Ndërprerja shkaktoi kaos, veçanërisht për ata që ktheheshin në Andaluzi pas festimeve tre-ditore të Ditës së Nënës në Spanjë .

Ministri i Transportit Oscar Puente tha të hënën në mëngjes në radion Cadena Ser se përfitimi ekonomik i një veprimi të tillë është i papërfillshëm në krahasim me dëmin që shkakton.

“Nuk do ta quaja thjesht vjedhje është sabotim “, shtoi ai, duke vënë në dukje se veprimi ishte i koordinuar dhe i kryer në një zonë pa kamera sigurie.

Përveç vjedhjes së kabllove, sipas një deklarate nga kreu i kompanisë shtetërore hekurudhore Renfe, pati edhe një problem mekanik në një tren tjetër, i cili shkaktoi dëmtime në linjën e energjisë.

Kompania u bëri thirrje pasagjerëve që shkojnë në Toledo dhe zona të Andaluzisë të mos udhëtojnë për në stacionin Atocha të Madridit para orës 8 të mëngjesit.

Renfe njoftoi se rrugët e prekura do të fillojnë të rivendosen gradualisht nga ora 9:30 e mëngjesit, më shumë se 15 orë pas ndërprerjes së plotë të trafikut.

Sipas kompanisë, rreth 30 trena me një total prej 10,700 pasagjerësh mbetën të bllokuar midis stacioneve, ndërsa mijëra të tjerë u përballën me anulime ose vonesa të gjata.

The post Spanjë/ Mijëra pasagjerë bllokohen në trena për orë të tëra, shkak vjedhja e kabllove në linjat hekurudhore appeared first on Albeu.com.

Këmba e gjymtuar u gjet e hedhur në trasenë e linjës 4 në zonën e Bronx dhe policia po përpiqet të zbulojë kujt i përket dhe si përfundoi në shinat e metrosë.

Autoritetet nuk kishin përcaktuar ende nëse i përkiste një burri apo një gruaje, dhe nuk thane në çfarë gjatësie gjymtyri ishte prerë.

Zbulimi i vrazhdë vjen pas një seri incidentesh të dhunshme në transportin publik, duke përfshirë rrahjen e një violiçelisti në stacionin Herald Square si dhe të shtënat e javës qe shkoi në Bronx ku një person humbi jetën.

Mbrëmjen e të hënës një burrë 57-vjecar u gjet i vdekur në një vagon të metrosë së New York, teksa policia tha se mjete për përdorimin e drogave ishin gjetur në trupin e tij.

Gjetja e një këmbe njerëzore të gjymtuar në binarë është një pamje që shokon përdoruesit e transportit, pa llogaritur pasojat për viktimën e ngjarjes.

Kryebashkiaku i New York, Eric Adams, thotë se ka shtuar 1,000 police me uniformë dhe civilë në sistemin e patrullave, por krimi është rritur me 22% që prej nisjes së vitit, sipas shifrave të policisë së metropolit.

The post Këmba njerëzore e gjetur në metronë e New York tmerron pasagjerët dhe zyrtarët e rendit appeared first on Albeu.com.

Në të njëjtën kohë po shtohen zërat që kërkojnë arrestimin e autorit.

Afrikano-amerikani Jordan Neely, 30 vjeç, ishte një “i famshëm i vogël” në qytet: ai vishej si Michael Jackson dhe kërcente në rrugë, duke imituar yllin e popit.

Të hënën, pas një debati me pasagjerë të tjerë të metrosë, njëri prej tyre i vuri krahun në fyt tjetrit, derisa humbi ndjenjat. Ai u dërgua në spital, ku dha frymën e fundit.

Incidenti u filmua në një celular dhe tronditi qytetin: në videon pesëminutëshe, Neely mund të shihet i shtrirë në dyshemenë e vagonit ndërsa një burrë tjetër – një marinar 24-vjeçar, sipas mediave amerikane – është shtrirë sipër tij për ta penguar të ngrihet në këmbë dhe e shtrëngon pjesën e sipërme të trupit. Dy burra të tjerë i mbajnë duart. Pasagjerët e tjerë, duke qëndruar mbi dy burrat, duken të shqetësuar.

Një dëshmitar i tha AFP se Neely hipi në vagon dhe filloi t’u bërtiste pasagjerëve të tjerë, duke u kërkuar atyre diçka për të ngrënë ose pirë.

Policia e mori në pyetje të dyshuarin për mbytjen të hënën dhe e liroi atë. Detajet e tij nuk janë bërë të ditura.

Prokuroria e Manhatanit po heton ngjarjet, duke shqyrtuar raportin mjeko-ligjor, videon dhe fotot e përballjes së viktimës me pasagjerët. Ata po mbledhin gjithashtu rrëfime të dëshmitarëve okularë dhe do të shqyrtojë të dhënat mjekësore të Neely.

Neely ishte arrestuar dhjetëra herë në të kaluarën, kryesisht për prishje të qetësisë.

Kryetari i Bashkisë së Nju Jorkut, Eric Adams tha se “çështjet serioze të shëndetit mendor” luajtën një rol në ngjarje, por nuk pranoi të komentojë më tej ndërsa hetimi vazhdon. Ai vetëm shtoi se komuna po punon për kujdesin e të pastrehëve dhe largimin e tyre nga rrugët dhe stacionet e metrosë.

The post Tronditëse në metronë e Nju Jorkut, pasagjerët mbysin një të pastrehë me ngjyrë, asnjë i arrestuar appeared first on Albeu.com.

“Gjashtëmbëdhjetë njerëz u dërguan në spitale. Në këtë kohë, për fat të keq është raportuar një vdekje”, shkroi kryebashkiaku Claudia Scheinbaum në Twitter.

Sipas indikacioneve fillestare, dy trenat u përplasën, për një arsye ende të panjohur, brenda një tuneli që lidh stacionet Potrero dhe La Rasa në Linjën 3 të Metrosë, që përshkon Meksikën në një aks veri/jug.

Lo que nos faltaba…

Una colisión de trenes en el Metro de la CDMX. ¿Cómo es posible que choquen? Ahhh, si. Porque se quemó el centro de mando y hay nulo mantenimiento.

claudia sheinbaum ha sido lo PEOR que le ha pasado a la Ciudad de México.pic.twitter.com/u1MzlQVGco

— ?El Zombie II? (@DimeFred2) January 7, 2023

Metroja e Meksikës shpesh kritikohet kryesisht për mirëmbajtjen e dobët të objekteve të saj. Në maj 2021, një urë u shemb ndërsa një tren po kalonte, duke vrarë 26 persona dhe duke plagosur të paktën 100.

Metro funksionon që nga viti 1969, ka 12 linja, 195 stacione dhe një rrjet linjash prej 226 km. Në vitin 2021 transportoi 837 milionë pasagjerë. /albeu.com

The post Përplasen trenat e metrosë në Meksikë, një viktimë dhe 16 të plagosur appeared first on Albeu.com.