Mikel Merino u kthye edhe një herë në figurën vendimtare të Spanjës, pasi mesfushori realizoi golin që vulosi suksesin 1-0 ndaj Portugalisë dhe i dha “Furisë së Kuqe” kualifikimin për në çerekfinalet e Kupës së Botës 2026.

Edhe pse u aktivizua vetëm në minutat e fundit të kohës së rregullt, atij iu desh shumë pak për të bërë diferencën. Në minutën e parë të vazhdimeve, Merino përmbylli me qetësi një sulm të shpejtë të spanjollëve, pas pasimit nga Ferran Torres, duke mposhtur Diogo Costan dhe duke vendosur përfundimisht fatin e sfidës.

Ky gol nuk i solli vetëm Spanjës kalimin në çerekfinale, por shënoi edhe fundin e rrugës së Cristiano Ronaldos në Kupën e Botës. Vetë portugezi kishte bërë të ditur para takimit se Botërori 2026 do të ishte i fundit i karrierës së tij dhe humbja ndaj Spanjës mbylli kështu një kapitull të madh të futbollit ndërkombëtar.

Njeriu i momenteve të mëdha

Merino po forcon gjithnjë e më shumë imazhin e një lojtari që del në pah pikërisht në ndeshjet vendimtare. Në Kampionatin Evropian, ai realizoi me kokë në minutën e 119-të kundër Gjermanisë, një gol që i siguroi Spanjës biletën për në gjysmëfinale dhe i dha fund karrierës ndërkombëtare të Toni Kroos.

Në atë përballje, Gjermania mbeti jashtë turneut dhe më pas kombëtares iu dhanë lamtumirën edhe Thomas Muller dhe Ilkay Gundogan. Tashmë, me realizimin ndaj Portugalisë, Merino u bë sërish protagonisti i një ndeshjeje që mbylli një epokë për një nga emrat më të mëdhenj të futbollit botëror.

Mesfushori 30-vjeçar ka shkuar në kuotën e 11 golave me Kombëtaren e Spanjës dhe konsiderohet një nga realizuesit më të rëndësishëm në periudhën e Luis de la Fuente.

“Mikel Merino nuk na zhgënjen kurrë. Ai është një lojtar i sigurt dhe gjithmonë shfaqet kur ka më shumë rëndësi. Kemi futbollistë në stol që do të ishin titullarë në shumë kombëtare të tjera”, është shprehur De la Fuente pas ndeshjes.

Nga periudha e vështirë te kulmi i emocionit

Vetë Merino ka pranuar se ky sezon nuk ka qenë i lehtë për të, por goli kundër Portugalisë u kthye në një nga çastet më të mëdha të karrierës së tij.

“Të isha këtu ishte e paimagjinueshme disa muaj më parë. Tani jam në majë të botës dhe po shijoj një nga momentet më të lumtura të karrierës sime. Çdo ditë përpjekjeje dhe çdo moment dyshimi ia ka vlejtur”, ka deklaruar ai.

Në çastin e golit, Merino festoi pranë flamurit të këndit, një veprim që e bën shpesh si homazh për të atin.

Festimi në Dallas mori një domethënie të veçantë, sepse i dha Spanjës një fitore të madhe dhe e afroi më shumë me ëndrrën për të fituar trofeun e Botërorit.

Dhuratë për djalin e porsalindur

Kualifikimi në çerekfinale ka edhe një peshë personale për Merinon. Disa muaj më parë ai u bë baba dhe tani bashkëshortja e tij, Lola, si edhe djali i tyre Marco, pritet të udhëtojnë për të ndjekur Spanjën në fazën e ardhshme.

“Të luash në Kupën e Botës është e jashtëzakonshme, por ka edhe një anë të vështirë: po humbas muajt e parë të jetës së djalit tim. Më mungojnë shumë, por për fat të mirë do të vijnë të më shohin në çerekfinale”, ka rrëfyer Merino.

Për Spanjën, ai mbetet një armë shumë e vlefshme që vjen nga stoli. Për rivalët, Mikel Merino po shndërrohet në lojtarin që del përpara në çastet më të mëdha dhe ndryshon rrjedhën e historisë së ndeshjeve.

The post Mikel Merino godet sërish në çastin vendimtar: goli kundër Portugalisë i mbylli Ronaldos aventurën në Kupën e Botës appeared first on Albeu.com.

27-vjeçari falë paraqitjeve të tij të mira tashmë konsiderohet gjerësisht si njëri ndër mesfushorët më të mirë në La Liga, duke u rikthyer fuqishëm në formë pas aventurës dëshpëruese në Angli tek Neëcastle United.

Këtë sezon, Merino ka shënuar tre gola dhe ka bërë tri asistime në elitën e futbollit spanjoll, ndërsa ka shënuar edhe dy gola në Ligën e Kampionëve.

Sipas një raportimi nga mediumi spanjoll COPE, bisedimet për rinovimin e mundshëm të kontratës së Merinos momentalisht janë ‘pezull’ dhe një marrëveshje varet në atë nëse Sociedadi arrin kualifikimin në garat evropiane sezonin e ardhshëm.

Raporti shton më tutje se klube si Manchester United, Manchester City, Juventus dhe Atletico Madrid, që të gjitha janë duke mbajtur një sy afër tek situata e spanjollit dhe do të konsiderojnë një ofertë nëse rinovimi i tij nuk ndodhë.

Merino ka një klauzolë lirimi në vlerë prej 60 milionë eurosh në kontratën e tij me Sociedadin, por klubi spanjoll mund të detyrohet që ta zbresë këtë vlerë.

Kjo për shkak se Merino ka hyrë në 18 muajt e tij të fundit të kontratës dhe Sociedadi rrezikon që ta humbasë atë falas në 2025. /Telegrafi/

The post United përgatit 50 milionë euro për lojtarin që dikur kishte dështuar tek Newcastle appeared first on Albeu.com.