Sipas tyre, ky është një akt dhune i papranueshëm dhe i dënueshëm, që cenon institucionin e Kuvendit, por njëkohësisht është edhe një sulm ndaj të gjitha grave.

Reagim i grave deputete të Partisë Socialiste, anëtare të Aleancës së grave deputete të Kuvendit të Shqipërisë:

Ngjarja e ndodhur sot në Kryesinë e Kuvendit të Republikës së Shqipërisë, nga pamjet e regjistruara që tregojnë qartë kur deputeti Xhelal Mziu shtyn me forcë kolegen tonë Milva Ekonomi, është një ngjarje e shëmtuar dhe e dënueshme.

Ky akt dhune është një sulm jo vetëm ndaj një kolegeje, por edhe ndaj parimeve që duhet të udhëheqin punën tonë. Kur ky akt i papranueshëm ndodh në ambientet e Kuvendit ndaj një deputeteje grua, është akoma më i rëndë pasi dëmton dinjitetin dhe të drejtat e të gjitha grave dhe vajzave që ushtrojnë funksione publike dhe atyre që kontribuojnë në jetën politike e mbi të gjitha cënon standardet morale dhe etike të përfaqësuesve të zgjedhur.

Ky akt dhune cënon njëkohësisht edhe institucionin e Kuvendit, si një institucion ku duhet të tregohet me të gjitha format fryma e tolerancës, e respektit, e etikës ndaj kujtdo, e veçanërisht ndaj grave deputete. Kuvendi është vendi ku qytetarët dhe e gjithë shoqëria presin të shohin nga ne modelin e parë të respektit, tolerancës, komunikimit civil dhe që luftojmë jo me forcën e muskujve por me forcën e argumentit.

Si deputete të këtij Kuvendi kemi detyrimin të respektojmë ligjet dhe standartet që i kemi miratuar bashkarisht, të parashikuara në rezolutat e Kuvendit, si dhe të gjitha detyrimet ndërkombëtare të bëra pjesë e legjislacionit tonë, përfshirë Konventën e Stambollit, Rezolutat e Asamblesë Parlamentare të Këshillit të Europës, për përgjegjësinë tonë në luftën kundër dhunës ndaj grave, gjuhës së urrejtjes dhe intolerancës.

Ne, gratë deputete të Partisë Socialiste, anëtare të Aleancës së grave deputete të Kuvendit të Shqipërisë, dënojmë këtë akt të rëndë dhune, pasi akti i sotëm i dhunës ndaj një gruaje në politikë nuk është vetëm një sulm ndaj një kolegeje, por një sulm ndaj të gjitha grave që kontribuojnë dhe luftojnë për një shoqëri më të drejtë që respekton gratë dhe të drejtat e tyre.

The post Mziu shtyu Milva Ekonomin, reagojnë deputetet e PS: Akt dhune i papranueshëm! appeared first on Albeu.com.

Po sa janë te sigurta këto qendra të cilat janë nën vartësinë e Ministrisë së Bujqësisë? A ka një procedurë strikte për t’i transportuar, mbjellë dhe më pas përdorur në proceset gjyqësore? Sa siguri ka në këto qendra?

E gjithë kjo skemë është zbërthyer nga “Piranjat” të cilët kanë mundur të futen lehtësisht në një serë së kanabisit që shërbejnë si prova për prokurorinë. Aty nuk ka asnjë kamer sigurie dhe lehtësisht mund të shkatërrohen provat. Por si përgjigjet ministrja Milva Ekonomi të cilën gazetarja e ndjek në shtëpi? A mban kush përgjegjësi?

Ndërkaq Piranjat kanë marrë rrëfimin e Alfred Pëllumbit ish-fermerit në Shkrel i cili hedh drite mbi rastin e bujshëm në vitet 2000 kur u arrestuan gabimisht disa fermerë të dyshuar se kishim mbjellë kanabis në sera por në fakt e vërteta nga analizat doli ndryshe. “Nga analizat rezultoi se bima ishte kërp industrial, personat u liruan dhe u kuptua se çdo gjë ishte gabim”.

Përgjigjet do t’i merrni në video… Ndiqeni!

https://youtu.be/U5vNOd0_z5k

The post “Piranjat” brenda serrës së kanabisit të ministrisë, provat e kriminelëve pa asnjë siguri, Ekonomi përplaset me gazetaren (VIDEO) appeared first on Albeu.com.

Ministrja e Shtetit për Standardet, Milva Ekonomi e ftuar në Radarin Informatin në Abc tha se kemi shembuj të ngjashëm në rajon e për këtë përmendi Maqedoninë e Veriut. Megjithatë ministrja tha se numri i kultivuesve dhe tregtuesve të kanabisit do jetë i kufizuar.

“Shembujt për këtë në Balkan janë. Ka disa shembuj. Ne nuk jemi në një rajon kur ky legalizim nuk ka ndodhur. Nuk është hera e parë që hidhet kjo ide. Edhe para një viti e gjysmë kjo çështje ka qenë e diskutuar. Ka rregullime në përdorim, tregtim etj. Tregtimi do jetë i kufizuar. E gjitha do shikohet si një paketë që do jetë shumë i kufizuar numri i atyre që do e prodhojnë e tregtojnë”.

Sa do ndikojë në rritjen e ekonomisë legalizimi i kanabisit për qëllime mjekësore?

“Si çdo sektor të ri në ekonomi do ketë një influencë sepse aktivizon burime që deri më tani s’kanë qenë të aktivizuara. Do aktivizojë sipërfaqe toke, fuqi punëtore, mekanikë. Kërkim shkencor, përpunim, tregtim. Do ketë zinxhir nënsektorësh. Duke dalë sektorë të rinj ato kërkojnë të punësojnë të tjerë. Do ketë vlerë më të madhe tregu. Ky është sektor ekonomik dhe duhen parë disa vende që e kanë një taktikë të ngjashme. S’kemi të bëjmë me përdorim masiv, do jetë i kufizuar, tregtimi s’do jetë i lirë”, u përgjigj Ekonomi./abcnews.al

The post Legalizimi i kanabisit, Ekonomi: Si do bëhet kultivimi dhe tregtimi, ndikimi në ekonomi appeared first on Albeu.com.

Ministrja ka thënë se, ka një marrëveshje prej vitit 2010 me Prokurorinë dhe Policinë për mbjelljen e farave të dyshuara që më pas në varësi të rezultatit sjellin vendimet e këtyre institucioneve.

“Në Ministrinë e Bujqësisë funksionojnë dhe 5 institucione varësie, janë të shpërndara në të gjithë vendin, kanë detyra të ndryshme shkencore. Si të tilla merren dhe mënyrën si duhet të kultivohen perimet, si duhet të mbarështohet një gjedh e me radhë. Që nga 2010 e këtej, në këto qendra që janë shtetërore, mes prokurorisë, policisë dhe Qendrës së Fushë-Krujës, ka pasur një marrëveshje për të bërë eksperimente për fara të dyshuara. Do përdorë për këtë një bazë eksperimentale dhe baza është sera. Janë bimë që kanë cikël 1-vjeçar, quhen perime dhe do shihen në një serë.

Ndërgjegjja profesionale e stafit të Ministrisë së Bujqësisë është e lartë, ato marrin sipas atyre që sjell prokuroria këtë farë në kushtet e serës. Fara mund të qëllojë të jetë kanabis, por mund të jetë dhe spinaq, apo kërp dhe ka nevojë për një rritje biologjike që prokuroria e policia të ndërmarrë një vendim. Nëse rezulton kanabis e merr prokuroria, nuk është detyra jonë, ne jemi vetëm një hallkë”, deklaroi ajo./albeu.com

The post Kanabisi në serrat e shtetit, Ekonomi: Kemi që prej vitit 2010 që eksperimentojmë appeared first on Albeu.com.

Në reagim thuhej, se në disa sera që janë nën administrimin e Qendrës së Transferimit të Teknologjive Bujqësore (QTTB) Lushnje, rriten bimë të dyshuara kanabis, me kërkesë të policisë së shtetit, për çështje eksperimentale.

NJOFTIMI I PLOTË I MINISTRISË:

Në vijim të disa raportimeve dizinformuese në media të ndryshme informojmë si më poshtë:

Qendra e Transferimit të Teknologjive Bujqësore (QTTB) Lushnjë, ka në objektin e punës kërkimin/transferimin e teknologjive bujqësore për kulturat perimore dhe grurin si dhe identifikimin, testimin, përshtatjen e metodave dhe inputeve të reja në praktikat bujqësore. Kjo qendër disponon edhe një serrë për prodhimin dhe testimin e fidaneve të llojeve të ndryshme.

QTTB Lushnjë, në fushën e saj të veprimtarisë bashkëpunon me ente publike dhe private. Në këtë kuadër, bazuar në kërkesat e Prokurorisë /Policisë së Shtetit, kryen për llogari të hetimeve të tyre mbjelljen e farërave të bimeve të dyshuara si bimë narkotike. Bimet në fjalë janë mbjellë sipas kërkesës së tyre më shkresën numër 369, datë 4.05.2021.

Kjo formë e bashkëpunimit është e hershme dhe e vazhdueshme midis QTTB-ve dhe Prokurorisë/Policisë, në funksion të evidentimit të farërave të dyshuara nëpërmjet mbjelljes dhe rritjes deri në një fazë të caktuar.

Që prej vitit 2010 kjo procedure bëhet sipas një protokolli të përcaktuar qartë, që fillon nga marrja në dorëzim e farërave, mbjellja e tyre, shërbimet dhe dorëzimi i bimëve sipas dokumentacionit përkatës. Për mbjelljen e këtij numri të kufizuar bimësh shfrytëzohen të njejtat ambiente që përdoren edhe për kultivimin e bimëve të tjera.

Gjithashtu në vijim të sqarimit të opinionit publik referuar lajmeve të fundit mbi një zjarr të rënë në QTTB Lushnjë, informojmë se ky informacion është i pasaktë. Bëhet fjalë për një zjarr në një sipërfaqë të kufizuar toke në distancë me këtë qendër, ku digjeshin mbeturina kashte (hamullash) pas korrjes së grurit

Ministria e Bujqësisë dhe Zhvillimit Rural mbetet e hapur dhe në dispozicion për cdo informacion tjetër që mund të nevojitet./albeu.com

The post Kanabisi në serrën ku ishte Ekonomi, reagon ministria e Bujqësisë: Janë mbjellë për eksperiment (VIDEO) appeared first on Albeu.com.

Në videon e nxjerrë në Facebook nga ministrja, ka kaluar një detaj pa u vënë re.

Mes domateve që ka fokusuar kamera, shihet një rresht me bimë, identike me kanabis sativa (sekonda 36-37)

Alert.al që publikoi i pari këtë skandal thotë se ka kërkuar një sqarim nga ministria e Bujqësisë dhe jo vetëm që nuk mori përgjigje, por video e publikuar më herët u hoq, u modifikua dhe pamjet u zëvendësuan./albeu.com

The post I shpëtoi si detaj, kamera kap kanabis në serrën ku shkon ministrja Milva Ekonomi (VIDEO) appeared first on Albeu.com.

Gjatë bisedës kur po fliste  për mësuesit dhe infermierët ai deklaroi duhet t’a mbronin vendin e punës me votë ndryshe me votë në drejtim të paditur, ikën në drejtim të paditur.

Biseda:

RAMA: Alo. Milva si je?

EKONOMI: Mirmbrëma si jeni kryeministër,

RAMA: Unë mir jam, po ec në pyje, në një rrugë Leskovik-Përmet, natyrë fantastike, ka rënë errësira, po them të bëj ca telefonata. Si duket situata në Durrës?

EKONOMI: Jam aktualisht në Krujë, isha në Krujë edhe në Anameras, dhe Durrës. Duket shumë mirë, ka entuziazëm. Sidomos këta të rinjtë që kanë hyrë me meritokraci, me portalet, janë super entuziastë.

RAMA: Tani mësuesit dhe infermierët kanë hyrë me meritë, por duhet ta mbrojnë se me votën në drejtim të paditur ikën në drejtim të paditur.

EKONOMI: Edhe ata e kishin parasysh shumë mirë këtë gjë. Kishin vuajtur gjatë. /albeu.com/

The post Deklarata skandaloze e Edi Ramës, kërcënon mësuesit e infermierët: Kujdes votën! ( VIDEO) appeared first on Albeu.com.