Veza

Vezët janë të pasura me biotinë. Biotina është një vitaminë esenciale për rritjen e flokëve, por edhe për shëndetin e kokës në përgjithësi. Ushqime të tjera që përmbajnë sasi të konsiderueshme të biotinës janë: bajamet, salmoni, avokadoja dhe djathërat me yndyrë të ulët etj.

Spinaqi

Spinaqi konsiderohet një ushqim i mirë për floket, për shkak të acidit folik dhe hekurit që përmban. Acidi folik është një vitaminë që ndihmon në prodhimin e qelizave të kuqe të gjakut ndërsa hekuri ndihmon qelizat e kuqe të gjakut të mbajnë oksigjen. Në rastet e mungesës së hekurit, qelizat nuk mund të marrin oksigjen të mjaftueshëm për të punuar si duhet dhe si pasojë mund të kemi edhe humbje të rënda të flokëve. Kjo është arsyeja pse ju duhet të hani ushqime që përmbajnë acid folik dhe hekur.

Specat

Specat e kuq, të gjelbër dhe të verdhë janë të pasur me vitaminën C. Vitamina C ndihmon në ruajtjen e shëndetit të flokëve në dy mënyra. Së pari, vitamina C rrit hekurin, i cili merret me anë të konsumimit të ushqimeve me origjinë bimore. Së dyti, vitamina C kontribuon për prodhimin e kolagjenit, i cili prodhon dhe rigjeneron flokët. Mangësitë e vogla të kësaj vitamine mund të krijojnë flokë të thatë që këputen shumë lehtë. Ushqime të tjera që përmbajnë vitaminë C janë: luleshtrydhet, kivit, agrumet, brokolit dhe domatet.

Midhje

Midhjet janë një burim shumë i mirë i zinkut. Zinku është element bazë i keratinës (një komponent bazë i flokut). Nivelet e ulëta të zinkut shkaktojnë humbjen e flokëve dhe rritjen e ngadalshme të tyre. Ushqime të pasura me zink janë: ushqimet e detit, mëlçi, mish viçi, drithërat, djathërat dhe kosi.

The post Nëse doni flokë të shëndetshëm, mos i ndani këto 4 ushqime nga vaktet tuaja appeared first on Albeu.com.

Sipas mediave të huaja bëhet me dije se personi pasi kishte konsumuar një sasi midhjesh ka vdekur.

Në detajet e shpërndara për mediat mësohet se viktima i hëngri midhjet (gocë deti) të gjalla e cila u zbulua më pas se ishte e kontaminuar me një bakter të njohur si vibrio vulnificus.

Burri, i cili thuhet se është nga Florida e Jugut, vizitoi restorantin “Rustic Inn Crabhouse” si shumë klientë të tjerë por rastsi që ai të ishte i vetmi që u sëmur dhe vdiq. Gary Oreal, menaxher i Rustic Inn, tha se klienti kishte punuar në restorant rreth dy dekada më parë përpara se të kthehej për të ngrënë atje.

Duke folur për mediat, ai tha se restoranti shërbeu qindra racione me midhje atë ditë dhe tha se ishte tmerruar që një prej tyre kishte qenë e kontaminuar me baktere.

Pasi burri u shtrua në spital, inspektorët nga Departamenti i Shëndetësisë në Florida shkuan për të parë kuzhinën dhe për të ekzaminuar midhjet në restorant. Departamentit i Shëndetësisë në Florida ka zbuluar se ka pasur 26 raste të njerëzve të infektuar me vibrio vulnificus pasi kanë ngrënë midhje të gjalla në vitin 2022. Gjashtë nga njerëzit që u sëmurën vdiqën më vonë.

The post Hëngri midhje të gjalla në restorant, burri humb jetën papritur appeared first on Albeu.com.