Ministrja në detyrë e Drejtësisë, Donika Gërvalla, ka zhvilluar një takim me përfaqësues të Policisë së Kosovës, Prokurorisë, Gjykatës dhe Qendrës për Punë Sociale, pas vrasjes tragjike të 25-vjeçares shtatzënë Jetlira Foniqi në fshatin Kërvasari të Malishevës.

Në këtë takim u analizua mënyra se si kanë funksionuar mekanizmat institucionalë, si dhe u diskutuan masat që duhet të ndërmerren për parandalimin e rasteve të dhunës.

Gërvalla deklaroi se ngjarje të tilla kërkojnë shqyrtim me përgjegjësi të plotë të veprimit institucional dhe angazhim maksimal për të mos lejuar përsëritjen e tyre. Sipas saj, çdo jetë e humbur i detyron institucionet të veprojnë më shumë dhe shumë më herët, duke përdorur çdo mundësi për parandalimin e rastit të ardhshëm.

Ajo vuri në dukje se shmangia e dhunës kërkon bashkëpunim dhe përgjegjësi nga të gjitha institucionet. Duke iu referuar të dhënave të institucioneve përgjegjëse, Gërvalla bëri të ditur se për rastin dyshohet bashkëshorti i viktimës, Egzon Bytyqi, ndërsa Jetlira Foniqi nuk rezulton të ketë qenë e evidentuar më herët në ndonjë situatë që mund të sinjalizonte një rrezik të tillë.

Ministrja në detyrë theksoi se tani është e domosdoshme të kryhen të gjitha veprimet e nevojshme për zbardhjen e plotë të rastit. Ajo kërkoi që organet kompetente të hetojnë çdo rrethanë dhe që përgjegjësia të përcaktohet në përputhje me ligjin, pa lënë asnjë aspekt të ngjarjes të pashqyrtuar.

The post Pas vrasjes së 25-vjeçares shtatzënë në Malishevë, Ministria e Drejtësisë thërret institucionet përgjegjëse appeared first on Albeu.com.

Në njoftimin e ministrisë thuhet se kandidatët që kanë mbetur në riprovim do t’i nënshtrohen provimit me gojë më 4 korrik 2026, me fillim nga ora 08:00.

Ky provim do të mbahet në Amfiteatrin e objektit të ish-Rilindjes në Prishtinë.

Ndërkohë, kandidatët që e kanë kaluar pjesën me shkrim do të hyjnë në provimin me gojë më 5, 6, 7, 8 dhe 9 korrik 2026, po ashtu nga ora 08:00 dhe në të njëjtin lokacion.

Ministria ka njoftuar gjithashtu se lista e kandidatëve që kanë kaluar provimin me shkrim është publikuar në uebfaqen zyrtare të institucionit.

Kliko këtu për ta parë listën: https://md.rks-gov.net/wp-content/uploads/2026/06/08-905-Lista-e-kandidateve-te-cilet-kane-kaluar-Provimin-e-Jurispridences-me-shkrim-te-mbajtur-me-date-13-14-qershor-2026.-.pdf?fbclid=IwY2xjawSwP3dleHRuA2FlbQIxMABicmlkETFBS2pUVncyZVB2Z0hFblpkc3J0YwZhcHBfaWQQMjIyMDM5MTc4ODIwMDg5MgABHtuKC8z9LGdwvkKNhirLHCJkhQYCTRGuVdoOb7wwnFoNdFNwHmmg1fnaGC7s_aem_MIAhjx_0PNNLI0XbKMzrKQ

The post Ministria e Drejtësisë nxjerr listën e kandidatëve që e kaluan pjesën me shkrim të Provimit të Jurisprudencës appeared first on Albeu.com.