Edhe pse e ardhmja e tij te Besiktasi duket drejt fundit, 29-vjeçari mund të mbetet sërish në futbollin turk. Sipas mediave lokale, Kocaelispor ka shfaqur interes të qartë për reprezentuesin kosovar dhe ka nisur hapat e parë për t’u informuar mbi kushtet e një transferimi të mundshëm.

Sipas mediumit turk Çagdas, drejtuesit e Kocaelisporit kanë zhvilluar ditët e fundit një takim me menaxherin e Rashicës, ku janë diskutuar mundësitë dhe detajet e kalimit të tij.

Raportohet se Besiktasi kërkon afro 2 milionë euro për kartonin e lojtarit, por takimi i parë mes palëve nuk ka sjellë ende një marrëveshje konkrete.

Interesi për Rashicën, megjithatë, nuk vjen vetëm nga Turqia. Mediat turke bëjnë të ditur se menaxheri i tij është në bisedime edhe me disa skuadra të Bundesligës gjermane, çka mban të hapura disa alternativa për hapin e ardhshëm në karrierën e futbollistit.

Rashica nuk llogaritet në planet e Besiktasit për sezonin e ri, ndaj largimi i tij shihet si thuajse i pashmangshëm.

Kjo rrethanë ka shtuar aludimet për klubin e ardhshëm të kosovarit, i cili ka një eksperiencë të konsiderueshme në futbollin gjerman nga periudhat te Vitesse, Werder Bremen dhe Norwich City.

Tani mbetet për t’u parë nëse Kocaelispor do të arrijë të bindë si Besiktasin, ashtu edhe vetë lojtarin, apo nëse Rashica do të zgjedhë rikthimin në Bundesligë për të nisur një kapitull të ri në karrierën e tij.

The post Kocaelispor futet në garë për Milot Rashicën, largimi nga Besiktasi duket afër appeared first on Albeu.com.

Në videon e publikuar nga vetë klubi i Beshiktash, shihet Asllani teksa takon për herë të parë shokët e rinj të skuadrës, duke i përshëndetur ata në palestrën e klubit, ndërsa kishte një takim sigurisht me të përzemërt me Milot Rashicën, i cili është gjithashtu pjesë e skuadrës së qytetit të Stambollit.

Pikërisht Rashica ishte ai i cili qëndroi më gjatë me Asllanin edhe gjatë seancës stërvitore, kur mesfushori zbriti në fushën e lojës, duke u bërë shpesh edhe përkthyesi i futbollistit të Kombëtares shqiptare në bisedën me pjesëtarë të ndryshëm të klubit.

The post VIDEO/ Prezantimi me skuadrën dhe stërvitja e parë e Asllanit te Beshiktashi, Rashica bën përkthyesin appeared first on Albeu.com.

Në kohën kur Besiktasi po përgatit planifikimet për sezonin e ri, edhe emrat që mund të largohen nga skuadra po trajtohen me prioritet nga drejtuesit bardhezi.

Një nga ta është Rashica, për të cilin klubi nga Stambolli ka vendosur edhe çmimin e largimit – 8 deri në 9 milionë euro.

Genoa është e gatshme të përmbushë këtë shifër, dhe nëse palët arrijnë një marrëveshje përfundimtare, transferimi mund të zyrtarizohet së shpejti.

Rashica, ndonëse është përballur me disa lëndime gjatë sezonit të fundit, ka pasur një kontribut të rëndësishëm për Besiktasin, me 5 gola dhe 12 asistime në 41 paraqitje zyrtare.

Forma e tij ka tërhequr interesin e disa skuadrave, por Genoa duket se ka bërë hapin e parë konkret.

28-vjeçari nga Kosova ka luajtur më parë në Bundesliga me Werder Bremen dhe në Angli me Norwich City, ndërsa një kalim në Serie A do të ishte një hap i ri në karrierën e tij – dhe një mundësi për ta rifituar vazhdimësinë në një ligë të madhe evropiane.

Në rast se Genoa plotëson kërkesat financiare të klubit turk, Rashica pritet të nisë një aventurë të re në Itali.

The post Klubi i Serie A e ka prioritet transferimin e Milot Rashicës – detaje nga oferta e arritur te Besiktasi appeared first on Albeu.com.

Është ekipi i Genoa, i cili ka dërguar një ofertë zyrtare për sulmuesin e Kosovës. 8 milionë euro është oferta e italianëve, por e refuzuar nga Besiktas, të cilët kërkojnë të paktën 9 milionë.

Mbetet të shihet nëse e ardhmja e 28-vjeçarit do të jetë te klubi i Serie A. Kujtojmë se në sezonin që lamë pas, Rashica mori pjesë në 41 ndeshje me Besiktas, duke shënuar 5 gola e asistuar në 12 të tjerë.

The post E BUJSHME/ 8 milionë euro, klubi i Serie A ofertë zyrtare për shqiptarin e Besiktas appeared first on Albeu.com.

Mediumi turk, “Ortaçizgi” raporton të premten se për Rashicën kanë shprehur interesim dy skuadra nga Seria A.

Drejtuesit e Besiktasit po dëshirojnë që t’i fitojnë së paku 12 milionë euro nga shitja e Rashicës.

27-vjeçari te klubi turk u transferua vitin e kaluar nga skuadra angleze Norwich City për 5 milionë euro.

Rashica edicionin e kaluar ishte i huazuar te Galatasaray, ndërsa karrierë ka bërë te Werder Bremeni e Vitesse.

The post Rashica mund të largohet nga Besiktas, e duan dy klube të Serisë A appeared first on Albeu.com.

Sulmuesi anësor e nisi ndeshjen nga minuta e parë së bashku me Ernest Muçin.

Kur rezultati ishte 1-1 në skenë doli Rashica i cili pas një asistimi të Rachid Ghezzal gjeti golin e epërsisë për 2-1 në minutën e 65-të.

Ky avantazh i Besiktas nuk zgjati, pasi që Rizespor ku u inkuadrua në pjesën e dytë Altin Zeqiri, arriti të barazojë në 2-2.

Ky ishte goli i pestë i Milot Rashicës për Besiktasin në Superligën e Turqisë, ku ka edhe katër asistime. /Telegrafi/

2-1 Milot Rashica | 65’
pic.twitter.com/bz3jziRHDe

— Besiktas Haber Portal (@besiktashaberpt) May 3, 2024

The post VIDEO / Milot Rashica shënon gol të bukur me kokë ndaj Rizespor appeared first on Albeu.com.

Ndeshje për t’u harruar për Besiktas, që nuk bëri shumë përpjekje që të shënonte.

Ernest Muçi dhe Milot Rashica e nisën titullar këtë takim.

Rashica u zëvendësua me fillimin e pjesës së dytë, ndërsa Muçi la fushën e lojës në minutën e 88’.

Besiktas i beson kështu shtëpisë së tij, kualifikimin për në finalen e madhe. Kujtojmë se ndeshja e kthimit luhet më 7 maj, ora 19:30.

Fitorja e Kupës së Turqisë do të ishte trofeu i parë me Besiktas, si për Muçin dhe për Rashicën.

The post Muçi dhe Rashica kërkojnë kupën e parë me Besiktas, gjithçka e hapur për kualifikimin në finale appeared first on Albeu.com.

Kjo ishte fitorja e parë e përzgjedhësit gjerman Franco Foda, që prej emërimit të tij në krye të Përfaqësueses së Kosovës.

Pas ndeshjes, Rashica ka thënë se ky ishte një fillim i mbarë, si dhe ka vlerësuar trajnerin dhe stafin e tij për energjitë e reja që kanë sjellë në grumbullim.

“Është një fillim i mirë, një fillim i mbarë, shpresojmë të vazhdojmë kështu. Trajneri i ri ka sjellur një energji të re, me stafin e tij kemi pas 3-4 stërvitje shumë të mira dhe po shpresojmë që gjërat e mira në stërvitje, t’i aplikojmë edhe në ndeshje”, ka thënë Rashica fillimisht.

Tutje, ai u pyet për ndjenjën e shënimit të golit për Kosovën, ku nënvizoi rastet e shumta për gol që ekipi kishte krijuar, dhe theksoi se ai vet duhet të kishte shënuar edhe një gol tjetër.

“Gjithmonë është një ndjenjë krejt tjetër kur arrin të shënosh për Kosovën. Sot patëm edhe disa raste të tjera, madje unë është dashur që të shënojë edhe një gol, por e rëndësishme është që po arrijmë të krijojmë raste një pas një”.

“Duhet të provojmë t’i finalizojmë aksionet në mënyrën më të mirë të mundshme. Është gjithmonë e mirë të fillojmë me fitore dhe shpresoj që të arrijmë rezultat pozitiv edhe në ndeshjen tjetër”, përfundoi Rashica. /Telegrafi/

The post “U desh që ta shënoja edhe një gol, e rëndësishme është që po krijojmë raste”, Rashica flet pas golit dhe fitores ndaj Armenisë appeared first on Albeu.com.

Pas disa aksioneve të bukura, Kosova arriti të shënojë në mesin e pjesës së parë.

Zhvillohej minuta e 25-të e takimit kur Edon Zhegrova pranon një top afër zonës, futet në brendësi, gjuan bukur, por topi ndalet në traversë, ndërsa nga top i kthyer Milot Rashica shënon nga afër për 1-0.

Një aksion i bukur i lojtarëve të Kosovës, që po luajnë me dëshirë të madhe.

Kjo është ndeshja debutuese e përzgjedhësit Franco Foda në drejtimin e Kosovës. /Telegrafi/

Armenia 0 – 1 Kosovo

Rashica scores in Yerevan. pic.twitter.com/r67nVX8m2O

— Admirim (@admirim) March 22, 2024

The post VIDEO / Zhegrova dhe Rashica në aksion, Kosova shënon ndaj Armenisë appeared first on Albeu.com.

Dy lojtarët shqiptarë treguar formë të lartë tek skuadra e tyre, duke shënuar dhe asistuar.

Rashica tek Besiktasi asistoi në golin e Ernest Muçit, ndërsa mori notën 8.6.

Në anën tjetër, Zeqiri te Rizespori ia doli të shënonte dhe të asistonte, derisa u vlerësua me notën 8.0.

Më poshtë mund të shikoni formacionin e plotë të javës së 30-të në Superligën e Turqisë. /Telegrafi/

The post Rashica dhe Zeqiri në formacionin e javës së 30-të në Superligën e Turqisë appeared first on Albeu.com.