mexhir picari Archives - Albeu.com

Vrau dhëndrin që po i ndante vajzën, zbulohet kur del para gjykatës Mexhit Picari

admin — Sun, 06 Jun 2021 09:22:18 +0000

Mexhit Picari, 53-vjeçari që la të vdekur ish-dhëndrin e tij Kudrejt Saliajn dhe plagosi avokatin Adriatik Camën dy ditë më parë, del të hënën para Gjykatës bashkë me vajzën e tij, Dhurata Saliaj.

Ngjarja e rëndë ndodhi dy ditë më parë në një lokal pranë Gjykatës së Tiranës, ku Mexhit Picari qëlloi për vdekje dhëndrin e tij, Kudret Saliaj dhe plagosi avokatin e tij, Adriatik Camajn.

Ky i fundit fatmirësisht është jashtë rrezikut për jetën, ndërsa ngjarja ka ndodhur në mes të ditës në një nga zonat më të frekuentuara të Tiranës.

Autori dhe e bija, janë të dy pas hekurave, pasi akuzohen për vrasjen e Saliajt. Prokuroria pritet të kërkojë të hënën në gjykatën Penale të Tiranës masën e sigurimit “arrest me burg”.

The post Vrau dhëndrin që po i ndante vajzën, zbulohet kur del para gjykatës Mexhit Picari appeared first on Albeu.com.

Qëlloi disa herë pa mëshirë, si vjehrri i mori jetën ish-dhëndrit në lokal, ish-prokurori plagoset rastësisht (FOTO LAJM)

admin — Fri, 04 Jun 2021 10:32:06 +0000

Sot në mesditë ndodhi një krim i rëndë në Gjykatën e Tiranës, ku mbeti i vrarë një person dhe një tjetër u plagos.

Autor i dyshuar i krimit, shtetasi me inicialet M.P., ka hyrë në një lokal ku ishte ulur ish-dhëndri i tij dhe ka qëlluar disa herë me armë, duke i marrë atij jetën.

Ndërkohë që është plagosur lehtë ish-prokurori, aktualisht avokat, Adriatik Cama, i cili është transportuar në spital. Mësohet se çifti ka qenë në proces divorci, duke e çuar autorin drejt aktit të rëndë.

Menjëherë autori i dyshuar i ngjarjes është larguar me një automjet tip ‘Hyundai’. /albeu.com/

The post Qëlloi disa herë pa mëshirë, si vjehrri i mori jetën ish-dhëndrit në lokal, ish-prokurori plagoset rastësisht (FOTO LAJM) appeared first on Albeu.com.

Vrajse me armë zjarri në Tiranë (VIDEO)

E B — Fri, 04 Jun 2021 09:52:53 +0000

Të shtëna me armë zjarri janë dëgjuar pak më parë në Tiranë dhe mësohet se është vrarë një person. Ngjarja ka ndodhur në afërsi të Gjykatës së Tiranë, në një lokal.

Ndërkohë mësohet se viktima është qëlluar 4-5 herë me armë dhe se i plagosur ka mbetur edhe një ish-prokuror, tashmë me profesion avokat, Adriatik Cama.

Rrethanat e vrasjes janë ende të paqarta, ndërsa policia dhe ambulanca ndodhen në vendngjarje

Policia ka identifikuar autorin e vrasjes dhe plagosjes.

Njoftimi i policisë:

Tiranë/Informacion paraprak

Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën.

Shërbimet e Policisë vijojnë krehjen e zonës për kapjen e autorit të dyshuar, shtetasi M. P.

Janë ngritur pika kontrolli në hyrje dhe dalje të qytetit të Tiranës.

Grupi hetimor, në bashkëpunim me Prokurorinë, po punon për sqarimin e rrethanave të ngjarjes./albeu.com

The post Vrajse me armë zjarri në Tiranë (VIDEO) appeared first on Albeu.com.