Ministria e Drejtësisë, shprehet se ngjarja është nën hetim, ndërsa ka shprehur ngushëllime për familjen e të ndjerit.

“Sot, më datë 07.06.2024 në orën 07:45, i paraburgosuri në Institucionin e Ekzekutimit të Vendimeve Penale (IEVP) Reç-Shkodër, Eduard Gjon Koka ka ndërruar jetë në Spitalin Rajonal të Shkodrës.

Në orën 06:30 të mëngjesit, i ndjeri është ankuar tek punonjësi i rolit bazë se nuk ndjehej mirë dhe se kishte probleme me frymëmarrjen. Menjëherë janë lajmëruar infermierët e turnit dhe është dërguar në infermieri i vetëdijshëm.

Duke parë gjendjen jo të mirë shëndetësore është nisur me urgjencë në Spitalin Rajonal të Shkodrës ku ka mbërritur rreth orës 07:15 dhe ka ndërruar jetë në ambientet e spitalit rreth orës 07:45.

Eduard Koka, i biri i Gjon dhe Mrike, lindur më 14.03.1979 në Reps, Mirditë dhe banues në Lezhë, ishte i martuar dhe i padënuar më parë.

Ai ishte arrestuar më datë 02.04.2024 për veprën penale të “prodhimit dhe shitjes së narkotikëve” të parashikuar nga neni 283/1 i Kodit Penal.

I ndjeri ishte akomoduar në IEVP Reç me datë 02.06.2024, i transferuar nga IEVP Lezhë. Në kartelën e tij mjekësore nuk referohen probleme shëndetësore.

Ngjarja është nën hetim nga autoritetet përkatëse.

Drejtoria e Përgjithshme e Burgjeve dhe IEVP Reç i shpreh ngushëllimet familjes e të ndjerit dhe sigurojnë opinionin publik se do të bëjnë gjithçka për të garantuar sigurinë dhe mirëqenien e të burgosurve”, thuhet në njoftimin e Ministrisë së Drejtësisë.

The post Vdekja e të burgosurit në burgun e Reçit, reagon Ministria e Drejtësisë: Ngjarja nën hetim, ngushëllime familjes appeared first on Albeu.com.

Lidhur me këto ngjarje ditën e sotme është njoftuar një protestë nga Kolektivi Feminist.

Protesta do të mbahet ditën e sotme në para Ministrisë së Drejtësisë në orën 17:00.

Kujtojmë që Dan Hutra vrau kunatën dhe nusen e vëllait të ish-bashkëjetueses si dhe plagosi këtë të fundit dhe nënën e saj.

Ndërkohë ai vrau edhe Etleva Kurtin si dhe plagosi me thkë të dashurën e tij si dhe i grabiti paratë.

Dan Hutra kishte vetëm dy javë që ishte liruar nga burgu, pasi ishte arrestuar në qershor të vitit të shkuar për dhunë në familje, pasi kishte dhunuar bashkëjetuesen e tij Elena Hysaj.

Dan Hutra ishte një person i dënuar më parë për vrasje dhe përdhunim. Në vitin 2003 ai mori peng nënën e kunatës dhe përdhunoi këtë të fundit, dhe u dënua me 3 vite burg.

Në vitin 2007-të vrau gruan e tij, por edhe pse u dënua me 24 vite burg, qëndroi në qeli vetëm 16 vite. Në vitin 2021 u dënua për grabitje. /albeu.com

The post “Boll më!” Masakrat me tre gra të vrara e tre të plagosura në Tiranë, sot protestë para Ministrisë së Drejtësisë appeared first on Albeu.com.

Edhe pse shumë e njohin si këngëtar, në fakt, Luzi Ejlli ka studiuar në Francë për t’u bërë avokat ose noter.

Megjithatë, në vitin 2013, pas studimeve në Francë, ai shprehej se do të kthehej në Shqipëri.

“Ka pak që jam kthyer në Shqipëri, ku u diplomova në Francë për Drejtësi. Aktualisht po shikoj për hapësira për të ushtruar profesionin tim. Le të shikojmë se çfarë do të na ofrojë fati! Kështu them! Të nis një jetë të re si avokat, noter. Të shikojmë dhe konkurset e ndershme që na kanë sjellë tani, le t’i provojmë”, shprehej Luizi për mediat.

Por 8 vite më vone, Ministria e Drejtësisë i hoqi licencën e noterit Luizit,  me motivacionin se nuk kishte bërë asnjë punë prej vitesh.

Pas një kontrolli të ushtruar në adresën e syrës së avokatisë që ai kishte paraqitur më 12 mars 2021,  Ministria e Drejtësisë vendosi t’ia heqë licencën, sepse, pas 5 majit 2018, nuk kishte kryer asnjë veprim noterial.

Ishte ish-ministrja e Drejtësisë, Etilda Gjonaj ajo që e kishte firmosur urdhrin, por nga Luizi nuk është folur kurrë për këtë detaj. /albeu.com

The post Prej vitesh nuk bëri asnjë veprim noterial, Ministria e Drejtësisë i hoqi licencën Luiz Ejllit (DOKUMENTI) appeared first on Albeu.com.

Mocioni u shfaq në faqen e internetit të ministrisë së më 20 dhjetor. MHG u krijua në vitin 1976 nga disidentë të njohur të asaj kohe, në shtëpinë e fizikantit dhe disidentit sovjetik, Andrei Sakharov.

Anëtarët grupit u arrestuan ose u detyruan të lëshojnë vendin, pasi u themelua MHG. Grupi ringjalli aktivitetin e tij në Rusi në fund të vitit 1980.

Marrë nga REL

The post Rusia kërkon mbylljen e grupit më të vjetër të të drejtave të njeriut në vend appeared first on Albeu.com.

Kur kanë kaluar plot 3 vite nga dhënia e amnistisë së fundit për një kategori personash që vuajnë dënimin në burgje për vepra të ndryshme penale, qeveria shqiptare po planifikon të aplikojë një tjetër amnisti në burgjet shqiptare.

Projektligji në fjalë është hartuar në ministrinë e Drejtësisë dhe dorëzuar në Kuvend ku pritet të shqyrtohet në komisionet parlamentare.

Kjo lëvizje ligjore vjen në një kohë kur numri i personave në burgje është rritur ndjeshëm dhe kapacitetet logjistike, përfshirë kostot financiare janë shtuar ndjeshëm.

Është siguruar drafti i Ministrisë së Drejtësisë, e cila ka parashikuar të përfshijë në skemën e amnistisë së dënimit një kategori të ndryshme dënimesh nga të treja shkallët e gjyqësorit.

Sipas ministrisë, nga kjo amnisti përfitojnë të dënuarit, deri në datën 31 Tetor 2022. Me sa duket qeveria kërkon të surprizojë për festat e nëntorit dhe dhjetorit, mbi 5500 persona që vuajnë dënimin në burgjet shqiptare.

Megjithëse një pjesë e mirë e tyre nuk përmbushin kriteret për të përfituar nga kjo aministi që synohet të miratohet në Kuvendin e Shqipërisë.

Kjo pasi qeveria ka përcaktuar në dy nene të posaçme dhe kushtet e veçanta se kush nga të dënuarit, do mundë të përfitojë nga amnistia. Projektligji i fundit për dhënien e amnistisë, pritet të sjellë lirimin e mbi 1 mijë të dënuarve që ndodhen në burgjet shqiptare.

Rriten pagat për punonjësit e policisë së burgjeve. “Detektivët” do paguhen njësoj si zv/drejtori

Kjo gjë sipas zyrtarëve do sillte lirimin e ambjenteve të tejmbushura pasi të dënuarit, kanë hapësira të vogla qëndrimi. Por nga kjo amnisti përfitohet dhe ulja e kostove financiare të Drejtorisë së Përgjithshme të Burgjeve.

Hera e fundit kur kuvendi miratoi një amnisti ka qenë fundviti 2019, periudhë kur ministria drejtohej nga Etilda Gjonaj.

Në atë kohë përfituan rreth 800 persona, pjesa më e madhe të mitur të cilët ishin arrestuar dhe dënuar për vepra të ndryshme penale, kryesisht vjedhje./OraNews/

The post “Rama hap burgjet”, ministria bën gati amnistinë për të dënuarit appeared first on Albeu.com.

Siç thuhet në njoftim, për Nikolla Gruevskin janë dërguar një kërkesë për ekstradim nga nëntori 2018 dhe një shtesë në kërkesën për ekstradim nga qershori 2019. Është kërkuar ekstradim për të gjitha rastet për të cilat kemi ditur se janë duke u zhvilluar procedura para organeve të drejtësisë maqedonase, përkatësisht për të gjitha procedurat për të cilat është lëshuar urdhër. Hungaria ka refuzuar kërkesën për ekstradim më 05.08.2019 me arsyetimin se Nikolla Gruevskit i është dhënë azil dhe sipas ligjit të tyre personi nuk mund të dorëzohet në vendin nga i cili ka ikur. Situata me të gjitha proceset gjyqësore po monitorohet me kujdes dhe Ministria e Drejtësisë do të veprojë në përputhje me rrethanat dhe do të paraqesë një kërkesë të re për ekstradim.

Për personat Alil Demiri dhe Afrim Ismailoviq, Republika e Kosovës ka kërkuar ekstradim për herë të parë më 15 mars 2013. Kërkesa për ekstradim ishte refuzuar me aktgjykim të Gjykatës Themelore në Prishtinë të tetorit të vitit 2015, të konfirmuar nga Gjykata e Apelit e Kosovës në janar të vitit 2016. Për të dy ata u kërkua sërish ekstradim më 5 shtator 2018. Më datë 08.10.2021, Ministria e Drejtësisë së Kosovës është marrë njoftim se Ismailoviqit i është refuzuar ekstradimi dhe për Demirin nuk ka pasur përgjigje. Në procedurë është siguruar gjithçka që është kërkuar nga autoritetet e Kosovës.

Përgjigjet zyrtare nga Kosova për refuzimin e ekstradimit të Ismailoviqit janë dërguar dy herë, në shkurt 2016 dhe tetor 2021. Për Demirin ka një përgjigje zyrtare nga Kosova në shkurt të vitit 2016.

Gjykata e Apelit në Shkup ka nxjerrë aktgjykim me të cilin vërtetohet vendimi i shkallës së parë për “Monstrum” me të cilin Alil Demiri dhe Afrim Ismailoviq janë dënuar me burgim të përjetshëm. Për këta persona, Ministria e Drejtësisë do të bëjë sërish kërkesë të re për ekstradim./alsat

The post Ministria maqedonase e Drejtësisë: Do të bëjmë kërkesë të re për ekstradimin e Gruevskit appeared first on Albeu.com.

Protestuesit të cilët mbajnë pankarta në duar me thirrje kundër dhunës ndaj vajzave dhe grave ka vijuar para Ministrisë së Drejtësisë ku dhe është hedhur bojë e kuqe.

Protesta ka grumbulluar mijëra njerëz në sheshet e Prishtinës ku njëzëri kërkojnë drejtësi dhe bëjnë thirrje para institucioneve që të ndërmarrin veprime.

Ngjarja e rëndë ka ndodhur në Dragodan të Prishtinës më 27 gusht, ku 5 burra, mes tyre 3 të mitur, kanë dhunuar e përdhunuar një 11-vjeçare për 7 orë në një nga parqet e kryeqytetit. Fillimisht janë arrestuar 4 nga 5 autorët e dyshuar të ngjarjes ndërkohë që i pesti u dorëzua në polici pas 3 ditësh.

The post Nis protesta për abuzimin e 11-vjeçares në Kosovë, qytetarët “përlyejnë me gjak” muret e Ministrisë së Drejtësisë appeared first on Albeu.com.

Abcnews.al ka zbardhur edhe dëshminë e këtij të fundit, i cili ka treguar se pavarësisht se i dha Tolës, shofer në Drejtorinë e Burgjeve Tiranë, shumën e kërkuar, ai nuk është ndalur me aq dhe ka kërkuar më shumë.

Nga dëshmia e Krekut konfimohen lidhjet e forta të Tolës me drejtoreshën e ASHK-së në Sarandë, Aida Demi. Nisur nga kjo, Tola e ka kërcënuar Krekun se nuk do të marrë certifikatën e pronësisë, pasi debatuan për shumën e kërkuar dhe kjo ishte pikërisht ajo që ka ndodhur.

Dëshmia e Kastriot Krekut:

Nga fundi i muajit korrik 2021 takova një shtetas dhe më thotë që donte një dhomë me qira te hoteli im dhe i thashë që nuk kam dhe e çova përballë te një hotel dhe i thashë që pas tri ditësh mund të vish te hoteli im. Më bëri përshtypje sepse ky shtetas interesohej shumë dhe unë nuk i kisha shpjeguar asgjë, por ai interesohej për tokat, për dokumentet në përgjithësi.

Që ditën e parë që erdhi në Borsh, darkën e hëngri te hoteli im dhe aty filluam të diskutonim dhe unë i shpjegova problemin që kisha. Ky shtetas m’u prezantua si Hamza Haxhi Tola, i datëlindjes 13. 12. 1968 dhe më tha që punonte te Ministria e Drehtësisë dhe nuk ma tha pozicionin se ku ishte, por kur u interesova e mësova që punonte si shofer në Drejtorinë e Burgjeve, në Tiranë. Pasi vajtëm tek toka dhe e pamë të dy së bashku, Hamza Tola më siguroi që për këto toka do më nxirrte lejet që unë interesohesha dhe të dy ne ose fëmijët tanë mund të hapnin një biznes së bashku. Hamza Tola më tha që problemin e tokës e kisha të mbaruar dhe realisht kështu ndodhi, ky shtetas më kërkoi disa shpenzime për të legalizuar shtëpinë dhe më kërkoi 3 mijë euro dhe unë i dhashë 2 mijë euro, në fund të shtatorit 2021 e përfundoi lejen e legalizimit. Unë mendova se pagesa prej 2 mijë euro ishte që unë s’kisha për të kryer më pagesa dhe Hamza Tola më tha që ik te legalizimet se e ke gati dhe merr faturat për të bërë pagesën. Kur vajta te legalizimet, mora faturat dhe vajta te banka të paguaja rreth 400 000 lekë dhe u pajisa me lejen e legalizimit, të cilët, pas 30 ditësh bëra kërkesë për t’u pajisur me certifikatë pronësie dhe Hamza Tola më tha që e njihte drejtoreshën e ASHK-së Sarandë dhe më tha që kam folur me drejtoreshën, me shtetasen Aida Demi. Problemi qëndronte se Hamza Tola fillloi të më kërkonte lekë të tjerë dhe më tha më duhen një mijë euro dhe m’i kërkoi urgjentisht dhe unë ia dërgova ato lekë me Moneygram dhe këto euro ia nisa shtetasit Ervis Gjuzi, i cili ishte shoku i ngushtë i shtetasit Hamza Tola. Këto lekë mua m’u kthyen nga Moneygram sepse ishte mbi limitin që kishte kompania, por pas tre ditësh me Western Union i dërgova 500 euro shtetasit Ervis Gjuzi, për t’ia dhënë Hamza Tolës dhe shtetasi Hamza Tola më konfirmoi që i mori këto lekë.

Kur u ktheva në Shqipëri, në fund të nëntorit të vitit 2021 unë takova Hamza Tolën dhe vajta te shtëpia e tij në Tiranë dhe më bëri përshtypje se më tha që kishte një problem dhe do të bëhet kontroll te ASHK Sarandë dhe do të bënin kontroll, pra kjo ishte si një presion nga ana e tij për të treguar fuqinë që kishte.

Unë fillova të debatoja dhe i prishëm marrëdhëniet dhe më tha nuk do ta marrësh certifikatën e pronësisë sepse ai kishte lidhje me drejtoreshën e ASHKA-së Sarandë. Që në momentin që marrëdhënia jonë u prish, e vërteta është se unë nuk u pajisa me certifikatën e pronësisë dhe ky problem është edhe sot dhe unë nuk po pajisem dot.

Prokuroria e Posaçme Kundër Korrupsionit dhe Krimit të Organizuar Tiranë vendosi masën arrest me burg për Hamza Tolën. Ai kuzohet për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike”, në bashkëpunim.

Tola u arrestua  me urdhër nga Prokuroria e Posaçme kundër Korrupsionit dhe Krimit të Organizuar (SPAK), pasi prokurori Elvin Gokaj, i kërkoi gjykatës caktimin e masës së sigurisë “arrest në burg”.

The post Zbardhet dëshmia e shoferit të Ministrisë së Drejtësisë, si iu merrte shuma të majme për një legalizim appeared first on Albeu.com.

Arrestimi i Tolës është kryer mbrëmjen e 15 korrikut nga prokuroria e Posaçme SPAK, pasi prokurori Elvin Gokaj, i kërkoi gjykatës caktimin e masës së sigurisë “arrest në burg” për Tolën.

Hamza Tola, i mori qytetarit një shumë prej 3 mijë euro për të legalizuar një hotel në Sarandë. Puna ka mbaruar për tre javë, por shumë shpejt Hamza Tola, ka vijuar të kërkojë sërish para për hipotekimin e pronës, pasi kishte lidhje të forta në hipotekën e Sarandës.

Tola mbahej si sekser në ministrinë e Drejtësisë, ndërsa më parë ai kishte punuar dhe si shofer pranë Prokurorisë së Krimeve të Rënda./albeu.com

The post Mori 3 mijë euro nga qytetari për ti legalizuar hotelin në Sarandë, burg për shoferin sekser të ish-Krimeve të Rënda appeared first on Albeu.com.

Kujtojmë se më herët gjatë korrikut, Dhoma e Avokatisë njoftoi për vendosjen e bojkotit të përgjithshëm pa afat të seancave, ndërsa për masat e sigurimit u vendos bojkot dhjetëditor.

Mesditën e së enjtes së kaluar në një mbledhje që zgjati rreth dy orë, sërish pati debate të forta mes avokatëve pasi një pjesë e tyre kërkonin ndërprerjen e bojkotit dhe nisjen e proceseve gjyqësore.

Shkak për protestën është bërë harte e re gjyqësore që KLGJ i ka propozuar për miratim Ministrisë së Drejtësisë dhe asaj të financave për shkrirjen e 18 gjykatave në vend. Kryetari Maksim Haxhia njoftoi se gjatë bojkotit të parë, disa avokatë kanë frekuentuar proceset gjyqësore dhe ndaj tyre në mbledhjen e radhës komisioni i disiplinës do të marrë masa deri në heqjen e licencës.

Harta e re gjyqësore parashikon në total 13 gjykata të shkallës së parë, 2 gjykatë administrative dhe shkrirjen e gjykatave të apelit në një të vetme. Avokatët i kërkojnë qeverisë të mos e miratojë këtë skemë./albeu.com

The post Organizohet Dhoma e Avokatisë, protestsë para godinës së KLGJ-s appeared first on Albeu.com.