KALLXO.com mëson se Radojiçiç ishte vendosur në listën e të kërkuarve para pak ditësh ndërsa ka arritur t’u arratiset policëve nga pika kufitare.

Sipas burimeve të KALLXO Radojçiç po udhëtonte nga Serbia për në Kosovë dhe në hyrje të pikës kufitare ai është pritur nga njëri prej eprorëve të pikës. Në momentin kur polici kufitar ka kontrolluar dokumentet e tij ka rezultuar se ai është person në kërkim.

Sipas të njëjti informacion, pasi Radojçiç ka rezultuar në listën e kërkimit ai ka vozitur makinën e tij mbrapa dhe është arratisur për në Serbi.

Rrethanat se si policët i kanë mundësuar këtë arratisje ende nuk janë zbardhur ndërsa një grup hetimor po heton veprimet e policëve.

Radojiçiq ishte shpallur në kërkim për rastin e vrasjes së Oliver Ivanoviçit. I njëjti pas një kohe ishte fshirë nga lista e kërkimit me vendim të prokurorit që po e hetonte çështjen.

Pas një kohe Prokuroria Speciale sërish e ka vendosur në listën e personave të kërkuar.Kjo është hera e dytë që Radojçiç arrin t’i arratiset Policisë së Kosovës. Dy vite më parë ai ishte larguar nga banesa e tij pak minuta para se Njësitë Speciale të tentonin ta arrestonin.

The post SKANDAL/ Millan Radojiçiç i arratiset Policisë së Kosovës appeared first on Albeu.com.