Përmes një postimi në rrjetet sociale, Hasani u shpreh se pret me kënaqësi rolin e ri si Kryetar i Komisionit Parlamentar për Evropën dhe Punët e Jashtme.

“Mandati im si Ministër për Evropën dhe Punët e Jashtme përfundon sot.

Ka qenë një nder të shërbej përgjatë një periudhe historike dhe transformuese për Shqipërinë – të shënuar nga përfundimi i mandatit tonë të parë në Këshillin e Sigurimit të OKB-së, hapja e 28 prej 33 kapitujve negociues me BE-në , mikpritja e Samitit të Komunitetit Politik Evropian në Tiranë, si dhe arritje të tjera që forcuan rolin tonë në Evropë dhe në botë, mes sfidave të thella për kontinentin tonë dhe më gjerë.

Jam thellësisht mirënjohës ndaj stafit të përkushtuar të #MEPJ dhe partnerëve tanë ndërkombëtarë për bashkëpunimin e ngushtë.

Pres me kënaqësi rolin tim të ri si Kryetar i Komisionit Parlamentar për Evropën dhe Punët e Jashtme – me të njëjtin mision, por nga një këndvështrim i ri.”, shkruan Hasani në Facebook.

The post I përfundoi mandati si ministër/ Igli Hasani: Nder që shërbeva në një periudhe historike dhe transformuese për Shqipërinë appeared first on Albeu.com.

Sallabanda ka lindur në Tiranë më 17 janar 1959 dhe ka shtetësi shqiptare dhe spanjolle.

Pas përfundimit të studimeve në Fakultetin e Mjekësisë në Tiranë, ai u specializua në neurokirurgji në Barcelonë dhe më pas në radiokirurgji në Universitetin Karolinska të Suedisë.

Në Shqipëri ka punuar si neurokirurg në QSUT “Nënë Tereza” deri në vitin 2000, ndërsa më pas e ka zhvilluar karrierën në Spanjë, ku është angazhuar në spitalet “San Francisco de Asis” dhe “San Carlos” në Madrid.

Aktualisht drejton shërbimin e neurokirurgjisë në spitalin “Virgen del Mar” në Madrid dhe është profesor i asociuar në Universitetin Complutense të kryeqytetit spanjoll.

Sallabanda ka mbi dy dekada eksperiencë si mjek dhe pedagog, është autor i dhjetëra botimeve shkencore dhe librave të specializuar në radiokirurgji, si dhe ka marrë pjesë në mbi 100 konferenca ndërkombëtare.

Ai ka mbajtur edhe pozicione drejtuese në shoqata profesionale, përfshirë atë të Radiokirurgjisë në Spanjë dhe Shoqatën Ibero-Latin-Amerikane të Radiokirurgjisë.

Në aspektin publik, ai është nderuar me medaljen e artë nga Akademia Mbretërore e Mjekësisë në Spanjë dhe me “Ordenin e Meritës Civile” nga Mbreti Juan Carlos. Sallabanda ka shërbyer gjithashtu si Konsull Nderi i Spanjës në Shqipëri dhe ka koordinuar ndihmat humanitare të këtij vendi gjatë luftës së Kosovës.

Emërimi i tij pritet të sjellë në krye të Ministrisë së Shëndetësisë një profil të spikatur profesional, me eksperiencë ndërkombëtare dhe lidhje të forta me botën akademike e mjekësore europiane.

Krahas tij që është kandidatura kryesore e Ramës, një alternativë tjetër është dhe Prof.Dr.Evis Sala, e njohur gjerësisht në Britaninë e Madhe dhe Itali. Sala është angazhuar vitet e fundit në post drejtues në njëuniversitet të njohur jopublik në Tiranë./albeu.com

The post EMRI/ Një shkencëtar në krye të Shëndetësisë, ky është mjeku i njohur që Rama e ka projektuar si ministër appeared first on Albeu.com.

“Kryeministri në detyrë i Republikës së Kosovës, Albin Kurti, ka caktuar sot zëvendësministrin e deritanishëm të Mjedisit, Planifikimit Hapësinor dhe Infrastrukturës, Hysen Durmishi, ushtrues të detyrës së Ministrit të Mjedisit, Planifikimit Hapësinor dhe Infrastrukturës, pas dorëheqjes dhe lirimit nga detyra të ministrit të këtij dikasteri, Liburn Aliu. Kryeministri Kurti e uron z. Durmishi për përgjegjësinë e re dhe i dëshiron suksese në përmbushjen e detyrave”, thuhet në njoftim.

Liburn Aliu njoftoi sot se ka dhënë dorëheqjen si ministër në detyrë në Qeverinë e Kosovës, për shkak të zgjedhjes së Dimal Bashës në postin e kryetarit të Kuvendit të Kosovës një ditë më parë. Ai shpjegoi se dorëheqja e tij vjen pasi dje bashkëpartiaku i tij, Dimal Basha u zgjodh kryetar i Kuvendit të Kosovës. Aliu tregoi se e kishte njoftuar kryeministrin në detyrë, Albin Kurti për vendimin e tij menjëherë pas zgjedhjes së Bashës të martën.

“Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësinë e atij ideali për Republikën që ka qenë dhe mbetet arsye angazhimi për mua”, tha Aliu.

The post Dorëheqja e Liburn Aliut, Hysen Durmishi caktohet ministër i Mjedisit, Planifikimit Hapësinor dhe Infrastrukturës në Kosovë appeared first on Albeu.com.

“Ka një lapsus në njoftimin se po hetohet një ministër. SPAK ka një libër për transparencën. Rasti që është bërë publik ka të bëjë me zotin Ahmetaj. Në kohën që ka nisur hetimi ka qenë në cilësinë e ministrit. Ka persona apo ministra aktualë janë nën hetim, por nuk bëhen publikë. Ahmetaj ka patur disa funksione. Ka ministra aktualë që janë nën hetim.

Është në çështje e dërguar nga Prokurosia e Tiranës në adresë së Prokurorisë së Posaçme. Belind Këlliçi në vitin 2023 kur kandidonte për kryetar të Bashksi së Tiranës denoncoi publikisht një rrugë që ishtë ndërtuar pa tender rruge. Ky tender u zhvillua pasi u shtrua asfalti. Këlliçi denoncoi Veliajn. Prokuroria tha se Veliaj e kishte deleguar firmën dhe rezultonte Mazniku, që ishte nënkryetar dhe nuk ishte kompetencë e SPAK në atë kohë. Më pas Mazniku emerohët ministër dhe prokuroria e Tiranës e thirri zotin Mazniku dhe e pyeti 3-4 javë para zgjedhjeve parlamentare. Sot Prokuroria e Tiranës më ka konfirmuar faktin se zoti Mazniku është person nën hetim me akuzën për shpërdorim të detyrës dhe shkeljes së barazisë në tendera dhe kjo dosje i është kaluar për kompetencë Prokurorisë së Posaçme dhe SPAK e regjistron Maznikun si person nën hetim. Nëse konstaton rrugës që dalin të dhëna të tjera nga ato që ka prokuroria i grupon dhe vijon hetimin”- tha Lala.

The post “Dosja kaloi nga Prokuroria e Tiranës”, Klodiana Lala zbulon ministrin që po hetohet nga SPAK appeared first on Albeu.com.

Mes batutave dhe të qeshurave, ai iu përgjigj pyetjeve pikante të vajzave në studio.

Dembacaj: Nuk është hera e parë që ndodhesh mes zonjave, se je mes ministreve, ku ndihesh më mirë këtu apo atje.

Balla: Kur jam pranë teje më nxjerr mallin e një ish kolegeje.

Dembacaj: Të ka marrë malli ë? Do ta doje prap në politikë zonjën Topalli?

Balla: Më ka marrë malli me të pa ty në Portokalli jo Topallin.

Dembacaj: E kanë quajtur post të mallkuar ministrin e Brendshëm.

Balla: Unë mendoj që për një politikan që i jepet mundësia që t’i shërbejë vendit si ministër i Brendshëm është respekt i madh, përgjegjësi e madhe dhe besoj që publiku dhe ata që na ndjekin më japin të drejtë që paketa e sigurisë në shkolla ishte gjëja e duhur për t’i dhënë fund shpërndarjes së lëndëve narkotike.

Balla: Sepse duhet të merrem me diçka tjetër që për mua është një statisfaksion po aq i madh, më duhet që të komunkoj me vëllezërit dhe motrat tona në diasporë që në shumicë të madhe ndjekin Top Channel.

The post ‘Ministër i Brendshëm’, post i mallkuar? Taulant Balla: Më zëvendësuan sepse…! appeared first on Albeu.com.

Ish-zyrtari i lartë që dha dorëheqjen pas hetimeve dhe marrjes i pandehur për dosjen e parë të koncesioneve në Shëndetësi, ku po gjykohet me gjendje të lirë, kishte kërkuar lirimin për dosjen e dytë, kundrejt garancisë prej 5 milionë lekëve. Avokati pretendoi se ish-ministri Beqaj nuk përbën rrezik arratie apo shoqërore, për të prishur provat dhe penguar prokurorët, por GJKKO njoftoi pak më parë se nuk i ndryshon masat “arrest me burg” apo derivatet e tyre penale për të 7 të dyshuarit.

Beqaj dhe dy prej të dyshuarve kanë masat shtrënguese “arrest me burg” dhe qëndrojnë në qeli prej disa javësh, kurse për 4 të tjerët ka arrest shtëpiak dhe detyrim paraqitjeje.

Gjykata e Posaçme e shtyu më 5 Gusht dhënien e vendimin për ditën e sotme.

SPAK thotë se ka gjetur prova se Ilir Beqaj si drejtues i SASPAC, në bashkëpunim me Ermal Kurtulajn, të cilin vetë e kishte emëruar, urdhëronte procedura fiktive prokurorimi, me vlerë qindra mijëra euro, kompanive të ndryshme për shërbime të pakryera dhe përfitues fundor të ishte pikërisht vetë ish-ministri, përmes Restorant Gzona në Tiranë, që SPAK thotë se është në pronësi të tij.

Mes 8 prokurimeve fiktive të zbuluara, SPAK evidenton pikërisht një të lidhur me ‘Landëays International’. SASPAC i dha 125 mijë € kompanisë së biznesmenit Gazmend Haxhia për organizimin e një konference turizmi “Festa”. Por për të njëjtin event, dhe Ministria e Turizmit pagoi 38.5 mln lekë të reja. Pra gjithsej për të njëjtin aktivitet u paguan nga dy institucioneve shtetërore mbi 500 mijë €, ndërsa në fund i vetmi shpenzim i regjistruar është ai i një darke mundësuar nga “Gzona” me vlerë rreth 41 mijë euro.

Ish-ministri ndodhet i pandehur po në GJKKO edhe për koncesionet 100 mln euro të Shëndetësisë, dosje për të cilën SPAK ka nën akuzë 8 persona, mes tyre të ndaluarit ish-zv/ministrin Klodian Rrjepaj dhe biznesmenin Ilir Rrapaj. Por për këtë dosje ndaj Beqajt nuk ka pasur masë shtrënguese dhe ndiqej në gjendje të lirë, derisa u zbulua skandali me fondet e agjencisë.

Në hetim për dosjen SASPAC:

Arrest në burg
1- Ilir Beqaj – Drejtori i SASPAC
2- Ermal Kurtulaj –  Koordinator i projektit EUSAIR
Arrest në shtëpi:
3- Gazmend Haxhia – Pronari i ‘Landëays International’ – ‘detyrim paraqitje’
4- Elton Marini – Menaxher futbollistesh  -ortak i shoqërisë private
5- Alfred Nikollaj – drejtori Administrativ i ‘Landëays International’
6- Gazmend Haxhia- pronar i ‘Landëays International’
Detyrim paraqitje:
6- Bledar Leka
7- Bjona Zijaj – konsulente financiare

The post Akuzohet për shpërdorimin e fondeve të BE-së me SASPAK, GJKKO lë në qeli ish-ministrin Beqaj! Të njëjtat masa edhe për 6 të tjerët appeared first on Albeu.com.

Rama tha se të shohësh ish-bashkëpuntorët në burg nuk është gjë e lehtë, por është gjëja e duhur.

Ndërsa theksoi se gjatë këtij viti në vendin tonë ka rënë ndjeshëm numri i vrasjeve.

“Shqipëria është vend i vjedhjes më të ulët të shtëpive në të gjithë Europën. Këtë vit kemi një rënie drastike të rasteve të vrasjes dhe gjëja që dëgjon nga turistët që vijnë në Shqipëri, është siguria. Siguria do të bëhet një mall i shtrenjtë. Ky është një moment i rëndësishëm për ne. Sigurisht ka dhe më mirë, por ne kemi hyrë në një fazë tjetër.

Lufta për Reformën në Drejtësi do ta na çoje atje ku duhet, tashmë kanë filluar të shikohen shenja domethënëse. Në Shqipëri ka rënë miti i pandëshkueshmërisë, kur disa kohë më parë dukej i pamundur. Dita kur sheh një ministër në burg ka ardhur. Ka ardhur, jo për të ikur, por për të qenë pjesë e jetës shoqërore ku kush del nga rruga e zotit dhe e ligjit duhet të përballet me ligjin. Kush merr besimin, mbështetjen e njerëzve dhe pastaj me forcën i jep detyra kërkon të fitojë në mënyrë të paligjshme do të përballet me ligjin.

Dhe kur ne thoshim, duam një drejtësi që të godasë majtas e djathtas, shumë kush thoshte se është propagandë, por faktet kanë treguar të kundërtën.

Nuk është e lehtë dhe e kënaqshme kur sheh njerëz që ke ndarë rrugën tënde, papritur shfaqin një tjetër fytyrë pasi janë janë përzier në punë që nuk janë punë e përbashkët. Por nga ana tjetër, është gjëja e duhur”, tha Rama.

The post “Dita kur sheh një ministër në burg ka ardhur”, Rama nga Durrësi: Miti i pandëshkueshmërisë ka rënë appeared first on Albeu.com.

Që ditën e parë pas dënimit të formës së prerë të ish-ministrit Tahiri, ditë për ditë, çdo gazetë boton dhe çdo portal poston lajme “bombë” me titullin “Cili është ministri që do të futet në burg”! Pas kureshtjes kombëtare se cili nga banorët do të fitojë BBV, duket se ky për ministrin “fatkeq” që do t’i vihen hekurat, është ushqimi shpirtëror më i shijshëm që politika ofron për shqiptarët. Duket si gjueti shtrigash ku, si për ironi të fatit, në këtë rast është shtriga ajo që gjuan, është pushteti i cili për t’u forcuar akoma më tepër, duhet që herë pas here të hajë ndonjë nga bijtë e vet. Atë më lodhurin. Më të brishtin.

Unë mendoj se asnjë ministër aktual apo ndonjë ish-ministër i përfolur nuk do të arrestohet. Këta që janë pas hekurave, mjaftojnë. Shtoi edhe shkarkimin, pak ditë të përfundimit të mandatit, të presidentit të republikës. Me këto gjeste, mesazhet janë dhënë të gjitha:

Amerika dhe Evropa po “beson” se drejtësia e re po funksionon dhe në vend ka filluar të japë efekte lufta antikorrupsion.

Ministrat dhe pushtetarët e tjerë kuptuan se ku i kanë limitet dhe si duhet të sillen që të mos rrezikojnë.

Qytetarët kanë filluar të shpresojnë se ka ardhur fundi i pandëshkueshmërisë së atyre që e bëjnë “baltë”.

Kaq mjafton, tani për tani.

Pushteti mund të shuajë urinë e publikut për “koka ministrash”, por kurrsesi nuk mund ta ngopë atë me to, qofshin edhe “koka turku”!

Si përfundim, çdo ministër rrezikon burgun, por për ca kohë, le të mjaftohemi me këta që “e hëngrën”!

The post Ministri që rrezikon burgun! appeared first on Albeu.com.