëm 22 milionë (200 mijë dollarë), ndërsa 25 milionë lekë (227 mijë dollarë) janë kaluar tashmë në favor të një shtetaseje.

Në njoftimin e prokurorisë së kryeqytetit thuhet se këta 3 persona dyshohet se kanë shpërdoruar detyrën sipas nenit 248 të Kodit Penal dhe mund të dënohen deri në shtatë vjet burgim.

Prokuroria urdhëroi edhe ndalimin e shtetasit Ilir Thana, si i dyshuar për vjedhje në bashkëpunim dhe me pasoja të rënda parashikuar në nenin 134/3 me 4 deri në 10 vjet burgim, si dhe për pengime në ekzekutimin e vendimeve të gjykatës, dhe sipas neni 320 rrezikon burgim gjer në dy vjet./VOA/

The post “Tërmeti” në Ministrinë e Financave, si u zbulua skema abuzive që çoi në pranga 3 zyrtarë appeared first on Albeu.com.

Sipas Prokurorisë, tre të arrestuarit, kanë vepruar duke pranuar shpërblimin e shtetasit Ilir Thano në vlerën e rreth 82.000.000 lekëve, nga të cilat 50.000.000 lekë të kaluara në llogarinë e këtij shtetasi duke e trajtuar si pronar pa qenë në këtë status si dhe duke ekzekutuar për herë të dytë një vendim gjyqësor të ekzekutuar nga Ministria e Financave në vitin 2015.

Deri në këtë fazë rezulton se Ministria e Financave ka kaluar në favor të Thanos. shumën 48.118.366 lekë. Nga kjo shumë është e provuar se 25.000.000 lekë kanë kaluar në favor të shtetases Sh.P. Gjithashtu, ka dyshime se veprimet e përmbaruesit, të Ministrisë së Financave dhe persona të tjerë, kanë shpërdoruar detyrën duke vjedhur nga Buxheti i Shtetit deri në këtë fazë shumën 48.118.366 lekë dhe tentuar për të vjedhur pjesën e mbetur.

Njoftimi i Prokurorisë:

Prokuroria Tiranë kërkon “Arrest në Burg” për zyrtarët publikë dhe përmbaruesin për “Shpërdorim detyre”

Me kërkesë të Prokurorisë Pranë Gjykatës së Shkallës së Parë Tiranë, u caktua masa e sigurimit “Arrest në burg” për shtetasin, A.GJ., Sekretar i Përgjithshëm i Ministrisë së Financave, shtetasin F. H., Drejtor i Shërbimeve mbështetëse dhe çështjeve ligjore dhe A.R., përmbarues gjyqësor privat si të dyshuar për kryerjen e veprës penale të “Shpërdorimit të Detyrës” parashikuar nga Neni 248 i Kodit Penal.

Këta shtetas kanë vepruar duke pranuar shpërblimin e shtetasit I. TH., në vlerën e rreth 82.000.000 lekëve, nga të cilat 50.000.000 lekë të kaluara në llogarinë e këtij shtetasi duke e trajtuar si pronar pa qenë në këtë status si dhe duke ekzekutuar për herë të dytë një vendim gjyqësor të ekzekutuar nga Ministria e Financave në vitin 2015.

Deri në këtë fazë rezulton se Ministria e Financave ka kaluar në favor të shtetaist I. Th. shumën 48.118.366 lekë. Nga kjo shumë është e provuar se 25.000.000 lekë kanë kaluar në favor të shtetases Sh.P.

Organi procedues konstaton dhe çmon se ka dyshime se veprimet e përmbaruesit, të Ministrisë së Financave dhe persona të tjerë, kanë shpërdoruar detyrën duke vjedhur nga Buxheti i Shtetit deri në këtë fazë shumën 48.118.366 lekë dhe tentuar për të vjedhur pjesën e mbetur.

Organi procedues ka urdhëruar sekuestrimin e shumës se kaluar shtetasit I. Th. dhe llogarisë qëllimore të përmbaruesit, duke arritur të sekuestrojë deri në këtë fazë të hetimeve rreth 22.000.000 lekë.
Prokuroria pranë Gjykatës së Shkallës së Parë Tiranë, ka urdhëruar ndalimin e shtetasit I.Th., për veprat penale të parashikuara nga nenet 134/3 dhe 320 të K.Penal si dhe vazhdon hetimet në lidhje me përgjegjësinë penale të personave të tjerë të përfshirë në këtë aktivitet kriminal./albeu.com

The post I shkaktuan miliona euro dëm buxhetit, Prokuroria jep detaje për arrestimin e zyrtarëve të lartë të Ministrisë së financave appeared first on Albeu.com.