Mick Schumacher, djali i legjendës së Formula 1, është larguar nga Ferrari për të kaluar te Mercedes. Gjermani ndërpreu marrëdhënien që e lidhi me skuadrën e Maranellos dhe, pasi u hoq nga Haas, pranoi rolin e pilotit rezervë për vitin 2023 të ofruar nga Toto Wolff.

Kështu, 23-vjeçari do të jetë në gjendje të qëndrojë në cirkun e F1 dhe do të zëvendësojë Hamilton dhe Russell në disa seanca praktike të lira gjatë Kampionatit Botëror.

“Jam i emocionuar që jam pjesë e ekipit F1 Mercedes-AMG PETRONAS si pilot rezervë për vitin 2023 dhe jam i përkushtuar të jap maksimumin për të kontribuar në performancën e tyre në këtë mjedis shumë konkurrues dhe profesional. E konsideroj një fillim të ri dhe jam i emocionuar dhe mirënjohës për Toto dhe të gjithë të përfshirët për besimin e tyre tek unë. F1 është një botë kaq magjepëse dhe gjithmonë mëson shumë”, është shprehur Mick Schumacher./h.ll/albeu.com

The post Mick Schumacher largohet nga Ferrari, djali i legjendës nënshkruan me Mercedes appeared first on Albeu.com.

Momente shumë të frikshme për pilotin gjerman të skuadrës Haas ku në provat zyrtare të çmimit të madh të Arabisë Saudite, djali i legjendës Michael Schumacher është përplasur fort me muret mbrojtëse teksa u bllokua në makinë disa momente.

Pas disa minutash dhe me ndërhyrjen e shpejtë të shërbimit mjekësor ai u nxorr nga makina dhe sipas raportimeve të para ai ishte koshient kur u fut në ambulancë.

Priten axhornime të tjera mbi gjendjen e tij por duket se e keqja ka kaluar.

The post Panik për djalin e Schumacher, aksidentohet dhe bllokohet në makinë (VIDEO) appeared first on Albeu.com.