Publicisti dhe analisti Adriatik Riza Dosti ka reaguar ndaj deklaratave të ministres serbe Snezhana Paunoviq, të cilat i ka konsideruar tregues të një qasjeje të rrezikshme antishqiptare në Serbi.

Përmes një postimi në rrjetet sociale, Dosti ka drejtuar kritika edhe ndaj presidentit serb Aleksandar Vuçiq dhe ministrit Ivica Daçiq, për të cilët pretendon se janë përpjekur t’i zbusin ose relativizojnë qëndrimet e Paunoviqit. Ai ka kritikuar gjithashtu kryeministrin e Shqipërisë, Edi Rama, duke e akuzuar për mungesë të një reagimi zyrtar nga Tirana.

Në përmbyllje të reagimit të tij, Dosti u ka kërkuar institucioneve dhe forcave politike në Kosovë të heqin dorë nga konfliktet e brendshme dhe të bashkohen përballë asaj që ai e quan rrezik nga Serbia.

Shkrimi i plotë:

Çfarë qëndron pas “Corbes Srpska”…

Deklarata publike e bërë ditët e fundit nga njëra prej ministreve të Vuçiqit, lidhur me spastrimin etnik të fundviteve ’90 në Kosovë nga Millosheviçi dhe Serbia gjenocidiste, ka tronditur botën dhe në veçanti shqiptarët.

“Sikur të isha në vend të Millosheviçit, unë do të kisha kryer spastrim etnik në Kosovë në fund të viteve ’90”, ka thënë Snezhana Paunoviq, pa u stepur aspak.

Në Kosovë pati reagime të ashpra, sipas Dostit me të drejtë, dhe menjëherë u kërkua që njëra prej “kucedrave kriminale serbe” të shpallej Non Grata.

U kërkuan protesta edhe pranë BE-së dhe Parlamentit Evropian, ndërsa reagime pati edhe nga Amerika, NATO-ja e të tjerë.

Sipas tij, i pari që doli në mbrojtje të Paunoviqit ishte Ivica Daçiq, të cilin Dosti e quan “kriminel tjetër”. Daçiq, shkruan ai, u shpreh se Snezhana ndoshta kishte dashur të thoshte që kush nuk e ndien veten serb në Kosovë, duhet të kthehet në atdheun e tij, në Shqipëri.

Dosti e cilëson deklaratën e Daçiqit edhe më të ulët dhe kriminale.

Më pas, sipas tij, reagoi vetë Vuçiqi, i cili, pas kritikave nga BE-ja dhe presionit ndërkombëtar, deklaroi se Serbia nuk është për luftë, por për paqe, marrëveshje dhe fqinjësi të mirë me të gjithë fqinjët e saj.

Megjithatë, Dosti vëren se Vuçiqi nuk tha asnjë fjalë për deklaratat që ai i cilëson thellësisht antishqiptare të Snezhana Paunoviqit dhe Ivica Daçiqit.

Ai shkruan se Paunoviq, në një tjetër deklaratë në televizion serb, nuk kërkoi falje publike për atë që kishte thënë kundër shqiptarëve. Në vend të kësaj, sipas Dostit, ajo tha se serbët i shprehin çdo ditë normalisht mes tyre këto gjëra dhe se gabimi i saj i vetëm ishte që i kishte thënë publikisht, në televizion.

Sipas tij, ajo shtoi gjithashtu se ndoshta termi “spastrim etnik” duhej zëvendësuar me fjalën “dëbim”, dhe kaq.

Më vonë, Paunoviq u kërkoi ndjesë Vuçiqit, deputetëve serbë dhe ministrave kolegë të saj.

Dosti e përshkruan këtë si dëshmi të një mendësie kriminale dhe makabre, jo vetëm të një ministreje të kabinetit të Vuçiqit, por edhe të një deklarate, sipas tij, fyese dhe të rrezikshme nga Daçiqi, një prej njerëzve të afërt të presidentit serb.

Ai përmend edhe reagimin publik të Marta Kos, të cilën e quan “shoqja për kokë” e Edi Ramës dhe “ish-spiunia sllovene e UDB”, duke thënë se ajo është shprehur shumë e tronditur nga deklarata në fjalë. Dosti shton se miqve të Ramës dhe Vuçiqit mund t’u besohet ose jo.

Po ashtu, ai thekson se pati reagime të forta nga disa kongresmenë dhe senatorë amerikanë, përballë të cilëve, sipas tij, Vuçiqi ndihet realisht dhe seriozisht fajtor.

Sipas Dostit, nga Tirana, që ai e quan “kryeqyteti nr. 2 i Serbisë”, nuk pati asnjë reagim zyrtar.

Ai citon Ramën të ketë thënë se përgjigjja ishte dhënë përmes zëdhënësit të shtetit shqiptar, duke shtuar se nuk do të merren me atë që thotë çdo lloj i çmenduri në Beograd.

Dosti shkruan se një ditë më vonë, në një samit ndërkombëtar, ministri i Jashtëm i Shqipërisë dhe Gjuriqi serb u takuan të buzëqeshur, u përqafuan dhe u sollën sikur asgjë nuk kishte ndodhur.

Ai thotë se nga Prishtina pati reagime të forta për mosreagimin e Shqipërisë dhe të kryeministrit Rama, ndërsa për Presidentin Begaj, sipas tij, as nuk bëhet fjalë, pasi prej kohësh nuk e pyet dhe nuk e përfill njeri. Megjithatë, Dosti i konsideron këto reagime si të drejtuara në vesh të shurdhër dhe në adresën e gabuar.

“Nga kush prisni që të reagojë kundër Serbisë, kundër Vuçiqit, Paunoviqit, Daçiqit, Gjuriqit dhe shokëve e shoqeve të tyre?”, pyet ai.

Ai vijon duke pyetur nëse pritet reagim nga ai, parlamenti i të cilit nuk pranoi të votonte Rezolutën kundër krimeve serbe në Kosovë.

Dosti pyet nëse një reagim i tillë pritet nga bashkëideatori i Open Ballkan, të cilin ai e cilëson si një thikë pas shpine për Kosovën.

Ai ngre pyetjen nëse pritet reagim nga ai që, sipas tij, u kap me presh në dorë duke bërë plane ogurzeza me Vuçiqin dhe Batonin për ndarjen e territoreve të Kosovës.

Po ashtu, pyet nëse pritet reagim nga ai që tokat e shenjta të Kosovës i quajti “toka të askujt”.

Ai përmend gjithashtu se Rama e kishte quajtur Ramushin gomar dhe u kishte thënë kosovarëve se kush nuk voton për Thaçin është idiot.

Dosti shton se ai kishte sulmuar edhe ish-presidenten e Kosovës, zonjën Osmani.

Sipas tij, nuk mund të pritet reagim nga ai që ia mbylli derën kryeministrit Kurti, duke i thënë se nuk kishin çfarë të bisedonin bashkë, ndërsa nga ana tjetër priti në Tiranë me tapet të kuq Vuçiqin, të cilin Dosti e quan kriminel, dhe u argëtua me të.

Për këtë arsye, Dosti i drejtohet Kosovës me thirrjen që të mbajë sytë dhe veshët hapur dhe të mos presë nga ata që, sipas tij, kanë qëndruar gjithë jetën zgjuar me thikë në dorë pas shpinës së saj.

“Uji fle, hasmi nuk fle”, shkruan ai, duke iu referuar një shprehjeje shqiptare.

Ai u bën apel palëve në Kosovë të ndalin grindjet e kota mes tyre dhe aventurat për poste, karrige e pushtet.

Dosti kërkon që ata të dalin përballë dhe t’i dalin zot Kosovës, pasi, sipas tij, fqinji është i keq, agresor dhe armik, me të cilin shqiptarët janë përgjakur prej shekujsh.

Ai përmend deklaratën e Albin Kurtit se sa më i keq të jetë fqinji, aq më e mirë duhet të jetë pushka, duke thënë se pikërisht kështu duhet të jetë.

The post Adriatik Dosti pas deklaratave nga Serbia: “Kosova duhet të qëndrojë vigjilente” appeared first on Albeu.com.

Kosova e ka përfshirë në listën “persona non grata” një prej zyrtareve të larta të shtetit serb.

Snezhana Paunoviq, ministre e Administratës Publike dhe Vetëqeverisjes Lokale të Serbisë, nuk do të mund të hyjë apo të kalojë tranzit në territorin e Republikës së Kosovës, pasi ndalesa ndaj saj është e përhershme.

Ky vendim erdhi pas deklaratës së saj se, “po të ishte në vend të Sllobodan Millosheviqit, do ta spastronte etnikisht Kosovën në vitin 1998”.

Deklaratën Paunoviq e dha për median serbe “Kurir”, pikërisht në Ditën Ndërkombëtare të Përkujtimit të Gjenocidit në Srebrenicë, në Bosnjë e Hercegovinë.

Fjalët e saj u kundërshtuan ashpër në Kosovë nga përfaqësues politikë dhe institucione, të cilat reaguan ndaj gjuhës dhe qëndrimit të saj. Reagime të forta pati gjithashtu nga Bashkimi Evropian dhe komisionerja për Zgjerim, Marta Kos.

Paunoviq ka lindur në Pejë të Kosovës. Sipas informacionit zyrtar të ministrisë që ajo drejton në Serbi, ajo është ekonomiste e diplomuar.

Ajo është pjesë e Partisë Socialiste të Serbisë që nga viti 1992. Kjo forcë politike, e njohur si partia e Sllobodan Millosheviqit, personit përgjegjës për masakrat dhe luftërat në Ballkan, aktualisht drejtohet nga Ivica Daçiq.

Brenda kësaj partie, Paunoviq ka ushtruar disa funksione të rëndësishme. Për dy mandate, ajo ka qenë nënkryetare e Asamblesë Kombëtare të Republikës së Serbisë, si edhe shefe e grupit parlamentar të Partisë Socialiste të Serbisë (SPS).

Nga viti 2017 është anëtare e Kryesisë së SPS-së, ndërsa që prej vitit 2024 mban postin e nënkryetares së Partisë Socialiste të Serbisë.

Në dhjetor të vitit 2021, Paunoviq vizitoi komunën e Shtërpcës bashkë me disa deputete të tjera nga Serbia. Gjatë kësaj vizite, ato u takuan me kryetarin e komunës, i cili vjen nga Lista Serbe.

“Kështu njihet se sa shumë Lista Serbe i përket Republikës së Serbisë dhe se si institucionalisht, në këtë rast si Parlamenti i Serbisë, është krenare për këta njerëz që bëjnë një punë identike vetëm në një nivel pak më të ulët, shumë më të vështirë se ne në Parlamentin tonë, dhe mendoj se kjo mbështetje e ndërsjellë është pafundësisht e rëndësishme”, kishte deklaruar mes tjerash Paunoviq.

Tashmë, Kosova e ka shpallur atë “persona non grata”.

Megjithatë, kjo nuk përbën rastin e parë kur zyrtarë serbë përdorin gjuhë fyese dhe linçuese kundër shqiptarëve në Kosovë dhe shqiptarëve në Luginën e Preshevës.

Vite më parë, ish-ministri serb me qasje proruse, Aleksandar Vulin, i kishte cilësuar shqiptarët si “šiptari” gjatë një emisioni televiziv. Ai kishte deklaruar se “bandat nga Kosova po vjedhin pyjet dhe po qëllojnë mbi policinë serbe”.

The post Snezhana Paunoviq, zyrtarja serbe të cilës Kosova i ndaloi përgjithmonë hyrjen appeared first on Albeu.com.

Publicisti Milaim Nela ka shprehur revoltë të thellë pas pohimit të bërë nga Snezhana Paunoviç, anëtare e kabinetit qeveritar serb, e cila gjatë një interviste u shpreh se “do ta kishte kryer spastrimin etnik të Kosovës në vitin 1998”.

Ai e ka etiketuar këtë dalje si të patolerueshme dhe alarmante, duke vënë në dukje shqetësimin për mendësinë që mbizotëron te zyrtarët e lartë të Beogradit përballë Kosovës dhe historisë së konfliktit.

Përmes një postimi në rrjetin social Facebook, Nela u bën thirrje autoriteteve shqiptare, atyre kosovare dhe mekanizmave të Bashkimit Europian që të dalin me një qëndrim zyrtar ndaj retorikës së tillë, duke theksuar se ajo minon përpjekjet për stabilitet dhe harmonizim në Ballkan, raporton “Bota sot”.

Ai e nis shkrimin e tij me një pohim të prerë: me serbët paqja mbetet një iluzion. Snezhana Paunoviç, nënvizon ai, nuk bën pjesë te qytetarët e thjeshtë, por mban postin e ministres në ekzekutivin aktual të Serbisë.

Publicisti tërheq vëmendjen se ajo nuk i shqiptoi këto fjalë gjatë bombardimeve të caqeve strategjike serbe në atë që kishte ngelur nga ish-Jugosllavia në ’98-ën, por në një ambient krejt të qetë televiziv, në korrik të vitit 2026.

Ai kujton gjithashtu se Paunoviç është militante dhe përfaqësuese e partisë së Sllobodan Millosheviçit të paktën që nga viti 1992. Pohimi i saj, thekson Nela, vjen me një gjakftohtësi shqetësuese pikërisht në vitin 2026, kur Serbia, të paktën formalisht, gjendet në fazën përfundimtare të rrugës drejt anëtarësimit në Bashkimin Europian.

Në vijim të reagimit, ai shtron një sërë pyetjesh retorike. Së pari, kur do të mbajë një qëndrim publik qeveria shqiptare dhe diplomacia e saj kundrejt kësaj deklarate me frymë gjenocidi? Apo edhe kjo do të trajtohet me të njëjtin “mirëkuptim” që, sipas Nelës, ka karakterizuar kryeministrin e Shqipërisë?

Më tej, ai interpelon Partinë Demokratike të Shqipërisë dhe seksionin e saj të marrëdhënieve me jashtë, duke pyetur se kur do të reagojë ndaj kësaj retorike shfarosëse. Së fundmi, ai sfidon institucionet e Brukselit dhe Parlamentin Europian, duke i vënë përballë dilemës nëse do të heshtin edhe një herë dhe do të vijojnë t’i kërkojnë Kosovës Asociacionin.

The post “Do ta spastroja etnikisht Kosovën”/ Nela reagon me ashpërsi pas deklaratës tronditëse të ministres serbe – ja çfarë kërkon ai appeared first on Albeu.com.

Diella, ministrja më e veçantë e qeverisë Rama, është bërë lajm ndërkombëtar sot. Rama di se si ta tërheqë vëmendjen e mediave dhe këtë e ka konfirmuar edhe para se të merrte frenat e qeverisë, ndërsa së fundmi e prezantoi Diellën si ministren anti-korrupsion në prokurimet publike, e cila sipas tij, do të marrë në duart të gjitha procedurat.

Logjika në parim qendron. Duke qenë se “Diella” nuk ka as miq, as farefis, as bashkëshort, as krushq e as kushërinj, pranisë së të cilëve rreth deputetëve, Rama u hapi luftë dje, ministrja AI presupozohet se nuk do të mund të ndikohet dhe të marrë vendime të drejta sa u përket prokurimeve publike.

Në fakt, përtej paketimit të gjetur, gjërat nuk janë kështu.

Madje, ka shumë gjasa, për shkaqe që do t’i shpegojmë më poshtë, të në fakt Diella të bëhet ministrja më e korrptuar e kabinetit…dhe jo për fajin e saj.

Në vend që ta luftojë korrupsionin, Diella mund ta sofistikojë dhe thellojë atë.

Për mënyrën se si janë progranuar, sistemet AI mësojnë dhe marrin vendime në bazën e të dhënave ekzistuese.

Në Shqipëri, ku historiku i tenderëve është i mbushur me skema klienteliste, paracaktim të fituesit përmes kritereve të përzgjedhjes apo shtyrjeve e anulimeve sipas fituesit të projektuar, çdo algoritem apo sistem AI do të trashëgonte dhe pasqyronte pikërisht këtë kulturë në vendimet që do të merrte për të shpallur fitues apo skualifikuar kompani të caktuara.

Ja merrni si shembull tenderët klentelistë të AKSHI-t.

A ka sistem AI që të mund të nxjerrë nga ekuacioni kompani si Advanced Business Solution dhe Soft& Solution që kanë marrë pjesën e luanit aty?!

Vetë Diella do të ishte më e predispozuar që të shpallte fituese një nga këto kompani (ose të dyja), përmes të njëjtave akrobacira, duke parë historikun.

Një ministër human mund të ndërrojë sjellje, por një ministër AI do të kodifikojë korrupsionin në sistem.

Vendimet e saj do të duken “objektive”, ndërsa në fakt do të jenë pasqyra digjitale e problemeve të së kaluarës.

Për arsyet emësopërme sie dhe të tjera që do t’i shohim gjatë mandatit të saj, në vend që të shihet si shpëtimtare ndaj korrupsionit, Diella rrezikon të kthehet në simbolin e korrupsionit digjital. /skyweb.al

The post Pse Diella pritet të kthehet në ministren më të korruptuar appeared first on Albeu.com.

Lajmin e ka konfirmuar drejtori i një klinike në Prishtinë, Jakup Ismajli.

“Albulena ka lindur sot rreth orës 08:39. Operimi ka shkuar mirë. Ka sjell në jetë një vajzë nga shtatzënia e tretë. Foshnja lindur tri kilogramë e 200 gram”, ka thënë Ismajli për Telegrafin.

Ministrja dhe bashkëshorti i saj, Alban Ismajli, kanë vendosur që vajzën e tyre të parë ta pagëzojnë me emrin Andrra. Çifti janë gjithashtu prindër të dy djemve më të mëdhenj.

The post Sjell në jetë një vajzë, Ministrja shqiptare bëhet nënë për herë të tretë (FOTO LAJM) appeared first on Albeu.com.

Giffey vazhdoi: “Por anëtarët e qeverisë federale, partia ime dhe publiku kanë të drejtë që tani të kenë qartësi dhe garanci. Prandaj, vendosa që t’i kërkoj Kancelares federale, që nëpërmjet Presidentit federal të më lirojë nga post im si Ministre Federale për Familjen, të Moshuarit, Gratë dhe Rininë. ”

Megjithë këtë vendimi, ajo ende i përmbahet deklaratës së saj se e shkroi disertacionin e saj me aq sa diti dhe gjykoi. “Më vjen keq, po të më kenë shpëtuar gabime.

Nëse Freie Universität, në rishikimin e tretë prej tij të punimit tim, arrin në përfundimin të ma heqë titullin, unë do ta pranoj këtë vendim. Që sot po nxjerr përfundime nga procedura që vazhdon dhe që më rëndon. Me këtë e mbaj fjalën”.

Giffey i përmbahet kandidaturës në Berlin

Ajo vazhdon të kandidojë si kandidatja kryesore e SPD për Dhomën e Deputetëve të Berlinit, theksoi Giffey. Tani ajo dëshiron të përqendrohet në këtë çështje.
Në shkurt të vitit 2019 u bë e ditur se disertacioni po verifikohej nga universiteti për shkak të dyshimit të plagjiaturës. Ky verifikim përfundoi në tetor 2019 me një qortim. Në nëntor 2020, Giffey njoftoi se nuk do ta mbante më titullin e doktorit dhe më 18 nëntor 2020, Universiteti i Lirë i Berlinit filloi një verifikim tjetër të punimit. Kjo tani ka përfunduar. Revista “Focus” tani informon se Universiteti i Lirë i Berlinit është gati t’ia heqë titullin e doktorit Franziska Giffey-t.

Giffey kishte dorëzuar një dizertacion në Universitetin e Lirë të Berlinit në vitin 2009 me titullin “Rruga e Evropës drejt qytetarit – Politika e Komisionit Evropian për pjesëmarrjen e shoqërisë civile”. Provimi u zhvillua në vitin 2010. Platforma e Internetit Vroni-Plag e kontrolloi punimin e doktoratës për plagjiaturë dhe arriti në përfundimin se “pjesë të marra me fjalë apo si përmbajtje nga punime të tjera nuk janë shënuar si të tilla” dhe e akuzoi autoren për plagjiaturë.

Franziska Giffey është Ministre Federale për Çështjet e Familjes që nga Marsi 2018. Që nga nëntori i vitit 2020 ajo ka qenë kryetare e SPD Berlin dhe kandidatja kryesore e socialdemokratëve për postin e Kryetarit të Qeverisë së Berlinit/ DW

The post U akuzua për plagjiaturë të doktoraturës, ministrja gjermane jep dorëheqjen appeared first on Albeu.com.

Teksa falenderoi ministren për ndihmën që Austria i ka dhënë dhe i jep Shqipërisë në procesin e integrimit në BE, Basha u ndal në atë që demokratët e quajnë masakra elektorale e 25 prillit

“Fushata e tjetërsimit të vullnetit të zgjedhësve që drejtua nga qeveria në bashkëpunim me persona që janë nën hetim për bashkëpunim me krimin e organizuar, dhe personave në listën e zezë të SHBA apo dhe tek familjarë të personave që u nxorën jashtë nga ligji i dekriminalizimit dhe që sot janë pjesë e listës së deputetëve të PS- ishte një nga shkeljet e rënda të procesit të 25 prillit me të cilat zoti Basha e njohu ministren austriake”, thuhet në njoftimin e zyrës së PD-së.

Gjithashtu theksoi ai gjatë bisedës- manipulimet masive që i janë bërë procesit zgjedhor, përmes shitblerjes së votës, përdorimit të personave me precedentë kriminal, përdorimit të paligjshëm të administratës, vjedhjes dhe përdorimit kriminal të të dhënave personale të shtetasve nga PS, përdorimit të paligjshëm, masiv dhe sistematik të parave të buxhetit të shtetit për tjetërsimin e vullnetit të qytetarëve, punësime masive te paligjshme me kontrata të përkohshme në sektorin publik si dhe përdorimin e legalizimeve për vota- ishin disa prej krimeve zgjedhore që çuan në tjetërsimin e vullnetit të shqiptarëve.

Gjatë takimit kryetari i PD-së e njohu ministren austriake dhe me faktin që PD dhe kandidatët e saj kanë depozituar në SPAK dhe në prokuroritë e rretheve rreth 180 kallëzime për të cilat deri më sot nuk knpatur asnjë reagim.

Ne fund të bisedës, Basha shprehu vendosmërinë e tij dhe të Partisë Demokratike për të vazhduar betejën për ndryshim dhe për të kthyer demokracinë në Shqipëri.

The post “Masakra elektorale e 25 prillit”, Basha takon ministren austriake appeared first on Albeu.com.

Ajo u shpreh se nga informacionet që ka nesër do të bëhet ulja e avionit të parë në aeroportin “Flatrat e veriut”, me çunat nga Londra siç tha ajo dhe do t’i presë kryeministri Rama.

Balluku zbuloi gjithashtu se fluturimi është promocional dhe nuk është paguar biletë.

“Mua më rezulton që po. Nga të gjitha të dhënat që kam nga konçesionari. Është fluturim promocional nuk është paguar biletë. Më rezulton se çunat e Londrës janë të rezervuar dhe në datë 18 ulen këtu, i pret kryeministri.

Ky është një aeroport i ndërtuar sipas të gjitha kritereve të aviacionit civil evropian. Jemi duke përfunduar detajet e fundit. Këtu punohet. Kanë mbetur detaje të vogla,” tha Balluku.

Më tej ministrja tha se destinacionet e para do të jenë disa qytete të Zvicrës, Gjermanisë dhe Italisë.

“Destinacionet e para bëhet fjalë për disa qytete të Zvicrës. I gjithë tregu është i interesuar oër këto destinacione por pa përjashtuar edhe Gjermaninë dhe disa qytetet italiane,” tha Balluku.

The post Nesër vijnë “çunat e Londrës”, Balluku mburret në prag fushate me Aeroportin e Kukësit appeared first on Albeu.com.

Akoma edhe më keq është reagimi i ardhur nga Ministria Xhaçka, e cila u shpreh se u krijua shumë zhurmë për asgjë pasi thjeshtë ka skaduar vlera e pasaportave diplomatike siç ndodh me çdo mjet tjetër identifikimi, por nuk ka asgjë më shumë se kaq. Në një intervistë për “Panorama Sport”, De Biazi shprehet se vlera e pasaportës skadon në 2026 dhe nuk e kupton ende se ku i ka bërë të keqen Shqipërisë.

“Shikoni, dhënia e atij dokumenti është një shenjë mirënjohjeje apo vlerësim i shtetit kundrejt shtetasve të tij. Unë nuk kam bërë asnjë shkelje, as nuk ia kam njollosur kurrë imazhin e Shqipërisë diku, përkundrazi mendoj se kam punuar mirë për sa kohë isha aty dhe kam folur vetëm mirë për Shqipërinë sa herë që më është dhënë rasti. Kam vepruar kështu sepse këtë kam ndier, vetëm dashuri, respekt dhe mirënjohje nga Shqipëria dhe shqiptarët. Por, nëse tani më kërkojnë që ta kthej mbrapsht atë dokument, natyrisht që më lë një shije të hidhur. Nuk gjej motiv. Pse duhet ta kthej mbrapsht pasaportën diplomatike kur ajo skadon pas 5 vitesh? Më duket pa kuptim…

Do të kërkoj shpjegime patjetër. Është një gjë që më bezdis shumë, sepse e konsideroj si një mirënjohje atë veprim dhe tani befas ma kërkojnë mbrapsht. Unë nuk i kam bërë asnjë dëm dhe asnjë të keqe Shqipërisë pasi mbarova kontratën e punës aty. Atëherë i bie që duhet të kthej mbrapsht edhe titullin “Kalorës i Urdhrit të Skënderbeut” që më është dhënë nga Presidenti i Republikës asokohe? Më thoni pak, a ka kuptim kjo…?

Fjalët e Ministres Xhacka? Po jua përsëris edhe një herë: pasaporta ime diplomatike skadon në vitin 2026. Zakonisht ky lloj dokumenti kërkohet t’u rikthehet mbrapsht autoriteteve shtetërore kur personi që e disponon ka kryer shkelje ligjore apo ka njollosur imazhin e vendit të tij me veprime të ndryshme. Unë nuk kam bërë asnjë nga këto. Deri tani nuk kam asnjë njoftim, por nëse do të më kërkojnë vërtetë të dorëzoj pasaportën që më skadon pas 5 vitesh, pa dyshim që do të kërkoj shpjegime”, u shpreh De Biazi.

The post Skandali me pasaportat, De Biasi kritikon Ministren appeared first on Albeu.com.