mik Archives - Albeu.com

Aktivistët: 60 përqind e shqiptarëve punësohen “me mik”

E S — Wed, 30 Nov 2022 14:28:14 +0000

Protesta – homazh para Ministrisë së Arsimit për rrezikimin nga mbyllja të degëve prioritare është diskutuar në studion e ABC Live nga aktivistë por edhe nga ekspertët e punësimit.

Aktivisti i Qëndresës Qytetare Migen Qiraxhi përsëriti të dhënat e publikuara se fundmi nga Strategjia Kombëtare e Punësimit dhe Aftësive 2023-2030.

Mbyllja e këtyre degëve prioritare, sipas Qiraxhi, vjen edhe si rezultat se tregu shqiptar i punësimit vazhdon ende të funksionojë me ‘mik’, qoftë në sektorin privat ose në sektorin shtetëror.
‘Në sektorin shtetëror mund ta kuptojmë se pse ndodh kjo, ndërkohë që në sektorin privat, kjo situatë prish rendin e konkurencës’, tha Qiraxhi.

Për të sistemi arsimor publik është vendosur në një rrugë me privatin, ku po fiton privati për shkak se është më i përgatitur për ekonominë e tregut. Ndërkohë që universiteti publik është bërë i paaksesueshëm nga të gjitha shtresat.

The post Aktivistët: 60 përqind e shqiptarëve punësohen “me mik” appeared first on Albeu.com.

Njeriu i Kurtit në SHBA: Amerika të mos përzihet në punët e brendshme të Kosovës (FOTO LAJM)

E S — Sat, 19 Jun 2021 19:14:51 +0000

Admir Molla, një shqiptar i cili jeton në New York e me të cilin kryeministri Kurti bisedon për raportet e Qeverisë së Kosovës me Shtetet e Bashkuara të Amerikës, i ka thënë Ambasadorit amerikan, Philip Kosnett, që të mos përzihet në punët e brendshme të Republikës së Kosovës. Kjo pasi Kosnett ka thënë se Kosova ka detyrim të themelojë Asociacionin.

Ambasadori i Shteteve të Bashkuara të Amerikës, Philip Kosnett, ditë më parë ka thënë se SHBA-ja beson që Kosova ka detyrim themelimin e Asociacionit të Komunave me Shumicë Serbe dhe se historia s’ka filluar me krijimin e Qeverisë Kurti. Një deklaratë e tillë e Kosnett ka nxitur reagime të shumta, derisa vetë Kurti në kundërpërgjigje, ka insistuar se Kosova s’mund të themelojë Asociacion një etnik.

E pas kësaj deklarate ka reaguar edhe Admir Molla, i cili është pjesë e komunitetit shqiptar në Shtetet e Bashkuara të Amerikës, e që nga publikimet në rrjete sociale shihet që ka kontakte dhe afërsi me kryeministrin e Kosovës, Albin Kurtin.

Molla ka udhëzuar Ambasadorin Kosnett që të mos përzihet në punët e brendshme të Kosovës.

“Amerikanë s’jetojnë në Kosovë. Shumica e tyre kurrë s’kanë dëgjuar për Kosovën. Ambasadori i SHBA-së nuk duhet ta përfshijë veten e tij në punët e brendshme të Kosovës. Secili vend ka të drejtë për sovranitetin e vet pavarësisht madhësisë. Franca e ka çliruar Amerikën, por a është SHBA-ja gjithmonë borgjlike? Jo.”, ka shkruar Molla.

Molla thotë se kjo çështje shkon përtej kryeministrit Kurti dhe ambasadorit Kosnett. Ai thotë se në shoqërinë kosovare ndryshe vlerësohesh nëse e ke emrin Andreë dhe ndryshe nëse e ke Admir.

Ndërkohë në shumë postime, Molla nuk e fsheh simpatinë e tij për Albin Kurtin.

The post Njeriu i Kurtit në SHBA: Amerika të mos përzihet në punët e brendshme të Kosovës (FOTO LAJM) appeared first on Albeu.com.

Pandemia i merr jetën gjyqtarit të njohur, miku i tij: E pabesueshme

admin — Sun, 02 May 2021 19:31:37 +0000

Gjyqtari i njohur Durim Kadiu ka humbur betejën me Covid-19. Lajmin e ka bërë të ditur miku i tij Kastriot Dervishi i cili shkruan se nuk mund ta besojë vdekjen e mikut të tij, teksa shpreh ngushëllimet për familjarët.

Postimi i Kastriot Dervishit:

Për njeriun e mirë Durim Kadiu

E pabesueshme! Miku im i mirë, Durim Kadiu nuk jeton më. Sëmundja e mallkuar covid 19, e cila e sfiliti për disa javë, i mori jetën. Nuk do kemi më midis nesh njeriun fisnik, gjyqtarin dhe familjarin shembullor. Njeri i ligjit nga viti 1994, gjyqtar, kryetar i Gjykatës së Kavajës, drejtor i kabinetit të kryetarit të Gjykatës Kushtetuese dhe ndihmësgjyqtar i Gjykatës së Lartë, Durimi la kudo emrin e një njeriu të mirë dhe profesionisti të përkushtuar. Ngushëllime për nënën e tij, bashkëshorten dhe vajzat. Shpirti i tij pushoftë në paqe në amshim!

The post Pandemia i merr jetën gjyqtarit të njohur, miku i tij: E pabesueshme appeared first on Albeu.com.