Steve McManaman, ish-anësor i Real Madridit dhe Liverpoolit, ka bërë një vlerësim të jashtëzakonshëm për talentin e Barcelonës, Lamine Yamal, duke deklaruar se ai është më i mirë se Lionel Messi dhe Michael Owen kur ishin në të njëjtën moshë.

Sipas McManaman, 16- apo 17-vjeçari tashmë ka marrë përmasat e një ylli botëror, ndërsa rruga e tij për t’u përmirësuar dhe zhvilluar është ende e gjatë.

Megjithatë, ish-futbollisti anglez nënvizoi se Barcelona duhet të tregojë kujdes me ngarkesën e minutave të Yamalit, në mënyrë që ta ruajë nga dëmtimet.

“Besoj se është më i miri që kemi parë ndonjëherë. Si lojtar 16- apo 17-vjeçar, ai është adoleshenti më i mirë që kemi parë ndonjëherë”.

Gjatë krahasimit të tij, McManaman përmendi Messin në moshën 17 ose 18 vjeç dhe Owenin kur ishte 17-vjeçar.

“Unë mendoj se Lamine është edhe më i mirë se ata (Messi dhe Owen)”, përfundoi ai.

Ndërkohë, Yamal ishte protagonist në fitoren 5-0 të Barcelonës në transfertë ndaj Valencias, duke shënuar dy gola.

The post Steve McManaman ngre në qiell Lamine Yamalin: Më i avancuar se Messi dhe Owen në të njëjtën moshë appeared first on Albeu.com.

fama dhe të ardhurat që sjell futbolli kanë qenë vetëm pika e nisjes për disa prej emrave më të njohur të këtij sporti. Pas largimit nga fusha, ose edhe gjatë karrierës, ata kanë ndërtuar biznese të fuqishme në fusha të ndryshme.

David Beckham, Mathieu Flamini, Gerard Piqué, Gary Neville, Lukas Podolski, Louis Saha dhe Michael Owen janë shtatë futbollistët e përzgjedhur nga GOAL si shembuj të suksesit jashtë futbollit.

Për këta ish-lojtarë, përfundimi i karrierës sportive nuk shënoi fundin e arritjeve financiare. Në shumë raste, ai u kthye në hapin e parë drejt një angazhimi të ri në botën e biznesit.

David Beckham – investime me vlerë miliarda

David Beckham, ish-lojtar i Manchester Unitedit dhe Real Madridit, konsiderohet ndër futbollistët që kanë pasur suksesin më të madh në sipërmarrje. Ai është bashkëpronar i Inter Miamit në MLS dhe ka investuar gjithashtu te Salford City.

GOAL e përllogarit pasurinë e Beckham rreth 2 miliardë euro. Përmes kompanive të tij, ai administron një numër të madh aktivitetesh, marrëveshjesh tregtare dhe investimesh në sport.

Mathieu Flamini – sipërmarrja në bioteknologji

Mathieu Flamini u bë pjesë e industrisë së bioteknologjisë pasi bashkëthemeloi GF Biochemicals, pas eksperiencave të tij me Arsenalin dhe Milanin.

GF Biochemicals merret me prodhimin e acidit levulinik, një material me origjinë bimore që mund të shërbejë si zëvendësues më i qëndrueshëm i derivateve të naftës në produkte të ndryshme.

Sipas GOAL, pasuria e Flaminit shkon në rreth 11 miliardë euro. Megjithatë, ish-mesfushori francez ka sqaruar se vlera e aseteve të kompanisë nuk është e njëjtë me pasurinë e tij personale në para të gatshme.

Gerard Piqué – media, Kings League dhe FC Andorra

Gerard Piqué e ktheu interesin e tij për sportin në një sipërmarrje me ndikim të madh mediatik. Në vitin 2017 ai krijoi Kosmos Global Holding, kompani që vepron në sektorët e sportit, medias dhe argëtimit.

Projekti që i ka sjellë më shumë vëmendje është Kings League. Ky kompeticion i futbollit me shtatë lojtarë ka fituar një audiencë të gjerë në internet dhe është shtrirë në tregje të ndryshme.

Piqué zotëron edhe FC Andorrën, ndërsa pasuria e tij llogaritet në rreth 100 milionë euro.

Lukas Podolski – restorante, akullore dhe muzikë

Fituesi i Kupës së Botës me Gjermaninë në vitin 2014 ka investuar në disa lloje biznesesh.

Ai ka ngritur rrjetin e restoranteve Mangal Döner dhe ka krijuar markën e akullores Ice Cream United. Podolski është përfshirë gjithashtu në organizimin e një prej festivaleve më të mëdha muzikore në Gjermani.

Ish-futbollisti është ndër bashkëthemeluesit e Baller League dhe ka marrë shumicën e aksioneve të klubit ku u rrit, Górnik Zabrze.

Gary Neville – sipërmarrje në prona, hoteleri dhe media

Legjenda e Manchester Unitedit ka shtrirë aktivitetin e tij në pasuritë e paluajtshme, hoteleri, media dhe sport.

Neville është bashkëpronar i Salford Cityt dhe ka marrë pjesë në projekte si Hotel Football, Stock Exchange Hotel dhe platforma mediatike The Overlap.

Ai është gjithashtu bashkëthemelues i University Academy 92, ndërsa vijon të jetë një prej analistëve më të njohur të futbollit në Angli. Pasuria e tij vlerësohet nga 80 deri në 120 milionë euro.

Michael Owen – investimet në garat me kuaj

Michael Owen, fitues i Topit të Artë në vitin 2001, ka orientuar një pjesë të konsiderueshme të pasurisë drejt sportit të garave me kuaj.

Kur ishte vetëm 22 vjeç, ai bleu Manor House Stables në Cheshire dhe e zhvilloi atë si një qendër moderne për përgatitjen e kuajve të garave.

GOAL vlerëson se pasuria e ish-sulmuesit të Liverpoolit, Real Madridit dhe Manchester Unitedit është më e madhe se 60 milionë euro.

Louis Saha – platformë teknologjike për sportistë dhe artistë

Louis Saha, ish-sulmues i Manchester Unitedit, Fulhamit dhe Evertonit, identifikoi një mundësi të re biznesi përpara se të përfundonte karrierën.

Ai bashkëthemeloi AxisStars, një platformë digjitale që u ofron sportistëve dhe artistëve ndihmë në administrimin e karrierës, investimeve dhe jetës pas pensionimit.

Sipas artikullit, vlera e kompanisë tashmë ka kaluar 5 miliardë euro.

The post Nga stadiumi te sipërmarrja: shtatë futbollistë që krijuan perandori biznesi appeared first on Albeu.com.

Dy nga skuarat që kanë fituar më së shumti këtë kompeticion, plot 13 herë, rikthehen të luajnë pas shumë vitesh.

Dy herët e kaluara Liverpooli dhe Milani janë takuar vetëm në finale, me dy skuadrat që kanë fituar nga një herë.

Michael Owen ka thënë se Reds do të fitojnë në këtë sfidë me rezultat 2-0.

“Anfield pret Liverpoolin kundër Milanit në Grupin B. Ky është grupi më i vështirë për t’u parashikuar me katër skuadrat e përfshira që kanë luajtur në 25 finale të Kupës Evropiane mes tyre. Nëse Liverpooli do të kalojë në fazën e eliminimit është thelbësore që ata të kenë një fillim të mirë dhe unë dua që ata ta bëjnë këtë me një fitore 2-0“, ka thënë legjenda e Liverpoolit.

Ndeshja në mes të Liverpoolit dhe Milanit luhet nga ora 21:00

The post Liverpool – Milan, Michael Owen parashikon rezultatin appeared first on Albeu.com.