Përmes një postimi në Instagram Story, Dua Lipa publikoi logon e UÇK-së, të shoqëruar me hashtagun “Liria Ka Emër”.

Këngëtarja ndau gjithashtu të dhëna mbi pasojat e luftës në Kosovë, ku përmenden rreth një milion refugjatë, 11 mijë të vrarë, 1 mijë e 24 fëmijë të vrarë, 20 mijë persona të dhunuar dhe 1 mijë e 600 të zhdukur.

Edhe Rita Ora reagoi pas vendimit të Hagës, duke publikuar në Instagram një fotografi nga “Image of Kosovo”, ku shihet emblema e Ushtrisë Çlirimtare të Kosovës.

“Duke luftuar për Kosovën që sot e quajmë shtëpi”, thuhet në përshkrimin e imazhit të publikuar prej saj.

Reagimet e dy këngëtareve shqiptare erdhën pas vendimit ndaj katër ish-krerëve të UÇK-së, aktgjykim që ka nxitur reagime të shumta në Kosovë, Shqipëri dhe diasporë.

The post Pas aktgjykimit në Hagë, Dua Lipa dhe Rita Ora shprehin mbështetje për UÇK-në appeared first on Albeu.com.