Blutë e humbën takimin e parë, por në ndeshjen e dytë në Stamford Bridge nuk treguan mëshirë për kundërshtarin.

Llogarinë e golave për Chelsean e hapi Jonathan Howson (auto-gol) në minutën e 15-të, kur Armando Broja i bëri presion lojtari që e futi topin në rrjetën e tij nga një pasim i Raheem Sterling.

Për 2-0 u përkujdes Enzo Fernandez (29’), që realizoi një gol nga afërsia, duke prekur topin në drejtim të rrjetës.

Goli i tretë u shënua prej Axel Disasit në minutën e 36-të, ndërsa Sterling ishte sërish në rolin e asistuesit.

Për të mbyllur pjesën e parë me epërsinë prej katër golave u përkujdes Cole Palmer, duke konfirmuar se e dëshiron finalen.

Pjesa e dytë sërish u dominua nga Blutë, që shënuan edhe dy gola të tjerë, ndërsa pësuan një herë.

Palmer e realizoi golin e tij të dytë në këtë takim dhe të pestin për Chelsean në minutën e 77-të, kur u asistua prej Conor Gallagher.

Golin e gjashtë për Chelsean e realizoi Noni Madueke (81’), që u gjet në mënyrë brilante prej Gallagher.

Middlesbrough e shënoi golin e nderit në minutën e 88-të me anë të Morgan Rogers, ndërsa ndeshja përfundoi 6-1.

Në finale, Chelsea e pret fituesin e duelit Liverpool-Fulham, nesër (e mërkure) nga ora 21:00 në Anfield. /Telegrafi/

The post Chelsea shkatërron Middlesbrough dhe kalon në finale të Carabao Cup appeared first on Albeu.com.

Armando Broja do ta nisë titullarë këtë ndeshje dhe Pochettino shpreson që sulmuesi shqiptar të jetë vendimtar në këtë përballje të vlefshme për finalen e Carabao Cup./h.ll/abcnews.al

Formacionet zyrtare: Petrovic, Disasi, Silva, Colwill, Chilwell, Caicedo, Enzo, Palmer, Mudryk, Armando Broja, Sterling.

The post Akti i fundit për biletën e finales së Carabao Cup, Armando Broja titullar në ndeshjen Chelsea-Middlesbrough appeared first on Albeu.com.

Blutë e dominuan pjesën e parë, ndërsa Cole Palmer ishte fytyra tragjike.

Talenti anglez nuk ia doli të shënonte tri herë kur ishte përballë me portierin, ndërsa vendasit i ndëshkuan ata.

Ishte minuta e 37-të kur Hayden Hackney u asistua prej Isaiah Jones për rezultatin 1-0.

Edhe pjesa e dytë u dominua nga Chelsea, por gola nuk pati.

Armando Broja u inkuadrua në minutën e 63-të në vend të Enzo Fernandez, mirëpo pa arritur të lë gjurmë.

Në ndeshjen e dytë, Chelsea do të synojë që të përmbysë rezultatin dhe të kalojë në finale. /Telegrafi/

The post Chelsea mposhtet nga Middlesbrough në ndeshjen e parë gjysmëfinale të Carabao Cup appeared first on Albeu.com.