Edhe pse ligji e njeh gjuhën shqipe si gjuhë zyrtare për studentët shqiptarë të Maqedonisë së Veriut, Filkov këmbëngul se e vetmja gjuhë amtare është maqedonishtja, ndërsa thekson se është detyrim për të gjithë që të respektojnë këtë gjuhë në të mirën e vendit.

“Gjuha maqedonase është gjuha zyrtare në të gjithë territorin e Republikës së Maqedonisë së Veriut dhe themeli i sistemit institucional dhe ligjor. Është e papranueshme të përdoren tema të ndjeshme që ndikojnë drejtpërdrejt në sistemin ligjor për të fituar pikë politike ose për të krijuar tensione ndëretnike.

Provimi i jurisprudencës zhvillohet në përputhje me ligjet në fuqi dhe standardet profesionale, dhe jo sipas axhendave të përditshme politike ose presioneve nga rruga. E drejta për të protestuar është një e drejtë demokratike, por askush nuk ka të drejtë të kërkojë shkatërrimin e kritereve dhe standardeve në gjyqësor përmes protestave të dhunshme” shkruan ministri në reagimin e tij.

Ndërkohë, pasditen e djeshme Shkupi ”u vesh” kuqezi. Mijëra shqiptarë nga të gjitha trevat shqipfolëse u mblodhën në kryeqendrën e Maqedonisë së Veriut për të protestuar dhe për të kërkuar të drejtën e tyre kushtetuese, që gjuha shqipe të mos “zhduket” nga institucionet dhe nga sistemi i drejtësisë.

Në zemër të Shkupit, pranë “Urës së Gurit”, studentë, qytetarë dhe aktivistë valëvitën flamuj shqiptarë dhe brohoritën njëzëri: “Gjuha shqipe nuk negociohet”.

Protesta masive u organizua pas kundërshtimeve ndaj kërkesës së studentëve shqiptarë që provimi i jurisprudencës të mundësohet edhe në gjuhën shqipe.

Më tej, protestuesit kërkuan jo vetëm dorëheqjen e ministrit të Drejtësisë, Igor Fillkov, por edhe largimin e kryeministrit Hristijan Mickoski, të cilët i akuzojnë për mosrespektim të të drejtave të shqiptarëve në vend.

Reagimi i plotë i ministrit Igor Filkov:

Unë reagoj më fuqishëm ndaj përpjekjes për ta shndërruar provimin e jurisprudencës në një fushë për presion politik dhe konfrontim etnik.

Provimi i jurisprudencës nuk është çështje politike, por çështje ekspertize, profesionalizmi dhe respekti për rendin juridik të shtetit. Përpjekjet për ta paraqitur detyrimin ligjor për të njohur gjuhën maqedonase si diskriminim janë një manipulim i rrezikshëm i publikut dhe një goditje e drejtpërdrejtë ndaj rendit kushtetues.

Gjuha maqedonase është gjuha zyrtare në të gjithë territorin e Republikës së Maqedonisë së Veriut dhe themeli i sistemit institucional dhe ligjor.

Është e papranueshme të përdoren tema të ndjeshme që ndikojnë drejtpërdrejt në sistemin ligjor për të fituar pikë politike ose për të krijuar tensione ndëretnike.

Provimi i jurisprudencës zhvillohet në përputhje me ligjet në fuqi dhe standardet profesionale, dhe jo sipas axhendave të përditshme politike ose presioneve nga rruga. E drejta për të protestuar është një e drejtë demokratike, por askush nuk ka të drejtë të kërkojë shkatërrimin e kritereve dhe standardeve në gjyqësor përmes protestave të dhunshme.

Ministria e Drejtësisë mbetet e hapur për dialog të arsyeshëm institucional, por nuk do të lejojë zhvlerësimin e sistemit gjyqësor, as minimin e rolit të gjuhës maqedonase si shtyllë e shtetësisë dhe rendit institucional.

Gjuha maqedonase nuk është pengesë — është një detyrim, një vlerë kushtetuese dhe një garanci për funksionimin e shtetit.

The post Studentët shqiptarë kërkojnë dorëheqjen e tij, ministri i Drejtësisë i RMV-së ashpërson tonet: Maqedonishtja është gjuha zyrtare! appeared first on Albeu.com.

Gjatë vizitës zyrtare dy ditore, Ministri Manja, do të zhvillojë takime të nivelit të lartë politik të shtetit italian dhe të sistemit gjyqësor.

Në kuadër të fuqizimit të Drejtorisë tonë Antikorrupsion do të nënshkruhet një “Marrëveshje Mirekuptimi” me Agjencinë Kombëtare Italiane Antikorrupsion, që do të shërbejë në forcimin e bashkëpunimit në këtë fushë, duke sjellë praktikat më të mira nga vendi fqinj.

“Kjo marrëveshje shënon një hap cilësor në vizionin tonë për shndërrimin e drejtorisë antikorrupsion në një agjenci të mirëfilltë antikorrupsion në varësi të MD-së” – tha Ministri Manja.

Gjatë vizitës zyrtare, Ministri Manja do të takojë edhe Ministrin e Drejtësisë Italiane, Carlo Nordio, me të cilin do të diskutojë për zgjerimin e bashkëpunimit ndërmjet dy ministrive në fushën civile dhe penale.

Ministri Manja do të zhvillojë edhe takime të tjera të nivelit të lartë, si takimi me presidentin e Shkollës së Magjistraturës, Giorgio Lattanzi, takimi i përbashkët me presidenten e Gjykatës së Lartë së Kasacionit, Margherita Cassano dhe Prokurorin e Përgjithshëm, Luigi Salvato, si dhe një takim i përbashkët me Kryetarin e Komisionit të Drejtësisë, Ciro Maschio dhe anëtarë të tjerë të komisionit.

The post Ministri i Drejtësisë vizitë zyrtare në Romë, marrëveshja që do të firmoset appeared first on Albeu.com.

“Harta e re gjyqësore shumë shpejt do të jetë në qeveri. Do kemi një konsultim të dytë dhe pastaj me propozimin tim do kalojë në qeveri. Duhet kostuar harta e re gjyqësore nga ministria e Financave”, tha ministri.

“Njësia anti korrupsion ka një dinamikë çështjesh në lidhje me pronat. Është çështje që po e përgatisim me sukses. Kur të jetë e dokumentuar me prova do  të dalim para jush. S’ka stopim të punës”, shtoi Manja.

Harta e re gjyqësore parashikon 12 gjykata të shkallës së parë të juridiksionit të përgjithshëm, dhe vetëm 1 gjykatë apeli për juridiksionin e përgjithshëm dhe 1 për atë administrativ. Sa i përket gjykatave të shkallës së parë administrative parashikohet të jenë 2, në Lushnjë dhe në Tiranë nga 6 që ishin gjithsej.  Pra, nga propozimi konkludohet që nga 36 gjykata që janë aktualisht të ngelen 16.

The post Ministri i Drejtësisë: Shumë shpejt, harta e re gjyqësore, do të kalojë për miratim appeared first on Albeu.com.

Gjatë fjalës së tij në Kongresin e PS, Manja është shprehur se funskionarët kanë rënë në gjumë dhe i presin të gjitha gjërat nga Rama.

Sipas Ulsi Manjës ka një nevojë urgjente për ndryshimin dhe ristrukturim në bazë. Manja shoti se propozimi i tij është reformim i thellë strukturor i PS në çdo qelizë që duhet të fillojë që nga burimet njerëzore në terren, pra nga lart poshtë.

“Duhet të ketë lider, frymë dhe organizimi të fuqishëm në territor. Ne kemi Edi Ramën që përçoi një mesazh të fortë politik, për mandatin tonë të 4 në 2025. Pyetja është po organizimi ynë në territor? A i përgjigjet lidershipit? Në fakt vij nga një eksperiencë zgjedhore jo më larg se 6 marsi. Patëm mundësinë të testojmë motorin elektoral. Dhe organizmi ynë strukturor në Territor nuk është ai që duhet të kemi. Nuk është sepse duket se për shkak mungesës së opozitës politike. Duke sikur kemi rënë në gjumë. Gjithçka e presim nga Edi Rama si kryeministër. Ne themi duhet të shkojmë komisionerë se votat i merr Edi Rama. PS ka një kundërshtar shumë të madh dhe është vetë PS. Vetkënaqësia. Ide e pathyeshmërisë është ajo që duhet të zgjidhim”, tha Ulsi Manja./albeu.com/

The post Befason Ulsi Manja: Jemi në gjumë dhe i presim të gjitha nga Rama appeared first on Albeu.com.

”Startojmë me fazën e dytë të punësimit të dënuarve në institucione, 800 të burgosur që do të punesohen në gjithë Shqiperinë”, u shpreh ministri.

Ai theksoi gjithashtu se ligji i ri nuk lejon zbritjen e dënimit nëse punon por vetëm do të paguhet.

Gjatë deklaratës ai ka folur edhe për takimet që bëjnë të burgosurit duke u shprehur se nuk do të ketë me shumë se katër takime në muaj duke përfshirë takimet e veçanta dhe takime me familjarë./albeu.com

The post Kur do të nisë punësimi i të dënuarve në burgje? Përgjigjet ministri Manja dhe jep shifra konkrete appeared first on Albeu.com.