Manchester United dhe Milani dhuruan spektakël në një ndeshje miqësore ku u realizuan plot 6 gola. Në fund, triumfi u përket kuqezinjve të drejtuar nga Ruben Amorim.

Skuadra nga Manchesteri kaloi e para në avantazh, me Maguire që shënoi që në minutën e 2-të. Chukwueze vendosi baraspeshën në të 37-tën, ndërsa pak para përfundimit të pjesës së parë, kapiteni Fernandes humbi një mundësi të artë nga pika e bardhë, pasi portieri Torriani i priti penalltinë.

Edhe fraksioni i dytë vijoi me ritëm të lartë. Dorgu riktheu “Djajtë e Kuq” në epërsi, por festa e tyre zgjati vetëm 7 minuta, sepse Cisse realizoi golin e rezultatit 2-2.

Më pas, protagonistë u bënë Ramos dhe Loftus Cheek. Dy golat e tyre vulosën fitoren dhe suksesin e parë të trajnerit Amorim në krye të skuadrës kuqezi.

Goli i Maguire

Goli i Chukwuezes

Penalltia e humbur nga Bruno Fernandes

Goli i Dorgu

Goli i Ramos

Goli i Loftus Cheek

The post VIDEO/ Milani i Ruben Amorim jep sinjale të fuqishme, kuqezinjtë mposhtin Manchester United në miqësoren me 6 gola appeared first on Albeu.com.

Egnatia ka siguruar tashmë pjesëmarrjen në fazën Play-Off të Europa League dhe synon të avancojë deri në grupet e këtij kompeticioni, ndërsa një vend në Conference League e ka të garantuar.

Për të vijuar ëndrrën europiane, kampionët e Superiores duhet të kalojnë fillimisht pengesën norvegjeze, Lillestrom. Në kampin rrogozhinas, përfshirë presidentin Agim Demrozi, ekziston besimi se skuadra mund të triumfojë ndaj rivalëve nordikë.

Një kualifikim në këtë përballje do t’i mundësonte Egnatias të barazonte arritjen e Skënderbeut, duke marrë pjesë në grupet e Europa League.

Në rast se ia del kundër Lillestromit, Egnatia do të pozicionohej në vazon e 4-të. Në të njëjtën vazo, me shumë gjasa, mund të jetë edhe Trabzonspori i Ernest Muçit, ndërsa një përballje me Milanin mbetet një mundësi reale, pasi skuadra kuqezi renditet në vazon kryesore.

The post Egnatia synon grupet e Europa League, ja kundërshtarët e mundshëm pas një kualifikimi ndaj Lillestromit appeared first on Albeu.com.

E ardhmja e Rafael Leaos përbën shqetësimin kryesor për Milanin, pasi sulmuesi portugez ka lënë të kuptohet se aventura e tij shtatëvjeçare në Milano mund të ketë mbërritur në fund.

Leao fillimisht synonte të transferohej në Ligën Premier ose në La Liga. Megjithatë, mungesa e ofertave konkrete nga këto dy kampionate e ka shtyrë atë të marrë në konsideratë edhe një kalim të mundshëm në Turqi.

Galatasaray po përgatitet të ndërhyjë në këtë situatë. Klubi turk ka siguruar pjesëmarrjen në Ligën e Kampionëve, objektiv që nuk u arrit nga rivali i qytetit, Fenerbahce.

Në pritje të një ndryshimi të rëndësishëm që mund të sjellë largimi i Leaos, Milani po kërkon të shtojë cilësi në repartin sulmues dhe ka kthyer vëmendjen nga një prej yjeve të Marokut.

Gazeta italiane Corriere della Sera raporton se Brahim Diaz i Real Madridit është përfshirë në listën e objektivave të klubit kuqezi, madje konsiderohet kandidati kryesor për të marrë rolin e organizatorit të lojës.

Milani ishte më parë në garë për Konstantinos Karetsas, por talenti grek u largua nga Genk për t’u bashkuar me Borussia Dortmundin në një transferim prej 33 milionë eurosh. Pas humbjes së kësaj gare, “Rossonerët” nisën të shqyrtojnë mundësi të tjera.

Përveç Brahim Diaz, drejtuesit e Milanit po ndjekin gjithashtu Ethan Nwanerin e Arsenalit dhe Matias Soulen e Romës.

Për Diazin, një transferim në “San Siro” do të nënkuptonte rikthimin te skuadra ku spikati gjatë periudhës 2020-2023. Në kohën kur luajti i huazuar te Milani, mesfushori ofensiv regjistroi 124 paraqitje, realizoi 18 gola dhe dha 15 asistime. Ai kontribuoi gjithashtu në fitimin e titullit të Serie A në vitin 2022.

Marrëveshja aktuale e Brahim Diaz me Real Madridin përfundon në vitin 2027. Interes për të kishte treguar edhe Juventusi, por klubi torinez më pas ndryshoi drejtim dhe u përqendrua te Karim Alajbegovic i Bayer Leverkusenit.

The post Milani projekton rikthimin e Brahim Diaz pas largimit të mundshëm të Leaos appeared first on Albeu.com.

Bota e futbollit është tronditur nga lajmi për ndarjen nga jeta të Franco Baresit, ish-kapitenit të Milanit dhe kombëtares italiane. Ai konsiderohet një prej mbrojtësve më të mirë të të gjitha kohërave dhe ndër figurat më të rëndësishme në historinë e këtij sporti.

Baresi u shua në moshën 66-vjeçare, pas një përballjeje të gjatë me një sëmundje të rëndë në mushkëri. Për shkak të saj, ai iu nënshtrua edhe një ndërhyrjeje kirurgjikale vitin e kaluar, por nuk mundi ta fitonte betejën.

Vdekja e legjendës italiane ka shkaktuar dhimbje të madhe në familjen e futbollit. Ndërkohë, mijëra tifozë kanë filluar të grumbullohen në stadiumin San Siro për t’i dhënë lamtumirën e fundit.

AC Milani, klubi ku Baresi ndërtoi statusin e tij si legjendë, reagoi me këtë mesazh: “Historia e AC Milanit vajton ndarjen nga jeta të Franco Baresi. Shembulli i tij personal dhe gjurma që la do ta shoqërojnë klubin përgjithmonë”.

The post Futbolli botëror në zi, shuhet në moshën 66-vjeçare ikona e Milanit, Franco Baresi appeared first on Albeu.com.

Një sfidë miqësore e gjallë në “Celtic Park” përfundoi në baraspeshë, me Celtic dhe Milan që u ndanë 2-2 pas një loje me ritëm dhe emocione. Të pranishmit në stadium dëshmuan një ndeshje ku ekipet u ngjitën herë pas here në skenë.

Skuadra vendase goditi fuqishëm në fraksionin e parë të takimit. Fillimisht ishte Duran ai që zhbllokoi shifrat, ndërsa më pas Forrest dyfishoi avantazhin për skocezët, duke i dhënë formë një epërsie të pastër 2-0 para pushimit.

Megjithatë, rrjedha e sfidës ndryshoi tërësisht me hyrjen e talentit të ri kuqezi. Francesco Camarda, vetëm 18 vjeç, u fut në fushë në startin e pjesës së dytë dhe mori përsipër përgjegjësinë e sulmit. Vetëm një minutë më pas, ai u tregua i saktë nga pika e bardhë e penalltisë, duke shënuar golin që rindizi shpresat.

Ylli i ri nuk u mjaftua me kaq dhe në minutën e 53-të, me një goditje precize me kokë, realizoi golin e dytë personal duke çuar rezultatin në 2-2. Një harkim elegant që përmbysi gjithçka dhe shpëtoi italianët nga disfata.

Për trajnerin portugez Ruben Amorim, kjo ishte një provë e parë me dy fytyra. Debutimi i tij nuk do të mbahet mend si pozitiv për sa i përket lojës së përgjithshme, por falë paraqitjes vendimtare të Camardës, ai arriti të evitojë një humbje në këtë përballje verore.

The post Barazim spektakolar në Glasgow, adoleshenti Camarda i jep frymëmarrje Milanit në debutimin e Amorimit appeared first on Albeu.com.

Phil Foden është propozuar te Milani si një opsion i mundshëm për të forcuar fazën sulmuese të skuadrës italiane. Emri i mesfushorit ofensiv të Manchester Cityt ka mbërritur në tryezën e drejtuesve kuqezinj.

Sipas Claudio Raimondit të SportMediaset, cituar nga MilanNeës.it, një ndërmjetës ua ka paraqitur Fodenin disa klubeve, përfshirë edhe Milanin. Klubi italian po e vlerëson me seriozitet mundësinë e afrimit të tij.

Foden ka kaluar një sezon të ndërlikuar, gjatë të cilit raportet e tij me Manchester Cityn janë tensionuar. Situata arriti deri aty sa Thomas Tuchel nuk e përfshiu në listën e Anglisë për Kupën e Botës.

Kontrata e reprezentuesit anglez përfundon në vitin 2027 dhe lojtari nuk synon ta zgjasë marrëveshjen aktuale.

Operacioni ka kosto të lartë, por Milani nuk e konsideron të pamundur nga pikëpamja ekonomike.

Manchester City kërkon rreth 50-60 milionë euro për kartonin e Fodenit. Kuqezinjtë mendojnë se kjo shifër mund të financohet pothuajse plotësisht përmes shitjes së Rafael Leaos, për të cilin shpresojnë të përfitojnë afërsisht të njëjtën shumë.

As paga nuk duket se përbën problem të madh, pasi të dy futbollistët fitojnë rreth 7-7.5 milionë euro në sezon. Kjo e bën marrëveshjen pothuajse të barasvlershme në aspektin financiar.

The post Milani shqyrton Fodenin si alternativë për pasuesin e Leaos appeared first on Albeu.com.

Ai ishte i pranishëm në Milanelo për të pritur trajnerin e ri Ruben Amorim, ndërsa mori pjesë edhe në konferencën për shtyp ku portugezi u prezantua zyrtarisht. Në një intervistë për “Calcio e Finanza”, Kardinale shpjegoi mënyrën se si funksionon procesi i vendimmarrjes për transferimet.

“Askush te Milani nuk ka të drejtën të miratojë transferimet, pavarësisht shumës, përveç meje. Unë miratoj çdo qindarkë dhe jam i vetmi që jap dritën jeshile përfundimtare për çdo marrëveshje”. Megjithatë, numri një i kuqezinjve theksoi se puna në klub bëhet në grup dhe se çdo vendim merret pas konsultimeve me të gjithë aktorët kryesorë.

“Ne punojmë si një skuadër. Drejtuesit vazhdojnë të bëjnë rekomandimet e tyre, dëgjojmë trajnerin dhe ekipin tim. Por kur vjen momenti për të marrë vendimin përfundimtar, ai më takon mua”.

The post Kardinale merr frenat e Milanit: Asnjë transferim pa firmën time appeared first on Albeu.com.

Siç bën të ditur Sky Sport, përmes TuttoMercatoWeb, afrimi me Mendes konsiderohet një hap i rëndësishëm në përpjekjet e Milanit për të gjetur një qendërsulmues. Kjo lëvizje vjen në një periudhë kur transferimi i një lojtari për këtë rol pritet të realizohet gjatë verës, pas diskutimeve të drejtpërdrejta mes trajnerit Ruben Amorim dhe drejtuesve të klubit.

Profili i Ramos përputhet me atë që Amorim kërkon për skuadrën e tij: një sulmues me forcë fizike, cilësi teknike dhe aftësi për të udhëhequr vijën e parë, për të hapur hapësira dhe për të bërë diferencën në zonën kundërshtare.

Gatishmëria e lojtarit për t’iu bashkuar Milanit shihet si një tregues inkurajues që operacioni mund të marrë formë konkrete.

25-vjeçari është pjesë e Paris Saint-Germain që nga viti 2023, kur u transferua nga Benfica, por në kryeqytetin francez nuk ka mundur të vendoset si titullar i padiskutueshëm.

Pikërisht kjo situatë duket se e bën tërheqëse për sulmuesin portugez mundësinë për t’u kthyer në figurën qendrore të projektit të ri të Amorimit.

Pengesë kryesore për Milanin mbetet marrëveshja me PSG-në. Klubi francez shpenzoi rreth 65 milionë euro për ta marrë Ramosin nga Benfica dhe nuk parashikohet ta lërë të largohet për një shifër të ulët.

Gjithsesi, me Jorge Mendes që po ndihmon në komunikimin mes palëve dhe me dëshirën e lojtarit që përputhet me planet e “Rossonerëve”, baza për një akord të mundshëm duket se tashmë është krijuar.

The post Milani paraqet ofertën e parë zyrtare për yllin e PSG-së appeared first on Albeu.com.

Te Milani po shohin me besim opsionin për t’ia besuar drejtimin e skuadrës Oliver Glasner. Ky besim vjen pas takimit në Gjermani me ish-trajnerin e Crystal Palace dhe përfshin të dyja palët. Megjithatë, drejtuesit e klubit ka lënë të kuptohet se kanë nevojë për kohë para se të bëjnë zgjedhjen përfundimtare.

Gerry Cardinale dhe emisarët e tij kanë një qasje në stilin amerikan: takime me kandidatë, vlerësime pro dhe kundër. Në fund akordi, pasi krahasimi mes trajnerëve të ndryshëm të ketë dhënë frytet e tij. Shunë gjëra varen nga drejtimi teknik që do të marrë klubi, duke nisur me drejtuesit. Ibrahimovic në qendër, apo Rangnick supervizor për gjithçka?

Hapat përpara të ditëve të fundit shohin Glasner, që pas rreth 6 orëve “kokë më kokë” me pronarin e klubit kuqezi, doli me ndjesi pozitive. Kontaktet mes palëve vazhdojnë, por njëkohësisht mbeten të hapura edhe pistat e tjera.

Nga SHBA-të, ku po bëhet gati për Botërorin, Mauricio Pochettino ka konfirmuar bisedimet fillestare mes njerëzve të tij dhe Milanit. Zlatan Ibrahimovic, me ndihmën e agjentes Rafaela Pimenta, mban të hapur rrugën e Slot. Në këto kushte, do të duhet ende kohë për të vendosur për trajnerin e ri.

The post Stoli i Milanit/ Optimizëm pas takimit me Glasner, të hapura edhe pistat e Pochetino dhe Slot appeared first on Albeu.com.

Lajmet që qarkullojnë në Itali flasin gjithashtu për një “revolucion” në strukturën drejtuese të klubit kuqezi, ku përveç trajnerit, raportohet se janë larguar edhe figura të rëndësishme të menaxhmentit.

Mes emrave të përmendur janë CEO i klubit Giorgio Furlani, drejtori sportiv Igli Tare, si edhe shefi i skautingut Geoffrey Moncada.

Megjithatë, deri tani nuk ka një konfirmim zyrtar nga klubi për këto zhvillime, ndërsa pritet që orët në vijim të sqarojnë situatën e vërtetë në kampin e Milanit.

The post Milan shkarkon Allegrin, Taren dhe Furlanin pas dështimit për t’u kualifikuar në Champions appeared first on Albeu.com.