Si t’i largoni përgjithmonë milingonat nga shtëpia

E S — Sat, 10 Sep 2022 20:33:50 +0000

Milingonat janë një ndër insektet më bezdisëse dhe shqetësuese që mund të ekzistojnë. Ato janë kudo, në të gjitha hapësirat e shtëpisë. Ju me siguri keni frikë të lini ndonjë ushqim jashtë frigoriferit, sepse ato do t’i sulen me shpejtësi.

Produktet që i eliminojnë ato kanë aromë shumë të fortë dhe mund t’ju shkaktojnë probleme shëndetësore nëse i përdorni shpesh. Në vend se të shpenzoni para në to, përdorni këtë recetë natyrale. Është shumë efektive dhe për më tepër kushton shumë pak

Përbërësit:

3 lugë gjelle kanellë (ose nenexhik)
2 gota ujë

Udhëzime:

Hidheni kanëllën ose nenexhikun në një enë me 2 gota ujë. Vendosini në zjarr të ziejnë për disa minuta. Më pas largojeni përzierjen nga zjarri dhe lëreni të ftohet. Hidheni atë në një shishe spraji.
Spërkatni të gjitha ambientet e shtëpisë ku keni pikasur milingona. Të nesërmen nuk do të gjeni asnjë nga këto insekte të bezdisshme.

The post Si t’i largoni përgjithmonë milingonat nga shtëpia appeared first on Albeu.com.

Befasojnë shkencëtarët francezë, ky insekt i zakonshëm mund të nuhasë kancerin që në fazë të hershme

A M — Fri, 08 Apr 2022 13:42:34 +0000

Milingonat! E pra milingonat sipas studiuesve francezë mund të ndihmojnë në diagnostikimin e kancerit.

Sipas një botimi shkencor, milingonat 36 Formica fusca një lloj insekti me erë të fortë mund të dallojnë kancerin nga qelizat e shëndetshme njerëzore, sipas Science Focus.

Në fazën e hershme eksperimentale, milingonat u ekspozuan ndaj erës së qelizave të kancerit të njeriut. Më pas, të njëjtat milingona u ekspozuan ndaj aromave të ndryshme, përfshirë atë origjinale, të cilën ata mundën ta dallonin.

Shkencëtarët shpjegojnë se pasi të trajnohen, milingonat Formica fusca mund të zbulojnë komponimet organike të paqëndrueshme të çliruara nga qelizat e kancerit.

Kjo nuk është hera e parë që komuniteti shkencor kërkon “aleatë” në mbretërinë e kafshëve.

Sipas shkencëtarëve, qentë janë përdorur edhe më parë për të zbuluar qelizat e kancerit, por trajnimi i tyre kërkon muaj apo edhe vite.

Rritja e insekteve është e mundur ekonomikisht, ndërsa insektet kanë një sistem nuhatjeje shumë të zhvilluar dhe mund të trajnohen me qindra teste.