Milot Avdyli është kthyer në një prej emrave kryesorë të Celjes, veçanërisht pas golit të jashtëzakonshëm që shënoi në Bratislavë kundër Slovanit.

Paraqitja e mesfushorit kosovar është vlerësuar edhe nga mediat sllovene. 24ur.com e ka përfshirë atë mes heronjve të Celjes në përpjekjen për të arritur fazën e fundit të kualifikimeve të Ligës së Kampionëve.

Avdyli realizoi një gol spektakolar në përballjen e parë me Slovan Bratislavën, duke i siguruar skuadrës sllovene një rezultat të favorshëm përpara takimit të kthimit.

Vetë futbollisti 24-vjeçar e konsideron këtë moment si më të rëndësishmin deri tani në karrierën e tij.

“Ky ishte deri tani goli im më i mirë. Ndjesia ishte unike, sepse shënova në fazën e fundit të kualifikimeve për Ligën e Kampionëve. Nuk mund t’i numëroj mesazhet që kam marrë, vërtet kanë qenë shumë”, ka deklaruar Avdyli, cituar nga 24ur.com.

Gjatë muajve të fundit, mesfushori ka bërë një hap të rëndësishëm përpara. Nga një lojtar që e niste ndeshjen shpesh në stol, ai është shndërruar në një prej elementëve të rëndësishëm të formacionit të Celjes.

Avdyli ia atribuon një pjesë të këtij ndryshimi trajnerit Vitor Campelos, i cili i ka dhënë më shumë hapësirë dhe besim.

“Kur erdhi Vitor Campelos, fillova të luaja më shumë. Më parë nuk arrija të lidhnja tri apo katër ndeshje radhazi, ndërsa tani e ndiej besimin e trajnerit”, ka thënë ai.

Rruga e tij profesionale ka kaluar edhe përmes Ukrainës, ku u transferua nga liga e dytë zvicerane. Kjo periudhë ishte një nga përvojat më të veçanta dhe sfiduese të karrierës së tij.

“Ishte e vështirë, por edhe nga një përvojë e tillë mëson diçka”, është shprehur Avdyli.

Aktualisht, futbollisti kosovar synon të realizojë dy objektiva të mëdhenj: të luajë në Ligën e Kampionëve dhe të marrë debutimin me Kombëtaren A të Kosovës.

“Dua të luaj në Ligën e Kampionëve dhe për kombëtaren time në Prishtinë. Shpresoj që të dyja këto ëndrra të realizohen që këtë muaj”, ka deklaruar ai.

Avdyli ka mbajtur edhe shiritin e kapitenit te Kosova U21. Sipas tij, pas dy paraqitjeve të mira ka pasur kontakte për një ftesë në Kombëtaren A, por thirrja ende nuk është zyrtarizuar.

“Pas dy paraqitjeve të mira më kanë kontaktuar, por ftesa ende nuk është e sigurt. Edhe në ndeshjen e radhës duhet të tregoj se e meritoj”, ka përfunduar ai.

Takimi i dytë me Slovan Bratislavën do të jetë një sfidë me peshë të veçantë për historinë e Celjes.

Pas barazimit të arritur në Bratislavë, skuadra sllovene ndodhet vetëm 90 minuta larg një kualifikimi historik në fazën e Ligës së Kampionëve. Në këtë përballje, Milot Avdyli pritet të jetë përsëri një nga protagonistët kryesorë.

The post Milot Avdyli shkëlqen me Celjen: goli ndaj Slovanit dhe dy objektivat e mëdha të mesfushorit appeared first on Albeu.com.

Milot Avdyli, ish-kapiten i Kosovës U21, beson se Celje është e përgatitur të shkruajë historinë duke siguruar fazën e ligës në Ligën e Kampionëve.

Të mërkurën në mbrëmje, Avdyli shkëlqeu me një eurogol në barazimin e Celjes kundër Slovan Bratislavës, ndërsa javën e ardhshme skuadra e tij do të synojë kalimin në fazën tjetër.

Pas golit spektakolar që i dha Celjes një barazim të rëndësishëm, futbollisti kosovar deklaroi se i gjithë ekipi po jep maksimumin për ta kthyer këtë ëndërr në realitet.

“Besoj se ishim vendosur mirë në fushë. Pas golit të Slovanit, morëm drejtimin e lojës dhe arritëm të shënonim në kohën e duhur. M’u krijua shumë hapësirë për goditje dhe e shfrytëzova atë”.

“Të luash në këtë stadium është një sfidë. Kundërshtari ka cilësi dhe tifozët bëjnë shumë zhurmë, megjithatë të gjithë së bashku dëshmuam karakter. Kam besim se të njëjtën gjë do ta bëjmë edhe javën e ardhshme”.

“Për mua nuk është e rëndësishme se në cilën pozitë apo në çfarë roli aktivizohem. Synimi im është ta ndihmoj skuadrën dhe gjithmonë do të jap më të mirën që ta përmbushim ëndrrën e kualifikimit në Ligën e Kampionëve. Mendoj se po ecim në drejtimin e duhur për të arritur suksesin”.

Ndërkohë, Avdyli nuk ka marrë ende ftesë nga ekipi i parë i Kosovës, ndaj nuk do të përbënte befasi nëse Shqipëria do ta shfrytëzonte këtë situatë për ta bindur që të veshë fanellën “Kuq e Zi”.

The post Milot Avdyli synon historinë me Celjen: Ëndrra jonë është kualifikimi në Ligën e Kampionëve appeared first on Albeu.com.

Milot Avdyli po konfirmon paraqitjet e tij si një prej futbollistëve që Kosova duhet ta marrë seriozisht në konsideratë.

Anësori i shpejtë realizoi në ndeshjen e play-offit të Ligës së Kampionëve kundër Slovan Bratislavës.

Avdyli fillimisht shmangu kundërshtarin me një driblim elegant, përpara se të lëshonte një goditje të fuqishme që e la portierin vendas pa mundësi reagimi.

Goli i shënuar nga Avdyli mund të shihet në video.

Kujtojmë se Avdyli ka mbajtur më herët shiritin e kapitenit te Kosova U21, ndërsa Shqipëria po përpiqet ta bindë që të luajë me fanellën kuqezi.//

The post Milot Avdyli mahnit ndaj Slovan Bratislavës me një supergol appeared first on Albeu.com.