Pasi gjykata dje urdhëroi një paraburgim 30-ditor për Aleksandar Naçev, i cili konsiderohet pronari i vërtetë i Agjencisë së Sigurisë “Rubikon”, agjencia që ofroi siguri në diskotekë në natën fatale, Mickoski tha se Naçev mbajti një pozicion gjatë qeverisjes së OBRM-PDUKM-së në periudhën 2016-2017, por se që atëherë nuk ka pasur asnjë kontakt me të.

“E inkurajoj Prokurorinë që të vazhdojë hetimin. Nëse ka indikacione se persona të tjerë janë përgjegjës për këtë tragjedi të tmerrshme, ata duhet të nxirren para drejtësisë. Ne do të mbështesim çdo institucion që do të punojë për të hedhur dritë mbi rastin”, tha Mickoski.

Naçev dyshohet për krime të rënda që lidhen me rrezikimin e sigurisë publike. Prokuroria thekson se pavarësisht se nuk kishte një kontratë aktive për vitin 2025, ai siguroi lokalet përmes “Rubikon” pa përmbushur detyrimet e tij ligjore, pa një vlerësim sigurie, pa një plan sigurie dhe pa një plan evakuimi.

The post Mickoski thirrje prokurorisë: Tragjedia në Koçan duhet të hetohet plotësisht, duhet të ketë përgjegjës appeared first on Albeu.com.

“Ne”, tha Mickoski në një konferencë për media në Qeveri, “gjithmonë do të jemi në linjë me BE-në, por kemi qëndruar pas rezolutës për Ukrainën me partnerin tonë strategjik, SHBA-në.

Çështja e pajtueshmërisë së Maqedonisë së Veriut me BE-në u ngrit në publik pasi u njoftua se vendi ishte bashkë-sponsor i rezolutës së SHBA-së në OKB për Ukrainën.

“Ne qëndruam me partnerin tonë strategjik, që janë SHBA-të, dhe nuk ishte një rezolutë e BE-së, sepse bashkësponsor i rezolutës së SHBA-së është edhe një shtet anëtar i BE-së, që është Hungaria, kështu që nuk mund të flitet për një politikë të jashtme të koordinuar të BE-së. Qëndrimi ynë kur bëhet fjalë për një politikë të jashtme të koordinuar të BE-së, nuk duhet të ketë dyshim se ne do të jemi gjithmonë aty sepse e kemi koordinuar politikën tonë të jashtme dhe të mbrojtjes së bashku me Bashkimin Evropian, por në këtë rast nuk ishte kështu.

Ne qëndruam pas rezolutës dhe ishim bashkë-sponsor të rezolutës amerikane, e cila është e vetmja rezolutë e miratuar nga Këshilli i Sigurimit, që do të thotë se është e aplikueshme”, tha sonte Mickoski.

The post Mickoski: Nuk ka dilemë, jemi në linjë me politikën e jashtme dhe të mbrojtjes të BE-së appeared first on Albeu.com.

Ai i ka bërë këto deklarata në Samitin e 20-të Evropian, të mbajtur të Salsburg të Austrisë, kushtuar të ardhmes dhe reformave të BE-së.

“E ardhmja e rajonit është në transformimin ekonomik dhe politik dhe në lidhjen e ndërsjellë. Ne po luftojmë që kompanitë maqedonase të dalin përtej kufijve, të ndihmojnë eksportet dhe të tërheqin kapital të huaj. Deri më tani në këtë periudhë të shkurtër kemi treguar rezultate dhe së bashku do të bëjmë shumë më tepër”, ka thënë Mickoski në një postim në Facebook.

Ai ka thënë se pas takimeve me zyrtarë evropianë dhe vetë shefen e BE-së, Ursula von der Leyen, do të bëjë një “analizë të hollësishme” dhe do t’i kërkojë më pas BE-së që të zhbllokohet procesi integrues i Maqedonisë së Veriut në bllokun evropian.

“Bashkëbiseduesve ua përcolla përkushtimet dhe synimet tona drejt rrugës evropiane të Maqedonisë [së Veriut]. Evropa duhet t’i hapë dyert për vendet që bëjnë hapa përpara”, ka thënë Mickoski.

Zhbllokimi i procesit integrues pritet të jetë një nga temat e diskutimit gjatë takimit mes kryeministrit maqedonas dhe shefes së BE-së, e cila do të vizitojë të enjten Shkupin, në kuadër të një turneu në Ballkanin Perëndimor.

The post Mickoski thotë se e ardhmja e Maqedonisë së Veriut është në BE appeared first on Albeu.com.

“Nuk besoj se do të ketë mundësi për destabilizim… Unë jam person që i respektoj ligjet dhe kushtetutën dhe nuk pres që kushdo qoftë që merr pagë dhe shfrytëzon privilegjet e qytetarëve këtu tek ne, të mos i respektoj ligjet e Maqedonisë dhe Kushtetutën e Maqedonisë.

Ndoshta edhe mua më paraqet problem diçka që është bërë në të kaluarën me Kushtetutën, dhe sado që të mos pajtohem dhe të jem kundër, siç është përdorimi i mbiemrit “E Veriut”, unë derisa ta ushtroj këtë funksion do të qëndroj para kësaj shenje, sepse nuk dua që në këtë mënyrë ta lëndoj Kushtetutën e Maqedonisë dhe Ligjet e Maqedonisë, kjo është kjo.

Ndonjëherë realiteti mund të mos ju pëlqej, por ju duhet ta pranoni atë realitet, në rast se vërtet luftoni për sundimin e së drejtës. Ndonjëherë në jetë gjërat shkojnë ashtu siç ju dëshironi, por ndonjëherë nuk janë ashtu siç ju i dëshironi.

Nuk është kjo një tryezë suedeze që të mund të marrim atë që na pëlqen, ajo që nuk na konvenon ta lëmë anësh”, deklaroi Mickoski

Ai kujtoi edhe njëherë se ekzistojnë disa struktura të cilat për ta mbrojtur kapitalin e tyre të fituar në mënyrë kriminale janë në gjendje të bëjnë gjithçka përfshi edhe destabilizimin e vendit.

“Ka disa struktura në shoqëri të cilat kanë për qëllim që të mbrojnë kapitalin e tyre të fituar në mënyrë kriminale, që të shkaktojnë incidente dhe shkaktojnë destabilizim, por në rast se kjo ndodhë ne do të reagojmë në mënyrë objektive në drejtim të mbrojtjes së sigurisë së vendit tonë”, u shpreh Mickoski.

The post SHKUPI PO ZIEN/ Mickoski i vendosur për “ta fshirë” shqipen dhe paralajmëron shqiptarët: Edhe mua më pengon “E Veriut”, por… Mos tentoni destabilizimin appeared first on Albeu.com.

Në një intervistë për Al Jazeera, Mickosku tha se pavarërisht bindjes personale që ka ai për emrin e ri kushtetues të vendit, tashmë po respektohet Marrëveshja e Prespës dhe çdo komunikim po bëhet me shtojcën Maqedonia e Veriut.

‘Nuk pajtohem me konstatimin tuaj se nuk e respektoj Marrëveshjen e Prespës. Unë nuk jam i kënaqur me atë marrëveshje, ju e dini se si u kalua ajo marrëveshje në Kuvend, kur deputetët tërhiqnin për veshi njëri-tjetrin, e paraprakisht u mbyllën dhe u burgosën, u shantazhuan për të votuar atë që ndodhi atëherë.

Por kështu funksionon, ky është realiteti. Unë edhe vetë kam thënë para katër vitesh se kjo marrëveshje është realitet, pavarësisht se kam pësuar sulme të mëdha politike nga e djathta ekstreme apo e majta, si të doni në Maqedoni.

Kështu që respektoj gjithçka që përmban marrëveshja, i gjithë komunikimi zyrtar, formal, institucional është absolutisht me shtojcën’, tha kryeministri i Maqedonisë së Veriut, Hristijan Mickoski.

Sipas MickoskiT, Greqia nuk e respekton Marrëveshjen e Prespës, ndërsa shtoi se përdoren standarde të dyfishta.

‘Pyetja e vërtetë është përse pala tjetër nuk e respekton Marrëveshjen e Prespës dhe çfarë ka bërë pala tjetër që është pjesë e Marrëveshjes së Prespës, këtu kam parasysh fqinjin tonë jugor, Republikën e Greqisë.

Respekti është rrugë me dy kahje, duhet të sillemi ashtu, nuk duhet të kemi standarde të dyfishta, duhet të kemi marrëdhënie të bazuara në parime, unë si njeri jam njeri me parime dhe kështu do të vazhdoj të sillem edhe në jetë, pavarësisht nëse dikujt i pëlqen kjo apo jo’, tha ai.

Kryeministri Mickoski theksoi se nëse analizohet mirë Marrëveshja e Prespës do të vërehet se pala maqedonase ka bërë shumë më tepër se ajo të cilën e përmban marrëveshja, duke theksuar se sjellja e Greqisë nuk ka pjekuri sepse përveç asaj deklaratives nuk jep mbështetje thelbësore për integrimin e Maqedonisë brenda institucioneve euroatlantike.

‘Pres marrëdhënie të mira fqinjësore me fqinjin tonë jugor. Ky lloj marrëdhënieje nuk është i pjekur.

Mendoj se nëse kontrata analizohet dhe lexohet siç duhet, do të vërehet se kemi bërë shumë më tepër se sa jemi të detyruar. Jo vetëm me marrëveshjen e Prespës por edhe me gantogramin e aktiviteteve për zbatimin e saj.

Po e përsëris atë se pyetja e vërtetë është se çfarë ka bërë fqinji ynë në jug.

E përmendët mbështetjen nga ana e Greqisë për integrimin e Maqedonisë në institucionet euroatlantike, përveç deklaratives, mbështetje thelbësore as nuk kam parë, e as qytetarët në vendin tonë kanë ndjerë diçka të tillë, e mos të flas për retorikën ofenduese Skopjanos, Skopja, e mos të flasim për mosmiratimin e memorandumeve brenda Kuvendit në pesë vitet e fundit’, tha Mickoski.

Kryeministri Mickoski përkujtoi se gjatë shtatë viteve të fundit qytetarët kanë qenë viktima të sjelljeve nënshtruese nga pushteti i kaluar, për të cilin, siç tha ai, nuk kanë bërë asgjë të mirë në përmirësimin e cilësisë së jetës së qytetarëve.

‘Ja nëse tani jam unë problemi, çfarë ka ndodhur në pesë vitet e fundit.

Qytetarët e Maqedonisë dhe vetë shteti, për fat të keq, janë viktima të sjelljeve nënshtruese gjatë shtatë viteve të fundit të qeverisjes së kaluar, e cila nuk bëri absolutisht asgjë të mirë në drejtim të përmirësimit të cilësisë së jetës së qytetarëve.

Për më tepër, qëndrimi abuziv i një pjese të madhe të fqinjëve tanë ndaj Maqedonisë, ndaj popullit maqedonas, fjalë për fjalë nuk solli asgjë të mirë për të ardhmen e qytetarëve.

Dhe ajo që është gjithashtu shumë e rëndësishme dhe dua të përmend se prisja pak më shumë nga fqinji ynë jugor se si duhet të funksionojë kjo rrugë dykahëshe’, theksoi ai.

Kryeministri Mickoski është decid dhe ka deklaruar se kjo qeveri nuk do të përkulë kurrizin, nuk do të lejojë poshtërim, por do të ndërtojë marrëdhënie parimore të bazuara në rrugë të dyanshme, marrëdhënie të mira fqinjësore, ura dhe zgjidhje të problemeve të brendshme, sepse kjo është ajo të cilën qytetarët e presin nga kjo Qeveri.

‘Ne nuk do të thejmë kurrizin, nuk do të tërhiqemi, nuk do të poshtërojmë veten, nuk do të valëvitim flamujt evropian dhe të NATO-s në njërën dorë dhe nga ana tjetër të vjedhim nga qytetarët dhe shteti.

Ne do të kemi një marrëdhënie të bazuar në parime me rrugë të dyanshme, marrëdhënie të mira fqinjësore, ndërtim të urave dhe zgjidhje të problemeve të brendshme. Kështu presin qytetarët nga kjo Qeveri’, deklaroi Mickoski.

The post Marrëveshja e Prespës/ Mickoski: Greqia s’po e respekton, kemi standarde të dyfishta appeared first on Albeu.com.

Mickoski thotë se në Shqipëri ka shumë më shumë qytetarë që janë deklaruar si bullgarë, ndërsa pyet nëse Bullgaria do t’i vendos kusht edhe Shqipërisë që ky popull të vendoset në Preambulë të Kushtetutës.

Tani parashtrohet pyetja, sepse në Shqipëri ka tre herë më shumë që janë deklaruar si pjesë e bashkësisë bullgare, a do të kemi edhe për Shqipërinë kusht që ata të jenë në Preambulën e Shqipërisë? Sepse tre herë më tepër ka qytetarë të Shqipërisë që thonë për vete thonë se janë pjesë e bashkësisë bullgare, nga ata që thonë se janë në Maqedoni”, shtoi Mickoski.

The post Mickoski: Në Shqipëri ka më tepër bullgarë se në Maqedoni, a do ta kushtëzojë Bullgaria edhe Shqipërinë? appeared first on Albeu.com.

“Besoj se hapin që po e bëj sot, duke ia besuar formimin e Qeverisë z.Hristijan Mickoski, është hapi i vërtetë juridik dhe politik”, ka thënë Davkova.

Sipas Kushtetutës, mandati për formimin e Qeverisë i jepet partisë, e cila në zgjedhje fiton numrin më të madh të deputetëve dhe që arrin të sigurojë mbi 60 vota për votimin e saj në Kuvend.

Në zgjedhjet parlamentare të 8 majit, VMRO DPMNE-ja ka fituar 58 ulëse në Kuvendin e Maqedonisë së Veriut.

Pas marrjes së mandatit, kryetari i VMRO DPMNE-së, Hristijan Mickoski, ka afat prej 20 ditësh për paraqitjen në Kuvend të përbërjes së re të Qeverisë dhe programit të punës.

Mickoski ka thënë se dorëzimin e listës me emrat për përbërjen e Qeverisë së re do ta bëjë në afatin e parë të mundshëm.

“Pres që ta dorëzoj përbërjen sa më shpejt të jetë e mundur, apo para festave fetare që vijnë – Kurban Bajrami (16 qershor) dhe Dita e shpirtrave (21 qershor)”, ka thënë Mickoski.

Qeveria e re do të formohet nga VMRO DPMNE-ja, koalicioni shqiptar VLEN dhe lëvizja ZNAM. Këto tri parti së bashku do të kenë 78 deputetë.

Para votimit të Qeverisë, Kuvendi duhet të miratojë një ligj për riorganizimin e ministrive, megjithatë, për këtë nevojitet shumica prej dy të tretash (apo 80 vota) në Kuvendin prej 120 anëtarësh.

Mickoski të mërkurën i ka dorëzuar propozim-amendamentet në Kuvend, por ndonëse nuk ka dashur të konfirmojë drejtpërdrejt se a ka siguruar mbështetjen e 80 deputetëve, ka thënë se ata nuk janë “fillestarë në politikë” për të “besuar në rastësi”.

“Ne nuk jemi politikanë naivë që të besojmë në rastësi. Në politikë rrallëherë ka rastësi”, është shprehur Mickoski.

Mickoski nuk ka dhënë detaje rreth ndarjes së ministrive apo se kush do t’i drejtojë ato, ndërkohë që përfaqësues të koalicionit VLEN kanë thënë se në Qeverinë e re do të kenë një zëvendëskryeministër, gjashtë ministri, dy prej të cilëve do të jenë pa resor, si dhe shtatë zëvendësministra. Nga radhët e koalicionit VLEN është edhe kryetari i Kuvendit, Afrim Gashi, i cili në këtë post u zgjodh më 28 maj./ REL

The post Mickoski mandatohet për kryeministër të Maqedonisë së Veriut appeared first on Albeu.com.

“Nga të gjelbërt u kthyen sërish te nacionalistët, por kjo sepse më nuk janë faktor, për herë të parë pas 20 vitesh, më asgjë nuk varet nga BDI-ja”, theksoi Mickoski.

Sipas tij, përderisa BDI nuk është më faktor, në bllokun politik shqiptar po konsolidohet një bllok opozitar, i cili sipas tij ndikon në BDI.

“Në skenën politike shqiptare në Maqedoni shohim një parti tjetër që po konsolidohet seriozisht në bllokun opozitar, e cila mund të fillojë shumë seriozisht BDI-në dhe kjo do të ndodhë”, tha Mickoski.

Ai shtoi se vlera e përdorimit të BDI-së do të zvogëlohet gjithnjë e më shumë dhe për këtë arsye ata janë nervozë dhe po përpiqen të kthehen drejt nacionalizmit dhe të sjellin trazira në shoqëri.

“Për herë të parë në 20 vjet BDI nuk është faktor. Ata duan të jenë faktor dhe do të kthehen gjithnjë e më shumë në nacionalizëm, gjithnjë e më shumë do të përpiqen të sjellin trazira në shoqëri, do të duan gjithnjë e më shumë të krijojnë probleme sepse në këtë mënyrë duan të paraqiten si faktor para komunitetit ndërkombëtar. Vlera e vetme e përdorimit të tyre nuk është përdorimi. Ky është thelbi”, tha Mickoski./ina

The post Mickoski: Për herë të parë pas 20 vitesh, BDI më nuk është faktor appeared first on Albeu.com.

Dimitar Kovaçevski

“Ata shkojnë nëpër ambasada dhe thonë na jepni pushtet, më pas na lini pak kohë  deri sa të ambientohemi dhe më pas do ta ndryshojmë Kushtetutën. Pyetja është se kë po e gënjejnë, qytetarë se nuk do të votojnë për ndryshimet kushtetuese, apo ambasadorët e huaj se do t’i mbështesin ndryshimet”

Partia opozitare në kundërpërgjigjen ndaj kryeministrit thonë se në vend të Kovaçevski të shpërndaj gënjeshtra, le të thotë se kush janë ata ambasadorë që u kemi thënë se do t’i mbështesim ndryshimet Kushtetuese.

VMRO-DPMNE

“Lidhur me rrëfimet e Kovaçevskit se një gjë është thënë para publikut dhe një gjë tjetër para ambasadorëve, është mirë që Kovaçevski para se të “ shpërndaj pupla” të thotë se cilët janë ata ambasadorëë dhe ata të shprehin mendimin dhe qëndrimin e tyre për këtë prentendim të rremë të Kovaçevskit”

Kovaçevski më tej akuzoi se partia maqedonase VMRO-DPMNE është vetëm pengesë për proceset e Kuvendit.

Dimitar Kovaçevski

“Çdo senacë e komisioneve në Kuvend bllokohet nga opozita. Çdo ligj i rëndësishëm për qytetarët është bllokur prej disa vitesh. Një strategji tjetër për ta është  tribunat, xhaketat e bardha, festat dhe mosbërja e asgjëje. Shikoni komunat që i kanë dhe më tregoni se çfarë kanë bërë. Vetëm fotografim dhe deklarata, asgjë më shumë”

Kryeministri gjithashtu shtoi se ndryshimi i Kushtetutës pë të përfshirë bullgarë është kusht që Maqedonia e Veriut të vazhdojë negociata për aderimin në BE pas përfundimit të skriningut në fund të vitit. Përveç bullgarëve, kryeministri thotë  se parashikohet që në premabullë të përfshihen hebrenjët, kroatët dhe malazezët.

The post Kovaçevski: Mickoski luan me dy fytyra për ndryshimet kushtetuese appeared first on Albeu.com.

“Populli është sovrani, ata duhet të tregojnë. Asgjë nuk ka mbaruar për Maqedoninë dhe identitetin maqedonas, korniza negociuese nuk është miratuar, nëse populli vendos ashtu do të themi në Bruksel na jeni një tjetër kornizë negociuese”, tha Mickoski në Sitel, transmeton SHENJA.

Ai garanton se të gjithë deputetët e VMRO-DPMNE-së të cilët kanë nënshkruar deklarata në noter nuk do të përkrahin ndryshime kushtetuese në kushte të tilla dhe në situatë të tillë.

The post Mickoski: Do të mbledhim 150 mijë nënshkrime për referendum kundër propozimit francez appeared first on Albeu.com.