Çuçi ka përgëzuar ekipet e IT për të vënë në funksion sistemet, veçanërisht sistemin TIMS.

Ai ka shtuar se po punohet për kthimin në funksion të plotë edhe të sistemeve të tjera.

Reagim i ministrit të Brendshëm, Bledi Çuçi:

Përgëzime ekipit të IT në Drejtorinë e Përgjithshme të Policisë së Shtetit për punën pa ndërprerje që nga minuta e parë e sulmit kibernetik, për të rivënë në funksionim sistemet tona dhe veçanërisht atë TIMS. Gjithashtu falënderoj partnerët amerikanë që kanë qenë pranë edhe në këtë rast e po bëjnë çdo përpjekje për ta bërë Shqipërinë sa më të sigurt. Prej mesnatës sistemi TIMS është rikthyer në funksion të plotë në Pikën e Kalimit Kufitar Rinas. Po kështu është rivënë në punë edhe në pikat e tjera kufitare të vendit: Hani i Hotit, Kapshticë, Muriqan, Morinë, dhe Kakavijë. Aktualisht ekspertët tanë po vijojnë punën e pandërprerë për rikthimin e sistemit TIMS në Pikat e tjera të  Kalimit Kufitar si dhe po marrin masat nevojshme për të mos pasur më ndërprerje. Kërkojmë mirëkuptimin e qytetarëve që janë ndeshur me vonesa. Ne kemi punuar prej momentit të parë kur u detektua sulmi kibernetik, për të garantuar mbi të gjitha paprekshmërinë e të dhënave dhe më pas për rikthimin në normalitet në kohën më të shpejtë të mundshme./albeu.com/

The post Sulmi kibernetik, reagon ministri Çuçi: Përgëzime që e rikthyet sistemin TIMS në funksion appeared first on Albeu.com.

Në njoftimin e bërë nga ministria turke, thuhet se ministri i Brendshëm i Shqipërisë, Bledar Çuçi, në orët e mëngjesit e ka njoftuar homologun e tij turk, Süleyman Soylu, se Özer është kapur në qytetin e Vlorës dhe se identiteti i tij është konfirmuar nga rezultatet biometrike.

“Kanë nisur procedurat e ekstradimit të Faruk Fatih Özer në Türkiye nga Departamenti i Interpolit pranë Drejtorisë së Përgjithshme të Policisë”, thuhet në njoftim.

Prokuroria e vendit më 22 prill 2021 filloi zyrtarisht hetimin pas denoncimeve të përdoruesve për mos qasje në llogaritë e bursës së kriptovalutave Thodex dhe se pronari i kompanisë ishte larguar jashtë vendit.

Në këtë kuadër u konfirmua se pronari i kompanisë i dyshuari Faruk Fatih Özer ishte larguar jashtë vendit më 20 prill 2021.

Më pas u lëshua një urdhër ndalimi për shumë persona të dyshuar përfshirë edhe Özer ndaj të cilit më parë ishte nxjerrë një urdhër arresti.

Gjithashtu ndaj Özer më 23 prill 2021 ishte lëshuar një buletin i kuq nga Interpoli./albeu.com

The post U arrestua në Himarë, ministri Çuçi njoftoi homologun turk, mediat turke zbulojnë detaje për “bosin” e kriptomonedhave appeared first on Albeu.com.

Ata u pritën nga ministri i Brendshëm, Bledi Çuçi bashkë me homologun e tij kosovar, Xhelal Sveçla, drejtuesit e policisë së të dy vendeve, Gledis Nano e Samedin Mehmeti, si dhe drejtoresha e Qendrës CVE, Lejdi Dervishi.

Operacioni i riatdhesimit të shtetasve shqiptarë nga ish zonat e konfliktit në Siri dhe Irak u krye në kuadër të një bashkëpunimi dypalësh Shqipëri-Kosovë dhe me mbështetjen e partnerëve tanë të vyer të SHBA-ve nëpermjet edhe koordinimit me selitë e tyre diplomatike në Prishtinë dhe Tiranë. Ministri Çuçi falënderoi në mënyrë të veçantë partnerët tanë strategjikë, Shtetet e Bashkuara të Amerikës për investimin e tyre të jashtëzakonshëm që ky operacion të realizohej me sukses, si dhe theksoi që do të vijojë puna për riatdhesimin e grave dhe fëmijëve të tjerë që kanë mbetur ende në Siri, duke u bazuar gjithashtu në listat e hartuara më herët me partnerët libanezë, Gjeneral Major Abbas Ibrahim dhe këshilltarin tonë diplomatik në rajon, Marc Ghorayeb.

“Ky është operacioni i katërt që zhvillojmë. Gjithsej bëhen 43 gra dhe fëmijë që tashmë do të jenë në gjirin e familjeve të tyre. Felënderoj këtu partnerët tanë strategjikë që na mundësuan këtë operacion, Shtetet e Bashkuara të Amerikës, me të cilët organizuam në mënyrë perfekte çdo detaj të këtij operacioni. Dua të siguroj të gjithë shqiptarët që ne mbetemi të vendosur për të kthyer nga këto kampe çdo shqiptar që ka mbetur aty, çdo fëmijë dhe çdo grua. Kemi statistika të sakta të bëra nga tre operacionet e para, të cilat i kemi gjithashtu me partnerë shumë të rëndësishëm të rajonit atje, me partnerët tanë libanezë të koordinimit të shkëlqyer, Gjeneral Major Abbas Ibrahim dhe këshilltarin tonë diplomatik në Liban, Marc Ghorayeb. Me të gjitha këto lista të cilat do t’i përditësojmë akoma më tepër do të bëjmë të mundur të kthejmë çdo shqiptar që ka mbetur në këto kampe”, tha ministri Çuçi.

https://www.facebook.com/ediramaal/videos/672674553806151

Në vijim ai shtoi se edhe 13 të riatdhesuarit e këtij operacioni do të riintegrohen sipas një modeli tashmë të konsoliduar pranë një strukture të specializuar “Qendër Pritëse” e ngritur enkas me VKM e cila operon me staf multidisiplinar të trajnuar profesionalisht dhe me pervojë.

Ministri i Brendshëm i Kosovës, Xhelal Sveçla, teksa konfirmoi gjithashtu vijimin e punës për riatdhesime të tjera, tha se tashmë institucionet tona kanë përgjegjësinë për rehabilitimin e këtyre shtetasve dhe integrimin e tyre të plotë.

“Puna jonë nuk përfundon këtu. Ekipet tona tashmë kanë shumë punë që këta bashkëkombas tanë të kthyer të rehabilitohen. Ata që janë të ndikuar të deradikalizohen në mënyrë që të bëhen pjesë e shoqërisë sonë e posaçërisht fëmijët të cilët në asnjë rast nuk janë fajtorë për situatën në të cilën ndodhen. Jemi të bindur se institucionet tona do të bëjnë maksimumin që rehabilitimi i tyre të jetë sa më i shpejtë. Me këtë t’i afrohemi fundit të një episodi vërtet të dhimbshëm të shoqërive tona”, tha Sveçla.

Ky është grupi i katërt i shqiptarëve që nxirren nga kampi i “Al Hol”-it, duke e çuar në 38 numrin e shqiptarëve të riatdhesuar, ndërsa mendohet se ka ende të tjerë që ndodhen atje. Më 31 korrik të vitit të shkuar, u nxorrën nga kampi 5 gra dhe 14 fëmijë, falë ndërhyrjes së autoriteteve libaneze.

Në atë rast, kryeministri Edi Rama dhe ministri i Brendhëm Bledi Çuçi shkuan vetë në Bejrut për të pritur gratë dhe fëmijët shqiptarë, me të cilët udhëtuan më pas së bashku drejt Tiranës, një ditë më pas./albeu.com

The post U shpëtuan nga kampi i ferrit në Siri, mbërrijnë në Shqipëri 4 gratë dhe 9 fëmijët shqiptarë appeared first on Albeu.com.

Ministri i Brendshëm, Bledi Çuçi i shoi kuriozitetin gazetarëve në konferencë, të cilët i kërkuan të dinin nëse do të ishte ministër pas shtatorit, kur pritet të bëhet prezantimi i qeverisë së re.

Çuçi u përgjigj në fund, në momentin kur iu kërkua ti bëheshin pyetje të tjera, por tha se ka kohë, për pas shtatorit për komunikime me median.

“Edhe një pyetje”,- i tha njëri prej gazetarëve. “Jo, se po u hap radha, një ti, një ai. Do kemi raste edhe pas shtatorit meqë e ke merak”,-iu përgjigj ai. /albeu.com/

The post A do të jetë pjesë e qeverisë së re?  Çuçi shuan kuriozitetin: Meqë e kishe me merak appeared first on Albeu.com.

Pavarësisht se nuk reagoi direkt mbi ngjarjen e ndodhur, kryeministri Rama deklaroi dje gjatë një takimi në Vlorë se do të kishte një takim urgjent me drejtuesit e Policisë dhe Ministrin e Brendshëm Bledi Çuçi.

“Nuk dua të humbas shumë kohë. Kam thirrur ministrin e brendshëm dhe disa prej drejtuesve të lartë të policisë për të lancuar sa më shpejt një fazë të re të rikonstrukturimit që është përgatitur por për arsye të kuptueshme të përshpejtohet për disa javë dhe të mos presim fundin e verës”, tha Rama ditën e djeshme.

Sot, ministri i Brendshëm Bledi Çuçi do të dalë në konferencë për mediat në orën 11:00, ku pritet të prezantohet plani i ri i ristrukturimit të punës së Ministrisë së Brendshme dhe Policisë së Shtetit.

Ky ndryshim vjen pas vrasjeve dhe aksidenteve të rënda që kanë përfshirë vendin gjatë javëve të fundit.

Nuk dihet ende mbi vendimet e marra në këtë mbledhje por nuk përjashtohet mundësia e shkarkimeve të rëndësishme në Ministri dhe Policinë e Shtetit.

NJOFTIMI:

Në orën 11:00 ministri i Brendshëm, Bledi Çuçi, do të zhvillojë një konferencë për media në sallën brenda ministrisë. Ju ftojmë të jeni të pranishëm për të adresuar pyetjet që keni. /albeu.com/

The post Masakra e Velipojës! Rama e paralajmëroi, kush do të bëhet “kokë turku” në Policinë e Shtetit appeared first on Albeu.com.

“Nuk dua të humbas shumë kohë Kam thirrur ministrin e brendshëm dhe disa prej drejtuesve të lartë të policisë për të lancuar sa më shpejt një fazë të re të rikonstrukturimit që është përgatitur por për arsye të kuptueshme të përshpejtohet për disa javë dhe të mos presim fundin e verës”, tha Rama.

Pavarësisht këtij veprimi, kryeministri Rama ende nuk ka komentuar ngjarjen e rëndë në Shkodër, Velipojë, ku dy familje biznesmenësh u përplasën me armë zjarri pas një debati për çështje pronësie.

Nga ky sulm u vranë 4 persona dhe u lënduan dy të tjerë, gjëndja e të cilëve është serioze.

Burimet pranë vendngjarjes bëjnë me dije se ky konflikt kishte të paktën një javë i agravuar dhe policia ishte në dijeni pasi ishte lajmëruar nga vetë qytetarët.  /albeu.com/

The post Çfarë pritet të ndodhë? Rama thërret urgjent drejtuesit e Policisë dhe ministrin Çuçi (VIDEO) appeared first on Albeu.com.