Qeveria në detyrë zhvilloi një mbledhje elektronike gjatë mbrëmjes së sotme.

Në njoftimin për media bëhet e ditur se nga kjo mbledhje dolën dy vendime.

Njëri prej tyre ishte miratimi i kërkesës për ndarjen e mjeteve buxhetore në vlerë prej 2,240,000 € (dy milionë e dyqind e dyzet mijë euro) për Radio Televizionin e Kosovës.

Po ashtu, sipas njoftimit të Qeverisë, është miratuar edhe kërkesa e Agjencisë Kosovare të Privatizimit për kthimin e fondeve në shumën 48,216.57 € (dyzetetetë mijë e dyqindegjashtëmbëdhjetë euro e pesëdhjetë e shtatë centë), të cilat ishin transferuar në Buxhetin e Republikës së Kosovës, për Ndërmarrjen Shoqërore NSH. “Magjistrala”.

The post Ekzekutivi në detyrë miraton 2.24 milionë euro për RTK-në appeared first on Albeu.com.

Gjetjet e publikuara së fundmi nga Radio Evropa e Lirë tregojnë se kompani të ndërlidhura me Milan Radoiçiq, të cilin autoritetet e Kosovës e akuzojnë për organizimin e sulmit të armatosur në Banjska Monastery, kanë vijuar të marrin kontrata publike me vlerë miliona euro nga institucionet shtetërore të Serbisë.

Sipas këtij hulumtimi, këto kontrata janë dhënë edhe pasi ndaj tij është ngritur aktakuzë, përfshirë edhe projekte të mbështetura financiarisht nga institucione të ndryshme shtetërore. Këto të dhëna nxjerrin në pah vazhdimësinë e bashkëpunimit mes sektorit publik dhe kompanive të lidhura me Radoičić, pavarësisht akuzave të rënda me të cilat ai përballet.

Ky zhvillim ka hapur dilema serioze mbi transparencën në prokurimin publik, funksionimin e mekanizmave mbikëqyrës dhe përgjegjësinë institucionale në Serbi, ndërsa njëkohësisht ka nxitur reagime dhe kërkesa për sqarime për mënyrën se si janë ndarë këto kontrata.

Për këtë çështje, në një prononcim për “Bota sot”, foli analisti politik Eduard Gashi.

Ai vlerëson se, nëse këto gjetje vërtetohen, atëherë ato dëshmojnë për një problem të rëndë në funksionimin e institucioneve dhe në sundimin e ligjit në Serbi.

Sipas Gashit, vazhdimi i mbështetjes financiare për kompani që lidhen me persona të akuzuar minon besueshmërinë e Serbisë përballë Bashkimit Evropian dhe godet përpjekjet kundër krimit të organizuar.

“Nëse këto gjetje konfirmohen, atëherë kemi të bëjmë me një problem shumë serioz politik dhe institucional. Nuk është më vetëm çështje e prokurimit publik në Serbi, por çështje e sundimit të ligjit, e luftës kundër krimit të organizuar dhe e besueshmërisë së Serbisë para Bashkimit Evropian.

Një shtet që pretendon rrugën evropiane nuk mund, nga njëra anë, të flasë për dialog, paqe dhe normalizim, ndërsa nga ana tjetër të lejojë që kompani të lidhura me persona të akuzuar për sulme të armatosura dhe krim të organizuar të përfitojnë miliona nga buxheti publik.

Kjo e vendos Serbinë në një pozitë shumë të vështirë para BE-së. Sepse Bashkimi Evropian nuk mund të kërkojë vetëm fjalë për normalizim, por duhet të kërkojë edhe prova konkrete: transparencë, hetim, përgjegjësi dhe shkëputje të qartë nga strukturat kriminale.

Nëse institucionet serbe vazhdojnë të financojnë rrjete të tilla, atëherë kjo dëmton seriozisht bashkëpunimin ndërkombëtar kundër krimit të organizuar. Sepse nuk mund të luftohet krimi me njërën dorë, ndërsa me dorën tjetër i jepen kontrata publike njerëzve të lidhur me të”, u shpreh ai.

Më tej, analisti theksoi se ky rast mund të ndikojë negativisht në marrëdhëniet e Serbisë me Bashkimin Evropian dhe të shtojë presionin nga jashtë.

Ai nënvizoi se procesi i normalizimit kërkon hapa konkretë, e jo mbështetje për rrjete që lidhen me krimin.

“Pasojat politike mund të jenë të mëdha: më pak besim nga BE-ja, më shumë presion diplomatik ndaj Serbisë, bllokim në procesin e integrimit evropian dhe thellim i mosbesimit mes Kosovës dhe Serbisë.

Rasti i Banjskës nuk mund të trajtohet si incident i izoluar. Nëse pas tij vazhdon mbështetja financiare dhe institucionale për njerëz apo kompani të lidhura me këtë rrjet, atëherë kemi një problem shumë më të madh: kapjen e shtetit nga struktura kriminale dhe politike.

Prandaj BE-ja dhe partnerët ndërkombëtarë duhet të jenë shumë më të qartë. Normalizimi nuk matet me deklarata, por me veprime konkrete. Dhe veprimi i parë duhet të jetë: asnjë euro publike për rrjete të lidhura me krim, dhunë dhe destabilizim”, përfundoi analisti Gashi për “Bota sot”.

The post Kontrata me miliona për kompani të lidhura me Milan Radoiçiq, analisti paralajmëron pasoja për Serbinë në raport me BE-në appeared first on Albeu.com.

Radio Evropa e Lirë ka konstatuar se kompania “Rad 028”, në pronësi të Radulle Steviqit, nuk gjendet në adresën në Kosovë ku rezulton e regjistruar në sistemin serb.

Megjithatë, kjo nuk i ka penguar institucionet e Serbisë që t’i japin kësaj kompanie kontrata me vlera milionëshe për punë ndërtimore.

Prej pesë vjetësh, Steviq dhe kompania e tij ndodhen nën sanksionet e Shteteve të Bashkuara për shkak të lidhjeve me Millan Radoiçiqin dhe Zvonko Vesellinoviqin, si edhe për akuza që kanë të bëjnë me krimin e organizuar dhe korrupsionin.

Në Kosovë, Steviq akuzohet edhe për përfshirje në sulmin e armatosur në Banjskë.

Dokumentacioni i tenderëve në bazën e prokurimeve publike të Serbisë, i analizuar nga Radio Evropa e Lirë, tregon se vetëm nga fillimi i këtij viti, institucionet serbe kanë nënshkruar me kompaninë e tij dhjetë kontrata me vlerë mbi një milion euro.

Kjo ka ndodhur ndonëse kompania ende nuk ka përfunduar më shumë se njëzet punë të mëparshme që i janë besuar në mjediset me shumicë serbe në Kosovë.

Në terren, nuk u panë makineri apo punëtorë, ndërsa Radio Evropa e Lirë nuk arriti të verifikojë nëse punimet që zyrtarisht figurojnë si të përfunduara janë kryer realisht.

Sipas aktakuzës së Kosovës për sulmin në Banjskë, Steviq, përmes kompanive të tij, ka ndihmuar udhëheqësin e grupit të armatosur, Millan Radoiçiq, në pastrimin e parave.

Këto akuza refuzohen nga Beogradi zyrtar, i cili nuk e njeh Kosovën si shtet.

Në kushtet kur të dy sistemet nuk e njohin njëri-tjetrin, kompania e Steviqit vazhdon të bashkëpunojë me institucionet e Serbisë, edhe pse pronari i saj kërkohet me fletarrestim ndërkombëtar me kërkesë të Kosovës.

Vendndodhja aktuale e Radulle Steviqit nuk dihet.

Policia dhe Prokuroria në Beograd nuk iu përgjigjën Radios Evropa e Lirë nëse ai ndodhet në Serbi dhe nëse ndaj tij po zhvillohen hetime.

Po ashtu, REL-it nuk iu kthyen përgjigje as nga kompania e Steviqit dhe as nga institucionet serbe që vijojnë të lidhin kontrata me të.

Mes projekteve që i janë besuar kësaj kompanie janë rinovimi i shkollave, spitaleve, kishave dhe manastireve në zonat me shumicë serbe në Kosovë, si edhe ndërtimi i shtëpive për qytetarët në nevojë.

Selia e kompanisë, prej kohësh, e zbrazët

Në regjistrin e bizneseve në Serbi, selia e kompanisë së Radulle Steviqit figuron në një ndërtesë në qendër të Zveçanit, në veri të Kosovës.

Por, në këtë adresë, Radio Evropa e Lirë gjeti një godinë shumëkatëshe të boshatisur.

Dyert ishin të mbyllura dhe nuk kishte asnjë shenjë që të tregonte se kompania “Rad 028” zhvillon aty veprimtarinë e saj.

“Prej kohësh nuk është askush aty. Është bosh”, tha për Radion Evropa e Lirë një banore e Zveçanit, e cila kërkoi të mbetet anonime.

Ndërtesa ku është e regjistruar selia e kompanisë “Rad 028” dhe e cila, sipas pretendimeve të qytetarëve me të cilët bisedoi REL-i, është “e zbrazët që një kohë të gjatë”. REL-i nuk e gjeti askënd në këtë ndërtesë.

Qytetarë të tjerë të Zveçanit i thanë Radios Evropa e Lirë se kompania është zhvendosur në Rashkë, qytet në Serbi pranë kufirit me Kosovën.

REL-i nuk arriti ta verifikojë në mënyrë të pavarur këtë pretendim.

Ekipi i Radios Evropa e Lirë vizitoi gjashtë lokacione në Kosovë, ku, sipas kontratave të nënshkruara me institucionet serbe gjatë një viti e gjysmë të fundit, “Rad 028” duhej të kryente punime ndërtimore.

Në asnjë prej këtyre vendeve nuk u panë punime aktive.

Po ashtu, mungonin edhe tabelat informuese, të cilat zakonisht tregojnë investitorin dhe kompaninë që zbaton projektin.

Radio Evropa e Lirë nuk mundi të konfirmojë nëse punimet janë realizuar gjatë muajve të kaluar dhe kush i ka kryer ato, pasi kompania nuk iu përgjigj pyetjeve.

Me kë punon “Rad 028”?

Pjesën më të madhe të kontratave, kompania e Radulle Steviqit e ka siguruar nga organet e përkohshme komunale të themeluara sipas ligjeve të Serbisë.

Këto institucione vepronin në komunat me shumicë serbe në Kosovë deri në vitin 2024, kur autoritetet e Kosovës i mbyllën, duke i konsideruar të paligjshme.

Megjithatë, ato e vazhduan punën nga lokacione alternative në qytete të Serbisë pranë kufirit me Kosovën.

Radio Evropa e Lirë i pyeti këto organe mbi kriteret sipas të cilave i japin kontrata kompanisë “Rad 028” dhe mbi mënyrën se si mbikëqyren projektet që ajo zbaton, duke pasur parasysh se pronari i saj është nën aktakuzë në Kosovë dhe nën sanksione ndërkombëtare.

As organet e përkohshme komunale, as Qeveria e Serbisë dhe as Zyra e saj për Kosovën nuk iu përgjigjën pyetjeve të REL-it.

Në tre vjetët e fundit, autoritetet e Kosovës kanë ndalur një sërë projektesh ndërtimore të financuara nga Beogradi, me arsyetimin se nuk kishin lejet e nevojshme nga institucionet e Kosovës.

Nga dhjetë kontratat që “Rad 028” ka nënshkruar me institucionet serbe që nga fillimi i vitit 2026, vetëm dy rezultojnë në regjistrin e prokurimit publik si të realizuara.

Njëra prej tyre lidhet me furnizimin e nxënësve të shkollave fillore në Kosovë me pako për Vitin e Ri.

Gjatë vitit 2025, kompania lidhi më shumë se 30 kontrata me vlerë mbi 6.4 milionë euro.

Këto kontrata përfshijnë ndërtimin e shtëpive për familjet në nevojë, si dhe rinovimin e shkollave, çerdheve dhe spitaleve në disa komuna të Kosovës.

Institucionet arsimore dhe shëndetësore në zonat me shumicë serbe në Kosovë vazhdojnë të funksionojnë në kuadër të sistemit të Serbisë.

Sipas të dhënave zyrtare, 20 nga kontratat e vitit 2025 ende nuk janë realizuar.

Ndërkohë, 11 të tjera figurojnë si të përfunduara, përfshirë ndërtimin e shtëpive dhe rinovimin e objekteve publike.

Radio Evropa e Lirë nuk arriti të verifikojë në terren nëse këto punime janë kryer vërtet, përkatësisht nëse shtëpitë janë ndërtuar dhe objektet janë rinovuar.

Pasqyrat financiare të kompanisë “Rad 028”, të publikuara në regjistrin e bizneseve në Serbi, tregojnë se gjatë vitit 2025 ajo ka pasur vetëm nëntë të punësuar dhe ka realizuar të ardhura prej mbi 8.7 milionë eurosh.

Dokumentet nuk tregojnë nëse kompania ka angazhuar nënkontraktorë apo bashkëpunëtorë të tjerë për realizimin e projekteve të financuara nga institucionet shtetërore.

Sipas dokumentacionit të tenderëve të analizuar nga Radio Evropa e Lirë, “Rad 028” ka bashkëpunuar ndër vite me disa kompani që përmenden në aktakuzën e Kosovës për sulmin në Banjskë, si pjesë e një skeme të dyshuar të pastrimit të parave.

Në Llapnasellë, kompanisë së Radulle Steviqit i është dhënë detyra për rinovimin e çatisë dhe lyerjen e krahut të majtë të Qendrës Klinike Spitalore.

Kjo kontratë, me vlerë rreth 200 mijë euro, është dhënë nga organi i përkohshëm i komunës së Prishtinës, i themeluar sipas sistemit serb.

Qendra Klinike Spitalore, e cila funksionon në kuadër të sistemit shëndetësor të Serbisë, u zhvendos nga Prishtina në Graçanicë dhe Llapnasellë pas luftës në Kosovë, në vitin 1999.

Edhe sot, një pjesë e shërbimeve ofrohet në kontejnerë metalikë, ndërsa objekti është zgjeruar pjesë-pjesë ndër vite.

Gjatë vizitës në terren, Radio Evropa e Lirë nuk mundi të verifikojë nëse çatia ishte rinovuar dhe nëse krahu i majtë i objektit ishte lyer, siç parashihej në kontratë.

Deri në publikimin e këtij artikulli, as Qendra Klinike Spitalore nuk dha konfirmim për kryerjen e punimeve.

Qeveria e Serbisë ka paralajmëruar qysh në vitin 2018 se do të financojë ndërtimin e një spitali të ri në Graçanicë, por punimet për këtë projekt ende nuk kanë nisur.

Tri kontrata brenda një dite

Në korrik të vitit 2025, “Rad 028” fitoi tre tenderë brenda një dite, me vlerë të përgjithshme prej rreth 250 mijë eurosh.

Të tri kontratat u dhanë nga Qendra Studentore “Prishtina”, me seli në Mitrovicën e Veriut, për punime në objektet e saj, nga lyerja, suvatimi dhe rregullimi i fasadave, deri te ndërrimi i çative dhe dritareve.

Sipas sistemit të prokurimit publik të Serbisë, të analizuar nga Radio Evropa e Lirë, punimet figurojnë si të përfunduara në tetor dhe nëntor të vitit 2025.

Megjithatë, gjatë vizitës në terren, Radio Evropa e Lirë nuk arriti të përcaktojë se cilat punime ishin kryer.

Për këtë nuk dha sqarime as Qendra Studentore, e cila funksionon në kuadër të sistemit arsimor të Serbisë.

Qendra menaxhon konvikte, mensën, poliklinikën dhe shërbime të tjera për studentët e Universitetit të Prishtinës, i cili, pas luftës së vitit 1999, u zhvendos në Mitrovicën e Veriut.

Përballë Qendrës Studentore ndodhet edhe objekti i papërfunduar i Universitetit.

Ndërtimi i tij financohet nga Zyra për Kosovën në Qeverinë e Serbisë, por në korrik të vitit 2023 autoritetet e Kosovës i pezulluan punimet, me arsyetimin se projekti nuk kishte leje ndërtimi.

Edhe këtë objekt e ndërtonte kompania e Radulle Steviqit.

Radio Evropa e Lirë pyeti Ministrinë e Administrimit të Pushtetit Lokal në Kosovë nëse ka njohuri për projektet që financohen dhe zbatohen nga institucionet serbe në Kosovë, por deri në publikimin e këtij artikulli nuk mori përgjigje.

Përgjigje nuk pati as për pyetjet nëse këto projekte mbikëqyren nga institucionet e Kosovës dhe nëse, pas ngritjes së aktakuzës ndaj Steviqit, projektet e kompanisë së tij në mjediset me shumicë serbe janë pezulluar.

Shkolla në Zveçan

Në Zveçan, kompanisë “Rad 028” i është besuar riparimi i një pjese të çatisë dhe rinovimi i tualeteve të një shkolle fillore.

Vlera e kësaj kontrate është rreth 40 mijë euro.

Sipas bazës së prokurimeve publike, projekti ende nuk figuron si i përfunduar.

Kontrata, e nënshkruar në dhjetor të vitit 2025, parashikon afat njëvjeçar për kryerjen e punimeve.

Megjithatë, gjatë vizitës në terren, Radio Evropa e Lirë nuk pa as punime dhe as tabelë që të tregonte se projekti është në zbatim.

Punime edhe në objekte fetare

Në fshatin Zherovnicë, afër Zveçanit, kompanisë “Rad 028” iu besuan në janar të vitit 2026 punimet për rinovimin dhe zgjerimin e kishës së fshatit.

Kontrata me vlerë 120 mijë euro përfshin sanimin dhe zgjerimin e kishës, kapelës dhe një objekti ndihmës.

Këto punime u kontraktuan nga organi i përkohshëm i komunës së Zveçanit, me afat realizimi prej një viti.

Gjatë vizitës në terren, Radio Evropa e Lirë nuk arriti të verifikojë nëse punimet kishin nisur apo çfarë ishte realizuar deri në atë kohë.

Objekti përballë kishës dukej se ishte rinovuar ose zgjeruar së fundi, por nuk kishte dëshmi se bëhej fjalë për projektin e kontraktuar.

Radio Evropa e Lirë pyeti edhe Kishën Ortodokse Serbe në Kosovë nëse punimet janë kryer dhe kush po i realizon ato, por deri në publikimin e këtij artikulli nuk mori përgjigje.

Nuk pati përgjigje as për pyetjen nëse Dioqeza Rashkë-Prizren ishte në dijeni se punimet në objektet fetare nën administrimin e saj i ishin dhënë një kompanie, pronari i së cilës në Kosovë akuzohet për pastrim parash.

Kisha në Zherovnicë nuk është i vetmi objekt fetar ku kompania “Rad 028” ka fituar kontrata.

Hyrja në kishën në Zhernovicë, afër Zveçanit. Qershor, 2026.

Kompania ka marrë edhe rikonstruktimin e një objekti brenda oborrit të një kishe tjetër afër Zveçanit, me vlerë rreth 60 mijë euro, si dhe ndërtimin e një etno-fshati pranë Manastirit të Dragancit, afër Gjilanit.

Për projektin e fundit, kompania pritet të përfitojë mbi 1.2 milion euro.

Kjo kontratë është nënshkruar në qershor të vitit 2025, me afat realizimi një vit, por në regjistrin e prokurimeve publike ende nuk figuron si e përfunduar.

Në prill të vitit 2025, kompania e Radulle Steviqit fitoi edhe një kontratë me vlerë rreth 280 mijë euro për ndërtimin e rrugëve kundër zjarrit dhe një strehe për makineritë pranë një depoje frigoriferike në Badovc, afër Graçanicës.

Kontrata, me afat realizimi prej gjashtë muajsh, u dha nga organi i përkohshëm i komunës së Prishtinës.

Po gjatë gjysmës së parë të vitit 2025, kompania fitoi edhe dy tenderë të tjerë, me vlerë të përgjithshme rreth 300 mijë euro, për punime shtesë në të njëjtin kompleks, përfshirë ndërtimin e një nënstacioni elektrik dhe një rezervuari për mbetjet organike të fermës.

Ende nuk ka rrugë të shtruar që të çon deri te depoja frigoriferike. Qershor, 2026.

Depoja frigoriferike dhe objektet e tjera ndodhen në një pronë të Dioqezës Rashkë-Prizren të Kishës Ortodokse Serbe.

Në këtë kompleks, Manastiri i Graçanicës menaxhon një ekonomi bujqësore me ferma gjedhësh dhe shpezësh, si dhe objekte për përpunimin e qumështit, mishit, frutave dhe perimeve.

Sipas informacioneve të Radios Evropa e Lirë, ferma e shpezëve ende nuk është funksionale.

Vizita në terren tregoi gjithashtu se rruga që, sipas kontratave, duhej të çonte drejt depos frigoriferike dhe fermës së shpezëve, nuk ekziston.

Po ashtu, tri kontratat që parashihnin ndërtimin e kësaj rruge dhe të strehës për makineri ende nuk figurojnë si të përfunduara në regjistrin e prokurimeve publike, edhe pse afati për realizimin e tyre ka kaluar.

Një rrugë e pashtruar që gjendet në pronën e manastirit në Graçanicë.

Në nëntor të vitit të kaluar, kompania “Rad 028” fitoi edhe një kontratë tjetër, me vlerë rreth 187 mijë euro, për rikonstruktimin e një rruge me zhavorr në Badovc.

Kontrata ishte paraparë të realizohej brenda tre muajsh, por edhe kjo ende nuk figuron si e përfunduar.

Dragani, banor i Badovcit, tha për Radion Evropa e Lirë se nuk ka dijeni për këtë investim.

“Ajo që di është se, së fundmi, janë asfaltuar dy rrugë të shkurtra, rreth 200 metra secila. Nuk e di se kush i ka ndërtuar”, tha ai.

Një nga rrugët në Badovc. Qershor, 2026.

“Në sistemin e ujësjellësit është punuar gjithashtu, por as ai nuk ka përfunduar”, shtoi Dragani.

Radio Evropa e Lirë pyeti edhe udhëheqjen e Komunës së Graçanicës nëse është në dijeni për kontratat që kompania “Rad 028” ka fituar në këtë komunë dhe zonat përreth, por deri në publikimin e këtij artikulli nuk mori përgjigje.

Një rrugë në Badovc e fotografuar në qershor të vitit 2026.

Kush është Radulle Steviq?

Radulle Steviq i ka regjistruar kompanitë e tij si në sistemin e Kosovës, ashtu edhe në atë të Serbisë.

Për vite me radhë, ai ka përfituar kontrata publike me vlerë prej miliona eurosh si nga institucionet në Beograd, ashtu edhe nga ato në Prishtinë.

Por, pasi Shtetet e Bashkuara vendosën sanksione ndaj tij, institucionet e Kosovës ndaluan t’i jepnin kontrata, ndërsa ato të Serbisë vazhduan ta angazhojnë.

Kontrata milionëshe nga Serbia për kompaninë e përfshirë në aktakuzën për Banjskën

Aktakuza për Banjskën: Si e ndihmuan Steviq dhe kompania e tij Radoiçiqin?

Radulle Steviq dhe tenderët e tij nga institucionet e Kosovës

Sipas aktakuzës së Prokurorisë Speciale të Kosovës, Steviq, përmes kompanive të tij, e ka ndihmuar Millan Radoiçiqin që “të ardhurat e përfituara nga veprimtaria kriminale t’i shndërrojë në pasuri” dhe të fshehë origjinën e tyre.

Për veprën penale të pastrimit të parave, për të cilën akuzohet në Kosovë, ai rrezikon deri në dhjetë vjet burgim.

Në aktakuzë përfshihen edhe kompanitë e tij të regjistruara në Kosovë dhe në Serbi.

Sipas Prokurorisë, për mënyrën e funksionimit të këtyre kompanive vendoste Millan Radoiçiq, i cili, përmes pastrimit të parave dhe aktiviteteve kriminale, kishte krijuar ndikim dhe kontroll mbi veriun e Kosovës.

Radoiçiq, i cili ka pranuar publikisht se ka organizuar sulmin e armatosur në Banjskë, në shtator të vitit 2023, në Kosovë akuzohet për terrorizëm dhe vepra të rënda kundër rendit kushtetues.

Sipas aktakuzës, ai ishte drejtuesi i grupit të armatosur që synonte ta shkëpuste me forcë veriun e Kosovës dhe ta bashkonte atë me Serbinë.

Në sulmin në Banjskë u vra polici i Kosovës, Afrim Bunjaku, ndërsa gjatë shkëmbimit të zjarrit u vranë edhe tre sulmues serbë.

Më 24 prill, në Kosovë u shpall aktgjykimi i parë lidhur me rastin e Banjskës: dy të akuzuar u dënuan me burgim të përjetshëm, ndërsa një tjetër me 30 vjet burg.

Mbi 40 të akuzuar të tjerë vazhdojnë të mos jenë të qasshëm për drejtësinë e Kosovës.

Autoritetet serbe e kanë injoruar si këtë aktakuzë, ashtu edhe vendimin e gjykatës në Kosovë.

Ato nuk kanë ndërmarrë as masa pas sanksioneve ndërkombëtare të vendosura ndaj Millan Radoiçiqit, Zvonko Vesellinoviqit dhe bashkëpunëtorëve të tyre.

Radoiçiq ndodhet në Serbi, ku ka masën e ndalimit të largimit nga ky vend.

Aktakuza që Prokuroria e Beogradit kishte paralajmëruar për rastin e Banjskës, nuk është ngritur ende.

The post Kontrata milionëshe nga Serbia për të dyshuarin në rastin e Banjskës appeared first on Albeu.com.

Gjatë konferencës për media, ai sqaroi se projekti i parë ka të bëjë me rindërtimin e urës Sitnica në Komunën e Mitrovicës së Jugut, në vlerë prej 400.000 euro.

Sipas tij, projekti i dytë përfshin rregullimin e kanalizimit dhe asfaltimin në qytet dhe në fshatrat e Komunës së Shtimes, me vlerë prej 300.000 euro, ndërsa projekti i tretë është rivitalizimi i zonave publike të infrastrukturës së rekreacionit malor në Komunën e Pejës, po ashtu në vlerë prej 300.000 euro.

Ai shtoi se projekti i katërt parasheh ndërtimin e sallës së jashtme sportive në shkollën “Mustafa Dumoshi” në Dumosh në Komunën e Podujevës, në vlerë prej 50.000 euro.

Krasniqi po ashtu paralajmëroi se në ditët në vijim do të ketë edhe një ndarje tjetër, në vlerë prej mbi 3 milionë euro, për pesë komunat e tjera që janë fituese të grantit të performancës për vitin 2025.

Në të njëjtën konferencë, ai konfirmoi edhe mbështetjen e grupit multietnik ndaj Lëvizjes Vetëvendosje për krijimin e institucioneve të reja.

“Ajo çka unë mund të them është që grupi multietnik, që është i përbërë prej tetë ose nëntë deputetëve, janë të gatshëm edhe të interesuar që sa më parë, bashkë me fituesin e zgjedhjeve, të shkojnë dhe t’i formojnë institucionet e Republikës së Kosovës. Kështu që kjo garanton një numër të mjaftueshëm për votimin e qeverisë së re të Republikës së Kosovës”, tha ai.

The post Krasniqi njofton miratimin e 1 milion eurove për katër projekte infrastrukturore appeared first on Albeu.com.

Ministri në detyrë i Financave, Hekuran Murati, bëri të ditur se këto mjete janë paraparë për zbatimin e masës së mbështetjes për mërgatën në kuadër të Pakos së Ringjalljes Ekonomike, duke nisur nga muaji korrik.

“Duke filluar nga muaji korrik e tutje, ne si qeveri ndajmë mjetet për të mbuluar policën kufitare apo atë siç quhet Kartoni i Gjelbër për mërgatën tonë, të cilët hyjnë me vetura në vizitë apo për qëndrim në Kosovë përgjatë kësaj periudhe. Prandaj, si e tillë, propozim-vendimi parasheh ndarjen e mjeteve buxhetore në shumën prej 3 milionë euro, për zbatimin e masës 4.5, mbështetja e mërgatës nga Pakoja e Ringjalljes Ekonomike”, tha ai.

Gjatë mbledhjes së Qeverisë u miratuan gjithashtu edhe 13 pika të rendit të ditës, mes tyre shqyrtimi i nismës për arritjen e Marrëveshjes së Grantit për projektin e qasjes gjithëpërfshirëse të Kosovës për Forcimin e Sistemit Shëndetësor, si dhe ndarja e mjeteve buxhetore për financimin e disa projekteve kapitale në jug të Mitrovicës, Shtime, Pejë dhe Podujevë.

The post Qeveria në detyrë alokon 3 milionë euro për mbulimin e Kartonit të Gjelbër për mërgatën appeared first on Albeu.com.

Khalil Soussa nga Medford u tha zyrtarëve të Lotarisë Shtetërore të Massachusetts se ai bleu biletën gërvishtëse prej 15,000,000 dollarësh Money Maker, por e humbi dhe u harrua përpara se ai të kontrollonte nëse ishte fitues.

Ndërkohë, pastruesi i shtëpisë së tij e gjeti biletën në një vazo muaj më vonë dhe ia dha.

Lojtari zbuloi se bileta e humbur prej kohësh ishte fituese e çmimit 1 milion dollarë.

Në fund, Soussa deklaroi se po planifikon të përdorë fitimet e tij për të ndihmuar një mik dhe për të dhënë për bamirësi.

The post Kishte fituar 1 milionë dollarë por nuk e dinte, biletën e gjen pastruesi appeared first on Albeu.com.

Megjithatë, paratë jo gjithmonë mund të bëjnë ligjin në futboll. Ndonëse mesfushori i Juventusit ishte në Arabinë Saudite, fundjavën e kaluar, ku ndër të tjera vizitoi dhe ambientet sportive të klubit, në fund nuk e kanë bindur lojtarin. Sheikët i ofruan një kontratë trevjeçare me një ofertë të përgjithshme prej 100 milionë në tavolinë.

Vetë Pogba, i ngacmuar dhe nga një tifoz juventin tha se sot nuk do të largohet po në një të ardhme  mund t’i bashkohet ish-bashkëlojtarëve të tij në kombëtare, Karim Benzema dhe N’Golo Kante. Sezonin që u mbyll, me fanellën e Juventusit, Pogba luajti në 8 ndeshje dhe u aktivizua për 161 minuta. Nga ana tjetër, Milinkovic Savic është shumë afër një transferimi në Arabinë Saudite.

Sipas mediave në Itali, Al Hilal i ka ofruar një kontratë trevjeçare, me 20 milionë euro në sezon për mesfushorin serb dhe 40 milionë euro për blerjen e kartonit të tij. Kjo shifër është ajo që Lotito do të dëshironte të merrte nga shitja e Milinkovic Savic, kontrata e të cilit skadon me Lazio pas një viti. Kryeqytetasit nuk  të donin kurrsesi që mesfushori të largohej si lojtar i lirë, për këtë arsye do të zgjedhin ofertën më të mirë për 28-vjeçarin.

The post Pogba i thotë “JO” 100 milionë eurove nga skudra arabe appeared first on Albeu.com.

Sulmuesit i përfundon kontrata me 30 qershor 2022 dhe PSG po bën çmos që të nënshkruajë me të një marrëveshje të re.

Mundo Deportivo shkruan se francezët i kanë ofruar Mbappe rreth 50 milionë euro në vit, një shifër që do e bëjë sulmuesin të mendohet mirë.

Real Madrid i ofron më pak, por gjithmonë kampioni i botës ka ëndërruar të luajë me spanjollët dhe mund të refuzojë milionat e PSG.

The post 50 milion euro për ta bindur, PSG mbulon në “ar” Kylian Mbappe appeared first on Albeu.com.

Kjo “sëmundje” nuk lë jashtë edhe organet e futbollit në Shqipëri, ku FIFA nuk ka ngurruar ta “ushqejë” futbollin tonë me miliona, por çuditërisht ai vazhdon të mbetet i “uritur”.

Një investigim nga Panorama Sport zbulon se FSHF ka marrë plot 2.1 milion euro nga FIFA në kuadër të ringjalljes së futbollit në vend pas krizës së Covid-19, të cilat nuk dihet ku kanë “avulluar”.

MILIONAT NGA FIFA

Që në momentin kur futbolli u ndal në të gjithë botën në mars të vitit 2020, goditja që mori ky sport ishte mjaft e rëndë, pasi klubet humbën të ardhurat direkte e indirekte nga tifozët.

Kështu, FIFA veproi me shpejtësi dhe bëri të ditur se një pjesë e fondeve që ajo lëvronte për federatat, do të kishin si destinacion “shërimin” nga COVID-i të futbollit, duke ndihmuar aktorët e saj që ishin në vështirësi.

Një pjesë e fondeve të projektit “FIFA Forward 2.0” të FIFA-s u lejuan që të ndryshonin destinacion për të ndihmuar komunitetin e futbollit.

Kështu, federatave iu lëvruan në mënyrë të menjëhershme paratë që mbeteshin për të tërhequr nga cikli i këtij projekti, me një pjesë që shkuan si destinacion në planin “e shërimit” nga COVID-i.

FSHF përfitoi 600 mijë dollarë nga cikli 2019-2020, falë kësaj platforme të FIFA-s, fond i cili është tërhequr siç tregojnë bilancet financiare të organizatës ndërkombëtare, të publikuara në maj 2021.

Por jo vetëm kaq. FIFA bëri të ditur se kishte përgatitur një tjetër paketë shpëtimi, prej 1,5 milionë dollarësh, të cilën federatat anëtare mund ta përdornin për të njëjtën arsye.

Nga kjo paketë, 500 mijë dollarë duhet të kishin specifikisht si destinacion futbollin e femrave. Sipas dokumenteve të publikuara nga FIFA në maj 2021, FSHF ka tërhequr deri në dhjetor 2020 shumën 1 milion dollarë nga kjo paketë – përfshirë plotësisht shumën për futbollin e femrave – dhe duhet të tërhiqte edhe 500 mijë dollarë të tjerë nga ajo që është cilësuar nga FIFA si Etapa 3 e planit të shërimit të futbollit nga COVID, përsëri pjesë e projektit “FIFA Forward 2.0”.

Pra, në total, futbolli shqiptar përfitoi nga FIFA 2,1 milionë dollarë për të përballuar krizën e COVID-19, nga të cilat 1,6 milionë të tërhequra brenda vitit 2020 dhe 500 mijë dollarë që i mbeteshin për t’u tërhequr gjatë vitit 2021.

KU KANË PËRFUNDUAR PARATË?

Kjo është pyetja 1-miliondollarëshe ose më saktësisht 2,1-miliondollarëshe që i duhet drejtuar FSHF-së. Kjo e fundit, si përgjigje ndaj krizës së COVID-19, vendosi të jepte “rroga lufte” për disa nga anëtarët e saj.

U caktua një rrogë prej 30 mijë lekësh për futbollistë, trajnerë, gjyqtarë apo edhe zyrtarë klubesh të cilët nuk kishin të ardhura të tjera përveç atyre të siguruara nga futbolli.

Një paketë të cilën presidenti Duka e shpjegoi si të krijuar nga “kontributi i vetë administratës së federatës, kontributi i stafit të ekipit kombëtar, duke filluar nga trajneri i ekipit kombëtar Edi Reja dhe stafi i tij”.

Për dy muajt që u dha kjo paketë financiare, FSHF ka shpenzuar në total 71 milionë lekë, siç konfirmoi zyrtarisht sekretari i përgjithshëm i institucionit, Ilir Shulku, në asamblenë e fundit të përgjithshme në qershor 2021.

Pra, rreth 600-650 mijë dollarë, që nuk justifikojnë kurrsesi të ardhurat e siguruara nga FSHF nga fondet e lëvruara nga FIFA.

Edhe nëse paratë e ndërkombëtarëve do të ishin përdorur për paketën e sipërpërmendur të FSHF-së, diferenca është jashtëzakonisht e madhe dhe ngre përsëri pikëpyetjet e zakonshme rreth mënyrës se si institucioni i futbollit kanalizon sipas dëshirës të ardhurat që siguron nga jashtë me një transparencë zero.

Parà të cilat në të vërtetë kanë destinacion aktorët e futbollit e askënd tjetër.

Abuzimi me fonde të tilla, për më tepër në një periudhë krize të paprecedent, tregon edhe një herë se diçka nuk funksionon siç duhet brenda institucionit të futbollit, pasi historia thjesht përsërit vetveten.

Faksimile e raportit të FIFA-s ku rezulton se FSHF ka tërhequr 600 mijë USD në vitin 2020 nga programi Forward 2.0 vetëm për COVID-in

Faksimile e raportit të FIFA-s ku rezulton se FSHF ka tërhequr 1 milionë USD në vitin 2020 nga fondi i ndihmës që u është vënë në dispozicion të gjitha federatave për të ndihmuar klubet pas pandemisë.

The post Miliona euro nga FIFA për “shërimin” e futbollit shqiptar nga Covid-i, ku “avulluan”? (FOTO LAJM) appeared first on Albeu.com.

Mpleksja e oficerëve të lartë të policisë me elementë kriminalë duket se ia ka dorëzuar qytetin bandave duke prerë në besë qytetarët, të cilëve tashmë iu duket vetja sikur janë banorë të ndonjë qyteti meksikan ku lufta mes karteleve të drogës bëhet hapur në mes të ditës , ku palë është edhe policia.

Vera e vitit të shkuar ishte një ndër më të “nxehtat” në këtë qytet, ku brenda pak muajsh, për shkak të luftës me grupeve të trafikut të drogës u vranë një numër i madh personash. Prokuroria dhe SHÇBA dyshojnë se të paktën në dy prej vrasjeve të bujshme ishin përfshirë oficerë të lartë në Drejtorinë e Policisë së Elbasanit, për të cilët tashmë është faktuar nga prokuroria se dhanë informacione për lëvizjet e objektivave.

Bëhet fjalë pikërisht për ekzekutimin e Emiljano Ramazanit dhe mikut të tij Regis Runajt në korrik të vitit të shkuar, ku prokuroria gjeti fakte sipas të cilave tre oficerë policie morën pagesa deri 100 milion lekë për të gjurmuar dhe sinjalizuar vrasësit në lidhje me lëvizjet e të rinjve.

Sipas prokurorisë, policët me detyra të larta ndiqnin Ramazanin dhe Runajt, të cilët dyshoheshin se kishin lidhje me një grup trafikantësh droge dhe të dhënat për lëvizjet e tyre ia jepnin grupit rival.

Në gusht të 2020-ës, policia arrestoi dy të rinj nga Elbasani, Xhuljano Hoxha dhe Eugen Halili, si autorë të dyshuar të vrasjes së Emiljano Ramazanit, si dhe të Regis Runajt.

Pas zbardhjes së plotë të ngjarjes dhe marrjes së dëshmive të të arrestuarve, prokuroria zbuloi pikërisht se ishin të dhënat e marra nga policët për lëvizjet e Ramazanit dhe Runajt që ndihmuan autorët për ekzekutimin e tyre.

ABC raportoi në atë kohë se çështja u mor në dorë ngë SHÇBA dhe tre oficerët e lartë të policisë, tashmë në rolin e informatorëve të trafikantëve, u transferuan në drejtori të tjera të policisë.

Gjithçka u zbulua në mars, ndërsa sëfundmi abcneës.al mëson se “shefat” janë treguar zemërgjerë ndaj tre vartësve që morën 100 milion lekë për t’i dorëzuar vrasësve Ramazanin dhe Runajn.

Policia e Elbasanit duhet të vërtetojë tashmë nëse i shërben qytetarëve apo bandave duke i treguar opinionit publik se çfarë ka ndodhur me tre oficerët e policisë që u përfshinë në një skenar mafioz për eliminimin e dy të rinjve.

A janë përjashtuar apo ata vijojnë të mbajnë uniformë pavarësisht se prokuroria ka vërtetuar përfshirjën në ngjarje të bujshme kriminale? (ABC News)

The post 100 milion lekë për të fshehur gjurmët e vrasësve? Si 3 oficerët në Elbasan bashkëpunuan me bandat dhe ndihmuan në eliminimet mafioze appeared first on Albeu.com.