Sipas informacioneve paraprake, drejtuesi i mjetit ka arritur të dalë në kohë nga automjeti dhe fatmirësisht nuk ka pësuar lëndime.

Në vendngjarje kanë mbërritur menjëherë forcat zjarrfikëse të Kurbinit, por pavarësisht ndërhyrjes së shpejtë, automjeti është djegur plotësisht.

Paraprakisht dyshohet se zjarri është shkaktuar nga një shkëndij elektrike në sistemin motorik, ndërsa rrethanat e plota të ngjarjes po hetohen nga autoritetet përkatëse.

The post Përfshihet nga flakët automjeti në autostradën Milot–Mamurras, shpëton mrekullisht shoferi appeared first on Albeu.com.

Sipas burimeve bëhet me dije se një autoveturë që po udhëtonte në drejtim të Rinasit, ka dalë nga rruga dhe është përplasur me një objekt. Si pasojë, ka humbur jetën gjatë rrugës për në spital një grua. Shkak i aksidentit është bërë pagjumësia e drejtuesit, që është shoqëruar menjëherë në polici.

Gjithashtu mësohet se në mjet udhëtonin një çift bashkëshortësh dhe tre fëmijët, ku këta të fundit fatmirësisht janë jashtë rrezikut për jetën.

Kurbin / Informacion paraprak

Rreth orës 04:30, në aksin rrugor Milot – Mamurras, në afërsi të Mbikalimit të Sanxhakut, shtetasi L.D. 40 vjeç, drejtues mjeti Taxi, ka humbur kontrollin mbi drejtimit e automjetit të tij, duke dalë jashtë rruge.

Si pasojë, ka ndërruar jetë shtetasja P.Gj. 56 vjeçe, e cila ishte pasagjere, si dhe janë lënduar drejtuesi i mjetit me 3 pasagjerët e tjerë, shtetasen A.Gj. 30 vjeçe dhe 2 fëmijë, që ndodhen në spital nën kujdes mjekësor.

Grupi hetimor vazhdon veprimet hetimore për sqarimin e plotë të rrethanave të aksidentit./albeu.com

The post Aksident i rëndë në Milot-Mamurras, humb jetën nëna, 3 fëmijët shoqërohen në spital appeared first on Albeu.com.

Blutë e Lezhës bëjnë me dije se i riu, ka bërë “drift” me makinë në sensin e kundërt të lëvizjes, në aksin rrugor Milot-Mamurras dhe më pas e ka postuar këtë video në rrjetet sociale, për t’u mburrur.

NJOFTIMI I POLICISË:

“Policia e Lezhës, pas publikimit të një videoje në rrjetet sociale, ku shfaqej një drejtues mjeti që bënte manovra të rrezikshme me mjetin, në sensin e kundërt të lëvizjes, në aksin rrugor Milot-Mamurras, duke rrezikuar përdoruesit e tjerë të rrugës, duke prishur rendin e qetësinë publike dhe duke penguar lëvizjen e lirë të automjeteve të tjera, falë veprimeve të shpejta dhe bashkëpunimit të ngushtë me qytetarët, ka bërë të mundur identifikimin e drejtuesit të mjetit që shfaqej në video.

Në vijim të veprimeve hetimore, specialistët e Qarkullimit Rrugor në DVP Lezhë proceduan penalisht për veprat penale “Prishja e qetësisë publike”, “Pengimi i qarkullimit të mjeteve të transportit” dhe “Organizimi dhe pjesëmarrja në grumbullime të paligjshme”, drejtuesin e mjetit, shtetasin D. N., 24 vjeç, banues në Kurbin.

Gjithashtu, shërbimet e Policisë i kanë bllokuar automjetin, i kanë vendosur masën administrative 60.000 lekë të rinj dhe i kanë pezulluar lejen e drejtimit, për 2 vjet”, njofton Policia.

Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme.

Drejtoria Vendore e Policisë Lezhë falënderon qytetarët për besimin dhe i fton që të denoncojnë çdo rast të paligjshmërisë, në Komisariatin Dixhital ose në numrin pa pagesë 112, duke u siguruar reagim të shpejtë e të paanshëm, kundrejt atyre që shkelin ligjin dhe cenojnë jetën e qytetarëve. /albeu.com/

The post Çmenduri në Milot-Mamurras, 24-vjeçari bën “drift” me makinë në sensin e kundër të lëvizjes (VIDEO) appeared first on Albeu.com.

Burimet zyrtare bëjnë me dije se mjet tip Toyota me targa “AB365BX”, ka dalë nga rruga është përplasur me traversat e rrugës, dhe ka përfunduar në kanal me ujë.

Mësohet se si pasojë e aksidentit kanë humbur jetën shtetasi Saber Dunga 45 vjeç, banues në Durrës dhe Urim Pepa 39 vjeç, banues në Tiranë.

Polumbarët kanë mundur të nxjerrin nga uji trupin e dy viktimave.

Ndërsa kërkimet po vijojnë ende për shkak se dyshohet se një tjetër person ka humbur jetën.

NJOFTIMI I POLICISË:

Kurbin/Informacion paraprak

Në aksin rrugor Milot-Mamurras, mjeti tip “Toyota” ka humbur kontrollin duke dalë nga rruga dhe ka rënë në kanal me ujë, ku për pasojë kanë humbur jetën shtetasit S.D.,45 vjeç, banues në Durrës dhe U.P.,39 vjeç, banues në Tiranë.

Grupi hetimor ndodhet në vendngjarje dhe vijon punën për sqarimin e plotë të shkakut dhe rrethanave të ngjarjes, si dhe shërbimet e Policisë vijojnë kontrollet përgjatë kanalit nëse në automjet ka pasur shtetas të tjerë.

The post DETAJET/ Zbardhen emrat! Nxirren nga uji dy viktimat në Milot, dyshohet për një të tretë (VIDEO) appeared first on Albeu.com.