Ndryshe nga cfarë u raportua në media, policia bën me dije se ka qënë një polic që ka nxjerrë armën dhe për pasojë janë plagosur dy policë, por pa bërë me dije kush ka qëlluar mbi policët.

“Një nga punonjësit e Policisë ka nxjerrë armën e shërbimit dhe ka qëlluar dhe për pasojë janë plagosur dy kolegët e tij, I. Z. dhe F. LL., si dhe një nga personat e përfshirë në konflikt, shtetasi N. V., të cilët ndodhen jashtë rrezikut për jetën…”- njofton policia e Shtetit.

Më herët u raportua se shtetasit që u konfliktuan dhe qëlluan mbi policinë janë të afërmit e ish-deputetit Mhill Fufi, por në njoftimin e policisë nuk flitet për asnjë të shoqëruar apo të arrestuar për këtë ngjarje.

Njoftimi i policisë:

Rreth orës 13:35, në qendër të qytetit të Mamurrasit disa persona janë konfliktuar me punonjësit e Policisë të Patrullës së Përgjithshme që ishte me shërbim në qytet.

Një nga punonjësit e Policisë ka nxjerrë armën e shërbimit dhe ka qëlluar dhe për pasojë janë plagosur dy kolegët e tij, I. Z. dhe F. LL., si dhe një nga personat e përfshirë në konflikt, shtetasi N. V., të cilët ndodhen jashtë rrezikut për jetën.

Është krijuar menjëherë një grup i posaçëm hetimor, i përbërë nga Specialistë të Hetimit në Shërbimin për Çështjet e Brendshme dhe Ankesat në Ministrinë e Brendshme dhe Specialistë të Hetimit në Drejtorinë Vendore të Policisë Lezhë, dhe nën drejtimin e drejtuesit të Prokurorisë së Rrethit Gjyqësor Kurbin, vijon puna intensive në vendin e ngjarjes, duke administruar çdo provë dhe po marrin dëshmi, me qëllim sqarimin në mënyrë të plotë dhe të gjithanshme të kësaj ngjarjeje.

Informacion më të detajuar do të japë Shërbimi për Çështjet e Brendshme dhe Ankesat, në përfundim të veprimeve të para hetimore.

The post Asnjë fjalë për të afërmit e ish-deputetit, policia ia lë fajin efektivit: Nxorri armën! appeared first on Albeu.com.

Burimet bëjnë me dije se autorët e këtij krimi janë kushërinjtë e ish-deputetit socialist, Mhill Fufi, konkretisht Gentian Fufi, Besmir Fufi alias Gjoni dhe Rudolf Fufi.

Të plagosur nga kjo ngjarje kanë mbetur dy policët Flamur Lleja dhe Ilir Zekaj, dhe një qytetar.

Burimet për albeu.com bëjnë me dije se në vendngjarje janë nisur edhe Drejtori i Përgjithshëm i Policisë se Shtetit, Ardi Veliu, së bashku me Drejtorin e Departamentit te Policisë Kriminale, Tonin Vocaj.

Deri më tani dyshohet se në polici janë shoqëruar deri në 7 persona, ndërkohë pritet version zyrtar mbi ngjarjen. /albeu.com/

The post Qëlluan me armë mbi policët, autorët janë të afërmit e ish-deputetit socialist appeared first on Albeu.com.