Ai e bëri njoftimin të shtunën në Las Vegas gjatë Samitit Vjetor të Koalicionit Republikan Hebre.

“Bibla na thotë se ka një kohë për çdo qëllim,” tha Pence në mbyllje të fjalimit të tij.

“Duke udhëtuar nëpër vend për gjashtë muajt e fundit, kam ardhur këtu për të thënë, është e qartë për mua, nuk është koha ime,” tha ish-zëvendëspresidenti.

“Pra, pas shumë lutjesh dhe diskutimesh, kam vendosur të pezulloj fushatën time për presidencën”.
/albeu.com

The post “Ka një kohë për çdo qëllim”, Mike Pence tërhiqet nga gara presidenciale në SHBA appeared first on Albeu.com.

I pyetur nga CBS nëse ai do të bëhej dëshmitar kundër Trumpit, nëse rasti shkon në gjykim, Pence tha se nuk ka “plane” për të dëshmuar, por nuk e hodhi poshtë mundësinë për ta bërë këtë.

“Por, njerëzit mund të kenë besim se ne do t’i bindemi ligjit, ne do t’i përgjigjemi thirrjes së ligjit, nëse vjen ajo, dhe ne thjesht do ta themi të vërtetën”, tha Pence, i cili po garon kundër Trumpit në garën për kandidatin e republikanëve për president.

Pence u bë figurë qendrore në aktakuzën e fundit kriminale që u ngrit ndaj Trumpit më 1 gusht nga Departamenti i Drejtësisë, e cila e ngarkon ish-presidentin e Shteteve të Bashkuara (SHBA) me akuza se ka tentuar të mbetet në pushtet jashtëligjshëm, pasi i humbi zgjedhjet presidenciale kundër demokratit Joe Biden më 2020.

Trumpi u deklarua i pafajshëm për të gjitha akuzat më 3 gusht.

Para dhe gjatë certifikimit të fitores së Bidenit në Kongres më 6 janar 2021, Pence i mbikëqyri procedurat në rolin e tij ceremonial si president i Senatit të SHBA-së. Ai u përball me trysni të madhe nga Trumpi për ta shfuqizuar rezultatin e zgjedhjeve, por nuk pranoi.

Disa nga përkrahësit e Trumpit, të cilët shkaktuan trazira në Kapitolin e SHBA-së, brohoritën “vareni Mike Pencen!”

Ajo trysni e vazhdueshme dhe “shënimet e njëkohshme” që Pence i kishte marrë gjatë procedurave dhe trazirave të 6 janarit 2021, citohen shpesh në aktakuzën e javës së kaluar kundër Trumpit.

Në një pikë, aktakuza i referohet një telefonate të 1 janarit 2021, gjatë të cilës Trumpi e qortoi Pencen pse nuk kishte marrë pjesë në planin për ta shfuqizuar rezultatin e zgjedhjeve.

“Ju jeni shumë i sinqertë”, i kishte thënë Trumpi Pences.

Dëshmia e mundshme e Pences dhe shënimet e tij mund të bëhen pjesë kyçe për rastin e prokurorisë kundër Trumpit.

Për herë të parë në fushatën fillestare, Trumpi e sulmoi Pencen të shtunën. Ai e mohoi se e kishte vlerësuar atë si “tejet të sinqertë”, por e quajti atë tani “Mike Pence i vogël”.

Fushata presidenciale e Pence ka dështuar të marrë hov deri tani, dhe ai madje rrezikon të mos ia dalë të jetë as në debatin e parë republikan presidencial në fund të këtij muaji, për shkak të mungesës së donatorëve.

Derisa ai ka mbetur shumë mbrapa, Trumpi është duke i prirë bindshëm garës së republikanëve, pasi ka shijuar rritje në sondazhe sa herë që është ngritur aktakuzë ndaj tij.

The post Ish-zëvendëspresidenti Pence mund të dëshmojë në gjyq kundër Trumpit appeared first on Albeu.com.

Kjo ka sjellë një përplasje me shefin e tij të dikurshëm, ish-presidentin Donald Trump.

Pence dorëzoi të hënën formularin e kërkuar në Komisionin Federal të Zgjedhjeve.

Ish-zëvendëspresidenti pritet të nisë fushatën e tij me një fjalim në Iowa të mërkurën.

Shteti Hawkeye është një prioritet kryesor për fushatën në zhvillim të Pence, dhe ish-zëvendëspresidenti po planifikon të vizitojë shtetin pothuajse çdo javë deri në zgjedhjet e Iowa-s, raportoi CBS News javën e kaluar.

Përpara se Trump ta zgjidhte atë si kandidat në vitin 2016, Pence ishte guvernator i Indianës dhe kongresmen. Si guvernator, Pence fitoi një reputacion për mbështetjen e tij ndaj ndalimeve të rrepta të abortit dhe për nënshkrimin e një projektligji që lejon bizneset të refuzojnë klientët homoseksualë për arsye fetare.

/Albeu.com/

The post Përplasje me Trump, Mike Pence hyn në betejën presidenciale appeared first on Albeu.com.

Sipas tyre Pence, i cili shërbeu si zëvendëspresident gajtë mandatit të Donald Trump do shpallë zyrtarisht fushatën e tij më 7 qershor në një fjalim në Ioëa.

Ish-zëvendëspresidenti, një mbrojtës i fortë i prioriteteve të konservatorëve tradicionalë për çështjet sociale dhe ekonomike, do t’i bashkohet garës në një kohë kur shefi i tij i dikurshëm, ish-presidenti Donald Trump, pretendon një shumicë të votës republikane në sondazhet kombëtare.

The post Mike Pence do të shpallë kandidaturën për Shtëpinë e Bardhë javën e ardhshme appeared first on Albeu.com.

Kritikat thellojnë përçarjen mes tyre, ndërsa përgatiten për të siguruar kandidimin nga Partia Republikane për në zgjedhjet e ardhshme presidenciale.

“Presidenti Trump gaboi”, tha në fjalën e tij gjatë një darke me politikanë dhe gazetarë. “Unë nuk kisha asnjë të drejtë të përmbysja zgjedhjet. Fjalët e tij të pamatura rrezikuan familjen time dhe këdo që ishte në Kapitol atë ditë. Unë e di se historia do të mbajë përgjegjës Donald Trump-in”, tha zoti Pence.

Kjo ishte deklarata më e ashpër e zotit Pence, i cili shpesh i është shmangur përballjes me ish shefin e tij. Zoti Trump e ka shpallur tashmë kandidimin për President të Shteteve të Bashkuara. Zoti Pence nuk e ka bërë ende një gjë të tillë, por po përgatit terrenin për kandidim.

Përpara 6 janarit, zoti Trump i bëri trysni zotit Pence të përmbyste fitoren në zgjedhje të Presidentit Joe Biden, i cili kryesonte në rezultatet e certifikuara zgjedhore. Zoti Pence refuzoi ta bënte një gjë të tillë dhe gjatë sulmit në Kapitol, u dëgjuan thirrje të tilla si “varni Mike Pence-in”.

Në raportin final të komisionit të Dhomës së Përfaqësuesve thuhet se Presidenti i Shteteve të Bashkuara nxiti turmën kundër nënpresidentit të tij. /VOA

The post Pence del sërish kundër Trump: Fjalët e tij të pamatura rrezikuan familjen time appeared first on Albeu.com.

Prokurori i posaçëm Jack Smith, i emëruar nga Departamenti i Drejtësisë, po heton përpjekjet e ish-presidentit Donald Trump dhe aleatëve të tij për të përmbysur rezultatet e zgjedhjeve të vitit 2020.

Në ditët para 6 janarit 2021, zoti Trump bëri presion ndaj zotit Pence që ta përmbyste rezultatin, megjithëse zoti Pence nuk kishte kompetenca për ta bërë një gjë të tillë. Zoti Pence ishte në Kapitol kur mbështetësit e zotit Trump hynë me forcë në ndërtesën e Kongresit.

“Së pari më lejoni të jem i qartë: Unë do ta kundërshtoj thirrjen e Departamentit të Drejtësisë të zotit Biden që të paraqitem para jurisë së madhe sepse besoj se është jokushtetuese dhe e paprecedentë,” u tha zoti Pence gazetarëve në Ajova, shteti ku mbahen garat e para brenda partisë për zgjedhjet e vitit 2024.

“Asnjëherë më parë në historinë amerikane nuk është thirrur një nënpresident për t’u paraqitur në gjykatë për të dëshmuar kundër presidentit me të cilin ka shërbyer,” tha ai.

Zoti Pence tha se ishte gati ta çonte çështjen deri në Gjykatën e Lartë nëse është e nevojshme.

Reagimi shënon një kthesë agresive për zotin Pence, i cili pritet të kandidojë për postin e presidentit. Ky qëndrim përfaqëson një goditje ndaj Departamentit të Drejtësisë, që është vënë gjithnjë e më shumë në shënjestër nga konservatorët, pjesërisht për shkak të sulmeve të vazhdueshme ndaj zotit Trump. /VOA

The post Hetimet ndaj Trump, Mike Pence do të kundërshtojë thirrjen për të dëshmuar deri në Gjykatën e Lartë appeared first on Albeu.com.

Avokatët e Pence thanë muajin e kaluar se gjetën “një numër të vogël” dosjesh të klasifikuara nga në shtëpinë e tij.

Departamenti amerikan i Drejtësisë nuk ka konfirmuar ende nëse kërkimi i së premtes lidhet me hetimin e dosjeve të klasifikuara.

Zbulimi i dokumenteve të klasifikuara në shtëpinë e ish-zëvendëspresidentit amerikan, Mike Pence, në Indiana pason zbulimin e materialeve të klasifikuara në shtëpinë dhe ish-zyrën e presidentit Joe Biden, në Delauer, dhe sekuestrimin vitin e kaluar të qindra dokumenteve të klasifikuara nga Mar-a-Lago, rezidenca në Florida e ish-presidentit Donald Trump.

Në SHBA, konsiderohet krim vetëm nëse dokumentet e klasifikuara merren dhe mbahen me qëllim.

Prokurorët zakonisht nuk ngrenë aktakuza nëse dokumentet e klasifikuara merren nën posedim aksidentalisht, por nëse ka të dhëna se ka pasur pengim të drejtësisë, gjërat mund të ndryshojnë.

Ekspertët ligjorë thonë se Trumpi përballet me më shumë rreziqe ligjore sesa Bideni dhe Pence./rel

The post Çfarë po kërkojnë? FBI kontrollon shtëpinë e Mike Pence appeared first on Albeu.com.

Një avokat i Pence javën e kaluar gjeti rreth 12 dokumente të klasifikuara si sekrete në shtëpinë e ish-zëvendëspresidentit, në Indiana.

Avokati ia dorëzoi dokumentet FBI-së. Tashmë, Departamenti Amerikan i Drejtësisë ka nisur një rishikim të dokumenteve dhe një hetim se si përfunduan në shtëpinë e Pence.

Dokumentet u zbuluan pas hetmimeve rreth materialeve të klasifikuara të gjetura në zyrën dhe shtëpinë private të Joe Biden. Megjithatë, vetë Pence ka thënë shumë herë se nuk posedonte një material të tillë.

Nuk dihet ende se çfarë niveli të sensitivitetit apo klasifikimit kanë dokumentet./albeu.com

The post Pas Biden-it, dokumente sekrete gjenden edhe në shtëpinë e Mike Pence appeared first on Albeu.com.

Në një intervistë me televizionin CBS, Pence u shpreh se Kongresi nuk ka të drejtë të kërkojë dëshminë e tij dhe se në Kushtetutë pushtetet janë të ndara.

Ai u shpreh se thirrja e tij për të dëshmuar do të krijonte një precedent shumë të keq.

Kujtojmë se zotit Pence iu desh të fshihej për orë të tëra kur mbështetësit e zotit Trump sulmuan Kongresin më 6 janar në një përpjekje për të parandaluar Kongresin që të certifikonte fitoren e Biden.

The post 6 janari, Mike Pence refuzon të dëshmojë në Kongres: Do të krijohej një precedent i keq appeared first on Albeu.com.

Udhëheqësi i pakicës në Dhomën e Përfaqësuesve, Kevin McCarthy u zotua të hapë një hetim nëse republikanët marrin kontrollin e Dhomës së Përfaqësuesve nga demokratët në fillim të vitit të ardhshëm, që sondazhet sugjerojnë se është një mundësi e fortë politike.

“Kam parë mjaft”, tha ligjvënësi McCarthy në një postim në Twitter. “Departamenti i Drejtësisë ka arritur në një gjendje të patolerueshme politizimi. Pasi republikanët të marrin kontrollin e Dhomës së Përfaqësuesve, ne do të bëjmë një hetim të menjëhershme të këtij departamenti, do të ndjekim faktet dhe nuk do të lëmë gur pa lëvizur.”

Ai paralajmëroi Prokurorin e Përgjithshëm Merrick Garland, kreun e Departamentit të Drejtësisë, duke thënë “ruani dokumentet tuaja dhe hape kalendarin tuaj” për të dëshmuar në një hetim mbi këtë çështje.

Mike Pence, i cili shërbeu në postin e nënpresidentit në kohën kur Donald Trump ishte president, tha: “unë ndaj shqetësimin e thellë të miliona amerikanëve për kontrollin e paprecedentë të rezidencës personale të Presidentit Trump. Asnjë ish-president i Shteteve të Bashkuara nuk i është nënshtruar ndonjëherë një bastisjeje në rezidencën e tyre personale, në historinë e Amerikës”.

Zoti Pence tha se kontrolli i së hënës në pronën e zotit Trump në buzë të oqeanit Atlantik “minon besimin e publikut në sistemin tonë të drejtësisë dhe Prokurori i Përgjithshëm Garland duhet t’i japë llogari të plotë popullit amerikan se pse u ndërmor ky veprim dhe ai duhet ta bëjë këtë menjëherë”.

Ligjvënësit e tjerë republikanë e quajtën kontrollin një shpërdorim të pushtetit, megjithëse kontrolli ishte i autorizuar nga gjykata dhe ka të ngjarë të jetë miratuar në nivelet më të larta të Departamentit të Drejtësisë. Ende nuk dihet se çfarë roli ka luajtur prokurori Garland në këtë çështje.

Ligjvënësja konservatore Marjorie Taylor Greene shkruajti në Twitter “Anuloni fondet për FBI-në!”, duke përdorur të njejtat fjalë që disa ligjvënës liberalë përdorën për policinë në përgjigje të akuzave për përdorim të tepruar të forcës nga departamentet e policisë lokale kundër pakicave.

Gazetari konservator i kanalit Fox News, Sean Hannity, një aleat për një kohë të gjatë i zotit Trump, u tha miliona shikuesve të tij të hënën mbrëma se, “nëse jeni të lidhur me zotin Donald Trump në ndonjë mënyrë, bëni përgatitjet e duhura sepse ata do t’ju ndjekin me fuqinë e plotë të qeverisë federale.”

Ndërkohë, demokratët nuk bënë shumë komente mbi kontrollin e pronës së zotit Trump dhe Shtëpia e Bardhë tha se Presidenti Joe Biden nuk kishte njohuri paraprake për operacionin e FBI-së, i cili zgjati për orë të tëra.

Kryetarja e Dhomës së Përfaqësuesve Nancy Pelosi tha: “Ne besojmë në sundimin e ligjit. Asnjë person nuk është mbi ligjin, madje as presidenti i Shteteve të Bashkuara, as një ish-president i Shteteve të Bashkuara. “

Ndërkohë, ish-presidenti Trump e shfrytëzoi kontrollin e shtëpisë së tij si një shans për të mbledhur më shumë fonde për një kandidim të mundshëm presidencial në zgjedhjet e vitit 2024.

Në një mesazh me celularë dërguar mbështetësve të martën në mëngjes, Trump deklaroi “MAR-A-LAGO u bastis”. Ai tha: “Është koha që ÇDO PATRIOT të ngrihet kundër Gjuetisë së pakontrolluar të Shtrigave nga e Majta dhe kundër persekutimit politik të Presidentit Trump!”

Ai u kërkoi mbështetësve të kontribuonin me shuma mes 45 dhe 5,000 dollarësh.

Ish-presidenti Trump mund të zbulojë përmbajtjen e urdhrit për kontrollin e pronës së tij, por ende nuk e ka bërë këtë. Ai ia dorëzoi 15 kuti me materiale të ndryshme, disa prej tyre me dokumente sekrete, Administratës Kombëtare të Arkivave në janar, një vit pas largimit nga detyra.

Por FBI mori urdhrin e kontrollit për të kërkuar më shumë dokumente dhe mori më shumë materiale pasi kontrolloi zyrën e zotit Trump dhe hapi kasafortën e tij.

Akti i Regjistrit Presidencial, një ligj i vitit 1978 thotë se të gjitha të dhënat presidenciale janë në pronësi të publikut dhe duhet të transferohen automatikisht nën kujdestarinë e Adminstratës Kombëtare të Arkivave menjëherë pas largimit të Presidenti nga detyra. Të gjitha bibliotekat dhe muzetë presidenciale janë pjesë e Administratës Kombëtare të Arkivave, megjithëse ish-presidenti Trump nuk ka ndërtuar një objekt të tillë dhe ka treguar pak interes për ta bërë këtë.

Zoti Trump mund të përballet me akuza penale për mosdorëzimin e menjëhershëm të dokumenteve sekrete pas largimit nga detyra, megjithëse një veprim i tillë do të ishte një gjë e rrallë.

Ai gjithashtu përballet me një hetim për rolin e tij në nxitjen sulmit të 6 janarit 2021 në Kapitol, ndërsa ligjvënësit ishin mbledhur për të çertifikuar fitoren e demokratit Joe Biden në zgjedhjet presidenciale të vitit 2020 dhe për një skemë të disa prej avokatëve të tij për të zëvendësuar elektorët që mbështesnin zotin Biden me njerëz që mbështesnin zotin Trump.

Përveç kësaj, Donald Trump po përballet me një hetim në shtetin jugor të Xhorxhias, ku i kërkoi një zyrtari të zgjedhjeve shtetërore që t’i “gjente” votat e mjaftueshme, më shumë se 11,000, që i duheshin për të përmbysur fitoren e zotit Biden në këtë shtet./VOA

The post Republikanët dënojnë kontrollin e pronës së ish-presidentit Trump nga FBI-ja appeared first on Albeu.com.