Kryetarja e “Alternativës”, Mimoza Kusari-Lila, njoftoi se kryeministri në detyrë Albin Kurti pritet të ftojë gjatë kësaj jave Lidhjen Demokratike të Kosovës (LDK) dhe subjektet e tjera parlamentare në një takim për konstituimin e institucioneve të reja.

Duke folur për mediat pas një panairi të gruas të zhvilluar sot në Prishtinë, Kusari-Lila tha se ftesa mund të dërgohet brenda ditëve të ardhshme, madje edhe gjatë orëve në vijim. Sipas saj, synimi është arritja e një marrëveshjeje politike për konstituimin e Kuvendit, krijimin e Qeverisë dhe zgjedhjen e presidentit.

Kusari-Lila, partia e së cilës garoi në koalicion parazgjedhor me Lëvizjen Vetëvendosje, theksoi se zgjedhja e presidentit është detyrë e përbashkët e të gjithë deputetëve. Ajo paralajmëroi se dështimi i këtij procesi do ta kthente vendin në zgjedhje të reja brenda një kohe të shkurtër.

Ajo deklaroi se para seancës konstituive, Albin Kurti, në cilësinë e kryeministrit në detyrë dhe kryetarit të Lëvizjes Vetëvendosje, do t’u drejtojë ftesë LDK-së dhe partive të tjera. Sipas saj, konstituimi i institucioneve dhe veçanërisht zgjedhja e presidentit përbëjnë përgjegjësi të përbashkët të të gjithë deputetëve të zgjedhur të Kuvendit të Republikës së Kosovës.

Kusari-Lila shtoi se edhe nëse arrihet marrëveshje për zgjedhjen e kryesisë së Kuvendit, konstituimin e tij dhe formimin e Qeverisë, moszgjedhja e presidentit do ta çonte sërish Kosovën në zgjedhje, jo më pak se dy muaj më vonë. Për këtë arsye, ajo tha se duhet të shmanget një proces i ri zgjedhor, pasi, sipas saj, asnjë subjekt nuk duket se ka vullnet apo arsye logjike për të shkuar drejt tij.

Ajo u bëri thirrje të gjitha partive që të angazhohen me seriozitet për përmbushjen e detyrave që u janë besuar si përfaqësuese të qytetarëve, në mënyrë që institucionet të krijohen brenda një kohe të shkurtër.

Sipas kryetares së “Alternativës”, pas seancës konstituive dhe, nëse është e mundur, pas zgjedhjes së Qeverisë, duhet të arrihet fillimisht dakordimi dhe më pas të votohet për presidentin e vendit.

Kusari-Lila tha se tashmë është e qartë se çfarë mund t’u propozohet partive të tjera. Ajo përmendi mundësinë e diskutimeve për një koalicion qeverisës, ndërsa çështja e presidentit duhet të zgjidhet përmes një marrëveshjeje të përbashkët mes subjekteve politike.

Ky dakordim, sipas saj, mund të përfshijë vetëm marrëveshjen për qëndrimin në sallë dhe votimin sipas vullnetit të deputetëve, ose një marrëveshje më të gjerë. Ajo paralajmëroi se kushtet që nuk përputhen me vullnetin e qytetarëve mund ta vështirësojnë procesin, duke theksuar se rezultati i zgjedhjeve dihet dhe dakordimi politik duhet të jetë në përputhje me të.

Kusari-Lila bëri të ditur gjithashtu se së shpejti pritet të zhvillohet një tjetër takim me LDK-në. Sipas saj, nga ky takim mund të konkretizohen dakordimet e arritura mes subjekteve politike.

The post Kusari-Lila: Kurti do të ftojë këtë javë LDK-në dhe partitë parlamentare për bisedime appeared first on Albeu.com.

Këto incizme janë bërë në qershor të vitit të kaluar. Biseda ndërmjet Kusari-Lilës e Slavko Simiqit është bërë në zyrën e shefes së grupit parlamentar të Vetëvendosjes.

Në hyrje të bisedës, Slavko Simiq ia përmend Kusari-Lilës një bisedë që kjo e fundit e ka bërë me Milan Radojiçiqin. Njeriu në listën e zezë të Amerikës, i dyshuar për vrasjen e Oliver Ivanoviqit dhe dhe i dyshuar për rastin Brezovica.

Në atë moment, Kusari-Lila ndërhyn duke i thënë “3-4 minuta”. Pra, duke pretenduar se nuk ka biseduar me Radojiçiqin 30-40 minuta, por 3-4 minuta.

Në përgjimet e tjera që do të publikohen ditëve në vazhdim Kusari-Lila koordinohet me Listën Serbe për temën e veteranëve, i ofendon kolegët e vetë nga partitë në opozitë dhe një letër që Radojiçiq ia ka përcjellur shefes së grupit parlamentar të Vetëvendosjes.

Slavko Simiq dëgjohet teksa i thotë Kusari-Lilës se ne që nga fillimi kemi pasur raport partnerësh. Këtë, shefja e deputetëve të VV-së nuk e mohon asnjëherë.

PJESË NGA BISEDA:

Slavko: “Ti e din që unë të kam lidhë me Millanin, keni bisedu ka 30-40 minuta për me gjetë ndonjë zgjidhje”

Mimoza: “Dy tre minuta”

Slavko: “Një herë keni bisedu gjatë, ku keni bisedu për energjinë në veri, a e mban mend”

Slavko: “Kemi provu me gjetë zgjedhje edhe me ndërtu një raporto partnerësh dhe çfarë ndodhi, njeri që marrim direkt instruksione, që e ka një diapazon të gjanë për secilin prej nesh, pa të cilin nuk mund të bëjmë asgjë… disa vendime që i marrim bashkë me të, nuk mundet me ndiku as Vuçiqi.”

Mimoza: “E kush është kryesori, Rakiq apo?”

Slavko: “Milani bre është kryesori, po çfarë Rakiqi, i cili është veç kryetar i Listës Serbe dhe anëtar i Qeverisë, ama kur të vjen puna për me marrë vendime, për këtë sene nuk ka nevojë as me më pyet sepse t’i kam shpejgu kur kemi bisedu… Njeriu nuk e ka meritu aspak tretmanin që i është bërë, duke e futë në listën e ndalimit”

Mimoza: “Pse po më thua mua?”

Slavko: “Ti mu më ke thënë, ti mu më ke thënë që ki me folë me kryeministrin edhe që kryeministri ka me shiku se për çka bëhet fjalë, që ka me folë edhe me ministren e Drejtësisë edhe me ministrin e Punëve të Brendshme, a është qishtu? Pastaj kur e kemi pasë situatën me zgjedhjet, vetëm po të kthej pak në retrospektivë… edhe ti e ki pamjen e gjanë, asnjë palë zgjedhje nuk kishin me u ba në veri të vendit, mos t’ish kanë Millani edhe heqja e barrikadave, ai nuk është aspak person destruktiv për Kosovën…”

Slavko: “Ti e din që prej fillimit që e kemi pasë një raport partnerësh…, e tash ti mu po më pyet për këtë ligj kur na kena probleme më të mëdhaja.”

Mimoza: “E di Slavko, e di, ama tash krejt këto pika që janë në agjendë e ato nuk mund të hjekën nëse ne nuk votojmë ashtu siç kemi folë ose nëse qeveria nuk tërhiqet…”/Nacionale

The post Dalin përgjimet e Mimoza Kusarit me deputetin e Listës Serbe, zbulohet se çfarë diskutuan në zyrë appeared first on Albeu.com.

Në momentin kur shefja e Grupit Parlamentar të Vetëveendosjes, Mimoza Kusari Lila ishte duke folur, deputetit mesa duket nuk i kanë pëlqyer fjalët e saj dhe shfaqet sikur nuk e kishte aspak duket bërë me gjeste sikur po i bie violinës.

Videoja është bërë virale në rrjetet sociale, madje ka edhe nga ata që dyshojnë se deputeti mund të jetë i dehur në momentin që ka bërë xhestin, megjithatë nuk përjashtohet mundësia që të ketë qenë ironike ndaj Lilës./albeu.com

The post Mimoza Kusari mban fjalim në Kuvend, deputeti i PDK-së “i bie violinës” (VIDEO) appeared first on Albeu.com.