Meunier Archives - Albeu.com

Marcos Alonso duket i komplikuar, Barcelona interesohet për Meunier

E S — Tue, 16 Aug 2022 11:10:31 +0000

Barcelona nuk po ndalet këtë merkato. Gjigantët katalanas kanë nënshkruar me lojtarë si Robert Lewandowski, Andreas Christensen, Franck Kessie, Raphinha dhe Jules Kounde këtë verë, por duket se nuk do të ndalet me aq.

“Merkato nuk është mbyllur akoma, mund të bëjmë të tjera afrime”, deklaroi presidenti Joan Laporta, ndërkohë që Xavi pret një mbrojtës të djathtë.

Emri i fundit që lidhet me klubin katalanas është Thomas Muenier.

Katalanasja ‘Sport.es’ shkruan se Barcelona po tenton të sigurojë një akord me lojtarin e Borussia Dortmund, me klubin gjerman që heziton të heqë dorë nga shërbimet e 30-vjeçarit belg.

Klubi spanjoll ka gati 10 milionë euro për kartonin e lojtarit, por drejtuesit e Dortmundit kërkojnë të paktën 15 milionë.

Diferenca nuk është e madhe dhe ditët e ardhshme mund të sjellin akordin zyrtar mes klubeve.

The post Marcos Alonso duket i komplikuar, Barcelona interesohet për Meunier appeared first on Albeu.com.

Meunier tregon ngjashmëritë dhe dallimet midis Mbappe-Haaland

admin — Sun, 06 Feb 2022 15:15:08 +0000

Pak lojtarë mund të thonë se kanë luajtur me dy sensacionet e reja të futbollit botëror, Kylian Mbappe dhe Erling Haaland, por Thomas Meunier është një prej tyre dhe ai beson se francezi është pak më përpara se norvegjezi për sa i përket aftësive teknike.

Mbrojtësi i Borussia Dortmundit, dikur i Paris Saint-Germain, tregoi dallimet dhe ngjashmëritë mes dyshes.

“Ata nuk kanë të njëjtin stil”, tha ai për “L’Equipe”.

Ata janë sportistë të mëdhenj, janë të kompletuar, kështu që kanë karakteristika të përbashkëta: shpërthyes, shpejtësi, aftësi kërcimi, qëndrueshmëri, mund të përdorin të dyja këmbët…

Por, teknikisht, unë shoh se Mbappe është përpara. Haaland, fizikisht, është një numër 9 i vërtetë. Nuk mund ta quash atë nr.7 ose nr.11, ai është një golashënues i pastër.

Të dy janë vërtet të mirë, por Kylian ka atë karakteristikë shtesë. Kur mendojmë për Ronaldon brazilian ose Thierry Henry, ai ka atë instinkt të lojtarëve të mëdhenj që mund ta bëjnë atë një legjendë të futbollit.”

Pavarësisht rinisë së tij, Meunier beson se Mbappe është ai që bën diferencën në PSG./ h.ll/albeu.com

The post Meunier tregon ngjashmëritë dhe dallimet midis Mbappe-Haaland appeared first on Albeu.com.

“Gëzohem që u njohëm”? Meunier tregon bisedën me presidentin e Realit: E kupton që më dëmtove Hazardin?

admin — Fri, 18 Jun 2021 21:49:52 +0000

Eden Hazard ishte një nga blerjet e bujshme të Realit të Madridit, por që në fund nuk i justifikoi kurrsesi paratë e shpenzuara për ta sjellë në kryeqytetin spanjoll. Belgu ka rënë shpesh herë pre e dëmtimeve, gjë që ka shqetësuar së tepërmi presidentin Florentino Perez.

Këtë e vërteton edhe historia e treguar nga Thomas Meunier, i cili tregon bisedën me presidentin e Realit pas duelit mes PSG-së dhe galaktikëve në Champions League ku Hazard mbeti i dëmtuar pas një përplasjeje me mbrojtësin belg.

“Pas ndeshjes, unë jam në korridor dhe shoh Florentino Perezin. I shtrëngoj dorën dhe i them ‘Gëzohem që ju njoha‘. Dhe pastaj ai përgjigjet në frëngjisht: ‘Gëzohem që u takuam? A e kuptoni që e keni lënduar Eden Hazard? Dhe ju më thoni, “Gëzohem që u njohëm?!”. Unë thashë: “Unë e lëndova Eden Hazard? Pra, është faji im që ai u lëndua atje?”. Ai [Perez] tha, ‘Po, po, është faji yt!’“, ka treguar Thomas Meunier. /sportekspres/

The post “Gëzohem që u njohëm”? Meunier tregon bisedën me presidentin e Realit: E kupton që më dëmtove Hazardin? appeared first on Albeu.com.