Ministrja e Energjetikës, Minierave dhe Burimeve Minerale, Sanja Bozhinovska, deklaroi se planifikimi i infrastrukturës energjetike bëhet me perspektivë shumëvjeçare, në një kohë kur rrjedhat e energjisë po riformësojnë hartën e Evropës.

Gjatë prezantimit të Studimit të parë Kombëtar për Hidrogjenin, ajo tha se ky dokument shkon përtej trajtimit të hidrogjenit si burim i ri energjie. Sipas saj, studimi shërben si një orientim për zhvillimin e infrastrukturës së nevojshme për prodhimin, transmetimin dhe përdorimin e hidrogjenit të pastër.

Bozhinovska vlerësoi se pozicioni i Maqedonisë, mes Greqisë dhe Serbisë, si dhe lidhja e saj me tregjet e Evropës Qendrore, i krijon mundësi vendit të marrë një rol të ri në rrjetin pan-evropian të hidrogjenit. Për ta shfrytëzuar këtë mundësi, theksoi ajo, nevojiten lidhje fizike, rregulla të përafruara, institucione të qëndrueshme dhe bashkëpunim rajonal afatgjatë.

Ministrja iu referua edhe takimeve të zhvilluara në SHBA, përfshirë atë në Shtëpinë e Bardhë, ku u firmos Memorandumi për bashkëpunim në fushën e energjetikës. Ajo përmendi gjithashtu takimin katërpalësh ministror të mbajtur në Athinë më 15 maj, ku u vendos që Maqedonia dhe Serbia të përfshihen në zgjerimin e Korridorit Vertikal të Gazit.

Sipas Bozhinovskës, interkonektorët me Greqinë dhe Serbinë nuk po ndërtohen vetëm për të diversifikuar furnizimin me gaz natyror. Ato po projektohen gjithashtu si linja që mund të përshtaten për transportin e hidrogjenit.

Pjesa e interkonektorit me Greqinë që kalon në territorin maqedonas, nga Negotina deri në kufi, është 67 km. Në total, projekti deri në Nea Mesimvria do të shtrihet në 123 km. Kapaciteti i parashikuar arrin deri në 2,8 miliardë metra kub gaz në vit, shifër që tejkalon nevojat e brendshme dhe i siguron Maqedonisë mundësinë për të shërbyer si vend tranziti.

Bozhinovska foli edhe për projektin e tranzicionit të drejtë në REK Bitola. Në kuadër të tij po përgatitet centrala e re kogjenerative “REK Bitola 1”, e mbështetur me 2,4 milionë dollarë nga Banka Botërore. Impianti do të funksionojë me gaz natyror, ndërsa parashikohet që në të ardhmen të mund të përshtatet për përdorimin e hidrogjenit.

Ajo bëri të ditur se reformat në sektorin energjetik kanë marrë vlerësim pozitiv nga Komisioni Evropian. Ndër masat e përmendura janë krijimi i sistemit për menaxhimin e tranzicionit të drejtë dhe miratimi i planit trevjeçar për rinovimin e ndërtesave të administratës qendrore.

“Nga një shtet i varur nga një pikë hyrëse, Maqedonia po shndërrohet në një vend të lidhur me më shumë drejtime dhe burime. Nga një vëzhgues i zhvillimeve rajonale, po bëhemi pjesëmarrës aktivë. Kjo është infrastruktura që po ndërtojmë sot dhe roli energjetik që po krijojmë për nesër”, përfundoi ministrja Bozhinovska.

The post Bozhinovska: Investimet e sotme në energji do të përcaktojnë pozicionin e vendit në të ardhmen appeared first on Albeu.com.

Ministrja e Energjisë, Minierave dhe Burimeve Minerale, Sanja Bozhinovska, deklaroi se siguria energjetike përbën sot një detyrim të përbashkët për të gjithë rajonin dhe se ajo mund të garantohet vetëm nëpërmjet infrastrukturës së ndërlidhur, politikave të bashkërenduara dhe investimeve të përbashkëta.

Ajo i bëri këto komente gjatë Këshillit Informal Ministror të Komunitetit të Energjisë në Prishtinë, ku ishin të pranishëm ministra nga Ballkani Perëndimor, si edhe përfaqësues të Komisionit Evropian dhe të Sekretariatit të Komunitetit të Energjisë.

Sipas Bozhinovskës, Maqedonia synon ngritjen e një sistemi energjetik rajonal plotësisht të ndërlidhur, i cili në të ardhmen do të integrojë rrjetet e energjisë elektrike, gazit dhe hidrogjenit. Ajo nënvizoi gjithashtu se vendi është duke punuar aktivisht për integrimin në tregun evropian të energjisë.

Ministrja bëri të ditur se ndërlidhësi i gazit me Greqinë pritet të përfundojë deri në vitin 2027, ndërsa ai me Serbinë ndodhet në fazë përgatitore dhe parashikohet të realizohet rreth vitit 2028. Sipas saj, këto projekte do të mundësojnë burime të reja furnizimi, përfshirë edhe gazin natyror të lëngshëm përmes Greqisë.

Në këtë takim u vlerësua përparimi i Maqedonisë në përafrimin me legjislacionin evropian në fushën e energjisë, si edhe nisja e tregut të energjisë elektrike brenda ditës.

Ministrja theksoi se e ardhmja e rajonit lidhet me veprimin e përbashkët dhe se integrimi në sistemin evropian të energjisë do të sjellë më shumë siguri energjetike, konkurrueshmëri dhe tërheqje të investimeve.

Një vëmendje e veçantë iu kushtua nevojës për diversifikimin e burimeve të furnizimit, forcimin e ndërlidhjeve dhe rritjen e prodhimit vendas të energjisë.

The post Bozhinovska: Maqedonia angazhohet intensivisht për t’u përfshirë në tregun evropian të energjisë appeared first on Albeu.com.

Gjatë këtij takimi, ku ishin të pranishëm edhe përfaqësues të lartë të ministrive dhe institucioneve, u trajtua Lista Indikative e Projekteve në kuadër të Agjendës së Reformave dhe Instrumentit për Reforma dhe Rritje, si edhe projektet që tashmë janë në fazën e zbatimit dhe që mbështeten financiarisht përmes Kornizës së Investimeve për Ballkanin Perëndimor (WBIF).

Bozhinovska njoftoi për ecurinë e aktiviteteve që po zhvillohen dhe të atyre që priten të ndërmerren më tej, duke theksuar se zbatimi i Agjendës së Reformave mbetet prioriteti më i lartë i Qeverisë. Ajo shtoi se Ministria do të vazhdojë me realizimin e reformave në mënyrë të përgjegjshme dhe transparente, në koordinim të ngushtë me institucionet dhe faktorët ndërkombëtarë.

Po ashtu, ministrja paraqiti edhe vështirësitë që lidhen me realizimin e projekteve, duke sqaruar njëkohësisht edhe zgjidhjet konkrete për tejkalimin e tyre.

Brenda kuadrit të Misionit të Monitorimit do të zhvillohet një seri takimesh, ndërsa është planifikuar edhe një vizitë në terren lidhur me projektin për ndërtimin e një impianti pastrimi për trajtimin e ujërave të zeza në qytetin e Shkup.

The post Bozhinovska: Agjenda e reformave është në qendër të vëmendjes sonë, reformat do të zbatohen me përgjegjësi dhe transparencë appeared first on Albeu.com.