“Jemi bekuar me nip, nuk gjej fjalë të përshkruaj ndjesinë dhe emocionet e të qënurit gjyshe. Ndjesia kur më erdhi nusja në shtëpi ishte si ta kisha vajzën timen. Kur u bëra realisht gjyshe kuptova që kisha harruar dhe ti vishja çorapet një bebi“, ka thënë Kodheli.

Në familjen e saj e jo vetëm kanë dominuar meshkujt, ashtu si edhe djali e bekoi me nip. Ka munguar prezenca e nje vajze mes tyre?

“Kam pasur motrën gjithmonë me vete. Ajo ka zëvëndësuar mungesën e vajzës. Edhe kur erdhi nusja, e pashë si vajzën time” – u shpreh Kodheli duke uruar që ndoshta do të bekohet në të ardhmen me një vajzë.

View this post on Instagram

A post shared by RTSH (@rtshqiptar)

The post Është bërë gjyshe! Ana e panjohur e Mimi Kodhelit, ja si është si vjehrrë (VIDEO) appeared first on Albeu.com.

Të dy ata ishin edhe në Shqipëri gjatë dy ditëve të fundit, ndërsa ambasadorja Yuri Kim ka publikuar në Tëitter edhe foto nga takimi tyre me deputetë të Kuvendit të Shqipërisë.

I ftuar në këtë takim, deputeti demokrat Ferdinand Xhaferaj, i njohur për qendrimet e forta pro-amerikane, është shprehur se duhet bërë një kujdes i madh ndaj influencave anti-amerikane në politikën shqiptare, ndërsa shtoi se duhet bërë më shumë presion nga SHBA-të në drejtim të Serbisë për të njohur Kosovën, gjë e cila do të sillte edhe paqen përfundimtare mes dy shteteve si edhe në rajon.

Xhaferaj shkruan:

Kënaqësi të isha i ftuar nga ambasadoreja Kim dhe senatorët Chris Murphy dhe Gary Peters. Senatori Murphy, i cili prej vitesh është i angazhuar në çështjet e Ballkanit Perëndimor, u shpreh se “Amerika nuk ka mik më të mirë se Shqipëria”.

Prej kohësh kam shprehur publikisht problemet në lidhje me influencat anti-amerikane në politikë dhe vazhdoj të theksoj se përfshirja e SHBA-së në Shqipëri dhe Ballkanin Perëndimor është “golden straight jacket” i domosdoshëm për stabilitetin, demokratizimin dhe orientimin perëndimor të rajonit.

Krahas problematikave të zgjedhjeve të 14 Majit dhe sfidave të vështira të Shqipërisë në rrugëtimin e anëtarësimit në BE, që lidhen me luftën ndaj kriminalitetit të organizuar, forcimin e shtetit ligjor dhe reformën e administratës, në takim u theksua edhe domosdoshmëria e njohjes reciproke ndërmjet Kosovës dhe Serbisë si çelësi që garanton paqen afatgjatë midis dy vendeve si edhe në Ballkan.

1/2 Great to have Senators @ChrisMurphyCT and @GaryPeters in Albania to strengthen ?? ?? relations across democracy, defense, and business. As Sen. Murphy said, “The U.S. has no better friend in the world than Albania.” pic.twitter.com/GnTswRo9Du

— Ambassador Yuri Kim (@USAmbAlbania) May 23, 2023

Kush është senatori Christopher Scott Murphy?

Senatori Christopher Scott Murphy ka shërbyer si senator i Shteteve të Bashkuara për shtetin e Konektikut që nga viti 2013. Para se të zgjidhej si senator, Murphy ka shërbyer në Dhomën e Përfaqësuesve të Shteteve të Bashkuara për krahinën e Connecticutit nga viti 2007 deri në vitin 2013.

Ai është një zëdhënës i njohur për politikën e jashtme dhe ka qenë angazhuar në çështjet e Ballkanit Perëndimor, duke mbështetur stabilitetin dhe demokratizimin e rajonit.

Kush është senatori Gary Peters ?

Senatori Gary Charles Peters është senator i Shteteve të Bashkuara për shtetin e Michiganit që nga viti 2015. Para se të zgjidhej si senator, Peters ka shërbyer si anëtar i Dhomës së Përfaqësuesve të Shteteve të Bashkuara për shtetin e Michiganit nga viti 2009 deri në vitin 2015.

Ai është angazhuar në çështjet e politikës së jashtme, sigurisë kombëtare dhe çështjet e transportit.

Peters gjithashtu ka punuar në komisionet për energjinë dhe tregtinë në Kongresin Amerikan. /albeu.com

The post Senatorët e SHBA-së takojnë deputetët shqiptarë, Xhaferaj: Kujdes ndaj influencave anti-amerikane në politikë, presion Serbisë të njohë Kosovën appeared first on Albeu.com.

Mësohet se Kodheli u zgjodh kryetare pas një votimi unanim të plotë. Behet e ditur se në fokus të këtij sesioni do të jetë situata në Ukrainë dhe masat konkrete që janë marrë dhe do të ndërmerren.

Po ashtu në fokus është dhe përgjigja ndaj agresionit rus në Ukrainë.

The post Mimi Kodheli zgjidhet unanimisht kryetare e Socialistëve në Asamblenë Parlamentare të NATO-s appeared first on Albeu.com.

Deputetja socialiste, Mimi Kodheli e ftuar në “Radari Informativ” në Abc të gazetares Juli Xhokaxhi zbuloi se nga tre emrat që ajo propozoi nuk kishte asnjë emër zonje, pavarësisht se ekziston mundësia që për herë të parë Shqipëria të ketë një Presidente femër.

Kodheli: Në tre emra asnjë nuk ka qenë zonjë, në rastin tim. Kryeministri beson më shumë te zonjat. Mundet të jetë dhe ky rasti. Profil politik kanë qenë në rastin tim, relativisht jo të rinj. Unë jam konsultuar me disa kolegë dhe më besoni diskutimet kanë qenë shumë serioze, pavarësisht se kanë qenë informale. Ne besojmë te një mënyrë tjetër e përzgjedhjes së emrave, patjetër që duhet eksperimentuar, por mos jenë emra të minutës së fundit. Duhet të jetë i menduar mirë dhe pse jo edhe duke marrë një mendim kolegjial.

Kodheli tha se mazhoranca shpreson të ketë edhe propozime nga opozita.

Kodheli: Janë të mirëpritur. Shpresoj të japin emra.

Deputetja tha se do të ketë një takim edhe më përfaqësues të shoqërisë civile dhe do të merren parasysh propozimet e tyre.

Kodheli: Do të ketë një takim me përfaqësues të shoqërisë civile dhe takimi bëhet për të konkluduar në emra konkretë. Mund të vëmë në kornizë disa tipare por kjo nuk do të thotë që emri është athje. Mirëpriten emrat nga shoqëria civile, ashtu siç mirëpriten edhe nga opozita. /abcnews.al

The post Kush ishin 3 emrat që Kodheli propozoi për president? Përgjigjet deputetja socialiste appeared first on Albeu.com.

“Mimi Kodheli mund të jetë presidente e ardhshme. Ky është një skenar. Nuk po themi emrin e kryeministrit. Mund të jetë një njeri që vjen nga e djathta reale shqiptare”, deklaroi ndër të tjera Cako.

Kujtojmë se Cako njihet mjaft mirë për teoritë e tij të konspiracionit, të cilat janë të besueshme për një masë jo të vogël njerëzish./albeu.com/

The post Alfred Cako befason me parashikimin: Ju tregoj se kush do të jetë presidenti i ardhshëm i Shqipërisë appeared first on Albeu.com.

Disa ditë më parë, Presidenti Meta e përshëndeti këtë qëndrim të Bullgarisë duke shprehur kështu se është pro ndarjes së dy vendeve në rrugë drejt integrimit në BE.

“Përparimi i secilit vend në bazë të meritave individuale ka qenë një nga parimet kyç të miratuara në Samitin e Selanikut në vitin 2003”, shkruante ndër të tjera Meta, por Tirana zyrtare nuk bie dakord me presidentin në këtë pikë.

Kryetarja e Komisionit të Politikës së Jashtme, Mimi Kodheli, në një intervistë për  “Zërin e Amerikës” u shpreh se Shqipëria nuk do të kërkojë shkëputjen nga Maqedonia dhe se beson që Bullgaria do të heqë veton.

“Shqipëria në fakt ka një shok të mirë në këtë rrugëtim, që është komshiu, bashkudhëtari i saj, që është Maqedonia e Veriut dhe besoj që ky ka qenë rrugëtim që kemi ditur të mësojmë nga gabimet e njëri tjetrit dhe të përfitojmë nga njëri tjetri. Kështu që nuk mendoj që Shqipëria do të kërkojë, të mund të shkëputet, dhe të duhet të shkëputet, besoj dhe shpresoj shumë, që me zhvillimet e fundit pas zgjedhore në Bullgari të heqë veton dhe t’i hapë rrugën Maqedonisë dhe Shqipërisë për mbajtjen e tryezës së parë ndërqeveritare, ku me gjasë do të marrim “OK”-in për hapjen e negociatave” tha Kodheli.

The post “Shqipëria të ndahet nga RMV në procesin e integrimit”, Meta pro, Tirana zyrtare kundër appeared first on Albeu.com.

Gjatë intervistës së saj Duma u ndal dhe tek zonjat me sharm të politikës shqiptare, ku veçoi Arta Daden, Mimi Kodhelin dhe Blerina Gjylametin nga kampi i majtë, ndërkohë që nga kampi i djathtë zgjodhi Jozefina Topallin, Majlinda Bregun dhe Jorida Tabakun.

“Të bukura ka plot zonja në politikë. Unë e them gjithmonë, për mua Arta Dade është grua e bukur. Mimi Kodheli është grua e mbajtur dhe që do t’i shkonte fjala kinge. E nisa andej për të hedhur poshtë klishetë që do duhej ta nisja nga PD-ja.

Patjetër Jozefina Topalli ka një sharm politik, Majlinda ka sharm politik, Jorida ka sharmin e vet. Blerina Gjylameti ka sharmin e vet dhe elegancë”, tha deputetja. /albeu.com/

The post Njihet për sharmin dhe stilin, Grida Duma zbulon kush është politikania më kinge në Shqipëri (FOTO LAJM) appeared first on Albeu.com.

Pas dorëzimit të mandateve, në Kuvend futen:

Mandati i Gramoz Ruçit i ka kaluar Mirela Pitushit

Mandati i Najada Çomos i ka kaluar Mimi Kodhelit

Mandati i Lefter Kokës i ka kaluar Denis Deliut

Mandati i Mark Marku i ka kaluar Elda Hotit.

Po kush janë deputetët e rinj që futen në Kuvend?

Mirela Pitushi:

Partia Socialiste mori 9 mandate në qarkun e Fierit, ndaj me dorëheqjen e Ruçit, mandati do t’i kalojë Mirela Pitushi.

Pitushi ka arritur të sigurojë më shumë vota nga kandidatët që nuk arritën të ishin në listën fituese.

Ajo ishte renditur e 11-ta në në listën e PS-së në qarkun e Fierit dhe arriti të sigurojë 3508 vota, më shumë se sa kandidatët e tjerë në listën jo fituese të PS-së.

Mimi Kodheli:

Kodheli nuk mundi të merrte mandat deputeti në zgjedhjet e 25 Prillit, një rezultat ky I pritshëm për shkak të pozicionit të saj në listën e PS në Tiranë. Mimi Kodheli ka një karrierë shumë të gjatë në politikë, prej viti 2002 ku është angazhuar në PS dhe ka mbajtur pozicione shumë të rëndësishme. Pas dorëheqjes së Çomos, Kodheli deklaroi se është e gatshme për të marrë mandatin.

Denis Deliu:

Vendin e Lefter Kokës si deputet në Kuvend, do ta zërë Denis Deliu. Ky i fundit, mbante numrin e 13 në listën e PS në Durrës, për zgjedhjet e 25 prillit.

Deliu ka një karrierë në fushën ushtarake. Prej vitesh është bërë pjesë e Forcave të Armatosura në Gardën e Republikës, ku tashmë mban pozicionin e shefit të Sigurisë në Organet e vettingut.

Deliu ka qenë pjesë emisionit në Afganistan ku dhe mbeti i vrarë kolegu i tij Feti Vogli.

Po ashtu ai ka marrë shumë vlerësime nga institucionet vendase dhe ndërkombëtare. I 13-ti në listën e deputetëve në garë në qarkun e Durrësit, Deliu mori 2848 vota.

Elda Hoti:

Në bazë të listës së kandidatëve për deputetë në qarkun e Lezhës, pas Markut, në listë është kandidatja Elda Hoti si më shumë e votuara, si kandidate e Partisë Republikane.

Ajo renditej e 5 në listë me 2733 vota, duke mos u bërë dot pjesë e listës fituese nga zgjedhjet e 25 prillit pasi koalicioni i PD mori vetëm 4 mandate.

Hoti rikthehet në Kuvendin e Shqipërisë si kandidatë e PD pas një legjislacioni si deputete e LSI.

Deputetja u bë e famshme në rrjetet sociale pas një interviste ku fliste për përfshirjen e saj në politikë por habiti kur nuk dinte kur ishte formuar LSI, parti e cila e futi në Kuvendin e Shqipërisë. /albeu.com/

The post Nga Kodheli tek ushtaraku që shërbeu në Afganistan, kush janë deputetët e rinj që morën mandatet e braktisura appeared first on Albeu.com.

Nga votimi  ka rezultuar fituese, Evis Kushi, Mimi Kodheli. Ogerta Manastirliu, Olta Xhaçka, Belinda Balluku, Blerina Gjylameti.

Lista e kandidatëve:

Ogerta Manastirliu;

Belinda Balluku;

Olta Xhaçka;

Ermonela Felaj;

Ervis Kushi;

Milva Ekonomi;

Mimi Kodheli;

Klotilda Ferhati;

Blerina Gjylamet

Almira Gjembulla. /albeu.com/

The post E FUNDIT/ Nga Kodheli tek Balluku, kush janë 6 gratë fituese që futen në Kryesinë e PS appeared first on Albeu.com.

Largimi i saj i hapi rrugë një tjetër gruaje që të hyjë në Kuvend, ish-ministrja e Mbrojtjes, Mimi Kodheli, sipas renditjes së listës.

Ardhja e Kodhelit në Kuvend duket se nuk do të ketë vetëm, rolin e deputetes.

Kodheli është kandidatja më potenciale për të zënë postin e Kryetares së Kuvendit që pritet të konstituohet në shtator, post i mbajtur nga Gramoz Ruçi, por në 12 qershor dha dorëheqjen nga të gjitha funksionet politike.

Këtë post të rëndësishëm në hierarkinë e shtetit e synon dhe deputeti tjetër socialist Taulant Balla. Por futja e Kodhelit në sallën e kuvendit, me sa duket i hap rrugën asaj për të drejtuar seancat dhe përfaqësuar vendin në diplomacinë parlamentare.

Nga ana tjetër, në mbledhjen e mbrëmshme të Ramës me grupin e vjetër dhe atë të ri parlamentar, kryetari i PS e konfirmoi bashkë me Elisa Spiropalin në detyrat që mbajnë aktualisht.

Konkretisht, Balla në rolin e kreut të grupit parlamentar, kurse Spiropali në përfaqësimin e qeverisë në debatet parlamentare.

Kodheli ka një eksperiencë të gjatë jo vetëm në administratë ku e ka filluar si prefekte e Tiranës nën qeverisjen e Fatos Nanos, por ka qenë edhe kryetare e komisionit parlamentar të jashtëm dhe ish-ministre e Mbrojtjes. Kjo eksperiencë dhe ekspertizë sipas burimeve nga socialistët i japin asaj avantazhin në krahasim me rivalët e tjerë në PS./Shqip

The post Nuk do të jetë burrë! Kush është socialistja që do të drejtojë Kuvendin në vend të Gramoz Ruçit (FOTO LAJM) appeared first on Albeu.com.