Me betimin mbi Kushtetutë, ajo mori zyrtarisht drejtimin e Ministrisë së Shëndetësisë dhe Mirëqenies Sociale, në shërbim të qytetarëve.

Kujtojmë që Spahiu u propozua në këtë post nga kryeministri Rama, një ditë pasi Evis Sala dha dorëheqjen dhe u largua nga ministria.

The post Klodiana Spahiu betohet si ministre e Shëndetësisë dhe Mirëqenies Sociale appeared first on Albeu.com.

Presidenti i Republikës, Sh. T. Z. Bajram Begaj, dekretoi emërimin e znj. Klodiana Spahiu në detyrën e Ministrit të Shëndetësisë dhe Mirëqenies Sociale.

Klodiana Spahiu, u propozua si ministre e Shëndetësisë një ditë pasi Evis Sala njoftoi dorëheqjen. Pas dekretit të Presidentit, Më pas, emri i Spahiut do t’i kalojë Kuvendit, ku do të votohet në seancë plenare.

Pas miratimit në Kuvend, Klodiana Spahiu, do të bëjë betimin dhe do të marrë zyrtarisht detyrën në krye të Ministrisë së Shëndetësisë.

Klodiana Spahiu, është deputete e PS për qarkun e Durrësit, ndërsa aktualisht mban edhe postin e nënkryetares së Kuvendit.

The post Presidenti Begaj dekreton largimin e Evis Salës, Klodiana Spahiu emërohet ministre e Shëndetësisë appeared first on Albeu.com.

Ajo ka përfunduar studimet në Fakultetin e Mjekësisë në Universitetin e Tiranës, në degën Mjekësi e Përgjithshme, në vitin 1997. Në periudhën 1998-2002 është specializuar në Kardiologji pranë QSUT-së “Nënë Tereza”, në Tiranë.

Gjatë karrierës së saj profesionale, Spahiu ka kryer disa specializime në fushën e kardiologjisë joinvazive, përfshirë ekokardiografinë, PU-EKG dhe Eko-Doppler të karotideve, pranë Universitetit Katolik “Sacro Cuore”, Fakulteti i Mjekësisë dhe Kirurgjisë “Agostino Gemelli”, në Romë.

Në vitet 2003-2004, ka vijuar studimet pasuniversitare pranë Fakultetit të Mjekësisë, ndërsa në vitin 2005 ka kryer specializim në Kardiologjinë Invazive, kateterizimin dhe koronarografinë e zemrës në Spitalin “Santa Chiara” në Pisa të Italisë.

Në vitet 2012-2014 ka përfunduar masterin profesional në Menaxhim Shëndetësor.

Spahiu ka ushtruar profesionin e mjekes në Klinikën e Parë të Kardiologjisë në QSUT dhe gjatë viteve 2003-2009 ka punuar si mjeke kardiologe dhe në repartin e patologjisë në Spitalin e Durrësit. Më pas është zgjedhur drejtore e këtij spitali.

Paralelisht, ajo ka pasur edhe një angazhim në fushën akademike. Në vitet 2002-2003 ka qenë pedagoge në Departamentin e Lëndëve Paraklinike në Universitetin e Tiranës, ndërsa në vitin 2006 ka qenë pedagoge e jashtme e fiziologjisë në Universitetin Privat “UFO” në Tiranë.

Prej vitit 2008 e në vazhdim ka qenë docente në praktikat e kardiologjisë pranë Universitetit “Zonja e Këshillit të Mirë”, Tiranë. Ajo mban gjithashtu titullin “Doktore e Shkencave Mjekësore”.

Në politikë, Klodiana Spahiu, është deputete e Kuvendit të Shqipërisë që prej vitit 2009.

Gjatë viteve të aktivitetit parlamentar ka qenë pjesë e disa komisioneve dhe nënkomisioneve parlamentare, si dhe ka drejtuar apo qenë anëtare e grupeve të miqësisë, gjithashtu edhe nënkryetare e Kuvendit.

The post Zëvendëson Evis Salën/ Kush është Klodiana Spahiu, ministrja e re e Shëndetësisë appeared first on Albeu.com.

Vendimi i emërimit të Klodiana Spahiut u mor sot (3 shtator 2026), në mbledhjen që kryeministri Rama zhvilloi me ministrat.

Ndërkohë edhe pse përflitej për ndryshime në qeveri, mbledhja e sotme nuk solli asnjë emër të ri në kabinetin qeveritar.

Klodiana Spahiu, është deputetë e PS për qarkun e Durrësit, ndërsa aktualisht mban edhe postin e nënkryetares së Kuvendit.

The post Klodiana Spahiu emërohet ministre e Shëndetësisë appeared first on Albeu.com.