Elbasani ka bërë të ditur kundërshtarët që do të ketë përballë gjatë fazës përgatitore në Ptolemaida të Greqisë.

Skuadra verdheblu ka zgjedhur një format të ngjashëm me atë të Barcelonës për këtë turne miqësor. Të besuarit e Ivan Gvozdenovic do të matin forcat me Eordaikos dhe Megas Alexandros Florina, në dy takime që do të zgjasin nga 45 minuta secili.

Ndeshja e parë do të zhvillohet kundër Eordaikos, duke nisur në orën 18:00, ndërsa 50 minuta më vonë Elbasani do të përballet me Megas Alexandros.

Edhe gjiganti spanjoll aplikoi të njëjtën formulë mbrëmjen e djeshme ndaj Nottingham Forest dhe Udineses. Barcelona triumfoi 1-0 në sfidën e parë, ndërsa të dytën e humbi me po të njëjtin rezultat.

The post Elbasani ndjek shembullin e Barcelonës, zbulon rivalët e turit përgatitor në Greqi appeared first on Albeu.com.