Ky ndryshim i qëndrimit vjen vetëm disa javë para se të dyja palët pritej të përballeshin në gjykatë për këtë çështje. Twitter, që a ka paditur miliarderin Musk për të tentuar që ta detyrojë që të vazhdojë me marrëveshjen për blerjen e kompanisë, pritej që të fitonte procesin gjyqësor.

Në letër, avokatët e Muskut, thanë se ai dëshiron që të vazhdojë me kompletimin e transaksionit, dhe ka kërkuar që t’i jepet fund betejës ligjore. Një zëdhënës i Twitter-it tha se kompania ka pranuar letrën dhe planifikon që të mbyllë marrëveshjen me çmimin prej 54.20 dollarë për aksion, aq sa kishte ofruar Musk në muajin prill.

Ky vendim i Muskut bëri që aksionet e Twitter-it të rriteshin për më shumë se 20 për qind apo 52 dollarë për një aksion. Megjithatë, vlera e një aksioni është më e ulët sesa çmimi që Musk ka ofruar. Kur Musk fillimisht shpalosi dëshirën e tij për ta blerë Twitter-in për 44 miliardë dollarë, ai tha se dëshironte që të hiqte llogaritë e rreme dhe ta ruante platformën si një vend për lirinë e shprehjes.

Por, miliarderi u tërhoq nga blerja e kompanisë vetëm disa javë më vonë, duke thënë se kishte shqetësime se numri i llogarive të rreme në platformë ishte më i lartë sesa Twitter kishte deklaruar. Drejtuesit e Twitter-it kanë hedhur poshtë këto akuza, duke argumentuar se Musk – personi më i pasur në botë me një pasuri prej më shumë se 220 miliardë dollarësh – dëshironte që të tërhiqej nga marrëveshja për blerjen e platformës për shkak të çmimit.

Akuzat e ndërsjella u pasuan nga një rënie të madhe të vlerës së aksioneve të teknologjisë, përfshirë edhe të Tesla-s, kompanisë që prodhon makina elektrike dhe që është në pronësi të Elon Musk.

The post Miliarderi Elon Musk ndryshon sërish mendjen, i rikthehet marrëveshjes për blerjen e Twitter-it appeared first on Albeu.com.

Kur së fundmi u pyet për mendimin e nënës së tij, Maye Musk, për planet e tij të biznesit, ajo u përgjigj se nuk ka shumë ndikim në procesin e vendimmarrjes së djalit të saj.

Duke folur për Today With Hoda & Jenna, 73-vjeçarja u pyet për dëshirën e Elon Musk për të blerë Twitter. “Të bëjë çfarë të dojë”, u përgjigj ajo. “I thashë të mos bënte makinë elektrike apo raketa dhe ai nuk më dëgjoi”.

E pyetur nëse nuk ishte dakord ndonjëherë me vendimin e djalit të saj për të nisur Tesla-n, ajo tha se nuk ishte aq një sipërmarrje biznesi sa zakonet e tij të punës.

“Ai punoi aq shumë, ai kishte nevojë për një pushim,” shpjegoi nëna. “Edhe papritur ai donte të merrej me energjinë diellore dhe makinat elektrike dhe raketat. Unë i thashë, vetëm zgjidh një që të mos punosh kaq shumë.”

May Musk, përveç Elon 50-vjeç, ka edhe një djalë 49-vjeç, Kimball dhe një vajzë 47-vjeçe, Tosca, me ish-bashkëshortin e saj, Errol Musk.

The post Këshilla që Elon Musk nuk dëgjoi nga nëna e tij dhe u bë miliarder appeared first on Albeu.com.

Musk ka thënë në nuk zotëron asnjë shtëpi dhe fle në dhomat e gjumit të miqve të tij pjesën më të madhe të kohës.

“Unë as që zotëroj një shtëpi, unë jam duke qëndruar nëpër shtëpitë e miqve”, tha Musk pasuria e të cilit vlerësohet të jetë 269.5 miliard dollarë sipas Forbes.

“Nëse udhëtoj në Zonën e Gjirit, ku është pjesa më e madhe e inxhinierisë së Teslës, unë fle nëpër dhomat e gjumit rezervë të miqve”, shtoi CEO i Tesla.

“Unë nuk kam jaht, nuk bëj pushime”, shtoi Musk ndër të tjera.

Pavarësisht stilit befasues së themeluesit të “Tesla” dhe SpaceX, miliarderi i teknologjisë zbuloi të vetmin luks që kënaqet.

Ai ka treguar gjatë përgjigjes së një pyetjeje në lidhje me pabarazinë e pasurisë në SHBA midis amerikanëve dhe miliarderëve, se do të ishte problematike të konsumonte miliarda dollarë për konsum vetjak.

“Sigurisht, do të ishte shumë problematike nëse do të shpenzoja miliarda dollarë në vit në konsum personal, por nuk është kështu.

“Konsumi im personal nuk është i lartë”, tha ai, duke shtuar se avioni privat është i vetmi përjashtim.

Në maj 2020, Musk shkroi në Tëitter: “Po shes pothuajse të gjitha pasuritë fizike. Nuk do të kem shtëpi.”

The post Befason Elon Musk: Jam njeriu më i pasur në botë, por s’kam shtëpi appeared first on Albeu.com.

Të gjithë e njohin si njeriun më të pasur në botë por askush nuk e kishte parë teksa kërcente, pasi ai nuk e bën shpesh.

Por siç shihet edhe në videon e mëposhtme, miliarderi Elon Musk bën lëvizje kërcimi teksa ka zyrtarizuar hapjen e një fabrike të re “Tesla” në Gjermani.

 

View this post on Instagram

 

A post shared by Business | Motivation | Quotes (@wealth)

The post Elon Musk siç nuk e keni parë kurrë, kërcimi epik pas hapjes së Tesla-s në Gjermani (VIDEO) appeared first on Albeu.com.

Së fundmi, modelja ka ndarë me fansat disa fotografi ku shfaqet e veshur me një fustan të bardhë.

Kejvina shfaqet në super formë dhe ndjekësit e kanë pëlqyer shumë.

Por vëmendjen më të madhe e ka marrë mbishkrimi që ka vendosur krahas fotove shumë seksi.

“Martohemi bashkë???”, ka shkruar me humor Kejvina, teksa ka etiketuar edhe miliarderin e njohur, Elon Musk.

 

View this post on Instagram

 

A post shared by KEJVINA (@kejvina_kthella)

The post Surpizon Kejvina, bëhet “nuse” dhe i propozon për martesë njeriut më të pasur në botë (FOTO LAJM) appeared first on Albeu.com.

Egoja e njeriut është e tillë që kur vjen puna te paratë, nuk do t’i kthente kurrë prapa.

Për të pasur para, Oscar ëild dhe shumë të njohur të tjerë ndër shekuj, i kanë treguar njerëzimit se milionat nuk vijnë vetvetiu. Për t’u bërë i tillë, çdo njeri duhet të ndryshojë disa nga besimet ekzistuese.

Më poshtë, këshillat e një miliarderi:

Harroje se mund ta bësh me punë profesionale – Në fillim më lejoni të jem i qartë për këtë, nuk duhet ta braktisni punën profesionale para se të keni grumbulluar disa të ardhura që do të mbulojnë shpenzimet e tua, ndryshe jeta jote do të bëhet e mjerueshme.
Por nga ana tjetër, kurrë mos provo të bësh shumë para nëpërmjet punës profesionale, sepse ka më shumë mundësi të të ndodhë ndonjë nga këta skenarë:

Do të punosh jashtëzakonisht shumë dhe mund ta bësh milionin e parë mbas 20 apo 30 vjetësh kur ai milion nuk ka më asnjë vlerë.

Ose të punosh po ashtu shumë, shefat e tu të mos e vlerësojnë mundësinë e largimit tënd, ti të mbetesh duke punuar gjithnjë për të tjerët dhe të mos arrish asgjë.

Biznesi privat është çelësi për t’u bërë milioner shpejt – Të fillosh biznesin tënd privat është rruga më e shpejtë për t’u bërë me para, njerëz të caktuar kanë arritur milionin e parë brenda 4 vitesh, por kanë deklaruar se kanë bërë shumë, shumë, gabime dhe nëse do t’i kishin eliminuar ato gabime, mund t’ia kishin dalë më shpejt.

Zgjidh një biznes që nuk ka kufizime – Mundësia më e madhe që një person të bëhet milioner është kur ai hap një dyqan të vogël, por ama me qëllimin në mendje që ta zgjerojë në një dyqan të gjerë rajonal me degë të ndryshme në vende të tjera. Njerëz të tillë nuk zgjedhin opsione biznesesh me potenciale të kufizuar zgjerimi.

Nuk bën dot para shumë shpejt – Disa njerëz nuk mund të bëhen kurrë milionerë. Këta janë ata që shohin për mundësitë për t’u bërë të pasur menjëherë, pastaj përfundojnë duke i humbur paratë si pasojë e mashtrimeve ose njerëzve manipulues që shfrytëzojnë ëndrrat e tyre. Milionerët mund të planifikojnë t’i bëjnë paratë e tyre për një periudhë 2 apo 4-vjeçare nëpërmjet vizioneve afatgjata, por asnjëri prej tyre nuk planifikon të bëhet milioner për dy muaj.

Nëse nuk kanë para t’ia fillojnë? – Prapë ata mund të bëhen milionerë. Në ditët e sotme ekzistojnë biznese që nuk duan shumë para për t’u filluar, ka edhe nga ato që duan thjesht disa para xhepi, por që këto mund të bëhen biznese të fuqishme nëse do të dihet si të ndërtohen.

Gjëja e fundit dhe më e rëndësishmja – Asnjë nuk arrin diçka që me herën e parë, ose të katërtën. Mbaje mend këtë që suksesi në biznes varet nga ”të dështuarit shumë herë derisa të zbulosh se cili veprim funksionon për t’ia dalë”.

The post Doni të bëheni të pasur në një kohë të shkurtër? Miliarderi tregon “çelësin” e suksesit appeared first on Albeu.com.

Sipas informacioneve nga mediat ndërkombëtare, mësohet se John, ka nisur një romancë të re me dietologen 33-vjeçare, Alina de Almeida.

Një takim mës tyre në verë, përfundoi në një lidhje afatgjatë mes tyre dhe momentalisht çifti jetojnë në një apartament të miliarderit në Kullën Olimpike.

“John ka një të dashur të re, shumë më të re dhe ndërsa është ende herët, marrëdhënia e tyre po forcohet gjithnjë e më shumë. Ata janë shumë të lumtur”, thuhej në burimin e informacionit.

Miliarderi ka dy vajza me bashkëshorten e tij të parë, me të cilën nuk kanë nënshkruar një marrëveshje para-martesore. Kjo lë të kuptohet për mundësinë e një divorci të vështirë përsa i përket anës financiare.

“Pepole” shkruan se Paulson thuhet se ka një pasuri prej të paktën 4.7 miliardë dollarësh, duke e renditur në një nivel mes njerëzve më të pasur në botë./albeu.com

The post Miliarderi lë bashkëshorten 50-vjeçare për të dashurën 32 vite më të re (FOTO LAJM) appeared first on Albeu.com.

Sun udhëheq një prej bizneseve më të mëdha private në sektorin e bujqësisë në provincën Hebei.

Miliarderi, 67-vjeçar, ka folur në të kaluarën për të drejtat e njeriut dhe çështje tjera të ndjeshme politike.

Ai është gjetur fajtor “për provokime të konflikteve” – një akuzë që shumë shpesh shfrytëzohet kundër aktivistëve.

Akuzat tjera kundër tij janë edhe për pushtim të paligjshëm të tokës bujqësore, si dhe për pengim të punëtorëve qeveritarë që të kryejnë punën e tyre.

Ai është dënuar edhe me 478,697 dollarë amerikanë.

Sun është raportuar të jetë ndaluar vitin e kaluar, bashkë me 20 familjarë dhe bashkëpunëtorë biznesi, për shkak të disa mospajtimeve për një tokë bujqësore të Qeverisë.

Ai ka qenë një prej personave të paktë që ka akuzuar Qeverinë për fshehje të gripit afrikan, që ka prekur fermat e tij më 2019, dhe më pas ka dëmtuar një pjesë të mirë të industrisë shtetërore.

Sun besohet se është i afërt me disa disidentë politikë kinezë dhe ka kritikuar në të kaluarën politikat rurale të Qeverisë.

Kina tash e një kohë ka shtypur bizneset dhe sipërmarrësit e këtij shteti.

Kompani të mëdha teknologjike, duke përfshirë ato si Alibaba, Didi dhe Tencent, janë duke u hetuar për një mori çështjesh rregullative./REL

The post Kina ndëshkon me 18 vjet burgim një miliarder dhe kritik qeveritar appeared first on Albeu.com.

Butterin ka në pronësinë e tij mbi 330 mijë monedha me Ether, me vlerë 1.09 miliardë dollarë. Monedha digjitale, e krijuar në vitin 2012, ka një vlerë tregu prej 376 miliardë dollarësh.

Së fundmi, Ether kaloi vlerën e 3 mijë dollarëve për monedhë duke shënuar një rritje me 325% për 4 muajt e parë të vitit 2021.

Blerja e Ether është rritur vrullshëm me nisjen e vitit 2021, paralelisht me rritjen e njerëzve për financa të pakontrolluara.

Butterin ka lindur në Moskë, në vitin 1994, dhe u zhvendos më vonë me familjen në Kanada ku krijoi dhe monedhën digjitale. Më herët, Butterin punonte në revistën e Bitcoin, që tashmë është edhe rivali kryesor.

Së fundmi, 27-vjeçari miliarder dërgoi 600 mijë dollarë në Indi për të ndihmuar luftën kundër Covid-19.

The post Njihuni me miliarderin më të ri në botë, çfarë bën djaloshi që kryeson listën e të pasurve appeared first on Albeu.com.